መዝሙረ ዳዊት Psalm

ገጽካ ኻብ ሓጢኣተይ ከውሎ፣ ንብዘሎ ኣበሳይውን ደምስሶ። ዎ ኣምላኽ፣ ጽሩይ ልቢ ፍጠረለይ።

ሚጥ ገጸከ እምኃጢአትየ፤
ወደምስስ ሊተ ኵሎ አበሳየ፤
ልበ ንጹሐ ፍጥር ሊተ እግዚኦ።

ወንጌል Gospel

1. ሽዑ ኢየሱስ ሽዱሽተ መዓልቲ ቕድሚ ፋሲካ ናብታ ንሱ ኻብ ምውታት ዘተንሥኦ ኣልኣዛር ዝነበራ፥ ቢታንያ ዝተባህለት ዓዲ መጸ። 2. ኣብኣ ኸኣ ድራር ገበሩሉ፥ ማርታውን ተገልግል ነበረት፥ ካብቶም መቓምጡ ሓደ ኸኣ ኣልኣዛር ነበረ። 3. ማርያም ድማ ሓደ ፍርቂ ኣበሰንቲ ዚኸውን ብጽሩይ ናርዶስ ዝተሠርሐ ብዙኅ ዝዋግኡ ቕዱይ ሽቱ ወሲዳ ኣእጋር ኢየሱስ ቀብአት፥ ብፀጕሪ ርእሳውን ደረዘቶ። እታ ቤት ከኣ ብመኣዛ እቲ ሽቱ መልአት። 4. ሓደ ካብቶም ደቀ መዛሙርቱ፥ እቲ ኼትኅዞ ዘለዎ ይሁዳ ኣስቆሮታዊ ወዲ ስምዖን ግና፥ 5. “እዚ ቕዱይ ሽቱ እዚ ከመይ ግዳ ንሠለስተ ሚእቲ ዲናር ተሸይጡስ ንድኻታት ዘይወሃብ፧” በለ። 6. እዚ ዝበለ ሰራቒ ስለ ዝኾነ እዩ እምበር ንድኻታት ሓልዩሎም ኣይኮነን፤ ተኃዝ ማኅፉዳ ስለ ዝነበረ ካብቲ ኣብኡ ዝኣተወውን የልዕል ነበረ። 7. ስለዚ ኢየሱስ “ንመዓልቲ ቐብረይ ዘዳለወቶ እዩ እሞ ኅደጋ። 8. ድኻታትሲ ዅሉ ሳዕ ምሳኻትኩም ኣለዉ፤ ንኣይ ግና ዅሉ ሳዕ ኣይትረኽቡንን ኢኹም” በሎ። 9. ድኅርዚ ኻብ ኣይሁድ ብዙኃት ሰብ፥ ኢየሱስ ኣብኡ ኸም ዘሎ ፈሊጦም፥ ናብ ቢታንያ መጹ። እንተኾነ ነቲ ካብ ምውታት ዘተንሥኦ ኣልኣዛርውን ኪርእዮ ኸኣ እምበር ምእንቲ ኢየሱስ ጥራይ ኢሎም ኣይኮነን ዝመጹ። 10. - 11. ብዙኃት ኣይሁድ ብምኽንያት ኣልኣዛር እናኸዱ ብኢየሱስ ይኣምኑ ስለ ዝነበሩ፥ ሊቃነ ካህናት ንኣልኣዛር ድማ ኺቐትልዎ ተማኸሩ። ብወልድ ዝአምን ናይ ዘልኣለም ሕይወት ኣለዎ።

መልእክተ ጳውሎስ Pauline Epistle

13. ሕጂ ግና፥ ንስኻትኩም እዞም ቀደም ርሑቓት ዝነበርኩም፥ ብክርስቶስ ኢየሱስ ኣቢልኩም፥ ማለት ብምፍሳስ ደሙ ቐረብኩም። 14. ንሱ ነቲ ኣብ መንጎ ዝነበረ፥ ናይ ጽልኢ ከልካሊ መንደቕ ብሥጋኡ ብምፍራስ፥ ነቶም ክልተ ሓደ ዝገበረ፥ ሰላምና እዩ። 15. ነቶም ክልተ ዝነበሩ ብእኡ ሓደ ሓድሽ ሰብ ምእንቲ ኺገብሮም፥ ንሕጊ ምስ ትእዛዛቱን ሥርዓቱን ኣፍሪሱ ሰላም ገበረ። 16. ኣብ መስቀል ተሰቒሉ ብሙማት ነቲ ጽልኢ ደምሰሶ፥ ንኽልቲኦም ሓደ ብምግባር ከኣ ብመስቀሉ ምስ ኣምላኽ ኣተዓረቖም። 17. መጺኡ ኸኣ ንኣኻትኩም ነቶም ርሑቓት ዝነበርኩም ሰላም ኣበሠረኩም፥ ነቶም ቀረባ ዝነበሩ ኸኣ ሰላም ኣበሠሮም። 18. ከመይ ክልቴና፥ ብእኡ ኢና ብሓደ መንፈስ ናብ ኣቦ እንኣቱ። 19. - 20. እምበኣር ንስኻትኩም ኣብቲ ኢየሱስ ክርስቶስ ባዕሉ እምኒ መኣዝኑ ዝኾነ መሠረት ነቢያትን ሓዋርያትን ዝተነደቕኩም፥ ደጊም ደቂ ዓዶም ንቕዱሳንን ስድራ ቤቱ ንኣምላኽን ኢኹም እምበር፥ ኣጋይሽን ወጻእተኛታትን ኣይኮንኩምን። 21. እቲ ሕንጻ ብምሉኡ ዝተቐደሰ ቤት መቕደስ ምእንቲ ኪኸውን ብጐይታ እናተኣሳሰረ ይዓቢ። 22. ንስኻትኩምውን ኣምላኽ ብመንፈሱ ኺኃድረኩም ኃቢርኩም ኣብኡ ትሕነጹ ኣሎኹም።

ዘካልእ መልእክት Universal Epistle

17. ግናኸ ዝኾነ ይኹን ጥሪት እዛ ዓለም እዚኣ ዘለዎ እሞ ኃዉ ተሸጊሩ ኸሎ እናረኣዮ እንተ ዘይደንገጸሉ፥ ከመይ ኢሉ ደኣ ንኣምላኽ አፍቅር እየ ኺብል ይኽእል፧ 18. ኣቱም ደቀየ፥ ብግብርን ብሓቅን እምበር፥ ብቓልን ብልሳንን ኣይንፋቐር። 19. - 20. ካብ ሓቂ ምዃንና ኸኣ በዚ ኽንፈልጥ ኢና። ሕሊናና እንተ ነቐፈና ድማ ኣምላኽ ካብ ኵሉ ዚዓብን ኵሉ ዚፈልጥን ስለ ዝኾነ ንልብና ኣብ ቅድሚኡ ከነህድኦ ኢና። 21. ኣቱም ፍቁራተይ! ልብና እንተ ዘይነቐፈና ግና ኣብ ቅድሚ ኣምላኽ ትብዓት ኣሎና። 22. ንትእዛዛቱ እንሕሉን ኣብ ቅድሚኡ ባህ ዜብሎ እንገብርን ስለ ዝኾንና ድማ ነቲ እንልምኖ ዘበለ ኻብኡ ንቕበል ኢና። 23. ትእዛዙ፥ ከምቲ ንሱ ዝኣዘዘና ጌርና፥ ብስም ወዱ ኢየሱስ ክርስቶስ ክንኣምንን ንሓድሕድናውን ክንፋቐርን እዩ። 24. እቲ ትእዛዛት እግዚኣብሔር ዚሕሉ እግዚኣብሔር ኣብኡ ይነብር። ንሱውን ኣብ እግዚኣብሔር ይነብር። እግዚኣብሔር ኣባና ኸም ዚነብር ከኣ፥ በቲ ዝሃበና መንፈስ ኢና እንፈልጥ።

ግብረ ሃዋርያት Acts

1. ፊስጦስ ናብታ ግዝኣቱ ምስ መጸ፥ ድኅሪ ሠለስተ መዓልቲ ካብ ቂሳርያ ናብ ኢየሩሳሌም ከደ 2. ሊቃነ ካህናትን መኳንንቲ ኣይሁድን ድማ ብዛዕባ ጳውሎስ ነገርዎ። 3. ኣብ መገዲ ኣድብዮም ኪቐትልዎ መዲቦም ስለ ዝነበሩ ኸኣ “ንጳውሎስ ናብ ኢየሩሳሌም ኣምጽኣልና” ኢሎም ለመንዎ። 4. ፊስጦስ ድማ፥ “ጳውሎስ ኣብ ቂሳርያ እዩ ዚሕሎ ዘሎ፥ ኣነ ኸኣ ቐልጢፈ ናብኡ ኽምለስ ሓሲበ ኣሎኹ” ኢሉ መለሰሎም። 5. “እምበኣር ካባኻትኩም ወዳእቲ ነገር ምሳይ ይምጽኡ እሞ፤ ኣብቲ ሰብኣይ እቲ ገለ በደል እንተሎ ይኽሰስዎ” በሎም። 6. ፊስጦስ ምስኣቶም ገለ ሸሞንተ ወይ ዓሠርተ መዓልቲ ምስ ቀነየ፥ ናብ ቂሳርያ ወረደ፤ ንጽባሒቱ ድማ ኣብ መንበር ፍርዲ ተቐሚጡ ንጳውሎስ ኬምጽእዎ ኣዘዘ። 7. ጳውሎስ ምስ መጸ ኸኣ እቶም ካብ ኢየሩሳሌም ዝወረዱ ኣይሁድ ከቢቦምዎ ደው በሉ። መርትዖ ኪረኽቡሉ ዘይክእሉ ብዙኅን ከቢድን ክሲ ድማ ኸሰስዎ። 8. ጳውሎስ ድማ “ኣነ ኣብ ልዕሊ ሕጊ ኣይሁድ ኮነ፥ ኣብ ልዕሊ ቤት መቕደስ፥ ወይ ኣብ ልዕሊ ቄሣር ኣይበደልኩን” ኢሉ ተመጻረየ።

ስንክሳር Synaxarium

ተዝካረ በዓላ ለእግዝእትነ ማርያም
ወማቱሳላ
ወጢሞቴዎስ ሰማዕት
ወቴዎድሮስ
ወተቀብዖተ እግዚእነ ዕፍረተ

መዝሙር Psalm

ጸላእተይ ግና ህያዋንን ሓያላትን እዮም፣ ብዘይ ምኽንያት ዚጸልኡኒ ኸኣ ብዙሓት እዮም። ንሰናይ እስዕቦ ስለ ዘሎኹ ድማ፣ ኣብ ክንዲ ሰናይ እከይ እናፈደዩ ይቃወሙኒ ኣለዉ።

