መዝሙረ ዳዊት Psalm

ብህይወት ክነብር እየ እምበር፣ ኣይክመውትን፣ ግብሪ እግዚኣብሄር ከኣ ከዘንቱ እየ። እግዚኣብሄር ኣዝዩ ቐጽዓኒ፣ ንሞት ግና ኣይወፈየንን።

ኢይመውት ዘእንበለ ዘአሐዩ፤
ወእነግር ግብሮ ለእግዚአብሔር፤
ገሥፆሰ ገሠፀኒ እግዚአብሔር።

ወንጌል Gospel

17. ሽዑ ናብ ልቡ ተመሊሱ ‘እንጌራ ዚተርፎም ኣገልገልቲ ኣቦይ ክንደይ እዮም፥ ኣነ ግና ኣብዚ ብጥሜት እመውት ኣሎኹ። 18. ተንሢአ ደኣ ናብ ኣቦይ ክኸይድ እሞ፦ ኣቦ! ኣብ ቅድሚ ሰማይን ኣብ ቅድሜኻን ኃጢኣት ገበርኩ። 19. ደጊም ወድኻ ኽብሃል ኣይበቅዕን እየ፥ ከም ሓደ ኻብ ገላውኻ ግበረኒ ኽብሎ’ በለ። 20. ተንሢኡ ኸኣ ናብ ኣቦኡ ተመልሰ፤ ኣቦኡ ድማ ገና ርሑቕ ከሎ ረኣዮ እሞ ደንገጸሉ፤ ጐይዩ ኸኣ፥ ብኽሳዱ ሓኒቑ ሰዓሞ። 21. እቲ ወዲ ድማ፥ ‘ኣቦ! ኣብ ቅድሚ ኣምላኽን ኣብ ቅድሜኻን ኃጢኣት ገበርኩ፥ ደጊምሲ ወድኻ ኽብሃል ኣይበቅዕን እየ’ በሎ። 22. ኣቦኡ ግና ንገላውኡ ‘ብሉጽ ክዳን ኣምጺእኩም ክደንዎ፥ ካትም ኣብ ኣጻብዑ፥ ኣሣእንውን ኣብ ኣእጋሩ፥ ውደይሉ። 23. ስብሕቲ ላም ኣምጺእኩም ሕረዱ፤ ንብላዕ፥ ንተሓጐስ። 24. ምኽንያቱ እዚ ወደይ ሞይቱ ነይሩ ሓውዩ፤ ጠፊኡ ነይሩውን ተረኺቡ እዩ’ በሎም። ኪሕጐሱ ድማ ጀመሩ። 25. “እቲ ዓብይ ወዱ ግና ኣብ ወፍሪ ነበረ፤ መጺኡ ናብ ጥቓ ቤት ምስ ቀረበ፥ ጓይላን እልልታን ሰምዐ። 26. ካብቶም ገላው ንሓደ ጸዊዑ ‘እዚ ነገር እዚ እንታይ እዩ፧’ ኢሉ ሐተቶ። 27. ንሱ ኸኣ፥ ‘እቲ ኃውካ መጺኡ እሞ ኣቦኻ ብደኃኑ ስለ ዝረኸቦ፥ ስብሕቲ ላም ሓሪዱሉ’ በሎ። 28. ንሱ ግና ዀርዩ ምእታው ኣበየ፥ ኣቦኡ ኸኣ ወፂኡ ለመኖ። 29. ንሱ ግና ነቦኡ ኸምዚ ኢሉ መለሰሉ፦ ‘እንሆ ኽንድዚ ዓመት ተገዛእኩኻ፥ ካብ ትእዛዝካውን ከቶ ኣይኃለፍኩን፥ እንተኾነ ንኣይ ምስ ኣዕሩኸይ ዝሕጐሰሉ ማሕስእ እኳ ኣይሃብካንን። 30. እዚ ምስ ኣመናዝር ኮይኑ ገንዘብካ በሊዑ ዝወድአ ወድኻ ምስ መጸ ግና ስብሕቲ ላም ሓረድካሉ።’ 31. ኣቦኡ ኸኣ፥ ‘ወደይ ንስኻስ ኵሉ ሳዕ ምሳይ ኣሎኻ፥ ናተይ ዘበለ ድማ ናትካ እዩ። 32. እዚ ኃውካ ግና ሞይቱ ነይሩ ሓውዩ፥ ጠፊኡ ነይሩውን ተረኺቡ እዩ እሞ፥ ክንሕጐስን ባህ ኪብለናን ይግባኣና እዩ’ በሎ።” ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

1. እምበኣርከ፥ ኣቱም ፍቁራተይ፥ እዚ ዅሉ ተስፋ እዚ ካብ ዚህልወናስ ካብቲ ሥጋን መንፈስን ዜርክስ ዘበለ ዅሉ ርእስና ነንጽሕ። ንኣምላኽ እናፈራህና ኸኣ ብቕድስና ፍጹማት ንኹን። 2. ልብኹም ኣግፊሕኩም ክፈቱልና። ንሕና ንሓደ እኳ ኣይዓመጽናን፥ ንሓደ እኳ ኣይጐዳእናን፥ ንሓደ እኳ ኣይተበለጽናሉን። 3. እዚ ዝብለኩም ዘለኹ ኽወቕሰኩም ኢለ ኣይኮንኩን። ከመይ ከምቲ ኣቐዲመ ዝበልኩኹም ንኣኻትኩም ልብና ኽፉት እዩ። ብሕይወት እንተ ኣሎና ወይ እንተ ሞትና ዅሉ ሳዕ ምሳኻትኩም ኢና። 4. ኣባኻትኩም ብዙኅ እምነት ኣሎኒ፥ ብኣኻትኩም ኸኣ ኣዝየ እየ ዝሕበን። ተጸናኒዐ ኣሎኹ፥ ብዙኅ ጸበባ እኳ እንተ ኣሎና ሓጐሰይ ወሰን የብሉን። 5. ኣብ መቄዶንያ ምስ በጻሕና ድማ ብዅሉ ጨነቐና እምበር ዕረፍቲ እኳ ኣይረኸብናን፤ ኣብ ወፃኢ ውግእ፥ ኣብ ውሽጢውን ፍርሃት ነበረና። 6. እቲ ሕሊናኦም ንዝዓረቦም ዜጸናንዕ ኣምላኽ ግና ብምምጻእ ቲቶ ገይሩ ኣጸናንዓና። 7. ግናኸ በቲ ንሱ ኻባኻትኩም ዝረኸቦ ምጽንናዕ ደኣ እምበር ብምምጽኡ ጥራይ ኣይኮነን፤ ናተይ ናፍቖት ከም ዘሎኩም፥ ከም እተጥዓስኩም፥ ብኣይውን ኣዚኹም ከም እትግደሱ ምስ ኣዘንተወለይ ኣዝየ ተሓጐስኩ። 8. ብመልእኽተይ ኣጕህየኩም እንተ ኾንኩ እኳ ኣየጣዕሰንን እዩ። ቕድም ግና ንጊዜኡ እኳ እንተ ኾነ፥ ከም ዘጕሄኹኹም ስለ ዝፈለጥኩ ኣጣዒሱኒ ነይሩ። 9. ሕጂ ግና ስለ ዘጕሄኹኹም ዘይኮነስ ብምኽንያትና ገለ ጕድኣት ስለ ዘይበጽሓኩምን ከም ፍቓድ ኣምላኽ ንንስሓ ስለ ዝጕሄኹምን እሕጐስ ኣሎኹ።

ዘካልእ መልእክት Universal Epistle

2. ኣኅዋተየ፥ በበይኑ ዝኾነ ፈተና ኪበጽሓኩም ከሎ፥ ንዅሉ ኸም ሓጐስ ቊጸርዎ። 3. ከመይ ብእምነትኩም ክትፍተኑ ኸሎኹም፥ ጽንዓት እዩ ዜፍርየልኩም። 4. ግና ብሓንቲ ነገር እኳ ኸይጐደለኩም ፍጹማትን ምሉኣትን ምእንቲ ኽትኮኑ፥ ብትዕግሥቲ ኽሳዕ መወዳእታ ጽንዑ። 5. ሓደ ካባኻትኩም ጥበብ ዝጐደሎ እንተሎ፥ ነቲ “ንሰኻ ኸምዚ እንዲኻ” ኸይበለ ንዅሉ ብልግሲ ዚህብ ኣምላኽ ይለምኖ፥ ንሱውን ኪህቦ እዩ። 6. እቲ ዚልምን ግና ከይተጠራጠረ ብእምነት ደኣ ይለምን፥ ከመይ እቲ ዚጠራጠር ከምቲ ንፋስ ንየው ነጀው ዚደፍኦ ማዕበል ባሕሪ እዩ ዚመስል። 7. እዚ ኸምዚ ዘመሰለ ሰብ ካብ ጐይታ ገለ ዚቕበል ኣይምሰሎ። 8. ንሱ ኣብ ኵሉ ዕዩኡ ጽንዓት ዘይብሉ፥ ክልተ ዝልቡ ሰብኣይ እዩ። 9. እቲ ትሕት ዝበለ ናብራ ዘለዎ ኃው ልዕል እንተ በለ ይተሓጐስ። 10. እቲ ሃብታም ከኣ ብናብራኡ ትሕት እንተ በለ ብእኡ ይተሓጐስ። ከመይ ንሱ ኸም ዕምባባ ሣዕሪ ኺኃልፍ እዩ። 11. ፀሓይ ምስ ዋዒኣ ትወፅእ እሞ፥ ነቲ ሣዕሪ ተንቅጾ፥ እቲ ዕምባባኡ ኸኣ ይረግፍ፥ ደመት ትርኢቱ ድማ ይጠፍእ፥ ከምኡዉን እቲ ሃብታም ዋኒን ንብረቱ ኺገብር ከሎ ይጠፍእ። 12. እቲ ብጊዜ ፈተና ዚዕገስ ሰብኣይ ብፁዕ እዩ፥ ከመይ ተፈቲኑ ምስ ወፀ፥ ነቲ እግዚኣብሔር ነቶም ዜፍቅርዎ ዘተስፈዎም ኣኽሊል ሕይወት ኪቕበል እዩ።

