መዝሙረ ዳዊት Psalm

ኪዳነ ተካየድኩ ምስለ ኅሩያንየ ፤
ወመሐልኩ ለዳዊት ገብርየ ፤
ለዓለም አስተዴሉ ዘርአከ።

ወንጌል Gospel

ኣነ ምእንትኦም እልምን ኣሎኹ። ናትካ እዮም እሞ ምእንቲ እዞም ዝሃብካኒ እምበር ምእንቲ ዓለምሲ ኣይልምንን እየ። ኵሉ ናተይ ናትካ እዩ፥ እቲ ናትካውን ናተይ እዩ፥ ኣነውን ኣብኣቶም ከበርኩ። ደጊም ኣነ ኣብ ዓለም ኣይነብርን እየ። ንሳቶም ግና ኣብ ዓለም ኣለዉ፥ ኣነውን ናባኻ እመጽእ ኣሎኹ። ኦ ቕዱስ ኣቦ! ነቶም ዝሃብካኒ ኸማና ሓደ ምእንቲ ኪኾኑ ብስምካ ሓልዎም። ኣነ ምስኣቶም ከሎኹ በቲ ዝሃብካኒ ስምካ ሓሎኽዎም፥ ከምኡውን ተኸናኸንክዎም፥ እቲ ቕዱስ ጽሑፍ ምእንቲ ኺፍጸም ብዘይካ እቲ ወዲ ጥፍኣት ካብኣቶም ሓደ እኳ ዝጠፍእ የልቦን። ሕጂ ግና ናባኻ እመጽእ ኣሎኹ፥ ሓጐሰይ ኣብኣቶም ምእንቲ ኪፍጸም ድማ እዚ ኣብ ዓለም እዛረብ ኣሎኹ። ኣነ ቓልካ ሃብክዎም፥ ከምቲ ኣነ ናይ ዓለም ዘይኮንኩ ንሳቶምውን ናይ ዓለም ኣይኮኑን እሞ፥ ዓለም ጸልኣቶም። ካብቲ ኽፉእ ክትሕልዎም እምበር ካብ ዓለም ክትወስዶም ኣይኮንኩን ዝልምን ዘሎኹ። ከምቲ ኣነ ናይ ዓለም ዘይኮንኩ ንሳቶምውን ናይ ዓለም ኣይኮኑን። በቲ ሓቂ ቐድሶም፥ ቃልካ ሓቂ እዩ።

መልእክተ ጳውሎስ Pauline Epistle

ንኣምላኽ ከምዚ ዘኣመሰለ መሥዋዕቲ ኣዝዩ እዩ ዜሐጒሶ እሞ ሠናይ ምግባርን ዘሎኩም ምስ ካልኦት ምምቓል ኣይትረስዑ። ንመራሕትኹም ተኣዘዝዎምን ተገዝእዎምን። ንሳቶም ከምቲ ጸብጻብ ዚህብ ነቒሖም ይሕልውኹም ኣለዉ። ስለዚ ነዚ ብጓሂ እንተ ገበርዎ ንኣኻትኩም ኣይጠቕመኩምን እዩ እሞ ተሓጒሶም ከም ዚገብርዎ ግበሩ። ቅኑዕ ሕሊና ከም ዘሎና ርግጸኛታት ኢና፥ ኣብ ኵሉ ጽቡቕ ንምግባርውን ድላይ ኣሎና። ስለዚ ጸልዩልና። ኣውራ ግና ከም ብሓድሽ ናባኻትኩም ምእንቲ ቐልጢፈ ኽምለስ ክትጽልዩ እልምነኩም ኣሎኹ። እቲ ሰላም ዚህብ ኣምላኽ፥ ብደም እቲ ናይ ዘለዓለም ኪዳን ገይሩ ንጐይታና ኢየሱስ ካብ ሞት ብምትንሣእ ዓቢይ ጓሳ ኣባጊዕ ዝገበሮ፥ ፍቓዱ ምእንቲ ኽትፍጽሙ ብሠናይ ግብሪ ዘበለ ዅሉ የዕጥቕኩም። ብኢየሱስ ክርስቶስ ኸኣ ኸምቲ ንእኡ ባህ ዜብሎ ገይሩ ኣባና ይዕየ። ንእኡ ካብ ዘለዓለም ንዘለዓለም ክብሪ ይኹኖ። ኣሜን። ኣቱም ኣኅዋተይ፥ ነዚ ኣሕጽር ኣቢለ ጽሒፈልኩም ዘሎኹ ቃል ምዕዶ፥ ብትዕግሥቲ ኽትቅበልዎ እልምነኩም ኣሎኹ። ጢሞቴዎስ ኃውና ኸም ዚተፈትሐ ፍለጡ፥ ንሱ ቐልጢፉ ናባይ እንተ መጸ ኸኣ ብሓደ ዄንና ክንበጽሓኩም ኢና። ንኹሎም መራሕትኹምን ንኹሎም እቶም ቅዱሳንን ሰላም በልዎም። እቶም ካብ ኢጣልያ ዝኾኑ ሰላም ይብልኹም ኣለዉ። ጸጋ ምስ ኲልኻትኩም ይኹን።