ወበዝኁ እለ በዐመፃ ይጸልኡኒ፤
እለ ይፈድዩኒ እኪተ ህየንተ ሠናይት፤
ወያስተዋድዩኒ በተሊወ ጽድቅ።

ወንጌል Gospel

46. ገሊኦም ግና ናብ ፈሪሳውያን ከይዶም ነቲ ኢየሱስ ዝገበሮ ነገርዎም። 47. እቶም ሊቃነ ካህናትን ፈረሳውያንን ከኣ ጉባኤ ኣኪቦም “እዚ ሰብኣይ እዚ ብዙኅ ተኣምራት ይገብር ኣሎ እሞ እንታይ ንግበር፧ 48. ከምዚ ኢሉ ኪቕጽል እንተ ኃደግናዮ፥ ኵሉ ብእኡ ኺኣምን እዩ፤ ሮማውያን ድማ መጺኦም ምድርናን ሕዝብናን ኬኅድጉና እዮም” በሉ። 49. ሓደ ኻብኣቶም ቀያፍ ዝስሙ በታ ዓመት እቲኣ ሊቀ ካህናት ዝነበረ፥ “ንስኻትኩም ሓንቲ እኳ ኣይትፈልጡን ኢኹም፤ 50. ኵሉ ሕዝቢ ካብ ዚጠፍእስ ሓደ ሰብኣይ በጃ ሕዝቢ እንተ ሞተ ከም ዝኅሸናዶ ከቶ ኣይትሓስቡን ኢኹም” በሎም። 51. እዚ ዝበለ ግና በታ ዓመት እቲኣ ሊቀ ካህናት ስለ ዝነበረ፥ ኢየሱስ በጃ ሕዝቢ ኪመውት ከም ዘለዎ ተነብዩ እዩ እምበር ካብ ገዛእ ርእሱ ኣይኮነን። 52. ነቶም ፉሕ ዝበሉ ደቂ ኣምላኽ ናብ ሓደ ኺእክቦም ከኣ እምበር በጃ ሕዝቢ ጥራይ ኪመውት ኣይኮነን። 53. ስለዚ ኻብታ መዓልቲ እቲኣ ጀሚሮም ኪቐትልዎ ተማኸሩ። ብወልድ ዝአምን ናይ ዘልኣለም ሕይወት ኣለዎ።

ቅዳሴ Liturgy :

መዝሙረ ዳዊት Psalm

ነቶም ደፋራት፣ ኣይትድፈሩ፣ ንረሲኣንውን፣ ቀርንኹም ኣይተልዕሉ፣ በልክዎም። ቀርንኹም ንላዕሊ ኣይተልዕሉ፣ ክሳድኩም ኣትሪርኩም ኣይትዛረቡ።

ወእለሂ ይኤብሱ ኢያንሥኡ ቀርኖሙ፤
ወኢያንሥኡ ቀርኖሙ ውስተ አርያም፤
ወኢይንብቡ ዓመፃ ላዕለ እግዚአብሔር።

ወንጌል Gospel

28. ኢየሱስ እዚ ምስ ተዛረበ ናብ ኢየሩሳሌም ኪድይብ ቀቅድሚኦም ከደ። 29. ናብ ቤተ ፋጌን ቢታንያን ኣብ ጥቓ ደብረ ዘይቲ ዚብሃል እምባ ምስ ቀረበ፥ ካብ ደቀ መዛሙርቱ ከምዚ ዚስዕብ እናበለ ኽልተ ለኣኸ፦ 30. “ናብዛ ኣብ ቅድሜኹም ዘላ ዓዲ ኺዱ፤ ኣብኣ ምስ ኣቶኹም፥ ሰብ ዘይተወጥሖ እሱር ጻዕብ ክትረኽቡ ኢኹም፤ ንእኡ ፈቲሕኩም ኣምጽእዎ። 31. ሓደ፥ ‘ስለምንታይ ትፈትሕዎ ኣሎኹም፧’ ኢሉ እንተ ሓተተኩም ከኣ፥ ‘ጐይታ ይደልዮ አሎ’ በልዎ።” 32. እቶም ዝተላእኩ ኸይዶም ከምቲ ዝበሎም ረኸቡ። 33. ንሳቶም ነቲ ጻዕብ ኪፈትሕዎ ኸለዉ፥ ዋናታቱ “ነዚ ጻዕብ ስለምንታይ ትፈትሕዎ ኣሎኹም፧” በልዎም። 34. ንሳቶም ድማ “ጐይታ ይደልዮ ኣሎ፥” በልዎም። 35. ናብ ኢየሱስውን ኣምጽእዎ። ኣብቲ ጻዕብ ክዳውንቶም ምስ ጐዝጐዙሉ ኸኣ ንኢየሱስ ኣብኡ ኣወጥሕዎ። 36. ንሱ ኪኸይድ ከሎ ኽዳውንቶም ኣብ መገዲ ኣንጸፉ። 37. ናብ ጥቓ ቝልቍል ደብረ ዘይቲ ምስ ቀረበ፥ እቶም ደቀ መዛሙርቱ ብምሉኣቶም፥ በቲ ዝረኣይዎ ዅሉ ኃይልታት ኪሕጐሱን ንኣምላኽ ብዓቢይ ድምፂ ኼመስግንዎን ጀመሩ። 38. “እቲ ብስም እግዚኣብሔር ዚመጽእ ንጉሥ ብሩኽ እዩ። ሰላም ኣብ ሰማይ፥ ክብሪ ኣብ ኣርያም” እውን ይብሉ ነበሩ። 39. ኣብ ማእከል እቲ ሕዝቢ ዝነበሩ ገሊኣቶም ፈሪሳውያን ከኣ “መምህር! ንደቀ መዛሙርትኻ ገሥጾም” በልዎ። 40. ኢየሱስ ከኣ “እዚኣቶም እኳ ስቕ እንተ በሉ፥ እዞም ኣእማን ኪጭድሩ እዮም፥ እብለኩም ኣሎኹ፥” ኢሉ መለሰሎም። ኢየሱስ ንኢየሩሳሌም ከም ዘልቀሰላ ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መዝሙረ ዳዊት Psalm

ኣቱም ንእግዚኣብሄር እትፈርሁ፣ ንእግዚኣብሄር ባርኽዎ። ኣብ የሩሳሌም ዚነብር እግዚኣብሄር ካብ ጽዮን ይባረኽ። ሃሌሉያ።

እለ ትፈርህዎ ለእግዚአብሔር ባርክዎ ለእግዚአብሔር፤
ቡሩክ እግዚአብሔር በጽዮን፤
ዘየኀድር ውስተ ኢየሩሳሌም።

ወንጌል Gospel

6. ደቀ መዛሙርቱ ድማ ኸይዶም ከምቲ ኢየሱስ ዝኣዘዞም ገበሩ። 7. ነታ ኣድግን ነታ ዒሉን ኣምጽኡሉ፥ ክዳውንቶም ድማ ኣብ ዝባነን ጐዝጐዝሉ፥ ኢየሱስ ከኣ ተወጥሐን። 8. እቶም ሕዝቢ ብምሉኦም ድማ ኽዳውንቶም ኣብ መገዲ ኣንጸፉ፥ ካልኦትዉን ካብ ኣእዋም ጨንፈር እናሰልዑ ኣብቲ መገዲ ይንስንሱ ነበሩ። 9. እቶም ቀቅድሚኡ ዚኸዱ ደድኅሪኡውን ዚስዕቡ ሕዝቢ ኸኣ “ሆሣዕና ንወዲ ዳዊት፥ እቲ ብስም እግዚኣብሔር ዚመጽእ ብሩኽ እዩ፥ ሆሣዕና ኣብ ኣርያም” እናበሉ ይጭርሑ ነበሩ። 10. ናብ ኢየሩሳሌም ምስ ኣተወ ኸኣ፥ ብዘላ እታ ኸተማ “መን እዩ እዚ፧” እናበለት ተናወጸት። 11. እቶም ሕዝቢ ድማ “እዚ ነቢይ ኢየሱስ፥ ብዓል ናዝሬት ናይ ገሊላ እዩ” በሉ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

1. ስለዚኸስ ሰብ ንኣና ከም ኣገልገልቲ ክርስቶስን ከም መገብቲ ምሥጢራት ኣምላኽን ገይሩ ይቝጸረና። 2. ኣብ ርእሲዚ ኸኣ መገብቲ ዘበሉ እሙናት ኮይኖም ኪርከቡ ይግብኦም። 3. ኣነ እኳ ብኣኻትኩም ወይ ብኻልእ ሰብ እንተ ተፈረድኩ ግዲ የብለይን፥ ንገዛእ ርእሰይውን ኣይፈርድን እየ። 4. ሕሊናይ ኣይወቕሰንን እዩ፥ በዚ ግና ጻድቕ እየ ማለት ኣይኮነን፥ እቲ ዚፈርደኒ ኣምላኽ እዩ። 5. ስለዚ ነቲ ኣብ ጸልማት ዝተኃብአ ናብ ብርሃን ዜምጽእ፥ ሓሳባት ልቢ ኸኣ ዚገልጽ ጐይታ ክሳዕ ዚመጽእ፥ ቅድሚ እቲ ምዱብ ጊዜ ሓንቲ እኳ ኣይትፍረዱ። ሽዑ ነፍስ ወከፍ መምስጋናኡ ኻብ ኣምላኽ ኪቕበል እዩ። 6. ኣኅዋተየ፥ በቲ ሓደ ክትምክሑ፥ ነቲ ሓደ ኽትንዕቁ ኣይግባእን እዩ። ነቲ “ካብ ጽሑፍ ኣይትኅለፍ” ዚብሎ ኸኣ ካባና ምእንቲ ኽትምሃሩ ንጥቕምኹም ኢለ፥ ንገዛእ ርእሰይን ንኣጵሎስን ከም ምሳሌ ኣቕሪበልኩም ኣሎኹ። 7. ካብ ካልኦት ብሉጽ ዝገብረካ መን እዩ፧ ዘይተቐበልካዮኸ እንታይ ኣሎካ፧ ዝተቐበልካ ኻብ ኮንካኸ፥ ስለምንታይ ከም ዘይተቐበልካ ትሕበን፧ 8. ድሮ ኸኣ ጸገብኩም! ከምኡውን ሃብተምኩም! ብዘይ ብኣና ድማ ነገሥኩም! ንሕናውን ምሳኻትኩም ምእንቲ ኽንነግሥሲ ወሸለ ምነገሥኩም። 9. ንኣይ ከም ዚመስለኒ፥ ኣምላኽ ንኣና ንሓዋርያት፥ ከምቶም ንሞት ዝተፈርዱ ድኅሪ ዅሎም ከም እንኸውን ገበረና። ስለዚ ንዓለምን ንመላእኽትን ንሰብን ዜስሕቕ ትርኢት ኴንና ኣሎና።