ግብረ ሃዋርያት Acts

1. ጳውሎስን ሲላስን ብኣንፊጶልን ብኣጶሎንያን ኣቢሎም ናብ ተሰሎንቄ ኣተዉ። ኣብኣውን ቤት ጸሎት ኣይሁድ ነበረት። 2. ጳውሎስ ከኣ ከምቲ ልማዱ ናብኣቶም ኣትዩ፥ ሠለስተ ሰንበት ብቕዱሳት መጻሕፍቲ ምስኣቶም ተዘራረበ። 3. መሲሕ መከራ ኪቕበልን ካብ ምዉታት ኪትንሥእን ከም ዚግብኦ ይገልጸሎምን የረድኦምን ነበረ። “እዚ ኣነ ዝሰብከልኩም ዘሎኹ ኢየሱስ መሲሕ እዩ” ኸኣ ይብል ነበረ። 4. ካብኣቶም ገሊኦም ኣሚኖም ምስ ጳውሎስን ሲላስን ኃበሩ፥ ኣዝዮም ብዙኃት ካብቶም ንኣምላኽ ዚፈርሁ ግሪኻውያንን ሓያሎ ምርኡያት ኣንስትን ከኣ ኸምኡ ገበሩ። 5. እቶም ኣይሁድ ከኣ ቐኒኦም፥ ካብቲ ዕዳጋ እኩያት ሰባት ወሰዱ፥ ሕዝቢ ኣኪቦም ድማ ነታ ኸተማ ኣነዓብዋ፤ ንጳውሎስን ንሲላስን ኣውፂኦም ናብቶም ሕዝቢ ምእንቲ ኬቕርብዎም ድማ ንቤት ኢያሶን ከበብዋ። 6. ምስ ሰኣንዎም ግና ንኢያሶንን ቊሩባት ካብ ኣኅዋትን ናብቶም መኳንንቲ እታ ኸተማ ኣቕረብዎም፤ “እዞም ንዅሉ ዓለም ዜናዕቡስ ኣብዚ ኸኣ መጺኦም። 7. ኢያሶን ከኣ ኣብ ገዝኡ ተቐቢልዎም ኣሎ፤ ንሳቶም ድማ ‘ኢየሱስ ዚብሃል ካልእ ንጉሥ ኣሎ’ እናበሉ ምስ ኣዋጅ ንጉሥ ሮማ ዚጻረር ነገር ይገብሩ ኣለዉ” እናበሉ ከሰስዎም። 8. እቶም ሕዝብን መኳንንቲ እታ ኸተማን፥ ነዚ ምስ ሰምዑ ተጨነቑ። 9. ንኢያሶንን ነቶም ካልኦት ብጾቱን ዋሕስ ኣትኪሎም ከኣ ኃደግዎም። 10. እቶም ኣኅዋት ግና ንጳውሎስን ሲላስን ብኡብኡ ብለይቲ ናብ ቤርያ ከም ዝኸዱ ገበርዎም፤ ኣብኣ ምስ በጽሑ ኸኣ ናብ ቤት ጸሎት ኣይሁድ ኣተዉ። 11. እቶም ሰብ ቤርያ፥ ካብቶም ኣብ ተሰሎንቄ ዚነብሩ ዝነበሩ ኣይሁድ ዝለበሙ ነበሩ፤ ነቲ ቓል ብምሉእ ልቦም ተቐበልዎ። እዚ ነገር እዚ ኸምኡ እንተ ኾይኑ ንኺፈልጡ ኸኣ ቅዱሳት መጻሕፍቲ ኣብ ጸጽባሕ ይምርምሩ ነበሩ። 12. ስለዚ ብዙኃት ካብኣቶም ኣመኑ፥ ካብቶም ግሪኻውያን ድማ ብዙኃት ክቡራት ኣንስትን ብዙኃት ግሪኻውያን ሰብኡትን ኣመኑ።

ስንክሳር Synaxarium

ቆዝሞስ
ወድምያኖስ ደቂቀ ቴውዳዳ
ወ፪፻ ወ፪ እደው ሰማዕታት
ወ፵ወ፱ አንስት
ወቀሌምንጦስ ሰማዕት

መዝሙር Psalm

ንመከራይ ርኢኻዮ፣ ንጸበባ ነፍሰይ ፈሊጥካዮ፣ ናብ ኢድ ጸላኢ ኣይሀብካንን፣ ነእጋረይ ኣብ ገፊሕ ቦታ ደው ኣቢልካየን ኢኻ እሞ፣ ብምሕረትካ ኽፍሳህ ክሕጐስውን እየ።

እትፌሣሕ ወእትሐሠይ በአድኅኖትከ፤
እስመ ርኢከኒ በሕማምየ፤
ወአድኀንካ እምንዳቤሃ ለነፍስየ።

ወንጌል Gospel

10. ብድኅርዚ ኣብ እንዳ ማቴዎስ ኣብ መኣዲ ምስ ተቐመጠ፥ እንሆ ብዙኃት ተቐበልቲ ቐረጽን ኃጥኣንን ምስ ኢየሱስን ደቀ መዛሙርቱን ተቐመጡ። 11. ፈሪሳውያን ከኣ እዚ ርእዮም ንደቀ መዛሙርቱ፦ “መምህርኩም ምስ ተቐበልቲ ቐረጽን ኃጥኣንን ስለምንታይ ይበልዕ፧” በልዎም። 12. ኢየሱስ ግና ሰሚዑ፥ “ንሓኪምሲ ሕሙማት እምበር፥ ጥዑያት ኣይደልይዎን እዮም። 13. ‘ምሕረት ደኣ እምበር መሥዋዕቲ ኣይኰነን ዝደሊ’ ዚብል እንታይ ምዃኑ ኪዱ ተምሃሩ። ከመይ ኣነ ንኃጥኣን እምበር ንጻድቃን ናብ ንስሓ ኽጽውዕ ኣይመጻእኩን” በሎም። 14. ሽዑ ደቀ መዛሙርቲ ዮሓንስ ናብ ኢየሱስ መጺኦም “ንሕናን ፈሪሳውያንን ብዙኅ ንጸውም፥ ደቀ መዛሙርትኻ ድኣ ስለምንታይ እዮም ዘይጸሙ፧” በልዎ። 15. ኢየሱስ ከኣ ኸምዚ በሎም፦ “መርዓዊ ምስኣቶም ከሎዶ ኣዕሩኽ መርዓዊ ኪኃዝኑ ይኽእሉ እዮም፧ ግናኸ መርዓዊ ካብኣቶም ዚውሰደላ መዓልቲ ኽትመጽእ እያ፥ ሽዑ ኸኣ ኪጾሙ እዮም። 16. ሓድሽ ቁራጽ ዓለባ ኣብ ብላይ ክዳን ዚልግብ ሓደ እኳ የልቦን፥ ምኽንያቱ ነቲ ጥዑይ ይልክሞ፥ እቲ ምቕዳዱ ኸኣ ዝገደደ ይኸውን። 17. ንሓድሽ ወይኒ ኣብ ዝኣረገ ኣሕርብቲ ኣየዕርቕዎን እዮም፥ ምኽንያቱ እቲ ኣሕርብቲ ይቕደድ እቲ ወይኒውን ይፈስስ፥ እቲ ኣሕርብቲ ኸኣ ይበላሾ። ንሓድሽ ወይኒ ግና ኣብ ሓደስቲ ኣሕርብቲ የዕርቕዎ፥ ክልቲኦም ድማ ይሕለው። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ንስጕምተይ ኣብ ቃልካ ኣጽንዓዮ፣ እከይ ድማ ከቶ ኣይምለኸኒ። ካብ መጥቃዕቲ ሰብ ተበጀወኒ፣ ኣነውን ትእዛዛትካ ኽሕሉ እየ።

አርትዕ ፍኖትየ ወሑረትየ በከመ ነቢብከ፤
ወኢይማዐኒ ኵሉ ኃጢአት፤
አድኅነኒ እምትዕግልተ ዕጓለ እመሕያው።

ወንጌል Gospel

16. እንሆ ሓደ ናብኡ መጺኡ “መምህር! ናይ ዘለዓለም ሕይወት ክወርስሲ እንታይ ሠናይ ግብሪ ኽገብር፧” በሎ። 17. ኢየሱስ ከኣ “ንምንታይ ብዛዕባ ሠናይ ትሓተኒ፧ እቲ ሠናይስ ሓደ እዩ። ናብ ሕይወት ክትኣቱ እንተ ደሌኻ ግና ትእዛዛት ሓሉ” በሎ። 18. ንሱ ድማ “ኣየኖት እየን፧” በሎ። ኢየሱስ ከኣ “ኣይትቕተል፥ ኣይትዘሙ፥ ኣይትስረቕ፥ ብሓሶት ኣይትመስክር፥ 19. ኣቦኻን ኣዴኻን ኣኽብር፥ ብጻይካውን ከም ነፍስኻ ኣፍቅር” በሎ። 20. እቲ መንእሰይ ድማ “ዝተረፈኒ ደኣ እንተሎ እምበር፥ ነዚ ዅሉስ ካብ ንእስነተይ ኂዘ፥ ሓልየዮ ኣሎኹ” በሎ። 21. ኢየሱስ ከኣ “እምበኣር ፍጹም ክትከውን እንተ ደሌኻስ፥ ኪድ፥ ዘሎካ ሃብቲ ሸጥካ ንድካታት ሃብ፥ ኣብ ሰማይ ድማ ሃብቲ ኽትረክብ ኢኻ እሞ፥ ንዓ ሰዓበኒ” በሎ። 22. እቲ መንእሰይ ድማ ብዙኅ ሃብቲ ስለ ዝነበሮ፥ ነዚ ቓል እዚ ምስ ሰምዐ እናጐሃየ ኸደ፡፡ 23. ኢየሱስ ከኣ ንደቀ መዛሙርቱ “ሃብታም ናብ መንግሥተ ሰማያት ኪኣቱ ጭንቂ ከም ዝኾነ፥ ብሓቂ እብለኩም ኣሎኹ። 24. ደጊመ ሃብታም ናብ መንግሥተ ኣምላኽ ካብ ዚኣቱስ ገመል ብዓይኒ መርፍእ ኪኃልፍ ከም ዚቐልል እብለኩም ኣሎኹ” በሎም። 25. ደቀ መዛሙርቲ ድማ ነዚ ሰሚዖም “መን ደኣ ኾን ኪድኅን ይኽእል፧” እናበሉ ብዙኅ ተገረሙ። 26. ኢየሱስ ድማ ጠመቶም እሞ “እዚ ብዓቕሚ ሰብ ኣይከኣልን እዩ፥ ብኣምላኽ ግና ዅሉ ይከኣል እዩ” በሎም። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መዝሙረ ዳዊት Psalm

እግዚአብሄር ኣምላኽሲ ጸሓይን ዋልታን እዩ እሞ፣ እግዚአብሄር ጸጋን ክብርን ይህብ፣ ነቶም ብቕንዕና ዚመላለሱ ሰናይ ዘበለ ኣይኸልኦምን እዩ።

እስመ ጽድቀ ወምጽዋተ ያበድር እግዚአብሔር፤
እግዚአብሔር ይሁብ ክብረ ወሞገሰ፤
እግዚአብሔር ኢያስተጼንሶሙ እምበረከቱ ለእለ ይሐውሩ በየዋሃት።