ዘካልእ መልእክት Universal Epistle

ናይ ኢየሱስ ክርስቶስ ሓዋርያ ካብ ዝኾነ ጴጥሮስ፥ ናብቶም ኣብ ጶንጦስን ኣብ ገላትያን ኣብ ቀጰዶቅያን ኣብ እስያን ኣብ ቢታንያን ተሰዲድኩም ፋሕ ኢልኩም ዘሎኹም፥ ንኢየሱስ ክርስቶስ እዙዛት ክትኮኑ፥ ብምንጻግ ደሙ ኸኣ ምእንቲ ኽትነጽሑ፥ በቲ ቐዳሲ ዝኾነ ሥራሕ መንፈስ ቅዱስ፥ እግዚኣብሔር ኣቦ ዝኃረየኩም፥ ጸጋን ሰላምን ኣባኻትኩም ይብዛሕ። ንኢየሱስ ክርስቶስ ካብ ሞት ብምትንሣኡ ሕያው ተስፋ ዝሃበና፥ ብብዝኂ ምሕረቱ ብሓድሽ ልደት ውሉድ ዝገበረና ኣምላኽ፥ ኣቦ ጐይታና ኢየሱስ ክርስቶስ ይመስገን። ንሱ ነቲ ዘበርስን ዘይበላሾን ዘይጽምሉን ኣብ ሰማያት ኣንቢሩልና ዘሎ ርስቲ ኸም እንወርስ ገበረና። ንስኻትኩም ስለ ዝኣመንኩም፥ እቲ ኣብ መወዳእታ ዘመን ኪገሃድ ዘለዎ ድኅነት ክሳዕ ዚመጽእ፥ ኃይሊ ኣምላኽ ኪሕልወኩም እዩ። ሽሕ እኳ ሕጂ ንቚሩብ ጊዜ ብብዙኅ ዝዓይነቱ ፈተና ኽትኃልፉ ግዲ እንተ ኾነ፥ በዚ ክትሕጐሱ ኢኹም። እዚ ኸኣ እታ እምነትኩም ሓቂ ከም ዝኾነት ኬረድእ እዩ። ወርቂ ሽሕ እኳ ብሓዊ እንተ ተዀልዐ በራሳይ እዩ። እምነትኩም ግና ምስ ተፈተነት ኣዝዩ ዝበለጸ ዋጋ ኣለዋ፥ ከመይ ኢየሱስ ክርስቶስ ኪግለጽ ከሎ ምስጋናን ስብሓትን ክብርን ከተምጽኣልኩም እያ። ከይርአኹምዎ ተፍቅርዎ፥ ሕጂውን ከይርአኹምዎ ብእኡ ትኣምኑ ኣሎኹም፥ ነቲ ናይ እምነትኩም መደምደምታ ዝኾነ ድኅነት ነፍስኹም ምስ ተቐበልኩም ኸኣ ብኺንገር ዘይኸኣል ክቡር ሓጐስ ትሕጐሱ ኣሎኹም።

ግብረ ሃዋርያት Acts

ዳዊትውን ብዛዕባኡ ኸምዚ ይብል፤ ‘ንእግዚኣብሔር ኵሉ ሳዕ ኣብ ቅድመይ እርእዮ፥ ንሱ ብየማነይ ስለ ዘሎ ኸኣ ኣይክናወጽን እየ። ልበይ ተሓጐሰ፥ ልሳነይ ከኣ እልል በለት፥ ሥጋይ ብተስፋ ኽትነብር እያ። ምኽንያቱ ንነፍሰይ ኣብ ሲኦል ኣይትኃድጋን ኢኻ፥ ንቕዱስካ ድማ ኣብ መቓብር ኪብስብስ ኣይትገድፎን ኢኻ። ንስኻ መገዲ ሕይወት ኣፍለጥካኒ፥ ምሳይ ብምህላውካ ድማ ሓጐስ ከተጽግበኒ ኢኻ።’ “ኣቱም ኣኅዋትና፥ እቲ ርእሲ ኣቦታት ዝኾነ ዳዊት ከም ዝሞተን ከም ዝተቐብረን፥ መቓብሩ ኸኣ ኽሳዕ ሎሚ ኣብ ማእከልና ኸም ዘሎ ኣረጋጊጸ እነግረኩም ኣሎኹ። እምበኣርከስ ንሱ ነቢይ ስለ ዝኾነ፥ ኣምላኽ ሓደ ኻብ ፍረ ኸርሡ ኣብ ዝፋኑ ኬቐምጥ ብማሕላ ከም ዝመሓለሉ ይፈልጥ ነበረ። ነፍሱ ኣብ ሲኦል ከም ዘይትተርፍ ሥጋኡ ኸኣ ምብስባስ ከም ዘይርኢ ኣቐዲሙ ፈሊጡ ኸኣ ብዛዕባ ትንሣኤ ክርስቶስ ተዛረበ።

ስንክሳር Synaxarium

ኢያቄም አቡሃ ለእግዝእትነ ማርያም
ወአጋቦስ
ወታኦድራ
ወቅዱስ መቅሩፋ
ወአባ ሙሴ ዘደብረ ብልዮን

መዝሙር Psalm

እስመ ኢተኀድጋ ውስተ ሲኦል ለነፍስየ ፤
ወኢትሁቦ ለጻድቅከ ይርአይ ሙስና ፤
ወአርአይከኒ ፍኖተ ሕይወት።

ወንጌል Gospel

ፈሪሳውያን ተኣኪቦም ከለዉ ኢየሱስ “ብዛዕባ መሲሕ እንታይ ይመስለኩም፧ ወዲ መንከ እዩ፧” እናበለ ሓተቶም። ንሳቶም ከኣ “ወዲ ዳዊት” በልዎ። ኢየሱስ ድማ “ዳዊት ደኣ ባዕሉ ‘ጐይታ ንጐይታይ፥ ንጸላእትኻ መርገጽ እግርኻ ኽሳዕ ዝገብሮም ኣብ የማነይ ተቐመጥ፥ በሎ’ እናበለ ብመንፈስ ከመይ ኢሉ ጐይታይ ይብሎ፧ እምበኣር ባዕሉ ዳዊት ‘ጐይታይ’ ዝበሎ ደኣ ኸመይ ኢሉ ወዱ ይኸውን፧” በሎም። እንተኾነ ሓደ እኳ ቓል ኪመልሰሉ ዝኸኣለ የልቦን። ካብታ መዓልቲ እቲኣ ኸኣ ሓደ እኳ ኪሓቶ ዝደፈረ የልቦን።

ቅዳሴ Liturgy :

መዝሙረ ዳዊት Psalm

እግዚኦ ጸራሕኩ ኀቤከ ስምዓኒ ፤
ወአጽምእ ቃለ ስእለትየ ዘጸራሕኩ ኀቤከ ፤
ተወከፈኒ ጸሎትየ ከመ ዕጣን በቅድሜከ።

ወንጌል Gospel

ኢየሱስ ከኣ “ኣብ መዓልትስ ዓሠርተው ክልተ ሰዓትዶ ኣይኮነን ዘሎ፥ እቲ ብመዓልቲ ዚኸይድ ብርሃን እዛ ዓለም እዚኣ ዚርኢ ስለ ዝኾነ ኣይዕንቀፍን እዩ። እቲ ብለይቲ ዚኸይድ ግና ብርሃን ስለ ዘይብሉ ይዕንቀፍ እዩ” ኢሉ መለሰሎም። እዚ ምስ ተዛረበ ኣስዒቡ “ኣልኣዛር ፈታዊና ደቂሱ ኣሎ፥ ኣነ ግና ኻብ ድቃሱ ምእንቲ ኸተንሥኦ ክኸይድ እየ” በሎም። ሽዑ ደቀ መዛሙርቱ “ጐይታ፥ ደቂሱ እንተ ኾይኑስ ሓንቲ ኣይከዉንን እዩ” በልዎ። ኢየሱስ ብዛዕባ ሞቱ እዩ ዝተዛረበ፥ ንኣኣቶም ግና ብዛዕባ ናይ ትኽስታ ድቃስ ዝተዛረበ መሰሎም።