ዘካልእ መልእክት Universal Epistle

8. ምሉእ ዓስቢ ኽትቅበሉ እምበር ነቲ ዝጸዓርኩምሉ ምእንቲ ኸይተጥፍእዎ፥ ተጠንቀቑ። 9. እቲ ኻብ ትምህርቲ ክርስቶስ ዚዝምብል፥ ኣብኡ እውን ዘይጸንዕ፥ ኣምላኽ ኣብኡ የሎን። እቲ ኣብ ትምህርቲ ክርስቶስ ዚጸንዕ፥ ኣብን ወልድን ኣብኡ ኣለው። 10. ዝኾነ ይኹን ትምህርቲ ክርስቶስ ከይኃዘ፥ ናባኻትኩም እንተ መጸ፥ ኣብ ቤትኩም ኣይትቀበልዎ፥ ሰላምውን ኣይትበልዎ። 11. ከመይ እቲ ሰላም ዚብሎ ኣብቲ እኩይ ግብሩ ኃቢርዎ እዩ። 12. ብወረቐትን ብቐለምን ደኣ ኽገብሮ ኣይደሌኹ እምበር፥ ናባኻትኩም ዝጽሕፎ ብዙኅ ነገር ነይሩኒ። ግናኸ ሓጐስና ምሉእ ምእንቲ ኪኸውን ናባኻትኩም ክመጽእ እሞ ኣፍ ንኣፍ ክዛረበኩም ተስፋ እገብር ኣሎኹ። 13. ደቂ እታ ኅርይቲ ኃብትኺ ሰላም ይብሉኺ ኣለዉ።

ግብረ ሃዋርያት Acts

24. ገሊኦም ነቲ እተነግረ ኣመንዎ፥ ገሊኦም ግና ኣበይዎ። 25. ጳውሎስ ነዚ ዚስዕብ ቃል ምስ ተዛረበ ንሓድሕዶም ምስምማዕ ስኢኖም ተፈላለዩ፡ - “መንፈስ ቅዱስ ብነቢይ ኢሳይያስ ነቦታትኩም ከምዚ ዚስዕብ እናበለ ዝተዛረቦም ጽቡቕ ገበረ፡ - 26. ‘ናብዚ ሕዝቢ ኺድ እሞ ምስማዕ ክትሰምዑ ኢኹም ግና ኣይከተስተውዕሉን ኢኹም። ምርኣይ ክትርእዩ ኢኹም ግና ኣይክትርድኡን ኢኹም’ ኢልካ ንገሮም። 27. ምኽንያቱ ‘በእዛኖም ከይሰምዑ ኣእዛኖም ኣጽመሙ። በዕይንቶም ከይርእዩ ኣዕይንቶም ዓመቱ፥ ብልቦም ከየስተውዕሉ ከይምለሱ፥ ኣነውን ከየሕውዮምሲ ልቢ እዚ ሕዝቢ እዚ ድንዙዝ እዩ።’ 28. እምበኣርከስ እዚ ምድኃን ኣምላኽ ነሕዛብ ከም ዝተላእከ ኣባኻትኩም ፍሉጥ ይኹን፥ ንሳቶም ከኣ ኪሰምዕዎ እዮም።” 29. [እዚ ምስ ተዛረበ ኣይሁድ ንሓድሕዶም ብዙኅ እናተኻትዑ ወፁ።]

ስንክሳር Synaxarium

መንፈሳዊ ቄርሎስ
ወበአቱ ለእግዚእነ ኢየሩሳሌም በተጽዕኖ እድግት ወዕዋላ

መዝሙር Psalm

ኣብኣ ቐርኒ ዳዊት ከብቍል እየ፣ ንቕቡኤይ መብራህቲ ኣዳሎኹ። ንጸላእቱ ነውሪ ኸልብሶም እየ፣ ኣብ ልዕሊኡ ግና ዘውዲ ኼንጸባርቕ እዩ።

ወበህየ አበቍል ቀርነ ለዳዊት፤
ወአስተዳሉ ማኅቶተ ለመሲሕየ፤
ወአለብሶሙ ኀፍረተ ለጸላእቱ።

ወንጌል Gospel

1. ናብ ኢየሩሳሌም ብምእታው፥ ጥቓ ደብረ ዘይቲ ናብ ዘለዋ ቤተ ፋጌን ቢታንያን ምስ ቀረቡ፥ ክልተ ኻብ ደቀ መዛሙርቱ ለኣኸ። 2. ከምዚ ድማ በሎም፡ - “ኣብ ቅድሜኹም ናብ ዘላ ዓዲ ኺዱ፥ ናብኣ ምስ ኣቶኹም ሽዑ ሰብ ዘይተወጥሖ እሱር ጻዕብ ክትረኽቡ ኢኹም፥ ፈቲሕኩም ኣምጽኡለይ። 3. ገለ ሰብ ‘ስለምንታይ እዚ ትገብሩ ኣሎኹም፧’ እንተ በለኩም፥ ‘ጐይታ ይደልዮ ኣሎ፥ ብኡብኡ ነጀው ኪሰዶ እዩ’ በልዎ።” 4. ምስ ከዱ ኸኣ ነቲ ጻዕብ ኣብ ደገ ኣብ ጥቓ መገዲ ተኣሲሩ ረኺቦም ፈትሕዎ። 5. ካብቶም ኣብኡ ደው ኢሎም ዝነበሩ ኸኣ ገሊኦም “ነዚ ጻዕብ ስለምንታይ ትፈትሕዎ ኣሎኹም ፧” በልዎም። 6. ንሳቶም ድማ ኸምቲ ኢየሱስ ዝበሎም በልዎም እሞ ኃደግዎም። 7. ነቲ ጻዕብ ከኣ ናብ ኢየሱስ ወሰድዎ፥ ክዳውንቶም ውን ጐዝጐዙሉ፥ ኢየሱስ ከኣ ተወጥሖ። 8. ብዙኃት ኣብቲ መገዲ ኽዳውንቶም ኣንጸፉ፥ ካልኦት ከኣ ኻብቲ ኣብ ግራሁ ዝነበረ ኣእዋም ጨናፍር ሰሊዖም ይንስንሱ ነበሩ። 9. እቶም ዚመርሑን እቶም ዚስዕቡን ከኣ “ሆሣእና! ብስም እግዚኣብሔር ዚመጽእ ብሩኽ እዩ። 10. እታ እትመጽእ ዘላ መንግሥቲ ኣቦና ዳዊት ብርኽቲ እያ፥ ሆሣእና ኣብ ኣርያም” እናበሉ ይጭርሑ ነበሩ። 11. ኢየሱስ ኣብ ኢየሩሳሌም ምስ በጽሐ ናብ ቤት መቕደስ ኣተወ፥ ኣብ ዙርያኡ ግልጽ እናበለ ንዅሉ ምስ ረኣየ፥ መስዩ ነበረ እሞ ምስቶም ዓሠርተው ክልተ ናብ ቢታንያ ኸደ። እትሰምዕ እዝኒ ዘላቶ ይስማዕ!

ቅዳሴ Liturgy :

መዝሙረ ዳዊት Psalm

መሃርሃር መዓጹኺ ኣጽኒዑ፣ ንደቅኺ ኣብ ማእከልኪ ባሪኽዎም እዩ እሞ፣ ዎ የሩሳሌም፣ ንእግዚኣብሄር አመስግኒ፣ ዎ ጽዮን፣ ንኣምላኽኪ ወድሲ።

ትሴብሖ ኢየሩሳሌም ለእግዚአብሔር፤
ወሰብሕዮ ለአምላክኪ ጽዮን፤
እስመ አጽንዐ መናሥግተ ኆኃትኪ።

ወንጌል Gospel

12. ንጽባሒቱ እቶም ንበዓል ዝመጹ ብዙኃት ሕዝቢ፥ ኢየሱስ ናብ ኢየሩሳሌም ከም ዚመጽእ ሰሚዖም፥ 13. ጨናፍር ኦም ስየ ኣልዒሎም ኪቕበልዎ ወፁ። ዓው ኢሎም ከኣ “ሆሣዕና! እቲ ብስም እግዚኣብሔር ዚመጽእ ንጉሥ እስራኤል ቡሩኽ እዩ” በሉ። 14. - 15. ከምቲ “ኣቲ ኢየሩሳሌም ኣይትፍርሂ፥ እንሆ ንጉሥኪ ኣብ ጻዕብ ኣድጊ ተወጢሑ ይመጽእ ኣሎ፥” ዚብል ተጻሒፉ ዘሎ፥ ኢየሱስ ጻዕባ ኣድጊ ረኺቡ ተወጥሖ። 16. ደቀ መዛሙርቱ ነዚ ነገር እዚ ቅድም ኣየስተውዓልዎን። ኢየሱስ ምስ ከበረ ግና ሽዑ ነዚ ነገር እዚ ብዛዕባኡ ኸም ዝተጻሕፈ፥ ንሳቶምውን እዚ ኸም ዝገብሩሉ ዘከሩ። 17. እቶም ንኣልኣዛር ካብ መቓብር ጸዊዑ ካብ ምዉታት ኬተንሥኦ ኸሎ ምስኡ ዝነበሩ ሕዝቢ ኸኣ ይምስክሩ ነበሩ። 18. ስለዚ እቶም ሕዝቢ እዚ ተኣምራት እዚ ምግባሩ ሰሚዖም ክቕበልዎ ወፁ። 19. ሽዑ ፈሪሳውያን ንሓድሕዶም “ሓንቲ እኳ ኽትገብሩ ከም ዘይትኽእሉ ትርእዩዶ ኣሎኹም፧ እንሆ ብዓለሙ ደድኅሪኡ ይስዕብ ኣሎ” ተበሃሃሉ። ብወልድ ዝአምን ናይ ዘልኣለም ሕይወት ኣለዎ።