ወንጌል Gospel

22. “ወዲ ሰብ ብዙኅ መከራ ኺጸግብ፥ ብዓበይትን ብሊቃነ ካህናትን ብመምህራን ሕግን ኪነዓቕን ኪቕተልን ብሣልሰይቲ መዓልቲ ኪትንሥእን ግድን እዩ” ድማ በሎም። 23. ኢየሱስ ንዅሎም ከምዚ በሎም፦ “ዝኾነ ሰብ ደድኅረይ ኪስዕብ ዚደሊ ገዛእ ርእሱ ይኽሓድ፥ መዓልቲ መዓልቲውን መስቀሉ ተሰኪሙ ይስዓበኒ። 24. ምኽንያቱ እቲ ንነፍሱ ኼድኅና ዚደሊ ኼጥፍኣ እዩ፤ እቲ ንነፍሱ ምእንታይ ዜጥፍኣ ግና ኼድኅና እዩ። 25. ሰብከ ንብዘላ ዓለም ረቢሑስ ንነፍሱ እንተ ጐድኣ ወይ እንተ ኣጥፍኣ እንታይ ይጠቕሞ፧ 26. ብኣይን ብቓለይን ዚኃፍር ዘበለ፥ ወዲ ሰብ ብግርማኡን ብግርማ ኣቡኡን ብግርማ ቅዱሳን መላእኽቱን ኪመጽእ ከሎ፥ ብእኡ ኺኃፍር እዩ። 27. እንተኾነ ኻብዞም ኣብዚኣ ደው ኢሎም ዘለዉ ሰባት ንመንግሥቲ ኣምላኽ ክሳዕ ዚርእይዋ ዘይሞቱ ኸም ዘለዉ ብሓቂ እብለኩም ኣሎኹ።” ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

26. እምኸ ደኣ ኣኅዋተየ፥ እንታይ ይኃይሽ፧ ክትእከቡ ኸሎኹም፥ ሓደ ውህበት መዝሙር ኣለዎ፥ ሓደ ናይ ምምሃር ውህበት ኣለዎ፥ ሓደ ራእይ ኣለዎ፥ ሓደ ብቛንቋታት ናይ ምዝራብ ውህበት ኣለዎ፥ ሓደ ናይ ምትርጓም ውህበት ኣለዎ፥ ኵሉ ንምሕናጽ ይገበር። 27. ብቛንቋታት ዚዛረቡ እንተለው፥ ክልተ እንተ በዝኁ ኸኣ ሠለስተ ይዛረቡ እሞ በብተራ ይዛረቡ፥ ሓደ ድማ ይተርጒሞ። 28. ተርጓሚ እንተ ዘየልቦ ግና እቲ ብቛንቋታት ዚዛረብ ኣብታ ቤተ ክርስቲያን ስቕ ይበል፥ ንርእሱን ንኣምላኽን ግና ይዛረብ ደኣ። 29. ነብያት ክልተ ወይስ ሠለስተ ኾይኖም ይዛረቡ፥ እቶም ካልኦት ድማ ይመርምሩ። 30. ካብቶም ተቐሚጦም ዘለዉ ንሓደ ራእይ እንተ ተገልጸሉ ግና እቲ ቐዳማይ ስቕ ይበል። 31. ኲላቶም ምእንቲ ኺምሃሩ፥ ኲላቶምውን ምእንቲ ኺተባብዑስ፥ ኲላትኩም በብሓደ ኽትንበዩ ትኽእሉ ኢኹም። 32. እቶም መናፍስቲ ነብያት ነቶም ነብያት ይግዝእዎም እዮም። 33. ከመይ ኣምላኽ ናይ ሰላም እምበር፥ ናይ ዝርግርግ ኣምላኽ ኣይኮነን። ከምቲ ኣብ ኲለን ኣብያተ ክርስቲያን ኣመንቲ ዚግበር ዘሎ፥

ዘካልእ መልእክት Universal Epistle

1. ግናኸ ከምቲ ሓሰውቲ ነብያት ኣብ ማእከል ሕዝቢ እግዚኣብሔር ተንሢኦም ዝነበሩ፥ ኣብ ማእከልኩምውን ሓሰውቲ መምህራን ኪትንሥኡ እዮም። ንሳቶም ብኅቡእ ጥፋኣት ዜስዕብ መናፍቕነት ኬምጽኡ እዮም። ነቲ ዝተበጀዎም ጐይታ ብምኽሓድውን ኣብ ልዕሊኦም ቅልጡፍ ጥፍኣት ኬምጽኡ እዮም።2. ብዙኅት ድማ በቲ መገዲ ርኽሰቶም ኪስዕብዎም እዮም። ብሰሮምውን እታ መገዲ ሓቂ ክትጽረፍ እያ።3. ንሳቶም ስሱዓት ስለ ዝኾኑ ብዘረባ እናጠበሩ መናገዲ ኺገብሩኹም እዮም። ካብ ቀደም ፍርዶም ኣብ ልዕሊኦም ኣንጠልጢሉ ኣሎ። እቲ ዜጥፍኦም ኸኣ ነቒሑ ይጽበ ኣሎ።

ግብረ ሃዋርያት Acts

23. ሽዑ ጴጥሮስ ኣብ ገዛ ተቐቢሉ ኣኅደሮም። ንጽባሒቱ ተንሢኡ ምስኣቶም ከደ፥ ካብ ኢዮጴ ኸኣ ገለ ቚሩብ ኣኅዋት ሰዓብዎ። 24. ንጽባሒቱ ድማ ኣብ ቂሳርያ ኣተወ። ቆርኔሌዎስ ከኣ ኣዝማዱን ዚኣምኖም ፈተውቱን ኣኪቡ ይጽበዮም ነበረ። 25. ጴጥሮስ ኪኣቱ ኸሎ ኸኣ ቆርኔሌዎስ ተቐበሎ፥ ኣብ እግሩ ተደፊኡ ኸኣ ሰገደሉ። 26. ጴጥሮስ ግና “ተንሥእ! ኣነ ድማ ከማኻ ሰብ እየ”እናበለ ኣተንሥኦ። 27. ምስኡ እናተዛረበ ኣተወ፥ ኣብኡ ድማ ብዙኃት ሰብ ረኸበ። 28. ከምዚ ድማ በሎም፡ - “ንሓደ ኣይሁዳዊ ሰብኣይ ምስ ካልእ ሕዝቢ ኺጽምበር ወይ ናብ ቤቶም ኪኣቱ ከም ዘይግብኦ ትፈልጡ ኢኹም፤ ንኣይ ግና ንሓደ ሰብ እኳ ከይጽየፍ፥ ወይ ‘ርኹስ እዩ’ ከይብል ኣምላኽ ኣርእዩኒ እዩ። 29. ምእንትዚ ድማ ምስ ለኣኽኩምለይ፥ ስግጥ ከይበልኩ መጻእኩ፤ እሞ ሕጂኸ ብዛዕባ እንታይ ኢኹም ዝጸዋዕኩምኒ፧”

ስንክሳር Synaxarium

ቆርኔሌዎስ ሊቀ ሐራ
ወጴጥሮስ
ወአብድዩ ነቢይ

መዝሙር Psalm

ዎ ኣምላኽ፣ ሓሳባትካ ንኣይ ክንደይ ክቡር እዩ፣ ቊጽሩስ ክንደይ ዓብዪ እዩ። እንተ ቘጸርክዎ፣ ካብ ሑጻ ይበዝሕ።

ወበኀቤየሰ ፈድፋደ ክቡራን አዕርክቲከ እግዚኦ፤
ወፈድፋደ ጸንዑ እምቀደምቶሙ፤
እኌልቆሙ ወእምኆፃ ይበዝኁ።

ወንጌል Gospel

32. “ኣብ ቅድሚ ሰብ ንዝተኣመነኒ ዅሉ ኣነ ኸኣ ኣብ ቅድሚ እቲ ኣብ ሰማያት ዘሎ ኣቦይ ክእመኖ እየ። 33. ኣብ ቅድሚ ሰብ ንዝኸሓደኒ ግና፥ ኣነ ድማ ኣብ ቅድሚ እቲ ኣብ ሰማያት ዘሎ ኣቦይ ክኽሕዶ እየ። 34. “ኣነ ናብ ምድሪ ሰላም ከውርድ ዝመጻእኩ ኣይምሰልኩም፥ ኲናት ደኣ እምበር ሰላም ከውርድ ኣይመጻእኩን። 35. ወዲ ኻብ ኣቦኡ፥ ጓል ካብ ኣዲኣ፥ መርዓት ካብ ሓማታ ኽፈላሊ እየ ዝመጻእኩ። 36. ንሰብ ከኣ ጸላእቱ ቤተ ሰቡ ኪኾኑ እዮም። 37. እቲ ነቦኡ ወይ ነዲኡ ካባይ ኣብሊጹ ዜፍቅር ንኣይ ኣይበቅዕን እዩ። ካባይ ንወዱ ወይ ንጓሉ ኣብሊጹ ዜፍቅርውን ንኣይ ኣይበቅዕን እዩ። 38. እቲ መስቀሉ ፀይሩ ደድኀረይ ዘይስዕብ ንኣይ ኣይበቅዕን እዩ። 39. ንሕይወቱ ዚረኽባ ኼጥፍኣ እዩ፥ ንሕይወቱ ምእንታይ ዜጥፍኣ ኸኣ ኪረኽባ እዩ። 40. “ንኣኻትኩም ዚቕበል ንኣይ ይቕበል፥ እቲ ንኣይ ዚቕበል ድማ ነቲ ዝለኣኸኒ ይቕበሎ። 41. ንነቢይ ብስም ነቢይ ዚቕበል ዓስቢ ነቢይ ይረክብ፥ እቲ ንጻድቕ ብስም ጻድቕ ዚቕበል ዓስቢ ጻድቕ ይረክብ። 42. ካብዞም ናእሽቱ ንሓደ እኳ ብስም ወደ መዝሙር ዝሑል ብርጭቆ ማይ ጥራይ ዜስቲ፥ ዓስቡ ከቶ ከም ዘይስእን ብሓቂ እብለኩም ኣሎኹ።” ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ሓጢኣተይ ኣፍለጥኩኻ፣ በደለይውን ኣይሰወርኩን፣ ንእግዚኣብሄር ኣበሳይ ክናዘዘሉ እየ፣ በልኩ። ንስኻውን እከይ ሓጢኣተይ ይቕረ በልካለይ። ስለዚ ደጊ ዘበለ ዅሉ ብእትርከበላ ጊዜ ይልምነካ።

ወእቤ አስተዋዲ ርእስየ ኀበ እግዚአብሔር በእንተ ኃጢአትየ፤
ወአንተ ኅድግ ጽልሑቶ ለልብየ፤
በእንተዝ ይጼሊ ኀቤከ ኵሉ ጻድቅ በጊዜ ርቱዕ።

ወንጌል Gospel

22. ኢየሱስ ከኣ ኸምዚ ኢሉ መለሰሎም፡ - “ብኣምላኽ እመኑ። 23. እቲ ብልቡ ኸይተጠራጠረ እቲ ዚልምኖ ከም ዚፍጸም ዚኣምን ኵሉ፥ ነዚ እምባ እዚ ‘ካብዚ ተላዒልካ ናብቲ ባሕሪ ተወርወር’ እንተ በሎ ንእኡ ከም ዚኾነሉ ብሓቂ እብለኩም ኣሎኹ። 24. ስለዚ እትጽልይዎን እትልምንዎን ዘበለ ኸም ዝተቐበልኩምዎ እመኑ እሞ ኪኾነልኩም እዩ፥ እብለኩም ኣሎኹ። 25. ደው ኢልኩም ክትጽልዩ ኸሎኹም ከኣ ሰማያዊ ኣቦኹም በደልኩም ምእንቲ ኺኃድገልኩም፥ ንብጻይኩም ዝኃዝኩምሉ በደል እንተሎ፥ ኅደጉሉ። 26. ንስኻትኩም እንተ ዘይኃደግኩም ግና እቲ ኣብ ሰማይ ዘሎ ኣቦኹም ድማ በደልኩም ኣይኃድገልኩምን እዩ።” እትሰምዕ እዝኒ ዘላቶ ይስማዕ!