መዝሙረ ዳዊት Psalm

ወአኀዙኒ አሥዋር ሥቡሐን ፤
ወአብቀዉ አፉሆሙ ላዕሌየ ፤
ከም አንበሳ ዘጽኑሕ ለመሲጥ።

ወንጌል Gospel

ሽዑ እቶም ጭፍራ ወተሃደራትን እቲ ሓለቓ ሽሕን እቶም ገላዉ ኣይሁድን ንኢየሱስ ኂዞም ኣሰርዎ። ሃና፥ ነቲ በታ ዓመት እቲኣ ሊቀ ካህናት ዝነበረ ቀያፋ፥ ሓሙኡ ስለ ዝነበረ፥ ቅድም ናብኡ ወሰድዎ። ቀያፋ ኸኣ እቲ “ኣብ ክንዲ ሕዝቢ ሓደ ሰብኣይ እንተ ሞተ ይኃይሽ” ኢሉ ንኣይሁድ ዝመኸሮም ነበረ። ስምዖን ጴጥሮስ ከኣ ምስቲ ሓደ ኻልእ ወደ መዝሙር ኮይኑ ንኢየሱስ ስዓቦ። እቲ ኻልእ ወደ መዝሙር ኣብቲ ሊቀ ካህናት ፍሉጥ ስለ ዝነበረ፥ ምስ ኢየሱስ ናብ ገዛ ሊቀ ካህናት ኣተወ። ጴጥሮስ ግና ብወፃኢ ኣብ ኣፍ ደገ ደው በለ። እቲ ኣብ ሊቀ ካህናት ፍሉጥ ዝነበረ ኻልእ ወደ መዝሙር ከኣ ወፀ እሞ ነታ ሓላዊት ማዕጾ ነጊሩ ንጴጥሮስ ኣእተዎ። ሽዑ እታ ማዕጾ እትሕሉ ገረድ ንጴጥሮስ “ንስኻውንዶ ካብ ደቀ መዛሙርቲ እዚ ሰብኣይ እዚ ኢኻ፧” በለቶ። ንሱ ግና “ኣይኮንኩን” በለ። ቊሪ ስለ ዝነበረ እቶም ገላዉን ኣገልገልትን ሓዊ ኣጒሂሮም ደው ኢሎም ይስሕኑ ነበሩ። ጴጥሮስውን ምስኣቶም ደው ኢሉ ይስሕን ነበረ።

መልእክተ ጳውሎስ Pauline Epistle

በዚ ምኽንያት እዚ እዮም ኣብ ማእከልኩም ብዙኃት ድኹማትን ሕሙማትን ዘለዉ፥ ዝሞቱውን ብዙኃት እዮም። ኣብ ገዛእ ርእስና እንተ ንፈርድሲ ኣይምተዀነንናን ኔርና። ጐይታ ኺፈርደና ኸሎ ግና ይቐጽዓና እዩ ዘሎ፥ እዚ ኸኣ ምስ ዓለም ምእንቲ ከይንዂነን ኢሉ እዩ። ስለዚ ኣኅዋተየ፥ ንመኣዲ ጐይታ ኽትእከቡ ኸሎኹም ንሓድሕድኩም ደኣ ተጸባበዩ። ምእካብኩም ንፍርዲ ምእንቲ ኸይከውን፥ ገለ ሰብ እንተ ጠመየ፥ ኣብ ቤቱ ይብላዕ። ነቲ ዝተረፈ ግና ምስ መጻእኩ ኽሠርዖ እየ።

ዘካልእ መልእክት Universal Epistle

ንስኻትኩም ግና ዕቤት ናይቲ ካብ ጸልማት ናብቲ ዜገርም ብርሃኑ ዝጸውዓኩም ምእንቲ ኽትነግሩ ኅሩይ ወለዶ፥ ናይ ንጉሥ ካህናት፥ ቅዱስ ሕዝቢ፥ ጥሪት ኣምላኽ ዝኾነ ሕዝቢ ኢኹም። ንስኻትኩም ቀደም ሕዝቢ ኣይነበርኩምን፥ ሕጂ ግና ሕዝቢ ኣምላኽ ኢኹም። ቕድም ምሕረት ኣይረኸብኩምን ነበርኩም፥ ሕጂ ግና ተማሒርኩም ኢኹም። ኣቱም ፍቁራተይ፥ ኣጋይሽን ስደተኛታትን ስለ ዝኾንኩም፥ ካብቲ ምስ ነፍሲ ዚዋጋእ ሥጋዊ ትምኒት ረሓቑ፥ እናበልኩ እመኽረኩም ኣሎኹ። እቶም ከም ገበርቲ እከይ ገይሮም ዚሓምዩኹም ዘለዉ፥ ንሠናይ ግብርኹም ርእዮም በታ መዓልቲ ፍርዲ ንኣምላኽ ምእንቲ ኼመስግንዎ፥ ኣብ ማእከል ኣሕዛብ ኣኻይዳኹም ኣጸብቑ።