መዝሙረ ዳዊት Psalm

እንሆ፣ ንሱ ንድምጹ፣ ነቲ ብርቱዕ ድምጹ፣ የስምዕ ኣሎ። ንኣምላኽ ምልኪ ሀቡ፣ ግርማኡ ኣብ ልዕሊ እስራኤል፣ ምልኩ ኣብ ደበናታት እዩ።

ናሁ ይሁብ ቃሎ ቃለ ኃይል፤
ሀቡ አኰቴተ ለእግዚአብሔር፤
ላዕለ እግዚአብሔር ዓቢይ ስብሐቲሁ።

ወንጌል Gospel

18. ሊቃነ ካህናትን መምህራን ሕግን ሰሚዖም፥ ከመይ ገይሮም ከም ዚቐትልዎ ይደልዩ ነበሩ። እንተኾነ ብዘሎ እቲ ሕዝቢ ብትምህርቱ ይድነቕ ስለ ዝነበረ፥ ፈርህዎ። 19. ምስ መሰየ ድማ ካብታ ኸተማ ወፁ። 20. ንግሆ ኺኃልፉ ኸለዉ፥ ነታ በለስ ካብ ሱራ ነቒጻ ረኣይዋ። 21. ጴጥሮስ ድማ ዘከረ እሞ “መምህር! እንሃ እታ ዝረገምካያ በለስ ነቒጻ” በሎ። 22. ኢየሱስ ከኣ ኸምዚ ኢሉ መለሰሎም፡ - “ብኣምላኽ እመኑ። 23. እቲ ብልቡ ኸይተጠራጠረ እቲ ዚልምኖ ከም ዚፍጸም ዚኣምን ኵሉ፥ ነዚ እምባ እዚ ‘ካብዚ ተላዒልካ ናብቲ ባሕሪ ተወርወር’ እንተ በሎ ንእኡ ከም ዚኾነሉ ብሓቂ እብለኩም ኣሎኹ። እትሰምዕ እዝኒ ዘላቶ ይስማዕ!

መልእክተ ጳውሎስ Pauline Epistle

32. ንሳቶም ብእምነት መንግሥትታት ሰዓሩ፥ ብቕንዕና መርሑ፥ ነቲ እግዚኣብሔር ኣተስፍይዎም ዝነበረ ረኸቡ፥ ኣፍ ኣናብስ ዓጸዉ፥ 33. ዚባላዕ ሓዊ ኣጥፍኡ፥ ካብ ስሕለት ሰይፊ ደኃኑ፥ ኣብ ድኻም በርትዑ፥ ኣብ ውግእ ኃየሉ፥ ሠራዊት ጸላእቲ ሰዓሩ፥ 34. ኣንስቲ፥ ምዉታተን ካብ ሞት ተንሢኦም፥ ከም ብሓድሽ ተቐበላኦም፥ ካልኦት ግና ዝበለጸ ትንሣኤ ምእንቲ ኺረኽቡ ምሕረት ኣይንደልን ኢሎም ተሳቕዮም ሞቱ። 35. ገሊኣቶም ድማ ብላግጽን ብመግረፍትን፥ ኣብ ልዕሊ እዚውን ብመቑሕን ብማእሰርትን ተሳቐዩ። 36. ብዳርባ እምኒ ተቐትሉ፥ ብመጋዝ ተቘርጹ፥ ተሰይፎም ሞቱ፥ ኣጐዛ ኣባጊዕን ዲኖ ኣጣልን ተኸዲኖም ዞሩ፥ ሰኣኑ፥ ጸበቦም፥ ሓሳረ መከራ ጸገቡ። 37. ዓለም ንኣኣቶም ዘይትበቕዕ ስለ ዝኾነት፥ ኣብ ምድረበዳን ኣብ እምባታትን ኣብ በዓትታትን ኣብ ጐዳጒድ ምድርን ኰለል በሉ። 38. - 39. ኣምላኽ ብዛዕባና ዚኃይሽ ስለ ዝሓለየ፥ ብዘይካና ናብ ፍጻሜ ምእንቲ ኸይበጽሑስ፥ እዚኣቶም ኵላቶም ብእምነት እኳ ተመስኪርሎም እንተኾነ፥ ነታ ተስፋ ኣይረኸብዋን።

ዘካልእ መልእክት Universal Epistle

19. ነዚ ብዝበለጸ ዜረጋግጽልና ቃል ነብያትውን ኣሎና። ምድሪ ኽሳዕ ዚውግሕ፥ ኮኸብ ጽባሕ ኸኣ ኣብ ልብኹም ክሳዕ ዚወፅእ፥ ከምቲ ኣብ ጸልማት ዜብርህ መብራህቲ ጌርኩም እንተ ኣስተብሃልኩምሉ ሠናይ ትገብሩ።20. ቅድሚ ዅሉ፥ ነቲ ኣብ ቅዱስ መጽሓፍ ዘሎ ትንቢት፥ ሓደ ብናይ ርእሱ ኣተሓሳስባ ኪትርጒሞ ከም ዘይክእል ፍለጡ።21. ከመይ ትንቢት፥ ሰባት ብመንፈስ ቅዱስ ተመሪሖም ካብ ኣምላኽ ዝተዛረብዎ እምበር፥ ከቶ ብፍቓድ ሰብ መጺኡ ኣይፈልጥን።

ግብረ ሃዋርያት Acts

48. - 49. ከምቲ ነቢይ ‘ሰማይ ዝፋነይ እዩ፥ ምድሪ ኸኣ መርገጽ እግረይ እዩ፥ ከመይ ዝበለ ቤት ደኣ ኢኹም እትሓንጹለይ፧ ይብል እግዚኣብሔር፥ ከመይ ዝበለ ሥፍራኸ እዩ እቲ ኣነ ዝዓርፈሉ፧ ነዚ ዅሉ ነገራትስ ኢደይዶ ኣይኮነን ዝገበሮ፧’ ዝበሎ፥ እቲ ልዑል ኣምላኽ ብኢድ ሰብ ኣብ ዝተሓንጸ ቤት ኣይነብርን እዩ። 50. ኣቱም ተረርቲ ኽሳድ፥ ልብኹምን ኣእዛንኩምን ዘይተገዝረ፥ ንስኻትኩምውን ከምቲ ናይ ኣቦታትኩም ንመንፈስ ቅዱስ ኵሉ ጊዜ ትጻረርዎ ኣሎኹም። 51. ካብ ነቢያትከ ኣቦታትኩም ዘይሰጐጒዎ መን እዩ፧ ንሳቶም ነቶም ብዛዕባ ምምጻእ እቲ ጻድቅ ኣቐዲሞም ዘበሠሩ ቐተልዎም፤ ሕጂውን ንስኻትኩም ኣኅሊፍኩም ወሃብቱን ቀተልቱን ኢኹም። 52. ንስኻትኩም ነቲ ሕጊ ብኢድ መላእኽቲ ተቐቢልኩምዎ ኔርኩም፥ እንተኾነ ኣይሓሎኹምዎን።” 53. እቶም ሰብ ከኣ ነዚ ምስ ሰምዑ፥ ልቦም ነደደ፥ ኣስናኖም ከኣ ሓርቀሙሉ። 54. ንእስጢፋኖስ ግና መንፈስ ቅዱስ መልኦ፥ ናብ ሰማይ ኣንቃዕሪሩ ኸኣ ኽብሪ ኣምላኽን ኢየሱስ ድማ ኣብ የማን ኣምላኽ ደው ኢሉን ረኣየ።

ስንክሳር Synaxarium

ዳንኤል ነቢይ
ወተማከሩ ሊቃነ ካህናት ከመ ይቅትልዎ ለእግዚእነ
ወረገማ ለበለስ

መዝሙር Psalm

ንሱ ሰብ ኪጠቕዖም ኣይሐደገን፣ ንቕቡኣተይ ኣይትተንክይዎም፣ ነብያተይ ድማ ክፉእ ኣይትግበርዎም፣ ኢሉ ምእንትኦም ንነገስታት ገሰጾም።

ወገሠጸ ነገሥተ በእንቲአሆሙ፤
ኢትግስሱ መሲሓንየ፤
ወኢታሕሥሙ ዲበ ነቢያትየ።

ወንጌል Gospel

10. ሽዑ ብዙኃት ኪኽሕዱ፥ ንሓድሕዶም ኣኅሊፎም ኪወሃሃቡን ንሓድሕዶምውን ኪጻልኡን እዮም። 11. ብዙኃት ሓሰውቲ ነቢያት ኪትንሥኡ፥ ንብዙኃትውን ኬስሕቱ እዮም። 12. ብሰንኪ ብዝኂ ኽፍኣት ከኣ ፍቕሪ ብዙኃት ክትዝሕትል እያ። 13. እቲ ኽሳዕ መወዳእታ ዚዕገስ ግና ንሱ ኺድኅን እዩ። 14. ንዅሎም ኣሕዛብ ምስክርነት ምእንቲ ኪኸውን እዚ ወንጌል መንግሥቲዚ ኣብ ምሉእ ዓለም ኪስበኽ እዩ፥ ሽዑ መወዳእታ ኪኸውን እዩ።” 15. “እቲ ብነቢይ ዳንኤል ዝተነግረ ናይ ጥፍኣት ርኽሰት ኣብታ ቕድስቲ ስፍራ ቖይሙ ምስ ረአኹም፥ እቲ ዜንብብ የስተውዕል፥ 16. እቶም ኣብ ይሁዳ ዘለዉ ናብ እምባታት ይህደሙ። 17. እቲ ኣብ ዝባን ናሕሲ ዝጸንሐ ኸኣ ኣብ ቤቱ ንዘሎ ኺወስድ ኣይውረድ። 18. እቲ ኣብ ግራት ዝጸንሐ ድማ ኽዳኑ ኺወስድ ኢሉ ንድኅሪት ኣይመለስ። 19. “በተን መዓልትታት እቲአን ንጥኑሳትን፥ ንመጥበውቲ ሕፃናትን ወይለአን! ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ምእንቲ ተቓወምትኻ ነቲ ጸላእን ፈዳይ ሕነን ስቕ ከተብሎ፣ ካብ ኣፍ ቈልዑን ዚጠብውን ሓይሊ ኣዳሎኻ።