መዝሙረ ዳዊት Psalm

ምስ መሳፍንቲ፣ ምስቶም መሳፍንቲ ህዝቡ ኬቐምጦስ፣ ንመስኪን ካብ ሓመድ የተንስኦ፣ ንድኻውን ካብ ድዅዒ የልዕሎ።

ዘያነሥኦ ለነዳይ እምድር፤
ወያሌዕሎ እመሬት ለምስኪን፤
ከመ ያንብሮ ምስለ መላእክቲሁ።

ወንጌል Gospel

10. “መላእኽቶም ኣብ ሰማያት ኵሉ ሳዕ ገጽ እቲ ኣብ ሰማያት ዘሎ ኣቦይ ይርእዩ ኣለዉ እሞ፥ ካብዞም ናእሽቱ ንሓደ እኳ ክይትንዕቁ ተጠንቀቑ። 11. ወዲ ሰብ ንዝጠፍአ ኬድሕን መጺኡ ኣሎ እሞ፥ 12. እንታይ ይመስለኩም፧ ሚእቲ ኣባጊዕ ዘለዋኦ ሰብኣይ ካብአን ሓንቲ እንተ ጠፍኣቶ ነተን ተስዓን ትሽዓተን ኣብ ጎቦታት ኃዲጉ ነታ ዝጠፍአት ኪደሊዶ ኣይከይድን፧ 13. እንተ ረኸባ ድማ ኻብተን ተስዓን ትሽዓተን ዘይጠፍኣ ብኣኣ ኣዝዩ ኸም ዚሕጐስ ብሓቂ እብለኩም ኣሎኹ። 14. ከምኡ ድማ ኻብዞም ናእሽቱ ሓደ እኳ ኺጠፍእ ፍቓድ እቲ ኣብ ሰማያት ዘሎ ኣቦኹም ኣይኰነን። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

17. ነቶም ብጽቡቕ ዘገልግሉ መራሕቲ ቤተክርስትያን፥ ምናዳ ነቶም ወንጌል ዝሰብኩን ዝምህሩን ዕጽፊ ኽብሪ ይግብኦም እዩ። ከመይ እቲ ቅዱስ መጽሓፍ “ኣፍ እቲ ዜኽይድ ብዕራይ ኣይትእሰር፥” ከምኡውን “ንዓያዪ ውዕለቱ ይግብኦ እዩ” ይብል እዩ። 18. ንመራሒ ቤተክርስትያን ዚርኢ ኽሲ ግና፥ ኽልተ ወይ ሠለስተ ሰባት እንተ ዘይመስኪሮምሉ ኣይትቀበሎ። 19. ነቶም ኃጢኣት ዚገብሩ ኸኣ፥ እቶም ካልኦት ምእንቲ ኪፈርሁ፥ ኣብ ቅድሚ ዅሉ ግንሓዮም። 20. ብዘይ ኣፈላላይን ብዘይ ኣድልዎን ነዚ ምዕዶዚ ክትሕሉ፥ ኣብ ቅድሚ ኣምላኽን ኣብ ቅድሚ ክርስቶስ ኢየሱስን ኣብ ቅድሚ እቶም ኅሩያት መላእኽትን አማኅጽነካ ኣሎኹ። 21. ብታህዋኽ ኣብ ሓደ እኳ ኢድካ ኣይተንብር፥ ኣብ ኃጢኣት ካልኦትውን ኣይትጸምበር። ንርእስኻ ብንጽሕና ሓሉ። 22. ስለ ኸብድኻን ስለቲ ዚመላለሰካ ሕማምን ሒደት ወይኒ ደኣ እምበር ማይ ጥራይ ኣይትስተ። 23. ኃጢኣት ገሊኦም ሰባት ግሁድ እዩ፥ ናብ ፍርዲ ኸኣ ይቕድሞም። ናይ ገሊኦም ግና ይስዕቦም። 24. ከምኡ ኸኣ እቲ ሠናይ ግብሪ ግሉጽ እዩ፥ እቲ ዘይግሉጽውን ኪሥወር ኣይከኣሎን እዩ።

ዘካልእ መልእክት Universal Epistle

12. ኣብ ርእሲ እዚ፥ ኣኅዋተይ፥ ኣይትምሓሉ። ብምድሪ ኾነ ብሰማይ ወይ ብኻልእ ነገር ኣይትምሓሉ፤ ኣብ ትሕቲ ፍርዲ እግዚኣብሔር ከይትወድቁ ድማ እቲ እወኹም እወ፥ እቲ ኣይኮነን ዝበልኩምዎ ኸኣ ኣይኮነን ይኹን። 13. ኣብ ማእከልኩም ዝጸበቦ እንተሎ ይጸሊ። ሕጉስ እንተሎ ይዘምር። 14. ኣብ ማእከልኩም ዝሓመመ እንተሎ ንመራሕቲ ቤት ክርስቲያን ይጸውዕ፥ ንሳቶም ከኣ ብስም ጐይታ ብዘይቲ እናቐብኡ ይጸልዩሉ። 15. እታ ብእምነት ዝተገብረት ጸሎት ድማ ነቲ ሕሙም ከተሕውዮ እያ። ጐይታውን ኬተንሥኦ እዩ። ኃጢኣት ገይሩ እንተ ኾይኑውን ኪኅደገሉ እዩ። 16. እምበኣርሲ ምእንቲ ኽትሓውዩ ንሓድሕድኩም ኃጢኣትኩም ተናዘዙ፥ ምእንቲ ንሓድሕድኩምዉን ጸልዩ። ጸሎት ጻድቕ ብግብራ ብዙኅ ተስልጥ እያ። 17. ኤልያስ ከማና ሰብ እዩ ዝነበረ። ዝናም ከይዘንም ጸሎት ገበረ፥ ሠለስተ ዓመትን ሽዱሽተ ወርኅን ከኣ ኣብ ምድሪ ዝናም ኣይዘነመን። 18. ከም ብሓድሽ ድማ ጸለየ፥ ሰማይ ከኣ ዝናም ሃበ፥ ምድሪውን ፍሪኣ ሃበት። 19. ኣቱም ኣኅዋተይ፥ ሓደ ኻባኻትኩም ካብ ሓቂ እንተ ረሓቐ፥ ሓደ ኸኣ እንተ መለሶ፥ 20. እቲ ንኃጥእ ካብ መገዲ ጌጋኡ ዝመለሶ፥ ካብ ዘለዓለማዊ ሞት ከም ዘድኃኖ፥ ብዙኅ ኃጢኣት እዉን ኬኅደግ ከም ዝገበረ ይፍለጥ።

ግብረ ሃዋርያት Acts

17. “ናብ ኢየሩሳሌም ተመሊሰ፥ ኣብ መቕደስ ኮይነ ኽጽሊ ከሎኹ ድማ ተመሰጥኩ። 18. ጐይታ ኸኣ ብራእይ ‘ነቲ ብዛዕባይ እትምስክሮ ኣይኪቕበሉኻን እዮም፥ ስለዚ ካብ ኢየሩሳሌም ቀልጢፍካ ውፃእ’ ኪብለኒ ኸሎ ረአኽዎ። 19. ኣነ ኸኣ ‘ጐይታይ፥ ኣነ ነቶም ብኣኻ ዚኣምኑ እኣስሮምን ኣብ ቤት ጸሎት እወቕዖምን ከም ዝነበርኩ ባዕላቶም ይፈልጡ እዮም። 20. ደም እስጢፋኖስ ሰማዕትኻ ኬፍስሱ ኸለዉ ድማ ባዕለይ ምስኣቶም ሠሚረ ኣብኡ ደው ኢለ ነበርኩ፤ ናይቶም ዝቐተልዎ ኽዳውንቲውን እሕሉ ነበርኩ’ በልክዎ። 21. ንሱ ኸኣ ‘ኣነ ንርሑቕ ናብ ኣሕዛብ እልእከካ ኣሎኹ እሞ ኪድ’ በለኒ።” 22. ክሳዕ እዚ ዘረባ እዚ ንጳውሎስ ሰምዕዎ፥ ብድኅሪ እዚ ግና ድምፆም ዓው ኣቢሎም፡ - “ከምዚ ዝበለ ሰብ ብሕይወት ኪነብር ኣይግብኦን እዩ እሞ፥ ካብ ምድሪ ኣልግስዎ” በሉ። 23. እቶም ሕዝቢ ክዳውንቶም እናደርበዩ፥ ሓመድ ንላዕሊ እናበተኑ ኺጭድሩ ኸለዉ፥