ግብረ ሃዋርያት Acts

ኣይሁድ ግና ነቶም ዝተኣከቡ ሕዝቢ ምስ ረኣዩ፥ ቅንኣት መልኦም፥ ነቲ ጳውሎስ ዚብሎ ዝነበረ ተቓወምዎ ንእኡ ኸኣ ጸረፍዎ። ጳውሎስን ባርናባስን ከኣ ተቢዖም ከምዚ እናበሉ ተዛረቡ፤ “ቃል ኣምላኽ ቅድም ንኣኻትኩም ኪንገር ይግባእ ነይሩ፥ ካብ ኣቤኹምዎን ንናይ ዘለዓለም ሕይወት ብቑዓት ከም ዘይኮንኩም ከኣ ባዕልኹም ካብ ፈረድኩም ግና እንሆ ገጽና ናብ ኣሕዛብ ንመልስ ኣሎና። ምኽንያቱ እግዚኣብሔር ‘ክሳብ ወሰን ምድሪ ንምድኃን ምእንቲ ኽትከውን ነሕዛብ ብርሃን ገበርኩኻ’ ኢሉ ኣዚዙና እዩ።” ኣሕዛብ ከኣ ነዚ ሰሚዖም ተሓጐሱ፥ ንቓል ኣምላኽ ድማ ኣመስገኑ፤ እቶም ንሕይወት ዘለዓለም ዝተዓደሉ ዘበሉ ኵላቶምውን ኣመኑ። ቃል እግዚኣብሔር ኣብታ ሃገር ብምልእታ በጽሐ። ኣይሁድ ግና ነተን እግዚኣብሔር ዚፈርሃ ሕፉራት ኣንስትን ነቶም ዓበይቲ ዓድን ኣነዓዓብዎም፥ ኣብ ጳውሎስን ኣብ በርናባስን ድማ ስደት ኣለዓዓሉ፤ ካብ ሃገሮምውን ሰጐጒዎም። ንሳቶም ከኣ ንስምዕታ ኪኾኖም ተጐጓ ኣእጋሮም ነገፉሎም እሞ፥ ናብ ኢቆንዮን ከዱ። እቶም ደቀ መዛሙርቲ ድማ ሓጐስን መንፈስ ቅዱስን መልኡ።

ስንክሳር Synaxarium

ሰማዕታት ቅዱሳት አጋሊ ወኤራኒ ወስሱንያ
ወ፻ወ፶ ሰማዕታት በእዴሁ ለንጉሠ ፋርስ
ወጢሞቴዎስ ሊቀ ጳጳሳት

መዝሙር Psalm

ወይርአዩ አሕዛብ በቅድመ አዕይንቲነ ፤
በቀለ ደሞሙ ለአግብርቲከ ዘተክዕወ ፤
ይባእ ቅድሜከ ገዐሮሙ ለሙቁሓን።

ወንጌል Gospel

ኣእላፋት ሕዝቢ፥ ንሓድሕዶም ክሳብ ዚረጋገጹ ምስ ተኣከቡ፥ ኢየሱስ ንደቀ መዛሙርቱ ኣቐዲሙ ኸምዚ ኺብሎም ጀመረ፦ “ካብ ማይ ብሑቕ ፈሪሳውያን፥ ማለት ካብ ግብዝና፥ ርእስኹም ሓልዉ። ዘይቅላዕ ሥዉር፥ ዘይፍለጥ ሕቡእ የልቦን። ስለዚ እቲ ኣብ ጸልማት ዝበልኩምዎ ዘበለ ኣብ ብርሃን ኪስማዕ እዩ፤ እቲ ኣብ ውሽጢ ኣብ እዝኒ ብሕሽዅሽዅ ዝተዛረብኩምዎ ድማ ኣብ ናሕስታት ኪስበኽ እዩ። “ንኣኻትኩም ነዕሩኸይ እብለኩም ኣሎኹ፥ ሥጋ ንዚቐትሉ ኣይትፍርህዎም፥ ምኽንያቱ ኻብኡ ንንየው ዚገብርዎ የብሎምን። ኣነ ግና ንመን ከም እትፈርሁ ከጠንቅቐኩም፥ ነቲ ምስ ቀተለ ኣብ ገሃነም ኪድርቢ ሥልጣን ዘለዎ፥ ንእኡ ፍርሁ። እወ፥ ንእኡ ፍርህዎ እብለኩም ኣሎኹ። ኃሙሽተ ኣዕዋፍ ብኽልተ ሳንቲምዶ ኣይኮናን ዚሽየጣ፧ ካብኣተን ሓንቲ እኳ ኣብ ቅድሚ ኣምላኽ ኣይትርሳዕን እያ። ንስኻትኩምሲ ኲለን ፀጉሪ ርእስኹምውን ቁጹራት እየን። እምብኣርከ ካብ ብዙኃት ኣዕዋፍ ትበልጹ ኢኹም እሞ፥ ኣይትፍርሁ። “ኣብ ቅድሚ ሰብ ንዚእመነኒ ዅሉ፥ ወዲ ሰብ ድማ ኣብ ቅድሚ መላእኽቲ ኣምላኽ ኪእመኖ እዩ። እቲ ኣብ ቅድሚ ሰብ ዚኽሕደኒ ግና ኣብ ቅድሚ መላእኽቲ ኣምላኽ ኪከሓድ እዩ እብለኩም ኣሎኹ። እቲ ኣንጻር ወዲ ሰብ ገለ ቓል ዜውፅእ ኪኅደገሉ እዩ፥ እቲ ንመንፈስ ቅዱስ ዚጸርፍ ግና ኣይኪኅደገሉን እዩ። ናብ ቤት ጸሎት ኣይሁድን ገዛእትን ሰበ ሥልጣንን እንተ ወሰዱኹም ከመይ ወይስ እንታይ ከም እትምልሱ ወይ እንታይ ከም እትብሉ ኣይትጨነቑ። “ምኽንያቱ በታ ሰዓት እቲኣ፥ እንታይ ክትብሉ ኸም ዚግብኣኩም መንፈስ ቅዱስ ኪምህረኩም እዩ።”

ቅዳሴ Liturgy :