እምአፈ ደቂቅ ወሕፃናት አስተዳሎከ ስብሐተ፤
በእንተ ጸላኢ፤
ከመ ትንሥቶ ለጸላኢ ወለገፋዒ።

ወንጌል Gospel

12. ኢየሱስ ኣብ ቤት መቕደስ ኣትዩ ኣብ ቤት መቕደስ ዚሸጡን ዚሻየጡን ዝነበሩ ዅሎም ሰጐጎም፥ ጠረጴዛታት መሸረፍትን መናብር ሸየጥቲ ርግብንውን ገልበጠ። 13. “’ቤተይ ቤት ጸሎት ኪብሃል እዩ’ ዚብል ጹሑፍ ኣሎ፥ ንስኻትኩም ግና በዓቲ ጐሓሉት ገበርኩምዋ” በሎም። 14. ኣብ ቤት መቕደስ ከኣ ዕዉራትን ሓንካሳትን ናብኡ መጹ፥ ንሱ ድማ ኣሕወዮም። 15. ሊቃነ ካህናትን መምህራን ሕግን ግና ነቲ ዝገበሮ ተኣምራትን፥ ሕፃናት ድማ ኣብ ቤተ መቕደስ ዓው ኢሎም “ሆሣዕና ንወዲ ዳዊት” ኪብሉን ምስ ረኣዩ ሓረቑ። 16. “እዚኣቶም ዚብልዎስ ትሰምዕዶ ኣሎኻ፧” በልዎ። ኢየሱስ ከአ “እወ፥ እቲ ‘ካብ ኣፍ ቈልዑን ሕፃናትን ምስጋና ኣዳሎኻ’ ዚብልዶ ኣየንበብኩምን ኢኹም፧” በሎም። 17. ኃዲግዎም ድማ ኻብታ ኸተማ ወፂኡ ናብ ቢታንያ ኸደ፥ ኣብኡውን ኃደረ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መዝሙረ ዳዊት Psalm

ነቶም ካብ ተጻረርቶም ኣባኻ ዜዕቍቡ፣ ንስኻ ብየማናይ ኢድካ እተናግፎም፣ እቲ ዜደንቕ ሳህልኻ ኣርእዮም።

ሰብሖ ለምሕረትከ፤
ዘያድኅኖሙ ለእለ ይትዌከሉከ፤
እምእለ ይቃወምዋ ለየማንከ።

ወንጌል Gospel

27. “ሕጅስ ነፍሰይ ተጨኒቓ ኣላ፥ እንታይ እሞ ኽብል እየ፧ 'ኦ ኣቦ፥ ካብዛ ሰዓት እዚኣ ኣድኅነኒ'፧ ግና፥ ምእንትዚ እንድየ ናብዛ ሰዓት እዚኣ ዝበጻሕኩ። 28. ኣቦ ንስምካ ኣኽብሮ።” ሽዑ ካብ ሰማይ “ኣነ ኣኽቢረዮ ኣሎኹ፥ ከም ብሓድሽውን ከኽብሮ እየ” ዚብል ድምፂ መጸ። 29. ሽዑ እቶም ኣብኡ ደው ኢሎም ዝነበሩ ሕዝቢ እዚ ምስ ሰምዑ “ነጒዲ እዩ” በሉ። ገሊኦም ከኣ “መልኣኽ እዩ ዝተዛረቦ” በሉ። 30. ኢየሱስ ከኣ ከምዚ ኢሉ መለሰሎም፦ “እዚ ድምፂ እዚ ምእንታኻትኩም እምበር ምእንታይ ኣይኮነን ዝመጸ። 31. እዛ ዓለም እዚኣ እትፍረደሉ ሕጂ እዩ። መስፍን እዛ ዓለም እዚኣ ዚድርበየሉ ሕጂ እዩ። 32. ኣነ ድማ ካብ ምድሪ ልዕል ምስ በልኩ ንዅሉ ናባይ ክስሕቦ እየ።” 33. እዚ ዝበለ ኸኣ ብኸመይ ዝበለ ኣማውታ ኺመውት ከም ዘለዎ ኬመልክተሎም ኢሉ እዩ። 34. ስለዚ እቶም ሕዝቢ “ንሕናስ ክርስቶስ ንዘለዓለም ከም ዚነብር ካብ ሕጊ ሰሚዕና ኔርና። ንስኻ ደኣ ኸመይ ኢልካ ኢኻ 'ወዲ ሰብ ልዕል ኪብል እዩ' ትብል ዘሎኻ፧ እቲ ወዲ ሰብ እቲኸ እንታዋይ እዩ፧” ኢሎም ሓተትዎ። ብወልድ ዝአምን ናይ ዘልኣለም ሕይወት ኣለዎ።

መልእክተ ጳውሎስ Pauline Epistle

12. ኣቱም ኣኅዋተይ፥ ከምቲ ኣነ ንኣኻትኩም ዝመሰልኩ ንስኻትኩም ኸኣ ንኣይ ክትመስሉ እልምነኩም ኣሎኹ። ሓንቲ እኳ ኣይበደልኩምንን። 13. ከምቲ እትፈልጥዎ፥ ብመጀመርታ ጊዜ ወንጌል ክሰብከልኩም ከሎኹ ሓሚመ እየ ዝነበርኩ። 14. እቲ ሕማመይ ንኣኻትኩም ፈተና እኳ እንተ ነበረ ኣይነዓቕኩምንን፥ ኣየናሾኹምንን። እኳ ደኣ ከም መልኣኽ እግዚኣብሔር፥ ከም ኢየሱስ ክርስቶስ ጌርኩም ተቐበልኩምኒ። 15. እቲ ሓጐስኩም ደኣ ናበይ ኣበለ፧ ዚኸኣል ነይሩ እንተ ዚኸውን ዓይንኹም እኳ ከይተረፈ ኣውፂእኩም ምሃብኩምኒ ኔርኩም። እዚ ባዕለይ እምስክረልኩም ኣሎኹ። 16. እሞኸ ሓቂ ስለ ዝነገርኩኹምዶ ጸላኢ ኾይነኩም እየ፧ 17. እቶም ብኣኻትኩም ዚግደሱ ዚመስሉ ዘለዉ፥ ካባይ ምእንቲ ኺፈልዩኹም እሞ፥ ብኣኣቶም ከም እትግደሱ ኺገብሩኹም ኢሎም እዮም እምበር፥ ንጽቡቕኩም ኢሎም ኣይኮኑን። 18. ንጽቡቕ ደኣ ይኹን እምበር፥ ሰብ ብኣኹም ኪግደስ ሠናይ እዩ። እዚ ግና ኣነ ምሳኻትኩም ከሎኹ ጥራይ ዘይኮነ ዅሉ ጊዜ ኺኸውን ኣለዎ። 19. ኣቱም ደቀይ! ክርስቶስ ኣባኻትኩም ክሳዕ ዚሠኣል ከም ብሓድሽ ከም ብሕማም ሕርሲ እጽዕረልኩም ኣሎኹ። 20. እቲ ብዛዕባኹም ዝብሎ ምእንቲ ኽፈልጥ ምሳኹም እንተ ዝህሉ ጽቡቕ ነይሩ። ከመይ ሕጂ እቲ ዝብሎ ጠፊኡኒ ኣሎ።

ዘካልእ መልእክት Universal Epistle

21. ንስኻትኩም እምነትኩምን ተስፋኹምን ኣብ ኣምላኽ ምእንቲ ኺኸውን፥ በቲ ካብ ምዉታት ዘተንሥኦ ኽብሪውን ዝሃቦ ኣምላኽ ኣመንኩም። 22. ንሓቂ እናተኣዘዝኩምዋ፥ ግብዝና ንዘይብላ ፍቕሪ ኣኅዋት ነፍስኹም ስለ ዘጽሬኹም ብንጹሕ ልቢ ንሓድሕድኩም ተፋቐሩ። 23. ብሕያውን ንዘለዓለም ብዚነብርን ቃል ኣምላኽ ካብ ዘይጠፍእ ዘርኢ እምበር ካብ ጠፋኢ ዘርኢ ኣይኮንኩምን ከም ብሓዱሽ ዝተወለድኩም። 24. ከመይ “ዅሉ ሰብ ከም ሣዕሪ፥ ዅሉ ኽብሪውን ከም ዕንባባ መሮር እዩ። እቲ ሣዕሪ ይነቅጽ፥ እቲ ዕንባባውን ይረግፍ፥ 25. ቃል እግዚኣብሔር ግና ንዘለዓለም ይነብር።” እቲ ንኣኻትኩም ዝተበሠረ ቃል ኸኣ እዚ እዩ።

ግብረ ሃዋርያት Acts

12. ብዙኅ ትእምርትን ተኣምራትን ብኢድ ሓዋርያት ኣብ ማእከል እቲ ሕዝቢ ተገብረ፥ ኵላቶም ድማ ብሓንቲ ልቢ ኃቢሮም ኣብ ገበላ ሰሎሞን ይእከቡ ነበሩ። 13. ሽሕ እኳ እቲ ሕዝቢ ኣዝዩ የኽብሮም እንተ ነበረ፥ ካብቶም ካልኦት ኪጽምበሮም ዚደፍር ሓደ እኳ ኣይነበረን። 14. ምስዚ ዅሉ ግና ካብ ሰብኡትን ኣንስትን ካብ ቅድም ብዝበለጸ ብዙኃት ብጐይታ እናኣመኑ ይውሰኽዎም ነበሩ። 15. ጴጥሮስ ኪኃልፍ ከሎ ንገሊኣቶም ምእንቲ ኬንጸላልወሎም ኢሎም ነቶም ሕሙማት ፀይሮም የምጽእዎም እሞ ኣብቲ ኣደባባይ ኣብ ዓራትን ቃሬዛን የደቅስዎም ነበሩ። 16. ካብተን ኣብ ከባቢ ኢየሩሳሌም ዝነበራ ኸተማታት ድማ ብዙኃት ሕዝቢ ሕሙማትን ኣጋንንቲ ዝኃደርዎምን ኂዞም ይመጹ ነበሩ። ኵሎም ከኣ ይሓውዩ ነበሩ።

ስንክሳር Synaxarium

አባ መቃርስ ሊቀ ጳጳሳት
ወአፈድፈደዱ ምክረ ለዕለ እግዚእነ

መዝሙር Psalm

ኣምላኽ አብ ማሕበር ኣማልኽቲ ደው ይብል፣ አብ ማእከል ኣማልኽቲ ይፈርድ ኣሎ። ክሳዕ መአዝ ኢኹም ሓሶት እትፈርዱ፧ ንገጽ ረሲኣንስ እተድልዉ፧