ስንክሳር Synaxarium

ዕሥራ ወአርባዕቱ ካህናተ ሰማይ
ወሰማዕታተ ናግራን
ወቀተላው
ወጋይዮስ
ወቃርዮስ
ወዲዮስቆሮስ
ወዮሴፍ ዘሃገረ ኦን

መዝሙር Psalm

እግዚኣብሄር ካብ ሰማያት አመስግንዎ፣ ኣብ ኣርያም ኣመስግንዎ። ኵሉኹም መላእኽቱ፣ አመስግንዎ፣ ብዘሎኹም ሰራዊቱ፣ አመስግንዎ።

ሰብሕዎ ለእግዚአብሔር እምሰማያት፤
ይሴብሕዎ በአርያም፤
ይሴብሕዎ ኵሎሙ መላእክቲሁ።

ወንጌል Gospel

36. ድኅርዚ ነቶም ሕዝቢ ኣፋንዩ ናብ ቤት ኣተወ፥ ደቀ መዛሙርቱ ድማ ቐሪቦም “ምስላ ናይቲ ኣብ ግራት ዝበቘለ ኽርዳድ ተርጕመልና” በልዎ። 37. ንሱ ድማ ኸምዚ ኢሉ መለሰሎም፡ - “እቲ ጽሩይ ዘርኢ ዚዘርእ ወዲ ሰብ እዩ፥ 38. እታ ግራት ዓለም እያ፥ ጽሩይ ዘርኢ ድማ ደቂ መንግሥቲ እዮም፥ እቲ ኽርዳድ ግና ደቂ እቲ እኩይ እዮም። 39. እቲ ዝዘርኦም ጸላኢ ኸኣ ድያብሎስ እዩ፥ ቀውዒ ድማ መወዳእታ ዓለም እዩ፥ እቶም ዓጻዶውን መላእኽቲ እዮም። 40. እምበኣር ነቲ ኽርዳድ ኣኪቦም ብሓዊ ኸም ዜንድድዎ ኣብ መወዳእታ ዓለም ከኣ ኸምኡ ኺኸውን እዩ። 41. ወዲ ሰብ ንመላእኽቱ ኪልእኮም እዩ፥ ንሳቶም ከኣ ንዅሎም ምኽንያት ኃጢኣት ዝኾኑን ገበርቲ ኽፉእን ካብ መንግሥቱ ኺእክብዎም እዮም። 42. ኣብ እቶን ሓዊ ኺድርብይዎም እዮም፥ ኣብኡ ድማ ብኽያትን ምሕርቃም ኣስናንን ኪኸውን እዩ። 43. ሽዑ ጻድቃን ኣብ መንግሥቲ ኣቦኦም ከም ፀጸሓይ ኪበርሁ እዮም፥ እትሰምዕ እዝኒ ዘላቶ ይስማዕ። ተቐቢሩ ዝተረኽበ ወርቅን ዕንቊን ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ኣበሳኡ እተሐድገሉ፣ ሓጢኣቱ እተሰወረሉ ሰብ ብጹእ እዩ። እግዚኣብሄር በደሉ ዘይጽብጽበሉ፣ ኣብ መንፈሱውን ልግሚ ዜብሉ ሰብ ብጹእ እዩ።

ብፁዓን እለ ተኀድገ ሎሙ ኃጢአቶሙ፤
ወእለ ኢሐሰበ ሎሙ ኵሎ ጌጋዮሙ፤
ብፁዕ ብእሲ ዘኢኇለቈ ሎቱ እግዚአብሔር ኃጢአቶ።

ወንጌል Gospel

6. ብኻልእ ሰንበት ድማ ኢየሱስ ናብ ቤት ጸሎት ኣይሁድ ኣትዩ መሃረ፥ ኣብኡ ኸኣ የማነይቲ ኢዱ ዝነቐጸት ሰብኣይ ነበረ። 7. መምህራን ሕግን ፈሪሳውያንን ከኣ መኽሰሲ ምእንቲ ኪረኽቡሉ፥ ብሰንበት እንተ ኣሕወዮ ኢሎም ይጸናጸንዎ ነበሩ። 8. ንሱ ኸኣ ሓሳቦም ፈሊጡ ነቲ ኢዱ ዝነቐጸት ሰብኣይ “ተንሥእ እሞ ኣብ ማእከል ደው በል” በሎ። ንሱውን ተንሢኡ ደው በለ። 9. ኢየሱስ ከኣ “እስከ ክሓተኩም፦ ብሰንበት ጽቡቕ ምግባርዶ ወይ ክፉእ ምግባር፥ ነፍሲ ምድኃንዶ ወይ ምቕታል ይግባእ፧” በሎም። 10. ንዅሎም እቶም ኣብ ዙርያኡ ዝነበሩ እናጠመተ ኸኣ ነቲ ሰብኣይ “ኢድካ ዘርግሕ” በሎ፥ ንሱ ኸኣ ዘርግሓ፥ እታ ኢዱውን ሓወየት። 11. ንሳቶም ግና ኣዝዮም ነደሩ፥ ንኢየሱስ እንታይ ከም ዚገብርዎ ድማ ንሓድሕዶም ተማኸሩ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መዝሙረ ዳዊት Psalm

መሰረት ዝፋንካ ጽድቅን ቅንዕናን እዩ፣ ሳህልን ሓቅን ቀቅድሚ ገጽካ ይኸዳ አለዋ። እቲ እልልታ ዚፈልጥ ህዝቢ ብጹእ እዩ።

ፍትሕ ወርትዕ ተድላ መንበርከ፤
ሣህል ወጽድቅ የሐውር ቅድመ ገጽከ፤
ብፁዕ ሕዝብ ዘየአምር የብቦ።

ወንጌል Gospel

20. ድኅርዚ ኣደ ደቂ ዘብዴዎስ ምስ ደቃ ናብኡ ቐሪባ እናሰገደትሉ ሓደ ነገር ለመነቶ። 21. ኢየሱስ ከኣ “እንታይ ትደልዪ፧” በላ። ንሳ ድማ “እዞም ክልተ ደቀይ ኣብ መንግሥትኻ ሓደ ብየማንካ፥ ሓደ ብጸጋምካ ኪቕመጡ ሕራይ በለኒ” በለቶ። 22. ኢየሱስ ግና መሊሱ “እትልምንዎ ኣይትፈልጡን ኢኹም፥ እቲ ኣነ ዝሰትዮ ናይ መከራ ጽዋዕ ክትሰትዩኸ ትኽእሉዶ፧” በሎም። ንሳቶም ድማ “እወ፥ ንኽእል” በልዎ። 23. ኢየሱስ ከኣ “ጽዋዐይሲ ኽትሰትዩ ኢኹም፥ ኣብ የማነይን ጸጋመይን ምቕማጥ ግና ነቶም ኣቦይ ዘዳለወሎም እዩ እምበር ኣነ ኣይኰንኩን ዝህቦ” በሎም። 24. እቶም ዓሠርተ ደቀ መዛሙርቱ ነዚ ሰሚዖም በቶም ክልተ ኣኅዋት ኣመና ሓረቑ። 25. ስለዚ ኢየሱስ ጸዊዑ “ንኣሕዛብ እቶም ሽማምንቶም ከም ዚገዝእዎም፥ ዓበይቶም ድማ ኣብ ልዕሊኦም ከም ዚሥልጥኑ ትፈልጡ ኢኹም። 26. “ኣባኻትኩም ግና ከምዚ ኣይኰነን፥ እቲ ኻባኻትኩም ኪዓቢ ዚደሊ ኣገልጋሊኹም ይኹን። 27. እቲ ኻባኻትኩም ሓለቓ ኺኸውን ዚደሊ ልኡኽኩም ይኹን። 28. ከመይ ወዲ ሰብ እውን እንተኾነ ኬገልግልን ሕይወቱ ምእንቲ ብዙኃት በጃ ኪህብን ድኣ እምበር ኬገልግልዎ ኢሉ ኣይመጸን” በሎም። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

4. ኣባኻትኩም ብዙኅ እምነት ኣሎኒ፥ ብኣኻትኩም ኸኣ ኣዝየ እየ ዝሕበን። ተጸናኒዐ ኣሎኹ፥ ብዙኅ ጸበባ እኳ እንተ ኣሎና ሓጐሰይ ወሰን የብሉን። 5. ኣብ መቄዶንያ ምስ በጻሕና ድማ ብዅሉ ጨነቐና እምበር ዕረፍቲ እኳ ኣይረኸብናን፤ ኣብ ወፃኢ ውግእ፥ ኣብ ውሽጢውን ፍርሃት ነበረና። 6. እቲ ሕሊናኦም ንዝዓረቦም ዜጸናንዕ ኣምላኽ ግና ብምምጻእ ቲቶ ገይሩ ኣጸናንዓና። 7. ግናኸ በቲ ንሱ ኻባኻትኩም ዝረኸቦ ምጽንናዕ ደኣ እምበር ብምምጽኡ ጥራይ ኣይኮነን፤ ናተይ ናፍቖት ከም ዘሎኩም፥ ከም እተጥዓስኩም፥ ብኣይውን ኣዚኹም ከም እትግደሱ ምስ ኣዘንተወለይ ኣዝየ ተሓጐስኩ። 8. ብመልእኽተይ ኣጕህየኩም እንተ ኾንኩ እኳ ኣየጣዕሰንን እዩ። ቕድም ግና ንጊዜኡ እኳ እንተ ኾነ፥ ከም ዘጕሄኹኹም ስለ ዝፈለጥኩ ኣጣዒሱኒ ነይሩ። 9. ሕጂ ግና ስለ ዘጕሄኹኹም ዘይኮነስ ብምኽንያትና ገለ ጕድኣት ስለ ዘይበጽሓኩምን ከም ፍቓድ ኣምላኽ ንንስሓ ስለ ዝጕሄኹምን እሕጐስ ኣሎኹ። 10. ከም ፍቓድ ኣምላኽ ምጕሃይ ናብ ድኅነት ዜብጽሕ ንስሓ የስዕብ፥ ኣየጣዕስን ኸኣ እዩ፤ ጓሂ ዓለም ግና ሞት የስዕብ። 11. እንሆ እዚ ኸም ፍቓድ ኣምላኽ ዝጕሄኹምዎ ክትጽዕቱን ካብ በደል ንጹሓት ምዃንኩም ከም ተረድኡን ገበረኩም። ጽልኢ ኃጢኣትን ፍርሃት እግዚኣብሔርን ከም ዚህልወኩምን ንኣይ ከም እትናፍቑን መንፈሳዊ ቕንኣት ከም ዚኃድረኩምን ብቕንዕና ከም እትፈርዱንውን ገበረኩም። በዚ ነገር እዚ ብዅሉ ንጹሓት ከም ዝኾንኩም ገለጽኩም።

ዘካልእ መልእክት Universal Epistle

1. ናይ ኢየሱስ ክርስቶስ ኣገልጋልን ሓዋርያን ዝኾነ፥ ካብ ስምዖን ጴጥሮስ፥ ናብቶም ብናይ ኣምላኽናን መድኃኒናን ኢየሱስ ክርስቶስ ጽድቂ ኸማና ኽብርቲ እምነት ዝተቐበሉ፥2. በቲ ንኣምላኽን ንጐይታና ኢየሱስን ዘሎኩም ፍልጠት ጸጋን ሰላምን ይብዝኃልኩም።3. ነቲ ናብ ክብሩን ሕያውነቱን ዝጸውዓና ብምፍላጥና፥ መለኮታዊ ኃይሉ፥ ዅሉ እቲ ንሕይወትን ንመንፈሳውነትን ዜድልየና ሂቡና ኣሎ።4. በዚ እታ ኽብርትን ዓባይን ተስፋ ረኸብና። ንስኻትኩም ድማ፥ ካብቲ ንዓለም ኣባላሽይዋ ዘሎ ትምኒት ሥጋ ወፂእኩም ተኻፈልቲ መለኮታዊ ባህርዩ ኾንኩም።5. ስለዚ ብዅሉ ትግሃት እናተጋደልኩም ኣብ እምነትኩም ሕያውነት ወስኹ፥ ኣብ ሕያውነትውን ፍልጠት፥6. ኣብ ፍልጠት ኸኣ ምግታእ ርእስኻ፥ ኣብ ምግታእ ርእስኻ ድማ ዓቕሊ፥ ኣብ ዓቕሊውን መንፈሳውነት፥7. ኣብ መንፈሳውነት ኸኣ ኅውነት፥ ኣብ ኅውነት ድማ ፍቕሪ ወስኹ።8. እዚ ነገር እዚ እንተ ኣሎኩም፥ እናማዕበለውን እንተ ኸደ፥ ንጐይታና ኢየሱስ ክርስቶስ ኬፍልጠኩም እዩ። ሃካያትን ዘየፍርዩንውን ኣይክትኮኑን ኢኹም።