መዝሙረ ዳዊት Psalm

ወይግብኡ ውስተ እደ ሰይፍ ፤
ክፍለ ቈናጽል ለይኩኑ ፤
ንጉሥሰ ይትፌሣሕ በእግዚአብሔር።

ወንጌል Gospel

ሽዑ ኢየሱስ ነቲ ዅሉ ኺመጾ ዘለዎ ነገራት ፈሊጡ ወፀ እሞ፥ “ንመን ትደልዩ ኣሎኹም፧” በሎም። ንሳቶም “ንኢየሱስ ናዝራዊ” ኢሎም መለሱሉ። ኢየሱስ ድማ “ኣነ እየ” በሎም እቲ ዜትኅዞ ይሁዳ ድማ ምስኣቶም ደው ኢሉ ነበረ። ሽዑ “ኣነ እየ!” ምስ በሎም እናኣድኃርኃሩ ናብ ምድሪ ጻሕ ኢሎም ወደቑ። ከም ብሓድሽ ድማ “ንመን ትደልዩ ኣሎኹም፧” ኢሉ ሓተቶም። ንሳቶም ከኣ “ንኢየሱስ ናዝራዊ” በልዎ። ኢየሱስ ከኣ “ኣነ እየዶ እብለኩም ኣየሎኹን፧ እምብኣር ንኣይ ካብ ደሌኹም ነዚኣቶም ይኺዱ ኅደግዎም” ኢሉ መለሰሎም። እዚ ኸኣ “ካብዞም ዝሃብካኒ ሓደ እኳ ኣየጥፋእኩን” ዝብል ቓል ምእንቲ ኺፍጸም ኮነ። ሽዑ ስምዖን ጴጥሮስ ሰይፊ ስለ ዝነበሮ፥ ሰይፉ መሊሑ፥ ንጊልያ ሊቀ ካህናት ወቒዑ የማነይቲ እዝኑ ቘረጾ። ስም እቲ ጊልያ ኸኣ ማልኮስ ነበረ። ኢየሱስ ከኣ ንጴጥሮስ “ሰይፍኻ ናብ ሰገባኡ ምለሶ። ነቲ ኣቦ ዝሃበኒ ጽዋዕ ዘይሰትዮ ድዩ መሲሉካ፧” በሎ።

መዝሙረ ዳዊት Psalm

እስመ ብከ እድኅን እመንሱት፤
ወበአምላኪየ እትዓደዋ ለአረፍት፤
ለአምላኪየሰ ንጹሕ ፍኖቱ።

ወንጌል Gospel

በታ ሰዓት እቲኣ እቶም ደቀ መዛሙርቱ “ኣብ መንግሥተ ሰማያት መን ይዓቢ፧” እናበሉ ናብ ኢየሱስ ቀረቡ። ኢየሱስ ድማ ሓደ ሕፃን ናብኡ ጸዊዑ ኣብ ማእከሎም ኣቖሞ እሞ ከምዚ በለ፦ “እንተ ዘይተመለስኩም፥ ከም ሕፃናትውን እንተ ዘይኰንኩም ናብ መንግሥተ ሰማያት ከቶ ኸም ዘይትኣትዉ ብሓቂ እብለኩም ኣሎኹ። እቲ ኸምዚ ሕፃን እዚ ርእሱ ዜትሕት ንሱ እዩ ኣብ መንግሥተ ሰማያት ካብ ኵሉ ዚዓቢ። እቲ ንኸምዚ ዝበለ ሕፃን ብስመይ ዚቕበል ንኣይ ይቕበል። እቲ ንሓደ ኻብዞም ብኣይ ዚኣምኑ ናእሽቱ ዜስሕት ድማ ኣድጊ ዝጥሕነሉ መጥሓን ኣብ ክሳዱ ኣሲሮም ኣብ መዓሙቚ ባሕሪ ኬጥሕልዎ ይኅሾ።” “ዕንቅፋት ብግዲ ኺመጽእ እዩ እሞ፥ ብዛዕባ ዕንቅፋት ንዓለም ወይለኣ፥ ምናዳ ነቲ ዕንቅፋት ብሰሩ ዚመጽእ ሰብ ወይለኡ። ኢድካ ወይ እግርኻ እንተ ኣስሓተትካ ኻባኻ ቘሪጽካ ደርብያ፥ ምስ ክልተ ኢድካን ክልተ እግርኻን ኣብ ናይ ዘለዓለም ሓዊ ኻብ እትድርበስ ብጐናይካ፥ ወይ ብሓንካስካ ናብ ህይወት ክትኣቱ ይኅሸካ። ዓይንኻ እንተ ኣስሓተትካ ድማ ኻባኻ ጐጥጕጥካ ደርብያ፥ ምስ ክልተ ዓይንኻ ናብ ገሃነም እሳት ካብ እትድርበስ ነቛር ኴንካ ናብ ሕይወት ምእታው ይኅሸካ።” “መላእኽቶም ኣብ ሰማያት ኵሉ ሳዕ ገጽ እቲ ኣብ ሰማያት ዘሎ ኣቦይ ይርእዩ ኣለዉ እሞ፥ ካብዞም ናእሽቱ ንሓደ እኳ ክይትንዕቁ ተጠንቀቑ።

መልእክተ ጳውሎስ Pauline Epistle

ሓግዙኒ ብምባል እየ ፆር ዘይኮንኩኹም እምበር፥ ካብተን ካልኦት ኣብያተ ክርስቲያን ዘጕደልኩልኩም እንታይ እዩ፧ እዚኣ በደል እንተ ደኣ ኾይና ኸኣ ይቕረ በሉለይ። እንሆ ንሣልሳይ ጊዜ ናባኻትኩም ክመጽእ እደሊ ኣሎኹ። ሕጂውን ፆር ክኾነኩም ኣይደልን እየ፥ ንኣኻትኩም እምበር ገንዘብኩም ኣይኮንኩን ዝደሊ ዘለኹ። ከመይ ወለዲ ንዉሉዶም እምበር ውሉድ ኣይኮኑን ንወለዲ ገንዘብ ኬዋህልሉሎም ዚግባእ። ኣነ ኣብ ክንዳኹም ዘሎኒ ዅሉ፥ ሕይወተይውን ከይተረፈ፥ ኣኅሊፈ ኽህብ ሕጉስ እየ። ኣዕዚዘ ስለ ዘፍቀርኩኹም ዲኹም ኣጕዲልኩም ተፍቅሩኒ ዘሎኹም፧ ዝኾነ ኾይኑ ፆር ኣየኽበድኩልኩምን። ገሊኦም ከም ዚብልዎ ግና፥ ጐራሕ ስለ ዝኾንኩ ተጣቢበ እየ ዝኃዝኩኹም። በቶም ዝለኣኽክዎም ገይረዶ ገለ ተበሊጸልኩም እየ፧