እግዚአብሔር ቆመ ውስተ ማኅበረ አማልክት፤
ወይኴንን በማእከለ አማልክት፤
እስከ ማእዜኑ ትኴንኑ ዓመፃ።

ወንጌል Gospel

1. ኢየሱስ እዚ ነገርዚ ዅሉ ምስ ወድአ፥ ንደቀ መዛሙርቱ 2. “ድኅሪ ኽልተ መዓልቲ ፋሲካ ኸም ዚኸውን ትፈልጡ ኢኹም፥ ንወዲ ሰብ ድማ ኪስቀል ኣኅሊፎም ኪህብዎ እዮም” በሎም። 3. ሽዑ ሊቃነ ኻህናትን መምህራን ሕግን ዓበይቲ ሕዝብን፥ ኣብ ኣዳራሽ ቀያፋ ዚብሃል ሊቀ ካህናት ተኣከቡ። 4. ንኢየሱስ ብተንኰል ኂዞም ኪቐትልዎ ድማ ተማኸሩ። 5. እንተኾነ “ኣብ ማእከል ሕዝቢ ናዕቢ ምእንቲ ኸይለዓል ብበዓል ኣይኹን” በሉ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ኣፍካ ንኽፉእ ፈኖኻዮ፣ መልሓስካውን ጥበራ ትፍሕስ። ተቐሚጥካ ንሓውካ ትሐምዮ፣ ንወዲ እኖኻውን ተነውሮ አሎኻ።

አፉከ አብዝኃ ለእኪት፤
ወልሳንከ ጸፈራ ለሕብል፤
ትነብር ወተሐምዮ ለእኁከ።

ወንጌል Gospel

3. ማርያም ድማ ሓደ ፍርቂ ኣበሰንቲ ዚኸውን ብጽሩይ ናርዶስ ዝተሠርሐ ብዙኅ ዝዋግኡ ቕዱይ ሽቱ ወሲዳ ኣእጋር ኢየሱስ ቀብአት፥ ብፀጕሪ ርእሳውን ደረዘቶ። እታ ቤት ከኣ ብመኣዛ እቲ ሽቱ መልአት። 4. ሓደ ካብቶም ደቀ መዛሙርቱ፥ እቲ ኼትኅዞ ዘለዎ ይሁዳ ኣስቆሮታዊ ወዲ ስምዖን ግና፥ 5. “እዚ ቕዱይ ሽቱ እዚ ከመይ ግዳ ንሠለስተ ሚእቲ ዲናር ተሸይጡስ ንድኻታት ዘይወሃብ፧” በለ። 6. እዚ ዝበለ ሰራቒ ስለ ዝኾነ እዩ እምበር ንድኻታት ሓልዩሎም ኣይኮነን፤ ተኃዝ ማኅፉዳ ስለ ዝነበረ ካብቲ ኣብኡ ዝኣተወውን የልዕል ነበረ። 7. ስለዚ ኢየሱስ “ንመዓልቲ ቐብረይ ዘዳለወቶ እዩ እሞ ኅደጋ። 8. ድኻታትሲ ዅሉ ሳዕ ምሳኻትኩም ኣለዉ፤ ንኣይ ግና ዅሉ ሳዕ ኣይትረኽቡንን ኢኹም” በሎ። ብወልድ ዝአምን ናይ ዘልኣለም ሕይወት ኣለዎ።

መዝሙረ ዳዊት Psalm

ኣቱም ንኣምላኽ እትርስዕዎ፣ ኣነ ኸይሰላልዓኩም እሞ፣ ዜናግፈኩም ከይትስእኑስ፣ ነዚ ኣስተብህልዎ። መስዋእቲ ምስጋና ዚስውአለይ የኽብረኒ፣ ነቲ ብመገዱ ዚጥንቀቕ ከኣ ምድሓን ኣምላኽ ከርእዮ እየ።

ለብዉ ዘንተ ኵልክሙ እለ ትረስዕዎ ለእግዚአብሔር፤
ወእመ አኮሰ ይመስጥ ወአልቦ ዘያድኅን፤
መሥዋዕት ክብርት ትሴብሐኒ።

ወንጌል Gospel

9. “ንኣኣቶም ምስክር ምእንቲ ኪኸውን ብኣይ ምኽንያት ንፍርዲ ኣኅሊፎም ኪህቡኹም፥ ኣብ ኣብያተ ጸሎቶምውን ኪገርፉኹም፥ ኣብ ቅድሚ መኳንንትን ነገሥታትን ከኣ ደው ኬብሉኹም እዮም እሞ ንርእስኹም ተጠንቀቑ። 10. ቕድም ግና ንዅሎም ኣሕዛብ ወንጌል ኪስበኽ ግድን እዩ። 11. መንፈስ ቅዱስ እዩ እምበር ንስኻትኩም ኣይኮንኩምን እትዛረቡ፤ ስለዚ ኣኅሊፎም ኪህብኹም ምስ ወሰደኹም፥ እቲ በታ ሰዓት እቲኣ ዚወሃበኩም ደኣ ተዛረቡ እምበር፥ እንታይ ኢልኩም ከም እትዛረቡ ኣቐዲምኩም ኣይትጨነቑ። 12. ኃው ንኃው፥ ወላዲ ንውሉዱ፥ ኣኅሊፉ ንሞት ኪህብ እዩ፥ ውሉድውን ኣብ ልዕሊ ወለዶም ተንሢኦም ኪቐትልዎም እዮም። 13. ምእንቲ ስመይ ከኣ ኵሉ ኪጸልኣኩም እዩ፤ እቲ ኽሳዕ መወድእታ ዚዕገስ ግና ንሱ ኺድኅን እዩ። 14. “እቲ ብነቢይ ዳኒኤል ዝተባህለ ‘ናይ ጥፍኣት ርኽሰት’ ኣብ ዘይግብኦ ስፍራ ቆይሙ ምስ ረኣኹም፥ እቲ ዜንብብ የስተውዕል፥ ሽዑ እቶም ኣብ ይሁዳ ዘለዉ ናብ እምባታት ይህደሙ፤ 15. እቲ ኣብ ዝባን ናሕሲ ዘሎ ኸኣ ናብ ቤት ኣይውረድ፥ ገለ ኺማላእ ኢሉውን ኣይእቶ። 16. እቲ ኣብ ወፍሪ ዘሎ ኸኣ ኽዳኑ ኺማላእ ንድኅሪት ኣይመለስ። እትሰምዕ እዝኒ ዘላቶ ይስማዕ!

መልእክተ ጳውሎስ Pauline Epistle

10. እዚ ጸጋ እዚ ብምምጻእ መድኃኒና ኢየሱስ ክርስቶስ ተገልጸ። ንሱ ንሞት ስዒሩ ንሕይወትን ንዘይሙማትን ብወንጌል ናብ ብርሃን ኣውፅኦ። 11. ኣነ ናይዚ ወንጌል እዚ ኣዋጅን ሓዋርያን መምህርን ክኸውን ተሸምኩ። 12. በዚ ምክንያት ከኣ እየ ሓሳረ መከራ ዝጸግብ ዘሎኹ፥ ግና እምነተይ ኣብ መን ኣውዲቐዮ ከም ዘሎኹ ስለ ዝፈልጥ፥ ኣይኃፍርን እየ። ንሱ ኸኣ ነቲ ዘማዕቈብክዎ ክሳዕ እታ መዓልቲ እቲኣ ኪሕልዎ ከም ዚኽእል ርግጸኛ እየ። 13. ነቲ ካባይ ዝሰማዕካዮ ቕኑዕ ትምህርቲ ከም ምሳሌ ጌርካ ኃዞ፥ በቲ ብክርስቶስ ኢየሱስ ዝረኸብናዮ እምነትን ፍቕርን ኸኣ ንበር። 14. ነቲ ብኅድሪ ዝተወሃበካ በቲ ኣባና ኃዲሩ ዘሎ መንፈስ ቅዱስ ሓልዎ። 15. እቶም ኣብ ኤስያ ዘለዉ ዅላቶም ከም ዝኸድዑኒ ትፈልጥ ኢኻ። ኣብ ሞንጎኦም እኳ ፊጌሎስን ኤርሞጌኔስን ዚበሃሉ ኣለውዎም። 16. እግዚኣብሔር ንቤት ሄኔሲፎሩ ምሕረት ይሃባ! ከመይ ንሱ ብማእሰርተይ ከይኃፈረ ብዙኅ ጊዜ ኣጸናኒዑኒ እዩ። 17. ኣብ ሮማ ምስ መጸውን ክሳዕ ዚረኽበኒ ብዙኅ ደኺሙ እዩ። 18. በታ መዓልቲ እቲኣ ካብ ጐይታና ምሕረት ምእንቲ ክረኽብ እግዚኣብሔር ይሃቦ። ኣብ ኤፌሶን ክንደይ ከም ዘገልገለኒውን ንስኻ ኣጸቢቕካ ትፈልጥ ኢኻ።

ዘካልእ መልእክት Universal Epistle

6. እቲ ኣብ ክርስቶስ ዚነብር ዘበለ ዅሉ ኃጢኣት ኣይገብርን እዩ። ኃጢኣት ዚገብር ዘበለ ግና ንክርስቶስ ኣይረኣዮን ኣይፈለጦንውን እዩ። 7. ደቀየ! ሓደ እኳ ኣየስሕትኩም። ከምቲ ክርስቶስ ጻድቕ ዝኾነ፥ እቲ ጽድቂ ዚገብር ከኣ ጻድቕ እዩ። 8. ካብ መጀመርታ ኂዙ ዚኃጥእ ዘሎ ዲያብሎስ እዩ እሞ፥ ኃጢኣት ዚገብር ካብ ዲያብሎስ እዩ። ወዲ ኣምላኽ ከኣ ግብሪ ዲያብሎስ ምእንቲ ኼፍርስ ኢሉ እዩ ዝተገልጸ። 9. ካብ ኣምላኽ ዝተወልደ ዘበለ፥ ባህርይ ኣምላኽ ኣብኡ ስለ ዘሎ፥ ኃጢኣት ኣይገብርን እዩ። ካብ ኣምላኽ ስለ ዝተወልደውን ኃጢኣት ኪገብር ኣይክእልን እዩ። 10. ጽድቂ ዘይገብርን፥ ንኃዉ ዘየፍቅርን ካብ ኣምላኽ ኣይኮነን። ደቂ ኣምላኽን ደቂ ዲያብሎስን በዚ እዮም ዚፍለጡ። 11. እታ ካብ መጀመርታ ዝሰማዕኩምዋ፥ “ንሓድሕድና ንፋቐር” እትብል መልእኽቲ እያ።