ግብረ ሃዋርያት Acts

22. እቲ ሕዝቢ ኸኣ ኣብ ልዕሊኦም ተንሢኡ ተጻብኦም፥ እቶም ሮማውያን ሰበ ሥልጣን ድማ ክዳውንቶም ገፊፎም ብበትሪ ኪዘብጥዎም ኣዘዙ። 23. ብዙኅ ምስ ገረፍዎም ከኣ ናብ ቤት ማእሰርቲ ኣእተውዎም፤ ነቲ ሓላው ቤት ማእሰርቲ ድማ ኣጽኒዑ ኪሕልዎም ኣዘዝዎ። 24. ንሱ ነዚ ትእዛዝ እዚ ምስ ተቐበለ ኸኣ፥ ናብቲ ዝወሸጠ ቤት ማእሰርቲ ኣእተዎም፤ ኣእጋሮም ድማ ብመቚሕ ጒንዲ ኣጽኒዑ ኣሰሮም። 25. ፍርቂ ለይቲ ምስ ኮነ ድማ፥ ጳውሎስን ሲላስን እናጸለዩ፥ ንኣምላኽ ብመዝሙር የመስግኑ ነበሩ፤ እቶም ካልኦት እሱራት ከኣ ይሰምዕዎም ነበሩ። 26. ብሃንደበት ድማ፥ መሠረት እታ ቤት ማእሰርቲ ኽሳብ ዚናወጽ፥ ብርቱዕ ምንድቕዳቕ ምድሪ ኾነ፤ ብኡብኡ ኸኣ ኵሉ እቲ መዓጹ ተኸፍተ፥ ናይ ኵላቶም መቓውሕውን ተፈትሐ። 27. እቲ ሓላው ቤት ማእሰርቲ ምስ ተበራበረ ኸኣ መዓጹ እታ ቤት ማእሰርቲ ተኸፊቱ ረኣየ፤ እቶም እሱራት ዝመለቑ መሲልዎ ድማ ሰይፉ መሊሑ ባዕሉ ንባዕሉ ኪቐትል ደለየ።

ስንክሳር Synaxarium

መርቆሬዎስ
ወአቃርዮስ
ወሮማኖስ

መዝሙር Psalm

ንህዝብኻ ተንኰል ይፍሕሱሎም፣ ነቶም እትጋርዶም ድማ አብ ልዕሊኦም ይማኸሩሎም ኣለዉ። ህዝቢ ኸይኰኑ፣ ስም እስራኤል ደጊም ከይዝከርሲ፣ ንዑ ነጽንቶም፣ ይብሉ አለዉ።

ወተማከሩ ዲበ ቅዱሳኒከ፤
ወይቤሉ ንዑ ንሥርዎሙ እምአሕዛብ፤
ወኢይዝክሩ እንከ ስመ እስራኤል።

ወንጌል Gospel

12. ቅድሚ እዚ ዅሉ ኸኣ፥ ኪኅዙኹምን ኪሰጕኹምን እዮም። ስለ ስመይ ኸኣ ናብ ቤት ጸሎት ኣይሁድን ናብ ቤት ማእሰርትን ኪወስዱኹም፥ ናብ ነገሥታትን ሹማምንትን ኬብጽሑኹም እዮም። 13. እዚ ንኽትምስክሩለይ ጽቡቕ ዕድል ኪኾነልኩም እዩ። 14. ነዚ ነገር እዚ ኣብ ልብኹም ኣኅድርዎ፥ እንታይ ኢልኩም ከም እትምልሱ ኣቐዲምኩም ኣይትሕሰቡ። 15. ምኽንያቱ ኣነ ንኹሎም መኸራኽርትኹም ምቅዋሙን ምምጓቱን ዘይከኣሎን ኣፍን ጥበብን ክህበኩም እየ። 16. ወለድን ኣኅዋትን ኣዝማድን ኣዕሩኽን ኣኅሊፎም ኪህቡኹም፥ ካባኻትኩምውን ንገሊኣቶም ኪቐትሉ እዮም። 17. ስለ ስመይ ከኣ ብዅሉ ዝተጸላእኩም ክትኮኑ ኢኹም። 18. ግናኸ ኻብ ርእስኹም ሓንቲ ፀጕሪ እኳ ኣይክትጠፍእን እያ። 19. ንነፍስኹም ከኣ ብትዕግሥትኹም ከተጥርይዋ ኢኹም። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

እግዚኣብሄር ንዚጽውዕዎ ዅሎም፣ ብሓቂ ንዚጽውዕዎ ዅሎም ቀረባኦም እዩ። ፍቓድ እቶም ዚፈርህዎ ይፍጽም።

ቅሩብ እግዚአብሔር ለኵሎሙ እለ ይጼውዕዎ፤
ወለኵሎሙ እለ ይጼውዕዎ በጽድቅ፤
ይገብር ፈቃዶሙ ለእለ ይፈርህዎ።

ወንጌል Gospel

3. - 4. ንስኻ ግና ምጽዋትካ ብኅቡእ ምእንቲ ኪኸውን፥ ክትምጽውት ከሎኻ የማነይትኻ እትገብሮ ጸጋመይትኻ ኣይትፍለጦ፥ እቲ ብሥዉር ዚርኢ ኣቦኻ ድማ ብግልጺ ኪፈድየካ እዩ። 5. “እቶም ግቡዛት ብሰብ ምእንቲ ኺርኣዩ፥ ኣብ ናይ ኣይሁድ ኣባይቲ ጸሎትን፥ ኣብ ቀራናታት መገድን ደው ኢሎም ኪጽልዩ ይፈትዉ እዮም እሞ፥ ክትጽልዩ ኸሎኹም ከምኣቶም ኣይትኹኑ፥ ዓስቦም ከም ዝተቐበሉ ብሓቂ እብለኩም ኣሎኹ። 6. ንስኻ ግና ክትጽሊ ከሎኻ፥ ናብ ቤትካ እቶ፥ ማዕጾኻ ዓጺኻ ናብቲ ብሥዉር ዘሎ ኣቦኻ ጸሊ። እቲ ብሥዉር ዚርኢ ኣቦኻ ድማ ብግልጺ ኪፈድየካ እዩ። 7. “ኣሕዛብ ብምብዛኅ ዘረባኦም ዚስምዑ እዩ ዚመስሎም እሞ፥ ኽትጽልዩ ኸሎኹም ከምኣቶም ከንቱ ዘረባ ኣይተብዝኁ። 8. እምብኣርከ ኣቦኹም ከይለመንኩምዎ፥ ዜድልየኩም ይፈልጥ እዩ እሞ፥ ኣይትምሰልዎም። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መዝሙረ ዳዊት Psalm

ኣምላኸየ፣ ካብ ጸላእተይ ኣናግፈኒ፣ ካብቶም ዚትንስኡኒ ኣብ እምባ ኣቚመኒ። ካብ ገበርቲ እከይ ኣናግፈኒ፣ ካብ ደመኛታትውን ኣድሕነኒ።

አድኅነኒ እግዚኦ እምፀርየ፤
ወአንግፈኒ እምእለ ቆሙ ላዕሌየ፤
ወባልሐኒ እምገበርተ ዓመፃ።

ወንጌል Gospel

9. “ንኣኣቶም ምስክር ምእንቲ ኪኸውን ብኣይ ምኽንያት ንፍርዲ ኣኅሊፎም ኪህቡኹም፥ ኣብ ኣብያተ ጸሎቶምውን ኪገርፉኹም፥ ኣብ ቅድሚ መኳንንትን ነገሥታትን ከኣ ደው ኬብሉኹም እዮም እሞ ንርእስኹም ተጠንቀቑ። 10. ቕድም ግና ንዅሎም ኣሕዛብ ወንጌል ኪስበኽ ግድን እዩ። 11. መንፈስ ቅዱስ እዩ እምበር ንስኻትኩም ኣይኮንኩምን እትዛረቡ፤ ስለዚ ኣኅሊፎም ኪህብኹም ምስ ወሰደኹም፥ እቲ በታ ሰዓት እቲኣ ዚወሃበኩም ደኣ ተዛረቡ እምበር፥ እንታይ ኢልኩም ከም እትዛረቡ ኣቐዲምኩም ኣይትጨነቑ። 12. ኃው ንኃው፥ ወላዲ ንውሉዱ፥ ኣኅሊፉ ንሞት ኪህብ እዩ፥ ውሉድውን ኣብ ልዕሊ ወለዶም ተንሢኦም ኪቐትልዎም እዮም። 13. ምእንቲ ስመይ ከኣ ኵሉ ኪጸልኣኩም እዩ፤ እቲ ኽሳዕ መወድእታ ዚዕገስ ግና ንሱ ኺድኅን እዩ። እትሰምዕ እዝኒ ዘላቶ ይስማዕ!