ዘካልእ መልእክት Universal Epistle

ንስኻትኩም ድማ ኻብቲ ቕዱስ ዝኾነ ቕብኣት ኣሎኩም፥ ንዅሉውን ትፈልጥዎ ኢኹም። ነታ ሓቂ ትፈልጥዋ ስለ ዝኾንኩም እየ እምበር፥ ስለ ዘይትፈልጥዋ ኣይኮንኩን ዝጽሕፈልኩም ዘሎኹ። ኵሉ ሓሶት ካብ ሓቂ ኸም ዘይኮነውን ትፈልጡ ኢኹም። እቲ ንኢየሱስ ንሱ መሲሕ ምዃኑ ዚኽሕዶ እንተ ዘይኮይኑኸ፥ መን እዩ እቲ ሓሳዊ፧ ንሱ፥ እቲ ንኣቦን ንወልድን ዚኽሕድ ፀረ ክርስቶስ እዩ። እቲ ንወልድ ዚኽሕድ፥ ኣቦ ኣብኡ የሎን፥ እቲ ንወልድ ዚኣምን፥ ነቦ ይኣምን። ንስኻትኩም ግና እቲ ኻብ መጀመርታ ዝሰማዕኩምዎ ኣባኻትኩም ይንበር። እቲ ኻብ መጀመርታ ዝሰማዕኩምዎ ኣባኻትኩም ዚነብር እንተ ኾይኑ ኸኣ፥ ንስኻትኩም ኣብ ወልድን ኣብ ኣቦን ክትነብሩ ኢኹም። እታ ክርስቶስ ዘተስፈወና ተስፋ ኸኣ ናይ ዘለዓለም ሕይወት እያ። ብዛዕባ እቶም ዜስሕቱኹም እየ እዚ ዝጸሓፍኩልኩም። ንስኻትኩም ግና እቲ ካብ ክርስቶስ ዝተቐበልኩምዎ መንፈስ ቅዱስ ኣባኹም ይነብር ኣሎ። መንፈስ ቅዱስ ብዛዕባ ዅሉ ስለ ዚምህረኩም፥ ሓደ እኳ ኺምህረኩም ኣየድልን እዩ። ትምህርቱ ኸኣ ሓቂ እዩ፥ ሓሶት ኣይኮነን። እምበኣር ከምቲ ዝመሃረኩም ኣብ ክርስቶስ ጸኒዕኩም ንበሩ። ሕጂ ድማ፥ ደቀየ፥ ንሱ ኺግለጽ ከሎ ትብዓት ምእንቲ ክንረክብ፥ በታ ዝመጸላ መዓልቲውን ኣብ ቅድሚኡ ከይንኃፍርስ ኣብ ክርስቶስ ንበሩ። ንሱ ጻድቕ ምዃኑ ትፈልጡ እንተ ዄንኩምሲ ጽድቂ ዚገብር ዘበለ ዅሉ ካብ እግዚኣብሔር ከም ዝተወልደውን ፍለጡ።

ግብረ ሃዋርያት Acts

ከምኡ ድማ ኣብ ኢቆንዮን፥ ጳውሎስን በርናባስን ኣብ ቤት ጸሎት ኣይሁድ ኣትዮም፥ ብዙኃት ኣይሁድን ግሪኻውያንን ክሳዕ ዚኣምኑ ሰበኹ። እቶም ምእማን ዝኣበዩ ኣይሁድ ግና ነቶም ኣሕዛብ፥ ኣብ ልዕሊ እቶም ኣኅዋት ብጽልኢ ከም ዚለዓሉ ገበርዎም። ጳውሎስን በርናባስን ግና ብዛዕባ ጐይታ ብትብዓት እናተዛረቡ ንነዊኅ ጊዜ ኣብኡ ተቐመጡ። ጐይታ ኸኣ በቲ በእዳዎም ኪገብርዎ ዚህቦም ዝነበረ ትእምርትን ተኣምራትን፥ ነቲ ቃል ጸግኡ የጽንዖ ነበረ። ደቂ እታ ኸተማ ኸኣ ኣብ ክልተ ወገን ተኸፍሉ፥ ገሊኦም ምስ ኣይሁድ፥ ገሊኦም ድማ ምስ ሓዋርያት ኮኑ። ኣሕዛብን ኣይሁድን ከኣ ምስ መራሕቶም ኮይኖም፥ ኬሳቕይዎምን ብዳርባ እምኒ ኪቐትልዎምን ተላዕሉ። እቶም ሓዋርያት እዚ ምስ ፈለጡ፥ ናብ ሊቃኦንያ፥ ልስጥራንን ደርቤንን ዚብሃላ ከተማታትን፥ ኣብ ከባቢአን ዘሎ ሃገርን ሃደሙ። ኣብኡ ኸኣ ወንጌል ይሰብኩ ነበሩ።

ስንክሳር Synaxarium

ዘሲማስ መስተጋድል
ወጻድቃን ዘብሔረ ብጹዓን
ወኤስድሮስ ሕጻን ዘአሐዱ ወርሕ ወአቡሁ ወእሙ

መዝሙር Psalm

እምአፈ ደቂቅ ወሕፃናት አስተዳሉከ ስብሐተ ፤
በእንተ ጸላኢ ፤
ከመ ትንሥቶ ለጸላኢ ወለገፋዒ።

ወንጌል Gospel

ኢዱ ኬንብረሎም ድማ ሕፃናት ናብኡ ኣምጽእዎም፥ ደቀ መዛሙርቱ ግና ነቶም ዘምጽእዎም ገሠጽዎም። ኢየሱስ ነዚ ምስ ረኣየ ተቘጢዑ ኸምዚ በሎም፤ “ሕፃናት ናባይ ይምጽኡ ኅደግዎም፤ መንግሥቲ ኣምላኽ ነዞም ከምዚኣቶም ዝበሉ እያ እሞ ኣይትኸልክልዎም። እቲ ንመንግሥቲ ኣምላኽ ከም ሕፃን ኮይኑ ዘይተቐበላ፥ ከቶ ኸም ዘይኣትዋ ብሓቂ እብለኩም ኣሎኹ።” ሓሓቚፉ ድማ ኢዱ ኣንቢሩ ባረኾም።

ቅዳሴ Liturgy :