ግብረ ሃዋርያት Acts

22. ሕጂ ድማ እንሆ ኣብ ኢየሩሳሌም እንታይ ከም ዚረኽበኒ ከይፈለጥኩ፥ ብመንፈስ ቅዱስ ተደሪኸ ናብ ኢየሩሳሌም እኸይድ ኣሎኹ። 23. ብዘይካ እቲ መንፈስ ቅዱስ ‘ማእሰርትን ጸበባን ኪበጽሓካ እዩ’ ኢሉ ኣብ ፈቐዶ ከተማታት ዝነገረኒ እንተ ዘይኮይኑ ዝፈልጦ የብለይን። 24. ኣነ ግና ኣገልግሎተይ ክሳዕ ዝፍጽምን እቲ ጐይታ ኢየሱስ ዝሃበኒ ዕዮ ክሳዕ ዝውድእን፥ ንሕይወተይ ኣየናሕስየላን እየ፥ ከም ክብርቲ ገይረውን ኣይርእያን እየ። ኣገልግሎተይ ድማ ወንጌል ጸጋ ኣምላኽ ምስባኽ እዩ። 25. “ሕጂ ድማ፥ እንሆ ንስኻትኩም ኵላትኩም እዞም መንግሥቲ ኣምላኽ እናዞርኩ ዝሰበኽኩልኩም ደጊም ገጸይ ከም ዘይትርእዩ እፈልጥ እየ። 26. ስለዚ ኻብ ደም ኵልኻትኩም ንጹሕ ምዃነይ ሎሚ መዓልቲ እምስክረልኩም ኣሎኹ። 27. ምኽንያቱ ዅሉ ፍቓድ ኣምላኽ ደኣ ነገርኩኹም እምበር ዘትረፍኩልኩም የብለይን።

ስንክሳር Synaxarium

አንሲፎሮህ ፩ ዘእም ፸ወ፪ አርድእት
ወጳውሎስ ዘአምነ

መዝሙር Psalm

ኵሎም ጸላእተይ ብአይ ንሓድሕዶም የሕሸዅሽኹ፣ ግብሪ እከይ ጠቢቕዎ ኣሎ፣ በጥ ኢሉ እዩ እሞ፣ ከቶ ኣይኪትንስእን እዩ፣ እናበሉ ብአይ ክፉእ ይምህዙ ኣለዉ። እወ፣ እቲ ዝእመኖ፣ እንጌራይ ዝበልዔ ፈታውየይ እኳ ሸዀናኡ ኣልዐለለይ።

ዘኖመሰ ኢይነቅህኑ እንከ፤
ብእሴ ሰላምየ ዘኪያሁ እትአመን፤
ዘይሴስይ እክልየ አንሥአ ሰኰናሁ ላዕሌየ።

ወንጌል Gospel

16. ጊልያ ኻብ ጐይታኡ ልኡኽውን ካብ ለኣኺኡ ኸም ዘይበልጽ፥ ብሓቂ ብሓቂ እብለኩም ኣሎኹ። 17. እንሆ ነዚ ነገር እዚ ፈሊጥኩምዎ ኣሎኹም፥ እንተ ፈጸምኩምዎ ብፁዓን ኢኹም። 18. እዚ ብዛዕባ ዅላትኩም ኣይኮንኩን ዝዛረብ ዘሎኹ። ኣነ ነቶም ዝኃሬኽዎም እፈልጦም እየ። ግና 'እቲ እንጌራይ ዚበልዕ ጸላኢ ኾነኒ' ዚብል ጽሑፍ ምእንቲ ኺፍጸም እዚ ኾነ። 19. እቲ ነገር ምስ ኮነ፥ ኣነ ምዃነይ ምእንቲ ኽትኣምኑ፥ እቲ ነገር ከይኮነ ካብ ብሕጂ እነግረኩም ኣሎኹ። 20. ነቲ ኣነ ዝለኣኽክዎ ዚቕበል ንኣይ ይቕበል፤ እቲ ንኣይ ዚቕበል ድማ ነቲ ዝለኣኸኒ ከም ዚቕበል፥ ብሓቂ ብሓቂ እብለኩም ኣሎኹ።” ብወልድ ዝአምን ናይ ዘልኣለም ሕይወት ኣለዎ።

ቅዳሴ Liturgy :

መዝሙረ ዳዊት Psalm

ካብ ወልዶ ንወለዶ ግብርታትካ ይንእዱ፣ ስልጡን ተግባርካውን የውርዩ። ንኽቡር ጌጽ ግርማኻን ንመስተንክር ግብርታትካን ከስተንትን እየ።

ትውልደ ትውልድ ይንዕዱ ምግባሪከ፤
ይዜንዉ ኃይለከ፤
ወይነግሩ ዕበየ ክብረ ስብሐተ ቅዱሳቲከ።

ወንጌል Gospel

24. እቶም ደቀ መዛሙርቲ “ካባና ዓቢይ ኾይኑ ዚርአ መን እዩ፧” እናበሉ ንሓድሕዶም ተኸራኸሩ። 25. ሽዑ ኢየሱስ ከምዚ በሎም፦ “ነሕዛብ ነገሥታቶም እዮም ዚገዝእዎም፥ እቶም ሥልጣን ዘለዎም ከኣ ገበርቲ ሠናይ ይብሃሉ። 26. ንስኻትኩም ግና ኸምኡ ኣይትኹኑ፤ ካባኻትኩም ዓቢይስ ከም ንእሽቶ፥ እቲ ጐይታውን ከም ጊልያ ደኣ ይኹን። 27. ካብቲ ኣብ መኣዲ ዚቕመጥን ካብቲ ዜገልግልን ኣየናዮም ይዓቢ፧ እቲ ኣብ መኣዲ ዚቕመጥ ደይኮነን፧ ኣነ ግና ኣብ ማእከልኩም ከም ኣገልጋሊ እየ። 28. ንስኻትኩም ብፈተናይ ምሳይ ዝተዓገሥኩም ኢኹም እሞ፥ 29. - 30. ኣብታ መንግሥተይ ኣብ መኣደይ ምእንቲ ኽትበልዑን ክትሰትዩን፥ ኣብ ዝፋናት ተቐሚጥኩም ከኣ ንዓሠርተው ክልተ ነገድ እስራኤል ክትፈርዱንሲ፥ ከምቲ ኣቦይ ንኣይ መንግሥቲ ዝሃበኒ፥ ንኣኻትኩም ከኣ ኣነ መንግሥቲ እህበኩም ኣሎኹ።” ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መዝሙረ ዳዊት Psalm

እንሆ፣ ብአበሳ ተወለድኩ፣ እኖይ ከኣ ብሓጢኣት ጠነሰትኒ። እንሆ፣ ንሓቂ ኣብ ውሽጢ ኢኻ እትደልዮ፣ ኣብ ሕቡእውን ጥበብ ምሀረኒ።

እስመ ናሁ ጽድቀ አፍቀርከ፤
ዘኢይትነበብ ኅቡአ ጥበበከ አይዳዕከኒ፤
ትነዝኀኒ በአዛብ ወእነጽሕ።

ወንጌል Gospel

1. ኢየሱስ ቅድሚ በዓል ፋሲካ ካብዛ ዓለም እዚኣ ናብ ኣቦኡ ዚኸደላ ሰዓት ከም ዝበጽሐት ፈሊጡ፥ ነቶም ዘፍቀሮም ኣብዛ ዓለም እዚኣ ዘለዉ ናቱ፥ ክሳዕ መወዳእታ ኣፍቀሮም። 2. ኪድረሩ ኸለዉ ኸኣ ዲያብሎስ ናብ ልቢ ይሁዳ ወዲ ስምዖን ኣስቆሮታዊ ንኢየሱስ ኬትኅዞ ቕድም ሓሳብ ኣእትዩ ነበረ። 3. ኢየሱስ ኣቦኡ ንዅሉ ኣብ ኢዱ ኸም ዝሃቦ፥ ካብ ኣምላኽ ከም ዝመጸ፥ ናብ ኣምላኽውን ከም ዚኸይድ ፈሊጡ፥ 4. ካብ ድራር ተንሢኡ ክዳውንቱ ኣንበረ፥ ዓለባ ኣልዒሉውን ተዓጥቀ። 5. ሽዑ ማይ ኣብ ሒላብ ኣዕሪቑ ኣእጋር ደቀ መዛሙርቱ ኺሓጽብን በቲ ዝተዓጥቆ ዓለባ ገይሩ ኺደርዝን ጀመረ። 6. ናብ ስምዖን ጴጥሮስ ከኣ በጽሐ፥ ንሱ ድማ “ጐይታይ፥ ንስኻዶ ኣእጋረይ ክትሓጽበኒ ኢኻ፧” በሎ 7. ኢየሱስ ከኣ መሊሱ “ነዚ ኣነ ዝገብሮ ዘለኹ ንስኻ ሕጂ ኣይትፈልጦን ኢኻ፥ ደኃር ግና ኽትፈልጦ ኢኻ” በሎ። 8. ጴጥሮስ ከኣ “ከቶ ኣይከውንን እዩ፥ ኣእጋረይ ፍጹም ኣይትሓጽበንን ኢኻ” በሎ። ኢየሱስ ከኣ “ኣነ እንተ ዘይሓጸብኩኻስ ምሳይ ግደ የብልካን” ኢሉ መለሰሉ። 9. ስምዖን ጴጥሮስ ድማ “ጐይታይ! እምበኣር ኣእዳወይን ርእሰይን ድማ እምበር ኣእጋረይ ጥራይ ኣይኮነን” በሎ። 10. ኢየሱስ ከኣ “እቲ ሰብነቱ ዝተሓጽበ ኵለንትናኡ ንጹሕ እዩ እሞ፥ ብዘይካ ኣእጋሩ ምሕጻብ ኣየድልዮን እዩ። ንስኻትኩም ከኣ ንጹሓት ኢኹም፥ ግናኸ ኵላትኩም ኣይኮንኩምን” በለ። 11. ኢየሱስ ነቲ ኣኅሊፉ ዚህቦ ይፈልጦ ስለ ዝነበረ እዩ “ኵላትኩም ንጹሓት ኣይኮንኩምን” ዝበለ። ብወልድ ዝአምን ናይ ዘልኣለም ሕይወት ኣለዎ።