መልእክተ ጳውሎስ Pauline Epistle

35. - 36. ካብ ፍቕሪ ክርስቶስ ዚፈልየና መን እዩ፧ ከመዮ “ምእንታኻ ምሉእ መዓልቲ ንቕተል ኣሎና፥ ከም ኣባጊዕ ማሕረዲውን ተቘጸርና” ዚብል ጽሑፍ ዘሎ፥ መከራዶ፥ ጸበባዶ፥ ስደትዶ፥ ጥሜትዶ፥ ዕርቃንዶ፥ ድንገትዶ ወይስ ሞት፧ 37. እምበኣር ኣብ ልዕሊ እዚ ዅሉ በቲ ዘፍቀረና ክርስቶስ ዓወት ብምርካብ ካብቶም ዝሰዓሩ ኣዚና ንበልጽ ኢና። 38. ስለዚ ሞት ኮነ ሕይወት፥ መላእኽቲ ኾኑ ገዛእቲ፥ ዘሎ ኾነ ዚመጽእ፥ ወይ ኃይልታት፥ 39. ላዕለዋይ ኮነ ታሕተዋይ፥ ኻልእ ፍጥረትውን እንተ ኾነ፥ ካብታ ኣብ ክርስቶስ ኢየሱስ ጐይታና ዘላትና ፍቕሪ ኣምላኽ ከቶ ኺፈልየና ዚኽእል ከም ዘየልቦ ኣረጋጊጸ ኣሎኹ።

ዘካልእ መልእክት Universal Epistle

6. ሽሕ እኳ ሕጂ ንቚሩብ ጊዜ ብብዙኅ ዝዓይነቱ ፈተና ኽትኃልፉ ግዲ እንተ ኾነ፥ በዚ ክትሕጐሱ ኢኹም። 7. እዚ ኸኣ እታ እምነትኩም ሓቂ ከም ዝኾነት ኬረድእ እዩ። ወርቂ ሽሕ እኳ ብሓዊ እንተ ተዀልዐ በራሳይ እዩ። እምነትኩም ግና ምስ ተፈተነት ኣዝዩ ዝበለጸ ዋጋ ኣለዋ፥ ከመይ ኢየሱስ ክርስቶስ ኪግለጽ ከሎ ምስጋናን ስብሓትን ክብርን ከተምጽኣልኩም እያ። 8. - 9. ከይርአኹምዎ ተፍቅርዎ፥ ሕጂውን ከይርአኹምዎ ብእኡ ትኣምኑ ኣሎኹም፥ ነቲ ናይ እምነትኩም መደምደምታ ዝኾነ ድኅነት ነፍስኹም ምስ ተቐበልኩም ኸኣ ብኺንገር ዘይኸኣል ክቡር ሓጐስ ትሕጐሱ ኣሎኹም።

ግብረ ሃዋርያት Acts

1. ሳውል ድማ ኣብ ቅትለት እስጢፋኖስ ሠሚሩ ነበረ። በታ መዓልቲ እቲኣ ኸኣ ኣብ ልዕሊ እታ ኣብ ኢየሩሳሌም ዝነበረት ቤተ ክርስቲያን ብርቱዕ ስደት ኮነ። ብዘይካ ሓዋርያት ከኣ ኵሎም ኣመንቲ ናብ ሃገር ይሁዳን ሰማርያን ተበተኑ። 2. እግዚኣብሔር ዚፈርሁ ሰባት ድማ ንእስጢፋኖስ ቀበርዎ፥ ብርቱዕ ብኽያትውን በኸዩሉ። 3. ሳውል ግና ነታ ቤተ ክርስትያን ኬጥፍኣ ተላዕለ፥ ገዛ ገዛ እናኸደ ኸኣ፥ ሰብኡትን ኣንስትን ሰስሒቡ ኣብ ቤት ማእሰርቲ የእትዎም ነበረ። 4. እቶም ዝተበተኑ ሰባት ግና ቃል ወንጌል እናሰበኹ ኸዱ።

ስንክሳር Synaxarium

በላርያኖስ
ወጎርጎርዮስ ሰማዕት
ወሰማዕታተ ናግራን ምስለ አቡሆሙ ኂሩት
ወጌልዮስ
ወምክዋስ
ወማርልዮስ

መዝሙር Psalm

እቲ ሕነ ደም ዚፈዲ ዘኪርዎም፣ ንኣውያት ጥቑዓት ከኣ ኣይርስዖን እዩ እሞ፣ ነቲ ኣብ ጽዮን ዚነብር እግዚኣብሄር ዘምሩሉ፣ ኣብ ማእከል ኣህዛብ ግብርታቱ ንገሩ።

እስመ ተዘክረ ዘይትኃሠሥ ደሞሙ፤
ወኢረስዐ ዐውያቶሙ ለነዳያን፤
ተሣሀለኒ እግዚኦ ወርኢ ዘከመ ያሐሙኒ ጸላእትየ።

ወንጌል Gospel

12. ቅድሚ እዚ ዅሉ ኸኣ፥ ኪኅዙኹምን ኪሰጕኹምን እዮም። ስለ ስመይ ኸኣ ናብ ቤት ጸሎት ኣይሁድን ናብ ቤት ማእሰርትን ኪወስዱኹም፥ ናብ ነገሥታትን ሹማምንትን ኬብጽሑኹም እዮም። 13. እዚ ንኽትምስክሩለይ ጽቡቕ ዕድል ኪኾነልኩም እዩ። 14. ነዚ ነገር እዚ ኣብ ልብኹም ኣኅድርዎ፥ እንታይ ኢልኩም ከም እትምልሱ ኣቐዲምኩም ኣይትሕሰቡ። 15. ምኽንያቱ ኣነ ንኹሎም መኸራኽርትኹም ምቅዋሙን ምምጓቱን ዘይከኣሎን ኣፍን ጥበብን ክህበኩም እየ። 16. ወለድን ኣኅዋትን ኣዝማድን ኣዕሩኽን ኣኅሊፎም ኪህቡኹም፥ ካባኻትኩምውን ንገሊኣቶም ኪቐትሉ እዮም። 17. ስለ ስመይ ከኣ ብዅሉ ዝተጸላእኩም ክትኮኑ ኢኹም። 18. ግናኸ ኻብ ርእስኹም ሓንቲ ፀጕሪ እኳ ኣይክትጠፍእን እያ። 19. ንነፍስኹም ከኣ ብትዕግሥትኹም ከተጥርይዋ ኢኹም። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ንኣምላኽና ብመዝሙር ምውዳስ ሰናይ እዩ፣ ጥዑም እዩ እሞ፣ ምስጋና ይግባእ። እግዚኣብሄር ንየሩሳሌም ይሀንጽ።

ሰብሕዎ ለእግዚአብሔር እስመ ሠናይ መዝሙር፤
ወለአምላክነ ሐዋዝ ሰብሖ፤
የሐንፃ እግዚአብሔር ለኢየሩሳሌም።

ወንጌል Gospel

32. ደቀ መዛሙርቱ ድማ “ኣብዚ በረኻ እዚ ደኣ ንኽንድዚ ዚኣክል ሕዝቢ ዜጽግብ እንጌራ ኻበይ ክንረክብ ኢና፧” በልዎ። 33. ኢየሱስ ከኣ “ክንደይ እንጌራኸ ኣሎኩም፧” በሎም። ንሳቶም “ሾብዓተ እንጌራን ቊሩብ ዓሣን” በልዎ። 34. ነቶም ሕዝቢ ኸኣ ኣብ ምድሪ ኪቕመጡ ኣዘዞም። 35. ሽዑ ነተን ሾብዓተ እንጌራን ነቲ ቚሩብ ዓሣን ኣልዒሉ፥ ኣመስገነ፥ ቈሪሱ ድማ ንደቀ መዛሙርቱ ሃቦም፥ ደቀ መዛሙርቱ ኸኣ ነቶም ሕዝቢ ሃብዎም። 36. ኵሎም በሊዖም ጸገቡ፥ ዝተረፈ ቚርስራስ ድማ ሾብዓተ መሶብ መሊኦም ኣልዓሉ። 37. እቶም ዝበልዑ ኸኣ፥ ብዘይ ኣንስትን ቈልዑን ኣርባዕተ ሽሕ ሰብኣይ ነበሩ። 38. ነቶም ሕዝቢ ምስ ኣፋነዎም ናብ ጃልባ ደይቡ ናብ ወሰን መጌዶን መጸ። 39. ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መዝሙረ ዳዊት Psalm

ስለምንታይ እዮም ኣህዛብ ጫውጫው ዚብሉ፣ ህዝብታትሲ ከንቱ ዚሓስቡ፧ ነገስታት ምድሪ ይትንስኡ፧

ለምንት አንግለጉ አሕዛብ፤
ወሕዝብኒ ነበቡ ከንቶ፤
ወተንሥኡ ነገሥተ ምድር።

ወንጌል Gospel

1. ምስ ወግሐ፥ ብኡብኡ ሊቃነ ካህናት ምስ ሽማግለታትን መምህራን ሕግን ብዘሎ እቲ መጋባእያን ምኽሪ መኸሩ፥ ንኢየሱስ ኣሲሮም ወሰድዎ፥ ኣኅሊፎም ከኣ ንጲላጦስ ሃብዎ። 2. ጲላጦስ ድም ንኢየሱስ “ንስኻዶ ንጉሥ ኣይሁድ ኢኻ፧” ኢሉ ሓተቶ። ንሱ ኸኣ “ንስኻ ባዕልኻ እኳ ትብል ኣሎኻ” ኢሉ መለሰሉ። 3. እቶም ሊቃነ ካህናት ድማ ብብዙኅ ነገር ከሰስዎ፥ ንሱ ግና ኣይመለሰን። 4. ጲላጦስ ከኣ “እነሆ ብኽንደይ ነገር ይኸሱኻ ኣለዉ፥ እኳዶ ሓንቲ ነገር ኣይትምልስን ኢኻ፧” እናበለ ደጋጊሙ ሓተቶ። 5. ኢየሱስ ግና ጲላጦስ ክሳዕ ዚግረም ሓንቲ እኳ ኣይመለሰን። 6. እነሆ ኸኣ በብበዓል ንሳቶም ዝለመንዎ ሓደ ኻብቶም እሱራት ይፍታሓሎም ነበር። 7. ምስቶም ህውከት ዝገብሩን፥ ኣብቲ ህውከትውን ነፍሲ ዝቐትሉን፥ በርባን ዚበሃል ሰብኣይ ተኣሲሩ ነበረ። 8. እቶም ሕዝቢ ድማ ደይቦም ከምታ ልማዶም ኪገብረሎም ኪልምንዎ ጀመሩ። 9. - 10. ጲላጦስ ከኣ፥ እቶም ሊቃነ ካህናት ብቕንኣቶም ኣኅሊፎም ከም ዝሃብዎ ፈሊጡ ነበረ እሞ፥ “ነቲ ንጉሥ ኣይሁድ ክፈትሓልኩምዶ ትደልዩ ኢኹም፧” ኢሉ ሓተቶም። 11. እቶም ሊቃነ ካህናት ግና፥ ንበርባን ምእንቲ ኪፍትሓሎም ኪልምኑ፥ ነቶም ሕዝቢ ኣለዓዓልዎም። 12. ስለዚ ጲላጦስ ከም ብሓድሽ “ነዚ ንጉሥ ኣይሁድ እትብልዎ እንታይ ክገብሮ ትደልዩ፧” ኢሉ ሓተቶም። 13. ንሳቶም ከኣ “ስቐሎ” ኢሎም ከም ብሓድሽ ጨደሩ። 14. “እንታይ ክፉእ ስለ ዝገበር፧” በሎም። ንሳቶም ግና ኣመና ዓው ኢሎም “ስቐሎ!” በሉ። 15. ጲላጦስ ከኣ ነቶም ሕዝቢ ኼሓጒሶም ስለ ዝመደበ፥ ንበርባን ፈትሓሎም፥ ንኢየሱስ ከኣ ኺሰቕልዎ ገርፉ ሃቦም። እትሰምዕ እዝኒ ዘላቶ ይስማዕ!