መዝሙረ ዳዊት Psalm

ወይንዕዋ ለነፍሰ ጻድቅ ፤
ወይኴንን ደመ ንጹሐ ፤
ወኮነኒ እግዚአብሔር ጸወንየ።

ወንጌል Gospel

ኢየሱስ ኪዛረብ ከሎ እንሆ ብዙኃት ሕዝቢ መጹ፥ ይሁዳ ዚብሃል ሓደ ኻብቶም ዓሠርተው ክልተ ድማ ቐቅድሚኦም ይኸይድ ነበረ፥ ንኢየሱስውን ኪስዕሞ ቐረበ። ኢየሱስ ድማ “በል ይሁዳ! ንወዲ ሰብዶ ብምስዓም ተትኅዞ አሎኻ፧” በሎ። እቶም ኣማእኪሎምዎ ዝነበሩ ኸኣ እቲ ዝኾነ ምስ ረኣዩ፥ “ጐይታይ! ብሰይፊዶ ኽንወቅዖም፧” በልዎ። ሓደ ኻብኣቶም ድማ ንጊልያ ሊቀ ካህናት ወቒዑ፥ የማነይቲ እዝኑ ቘረጾ። ኢየሱስ ከኣ “ኅደግ፥ ይኣክል” ኢሉ መለሰሉ፥ እዝኑ ተንክዩ ድማ ኣሕወዮ። ኢየሱስ ነቶም ኪኅዝዎ ዝመጹ ሊቃነ ካህናትን ኣሕሉቕ ሓለውቲ ቤት መቕደስን ሽማግለታትን ከምዚ በሎም፦ “ከም ከታሪዶ ኣስያፍን ኣባትርን ኂዝኩም መጻእኩምኒ፧ ኣብ ቤተ መቕደስ ኵሉ መዓልቲ ምሳኻትኩም ነይረ፥ ኣእዳውኩም እኳ ወስ ኣየበልኩምለይ፤ እዚ ግና ጊዜኹምን ሥልጣን ጸልማትን እዩ” በሎም።

መዝሙረ ዳዊት Psalm

ብዙኀ ገበርከ እግዚኦ አምላኪየ መንክረከ፤
ወአልቦ ዘይመስሎ ለሕሊናከ፤
አይዳዕኩ ወነገርኩ ወበዝኀ እምኍልቍ።

ወንጌል Gospel

ሽዑ እቲ ሊቀ ካህናት ንኢየሱስ ብዛዕባ ደቀ መዛሙርቱን ትምህርቱን ሓተቶ። ኢየሱስ ከኣ ኸምዚ ኢሉ መለሰ፦ “ኣነ ንዓለም ብግህዶ እየ ዝተዛረብክዋ፥ ኵሉ ሳዕውን ኣብቲ ኣይሁድ ዚእከቡሉ ዘበለ፥ ኣብ ቤት ጸሎት ኣይሁድን ቤት መቕደስን እምህር ነበርኩ፥ ብኅቡእ ዝተዛረብክዎ ሓንቲ እኳ የብለይን። ንምንታይከ ንኣይ ትሓተኒ ኣሎኻ፧ ነቶም ዘረባይ ዝሰምዑ ዝነበሩ ሕተቶም። እንሆ ንሳቶም ነቲ ኣነ ዝተዛረብክዎ ይፈልጥዎ እዮም።” እዚ ምስ በለ ሓደ ኻብቶም ገላዉ ኣብኡ ቖይሙ ዝነበረ “ንሊቀ ካህናትሲ ከምዚ ኢልካ ኽትምልሰሉ፧” ኢሉ ንኢየሱስ ገጹ ጸፍዖ። ኢየሱስ ከኣ “ክፉእ ተዛሪበ እንተ ኾይነ ክፉእ ምዃኑ መስክር፥ ጽቡቕ ተዛሪበ እንተ ኾይነ ግና ስለምንታይ ትወቕዓኒ ኣሎኻ፧” በሎ። ሃና ኸኣ ናብ ቀያፋ ሊቀ ካህናት ብእሱሩ ሰደዶ። ስምዖን ጴጥሮስ ከኣ ደው ኢሉ ሓዊ ይስሕን ነበረ። ስለዚ “ንስኻ ደኣ ኻብቶም ደቀ መዛሙርቲ ኢየሱስዶ ኸይኮንካ፧” በልዎ፤ ንሱ ግና ኣይኮንኩን ኢሉ ኸሓደ። ሓደ ካብቶም ገላዉ ሊቀ ካህናት፥ ነቲ ጴጥሮስ እዝኑ ዝቔረጾስ ዘመዱ ዝኾነ፥ “ኣብቲ ኣታኽልቲዶ ባዕለይ ምስኡ ኣይረአኹኻን፧” በሎ። ሽዑ ጴጥሮስ ከም ብሓድሽ ከሓደ። ብኡብኡውን ደርሆ ነቀወ።

መልእክተ ጳውሎስ Pauline Epistle

ኣምላኽ ንብዘሎ ኣበሳና ኃደገልና። ንኣኻትኩምውን፥ ብኣበሳኹምን በቲ ዘይተገዝረ ኃጢኣተኛ ሥጋኹምን ሞይትኩም ንዝነበርኩም፥ ምስ ክርስቶስ ሕያዋን ገበረኩም። ነቲ ብሕግጋት ዚቃወመናን ዚበኣሰናን ዝነበረ ብኢድ ዝተጻሕፈ ጽሕፈት ዕዳ ደምሰሶ፥ ኣብ መስቀል ሸንኪሩውን ካብ ማእከል ኣርሓቖ። ነቶም ሕልቅነትን ሥልጣናትን ኣፅዋሮም ገፊፉ ብመስቀሉ ምስ ሰዓሮም፥ ኣብ ቅድሚ ሕዝቢ ኣኅፈሮም። ስለዚ ብብልዕን መስተን፥ ብምብዓል በዓላትን፥ ሠርቂ ወርኅን፥ ሰናብትን ዝመጸ፥ ሓደ እኳ ኣይፍረድኩም። እዚ ዅሉ ናይቲ ኺመጽእ ዘለዎ ጽላሎት እዩ። እቲ ናይ ብሓቂ ህላዌ ዘለዎ ግና ክርስቶስ እዩ።