መልእክተ ጳውሎስ Pauline Epistle

20. እቲ ብሓደ ምእካብኩም መኣዲ ጐይታ ንምብላዕ ኣይኮነን። 21. ከመይ ክትበልዑ ኸሎኩም ነፍስ ወከፍ ተቐዳዲሙ ደድራሩ ይበልዕ፥ እቲ ሓደ ኺጠሚ ኸሎ እቲ ሓደ ይሰክር። 22. እትበልዑሉን እትሰትዩሉን ኣባይቲዶ የብልኩምን ኢኹም፧ ነቶም ዘይብሎም እተኅፍርዎም ዘሎኹምሲ ንቤተ ክርስቲያን ኣምላኽ ንዒቕኩም ዲኹም፧ እንታይ እሞ ኽብለኩም እየ፥ በዚዶ ክንእደኩም እየ፧ ከቶ ኣይንእደኩምን እየ። 23. እቲ ንኣኻትኩም ዘመኃላለፍኩልኩም ነቲ ኻብ ጐይታ ዝተቐበልክዎ እየ፦ ጐይታና ኢየሱስ በታ ዝተታኅዘላ ለይቲ እንጌራ ኣልዓለ። 24. ኣመስጊኑ ቘረሰ እሞ፥ “ውሰዱ፥ ብልዑ፥ እዚ ምእንታኻትኩም ዚወሃብ ሥጋይ እዩ፥ እዚ ንመዘከርታይ ግበርዎ” በለ። 25. ከምኡ ኸኣ ድኅሪ ድራር ነቲ ጽዋዕ ኣልዓለ እሞ “እዚ ጽዋእ እዚ ብደመይ ዚኸውን ሓድሽ ኪዳን እዩ። ብትሰትይዎ ጊዜ ዅሉ ንመዘከርታይ ግበርዎ” በለ። 26. ማለት ነዚ እንጌራዚ ብትበልዕዎ፥ ነዚ ጽዋዕ እዚውን ብትሰትይዎ ዅሉ፥ ክሳዕ ጐይታ ዚመጽእ፥ ሞቱ ኢኹም እትነግሩ። 27. ስለዚ ከይተገብኦ እንጌራ ጐይታ ዚበልዕ ወይስ ጽዋዕ ጐይታ ዚሰቲ፥ ኣብ ናይ ጐይታ ሥጋን ደምን እዩ ዚዕግብ። 28. እምበኣር ሰብ ካብዚ እንጌራ እዚ ቕድሚ ምብልዑን ካብዚ ጽዋዕዚ ቅድሚ ምስታዩን ርእሱ ይመርምር። 29. ከመይ ሥጋ ጐይታ ምዃኑ ፈልዩ ኸይፈለጠ ዚበልዕን ዚሰትን ኣብ ገዛእ ርእሱ ፍርዲ እዩ ዜምጽእ።

ዘካልእ መልእክት Universal Epistle

11. ኣታ ፍቁረይ፥ ነቲ ሠናይ ደኣ እምበር፥ ነቲ እኩይሲ ኣይትስዓቦ። እቲ ሠናይ ዚገብር ካብ ኣምላኽ እዩ፥ እቲ ኽፉእ ዚገብር ንኣምላኽ ኣይረኣዮን። 12. ንድሜጥሮስ ኵላቶም ይምስክሩሉ ኣለዉ፥ እታ ሓቂ ባዕላ ድማ ትምስክረሉ ኣላ። ንሕናውን ንምስክረሉ ኣሎና፥ ምስክርና ሓቂ ከም ዝኾነት ድማ ንስኻ ትፈልጥ ኢኻ። 13. ብዙኅ ዝጽሕፈልካ ነይሩኒ፥ ግናኸ ብቐለምን ብብርዕን ክጽሕፈልካ ኣይደሌኹን። 14. ቀልጢፈ ኽርእየካ ተስፋ ኣሎኒ፥ ሽዑ ኣፍ ንኣፍ ክንዘራረብ ኢና። 15. ሰላም ምሳኻ ይኹን። እቶም ፈተውትኻ ሰላም ይብሉኻ ኣለዉ። ነቶም ፈተውትና በብስሞም ሰላም በሎም።

ግብረ ሃዋርያት Acts

24. ንሳቶም ነዚ ምስ ሰምዑ፥ ብሓደ ልቢ ኾይኖም ድምፆም ናብ ኣምላኽ ኣልዒሎም ከምዚ በሉ፡ - “ኦ ሰማይን ምድርን ባሕርን ኣብኣተን ዘሎ ኵሉን ዝፈጠርካ ጐይታ! 25. ከምቲ ብመንፈስ ቅዱስ ብኣፍ ኣቦና ዳዊት ባርያኻ ‘ስለምንታይ ኣሕዛብ ሓረቑ፥ ሕዝብስ ከንቱ ሓሰቡ፧ 26. ነገሥታት ምድሪ ተላዕሉ፥ እቶም መኳንንቲ ድማ ንእግዚኣብሔርን ንመሲሑን ኪፃረሩ ብሓደ ተኣከቡ’ ዝበልካዮ፤ 27. - 28. እቲ ኃይልኻን ፍቓድካን ኪኸውን ኢሉ ቅድም ዝመደቦ ምእንቲ ኺገብሩ ብሓቂ ሄሮድስን ጲላጦስ ጴንጤናውን ምስ ኣሕዛብን ሕዝቢ እስራኤልን ኮይኖም ነቲ ንስኻ ዝቐባእካዮ ቅዱስ ወድኻ ኢየሱስ ኣብዛ ኸተማ እዚኣ ንምጽራር ተኣከቡ። 29. ሕጂ ድማ፥ ኦ ጐይታ! ኣብ ምፍርራሆም ርአ፤ ንኣገልገልትኻ ኸኣ ቓልካ ብዅሉ ትብዓት ኪዛረቡ ፍቓድካ ይኹን። 30. ብስም እቲ ቕዱስ ወድኻ ኢየሱስ ሕሙማት ኪሓውዩ፥ ትእምርትን ተኣምራትን ከኣ ኪፍጸም ኢድካ ዘርግሕ”።

ስንክሳር Synaxarium

ኢዮጵራቅስያ
ወሐጸበ እግዚእነ እግረ አርዳኢሁ
ወነሥአ ይሁዳ ፴ ብሩረ እምሊቃነ ካህናት

መዝሙር Psalm

ምእንቲ ኽጸርስ፣ ብስምዕዛ ኣጽርየኒ፣ ካብ በረድ ክጽዕዱ፣ ሕጸበኒ። እተን ዝቐጥቀጥካየን ኣዕጽምቲ ኺሕጐሳስ፣ ባህታን ሓጐስን ኣስምዓኒ።

ተሐፅበኒ እምበረድ ወእጸዓዱ፤
ታሰምዓኒ ትፍሥሕተ ወሐሤተ፤
ወይትፌሥሑ አዕጽምተ ጻድቃን።

ወንጌል Gospel

14. እታ ሰዓት ምስ በጽሐት፥ ኢየሱስ ምስቶም ዓሠርተው ክልተ ሓዋርያት ኣብ መኣዲ ተቐመጠ። 15. ንሱ ድማ ኸምዚ በሎም፦ “ቅድሚ ስቓየይ ምሳኻትኩም ገንሸል ፋሲካ ኽበልዕ ብዙኅ ሃረር ኢለ ነይረ። 16. ምኽንያቱ እዚ ኣብ መንግሥቲ ኣምላኽ ክሳዕ ዚፍጸም ደጊም ካብዚ ኸም ዘይበልዕ እብለኩም ኣሎኹ።” 17. ጽዋዕ ኣልዒሉ ኣመስጊኑ ድማ በለ፦ “እንኩ፥ እዚ ንሓድሕድኩም ተኻፈልዎ። 18. መንግሥቲ ኣምላኽ ክሳዕ እትመጽእ ካብዚ ፍረ ወይኒ ዝተገብረ ኸም ዘይሰቲ እብለኩም ኣሎኹ።” 19. እንጌራ ኣልዒሉ ድማ ኣመስጊኑ ቘሪሱ፥ “እዚ ምእንታኹም ዚውሃብ ዘሎ ሥጋይ እዩ፥ ንመዘከርታይ ከኣ ግበርዎ” እናበለ ሃቦም። 20. ከምኡ ድኅሪ ድራር ነቲ ጽዋዕ ኣልዒሉ፥ “እዚ ጽዋዕ እዚ በቲ ምእንታኹም ዚፈስስ ደመይ እተገብረ ሓድሽ ኪዳን እዩ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ጐይታየ፣ ናባኻ ኤእዊ ኣሎኹ፣ ቀልጢፍካ ምጸኒ፣ ክጽውዓካ ኸሎኹ ንድምጸይን ጽን በሎ። ጸሎተይ ኣብ ቅድሜኻ ኸም ዕጣን፣ ምልዓል ኢደይ ከም መስዋእቲ ምሸት ይኹን።

እግዚኦ ጸራሕኩ ኀቤከ ስምዓኒ፤
ወአፅምእ ቃለ ስእለትየ ዘጸራሕኩ ኀቤከ፤
ተወከፈኒ ጸሎትየ ከመ ዕጣን በቅድሜከ።

ወንጌል Gospel

39. ኢየሱስ ወፂኡ ኸምቲ ልማዱ ናብ ደብረ ዘይቲ ኸደ፤ እቶም ደቀ መዛሙርቱውን ሰዓብዎ። 40. ኣብታ ስፍራ ምስ በጽሐ ኸኣ፥ “ናብ ፈተና ኸይትኣትዉ ጸልዩ” በሎም። 41. ንሱ ኸኣ ኻብኣቶም ዳርባ እምኒ ዚኣክል ረሓቐ፥ ተንበርኪኹ ኸኣ 42. “ኦ ኣቦይ! ፍቓድካ እንተ ኾይኑስ ነዛ ጽዋዕ እዚኣ ኻባይ ኣኅልፋ፥ ግናኸ ፍቓድካ ደኣ እምበር ፍቓደይሲ ኣይኹን” እናበለ ጸለየ። 43. ዜበራትዖ መልኣኽ ካብ ሰማይ ተራእዮ። 44. ኣዝዩ ተጨኒቑ ኣበርቲዑ ይጽሊ ነበረ። ረሃጹ ኸኣ ኸም ነጥቢ ደም ናብ ምድሪ ይወርድ ነበረ። 45. ካብ ጸሎቱ ተንሢኡ ናብቶም ደቀ መዛሙርቱ ምስ ተመልሰ፥ ካብ ጓሂ ዝተላዕለ ረዚዞም፥ ደቂሶም ረኸቦም። 46. ንሱ ኸኣ “ስለምንታይ እትድቅሱ፧ ናብ ፈተና ኸይትኣትዉስ ተንስኡ፥ ጸልዩ” በሎም። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።