መልእክተ ጳውሎስ Pauline Epistle

1. ካብቲ ምእንቲ ክርስቶስ ኢየሱስ እሱር ዝኾነ ጳውሎስን፥ ካብ ጢሞቴዎስ ኃውናን፥ ናብቲ ፍቁርን መተዓይይትናን ዝኾነ ፊልሞና፥ 2. ናብ ኣፍብያ ኃብትናን፥ ናብቲ ምሳና ኾይኑ ዚዋጋእ ኣርክጳን፥ ናብቶም ኣብ ቤት ፊልሞና ዚእከቡ ክርስቲያንን። 3. ካብ እግዚኣብሔር ኣቦናን ካብ ጐይታና ኢየሱስ ክርስቶስን ጸጋን ሰላምን ይውረድኩም። 4. ኣብ ጸሎተይ ክዝክረካ ኸሎኹ ኵሉ ጊዜ ንኣምላኸይ ኣመስግን። 5. እዚ ኸኣ ንኣመንቲ ከም እተፍቅርን ብጐይታና ብኢየሱስ ከም እትኣምንን ስለ ዝሰማዕኩ እየ። 6. ነቲ ብክርስቶስ ዝረኸብናዮ ሠናይ ነገር ኣጸቢቕካ ምእንቲ ኽትርዳእ፥ ነቲ ዘሎካ እምነት ብትብዓት ከተካፍሎ እጽሊ ኣሎኹ። 7. ኣታ ኃወይ! ልቢ ኣመንቲ ስለ ዘጸናናዕካ ብፍቕርኻ ብዙኅ ሓጐስን ምትብባዕን ረኺበ ኣሎኹ። 8. ስለዚ ብክርስቶስ ኢየሱስ ብዘሎኒ ብዙኅ ትብዓት ነቲ ኽትገብሮ ዚግብኣካ እኳ ኽእዝዘካ ዝኽእል እንተ ኾንኹ፥ 9. ኣነ ጳውሎስ፥ ሽማግለ፥ ሕጂውን ናይ ኢየሱስ ክርስቶስ እሱር፥ ምእንቲ ፍቕሪ ኢለ፥ 10. ብዛዕባ እቲ ኣብ መቓውሐይ ኮይነ ብክርስቶስ ዝወለድክዎ ወደይ ኣናሲሞስ እልምነካ ኣሎኹ። 11. ንሱ ቐደም ኣይጠቐመካን፥ ሕጂ ግና ንኣኻን ንኣይን ይጠቕመና እዩ። 12. ነቲ ብልቢ ዘፍቅሮ መሊሰ ናባኻ እሰዶ ኣሎኹ። 13. ኣነ እኳ፥ ወንጌል ብምስባኸይ ተኣሲረ ኣብ ዘሎኹሉ፥ ኣብ ክንዳኻ ኾይኑ ኼገልግለኒ ምሳይ ከትርፎ ምደሌኹ ነይረ።

ዘካልእ መልእክት Universal Epistle

18. ክርስቶስ ሓንሳእ ንሓዋሩ ምእንቲ ኃጢኣት ሞተ። ናብ ኣምላኽ ምእንቲ ኼቕርበና ጻድቕ ከሎ ምእንቲ እቶም ኃጥኣን ሞተ። ብሥጋ ሞተ፥ ብመንፈስ ግና ሕያው ኮነ። 19. በዚ መንፈስ እዚውን ከይዱ ነቶም ኣብ ቤት ማእሰርቲ ዝነበሩ ነፍሳት ድኅነት ሰበኸሎም። 20. እዚኣቶም እቶም ቀደም ብዘመን ኖኅ እታ መርከብ ክትሥራሕ ከላ፥ እግዚኣብሔር ብትዕግሥቲ እናተጸበዮም ከሎ፥ ምእዛዝ ዝኣበይዎ እዮም። ኣብታ መርከብ ሒደት፥ ማለት ሸሞንተ ነፍሲ፥ ብማይ ደኃና። 21. ማይ ናይቲ ሕጂ ዜድኅነኩም ጥምቀት ምልክት እዩ፥ ጥምቀት ኸኣ እቲ ብትንሣኤ ኢየሱስ ክርስቶስ ብንጹሕ ሕሊና ናብ ኣምላኽ ዚቐርብ ጸሎት እዩ እምበር፥ ናይ ሰብነት ርስሓት ዚሓጽብ ኣይኮነን። 22. ንሱ ናብ ሰማይ ዓሪጉ ኣብ የማን ኣምላኽ ኣሎ፥ መላእኽትን ሥልጣናትን ኃይልታትን ይግዝእዎ ኣለዉ።

ግብረ ሃዋርያት Acts

25. በርናባስ ካብኡ ወፂኡ ንሳውል ኪደልዮ ናብ ጠርሴስ ከደ። 26. ምስ ረኸቦ ናብ ኣንጾኪያ ኣምጽኦ፥ ኣብታ ቤት ክርስቲያን ከኣ ዓመት ምሉእ ብኅብረት ነበሩ፥ ንብዙኅ ሕዝቢውን መሃሩ፥ እቶም ደቀ መዛሙርቲ ድማ ንፈለማ ጊዜ ኣብ ኣንጾኪያ ክርስቲያን ተባሂሎም ተሰምዩ። 27. በተን መዓልትታት እቲኣተን ነቢያት ካብ ኢየሩሳሌም ናብ ኣንጾኪያ ወረዱ። 28. ሓደ ኻብኣቶም ከኣ ኣጋቦስ ዝስሙ ተንሢኡ፥ ኣብ ኵሉ ዓለም ብርቱዕ ጥሜት ከም ዚኸውን፥ ብመንፈስ ቅዱስ ተዛረበ፤ እዚ ብዘመን ቄሣር ቀላውዴዎስ ኮነ። 29. ስለዚ እቶም ደቀ መዛሙርቲ፥ ነፍሲ ወከፍ ከከም ዓቕሙ ነቶም ኣብ ይሁዳ ዘለዉ ኣኅዋት ረድኤት ኪሰዱሎም መደቡ። 30. ነቲ ዝተዋፅአ ገንዘብ ድማ ብኢድ በርናባስን ሳውልን ገይሮም ናብቶም መራሕቲ ቤተ ክርስቲያን ሰደድዎ።

ስንክሳር Synaxarium

ያዕቆብ ዘግሙድ
ወተዝካረ ስቅለቱ ለእግዚእነ
ወጢሞቴዎስ
ወፊልሞና ፩እም ፸ወ፪
ወተክለ ሐዋርያት
ወገብረ ዮሐንስ

መዝሙር Psalm

ንእግዚኣብሄር ተዐጊሰ ተጸቤኽዎ፣ ንሱውን ናባይ ደኒኑ ኣውያተይ ሰምዔ።

ጸኒሐ ጸናሕክዎ ለእግዚአብሔር፤
ሰምዐኒ ወተመይጠኒ፤
ወሰምዐኒ ቃለ ስእለትየ።

ወይ / ዓዲ

መዝ 37 ፡ 39 - 40 / መዝ ፴፮ : ፴፱ - ፵

ምድሓን ጻድቃን ግና ካብ እግዚኣብሄር እዩ፣ ንሱ ብዘመን ጸገማ መኸወሊኦም እዩ። እግዚኣብሄር ይረድኦምን የናግፎምን።

መድኃኒቶሙ ለጻድቃን እምኀበ እግዚአብሔር፤
ወቀዋሚሆሙ ውእቱ በጊዜ ምንዳቤሆሙ፤
ይረድኦሙ እግዚአብሔር ወያድኅኖሙ።

ወንጌል Gospel

35. ምስ ሰቐልዎ ኸኣ ነቲ ኽዳውንቱ ዕጫ ኣውዲቖም ተማቐልዎ። 36. ኣብኡ ተቐሚጦም ከኣ ይሕልውዎ ነበሩ። 37. ኣብ ልዕሊ ርእሱ ድማ “እዚ ኢየሱስ ንጉሥ ኣይሁድ እዩ” ዚብል ናይ ክሱ ጽሑፍ ኣንበሩሉ። 38. ሽዑ ምስኡ ኽልተ ጐሓሉት፥ ሓደ ብየማኑ ሓደ ድማ ብጸጋሙ፥ ተሰቕሉ። 39. እቶም ብጥቕኡ ዚኃልፉ ዝነበሩ ድማ ርእሶም እናነቕነቑ፥ 40. “ኣታ ንቤት መቕደስ ኣፍሪስካ ብሠለስተ መዓልቲ እትሓንጽ፥ እስከ ንርእስኻ ኣድኅን፧ ወዲ ኣምላኽ እንተ ደኣ ዄንካስ እስከ ኻብ መስቀል ውረድ!” እናበሉ ይጸርፍዎ ነበሩ። 41. ከምኡ ድማ እቶም ሊቃነ ካህናት ምስ መምህራን ሕግን ሽማግለታትን ኮይኖም፡ - 42. “ንኻልኦት ኣድኃነ ንርእሱ ግና ኬድኅን ኣይከኣለን፥ ንሱ ንጉሥ እስራኤል እንተ ድኣ ኾይኑስ እስከ ሕጂ ኻብ መስቀል ይውረድ፥ ንሕና ኸኣ ብእኡ ክንኣምን፥ ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ጸልማት ትገብር፣ ለይቲውን ይኸውን፣ ብእኡ ዅሎም እንስሳ ዱር ይዛወሩ። ሽደናት ኣንበሳ ንምዝራፍ ይጓዝሙ፣ ቀለቦም ከኣ ካብ ኣምላኽ ይደልዩ።

ታመጽእ ጽልመተ ወይከውን ሌሊተ፤
ወይወፅኡ ቦቱ ኵሉ አርዌ ገዳም፤
ዕጕለ አናብስት ይጥኅሩ ወይመሥጡ።

ወንጌል Gospel

1. በቲ ወርኃት እቲ፥ ገለ ሰባት መጺኦም ብዛዕባ እቶም ጲላጦስ ቀቲሉ ደሞም ምስ መሥዋዕቶም ዝጸምበሮ ገሊላውያን ነገርዎ። 2. ኢየሱስ መሊሱ ኸምዚ በሎም፦ “ነዞም ገሊላውያን እዚኣቶም እዚ ስለ ዝረኸቦምሲ ኻብ ኵሎም ገሊላውያን ኃጥኣን ዝነበሩዶ ይመስለኩም፧ 3. ኣይፋሎም፥ እንተ ዘይተነሳሕኩምሲ ኵላትኩም ድማ ኸምኦም ክትጠፍኡ ኢኹም፥ እብለኩም ኣሎኹ። 4. ወይሲ እቶም ኣብ ሰሊሆም ግምቢ ዝወደቖም እሞ ዝቐተሎም ዓሠርተው ሸሞንተኸ፥ ካብቶም ኣብ ኢየሩሳሌም ዚነብሩ ዅሎም ሰብ ዚበዝኅ ኃጢኣት ዝነበሮምዶ ይመስለኩም፧ 5. ኣይፋሎም፥ እንተ ዘይተነሳሕኩምሲ፥ ኵላትኩም ከምኦም ኽትጠፍኡ ኢኹም።” ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።