ዘካልእ መልእክት Universal Epistle

ኣኅዋተየ፥ ዓለም እንተ ጸልኣትኩም ኣይትገረሙ። ንሕና ነኅዋትና ነፍቅሮም ስለ ዝኾንና፥ ካብ ሞት ናብ ሕይወት ከም ዝተሳገርና ንፈልጥ ኢና። እቲ ዘየፍቅር ግና ብደዉ ኸሎ ዝሞተ እዩ። ንኃዉ ዚጸልእ ዘበለ ዅሉ ቐታል ነፍሲ እዩ። ቀታል ነፍሲ ዝኾነ ዅሉ ድማ ናይ ዘለዓለም ሕይወት ከም ዘይብሉ ትፈልጡ ኢኹም። ክርስቶስ ንሕይወቱ ኣብ ክንዳና ስለ ዝኅለፈ፥ ንፍቕሪ በዚ ኢና እንፈልጣ። ንሕናውን ኣብ ክንዲ ኣኅዋትና ሕይወትና ኸነኅልፍ ይግብኣና እዩ። ግናኸ ዝኾነ ይኹን ጥሪት እዛ ዓለም እዚኣ ዘለዎ እሞ ኃዉ ተሸጊሩ ኸሎ እናረኣዮ እንተ ዘይደንገጸሉ፥ ከመይ ኢሉ ደኣ ንኣምላኽ አፍቅር እየ ኺብል ይኽእል፧ ኣቱም ደቀየ፥ ብግብርን ብሓቅን እምበር፥ ብቓልን ብልሳንን ኣይንፋቐር። ካብ ሓቂ ምዃንና ኸኣ በዚ ኽንፈልጥ ኢና። ሕሊናና እንተ ነቐፈና ድማ ኣምላኽ ካብ ኵሉ ዚዓብን ኵሉ ዚፈልጥን ስለ ዝኾነ ንልብና ኣብ ቅድሚኡ ከነህድኦ ኢና። ኣቱም ፍቁራተይ! ልብና እንተ ዘይነቐፈና ግና ኣብ ቅድሚ ኣምላኽ ትብዓት ኣሎና። ንትእዛዛቱ እንሕሉን ኣብ ቅድሚኡ ባህ ዜብሎ እንገብርን ስለ ዝኾንና ድማ ነቲ እንልምኖ ዘበለ ኻብኡ ንቕበል ኢና። ትእዛዙ፥ ከምቲ ንሱ ዝኣዘዘና ጌርና፥ ብስም ወዱ ኢየሱስ ክርስቶስ ክንኣምንን ንሓድሕድናውን ክንፋቐርን እዩ። እቲ ትእዛዛት እግዚኣብሔር ዚሕሉ እግዚኣብሔር ኣብኡ ይነብር። ንሱውን ኣብ እግዚኣብሔር ይነብር። እግዚኣብሔር ኣባና ኸም ዚነብር ከኣ፥ በቲ ዝሃበና መንፈስ ኢና እንፈልጥ።

ግብረ ሃዋርያት Acts

ምስኣቶም ድማ ኸምዚ ዚስዕብ እትብል መልእኽቲ ሰደዱ፤ “ንሕና ሓዋርያት መራሕቲ ቤተ ክርስቲያንን ኣኅዋትኩም ነቶም ኣብ ኣንጾኪያን ኣብ ሶርያን ኣብ ቂልቅያን ካብ ወገን ኣሕዛብ ንዘሎኹም ኣኅዋት ሰላም ንብለኩም ኣሎና። “ንሕና ዘይኣዘዝናዮም፥ ገለ ኻባና ወፂኦም ክትግዘሩን ሕጊ ክትሕልዉን ኢሎም ብቓሎም ከም ዝሃወኹኹምን ንልብኹም ከም ዘዕገርገሩን ሰሚዕና ኣሎና። ስለዚ ምስ እዞም እነፍቕሮም ምእንቲ ስም ጐይታና ኢየሱስ ክርስቶስ ሕይወቶም ዝወፈዩ፥ በርናባስን ጳውሎስን፥ ናባኻትኩም እንሰዶም ሰባት ክንኃሪ ብሓደ ዄንና መደብና። እንሆ ድማ ነዚ ነገር እዚ ካብ ኣፎም ምእንቲ ክትሰምዕዎ ይሁዳን ሲላስን ሰዲድናልኩም ኣሎና። ብዘይካ እቲ ዝተገብአ ገለ ኃለፋ ፆር እኳ ከይነኽብደልኩም፥ ንመንፈስ ቅዱስን ንኣናን ተራእዩና ኣሎ። ስለዚ ንርእስኹም ንጣዖት ካብ ዝተሠውዐ ምግብን ካብ ደምን፥ ካብ ሥጋ ዝሓለቐ እንስሳን ካብ ዝሙትን ተኸልከሉ። ካብዚ እንተ ተኸልከልኩም ጽቡቕ ክትረኽቡ ኢኹም፥ ደሓን ኩኑ።”

ስንክሳር Synaxarium

አባ ገብርኤል ሊቀ ጳጳሳት ዘእስክንድርያ ወልደ ታሮይስ
ወአባ ይስሐቅ ረድኡ ለአባ እብሎ

መዝሙር Psalm

ወባልሐኒ እምገበርተ ዐመፃ ፤
ወአድኅነኒ እምዕድወ ደም ፤
እስመ ናሁ ነዐውዋ ለነፍስየ።

ወንጌል Gospel

ኢየሱስ ኪዛረብ ከሎ እንሆ ብዙኃት ሕዝቢ መጹ፥ ይሁዳ ዚብሃል ሓደ ኻብቶም ዓሠርተው ክልተ ድማ ቐቅድሚኦም ይኸይድ ነበረ፥ ንኢየሱስውን ኪስዕሞ ቐረበ። ኢየሱስ ድማ “በል ይሁዳ! ንወዲ ሰብዶ ብምስዓም ተትኅዞ አሎኻ፧” በሎ። እቶም ኣማእኪሎምዎ ዝነበሩ ኸኣ እቲ ዝኾነ ምስ ረኣዩ፥ “ጐይታይ! ብሰይፊዶ ኽንወቅዖም፧” በልዎ። ሓደ ኻብኣቶም ድማ ንጊልያ ሊቀ ካህናት ወቒዑ፥ የማነይቲ እዝኑ ቘረጾ። ኢየሱስ ከኣ “ኅደግ፥ ይኣክል” ኢሉ መለሰሉ፥ እዝኑ ተንክዩ ድማ ኣሕወዮ። ኢየሱስ ነቶም ኪኅዝዎ ዝመጹ ሊቃነ ካህናትን ኣሕሉቕ ሓለውቲ ቤት መቕደስን ሽማግለታትን ከምዚ በሎም፦ “ከም ከታሪዶ ኣስያፍን ኣባትርን ኂዝኩም መጻእኩምኒ፧ ኣብ ቤተ መቕደስ ኵሉ መዓልቲ ምሳኻትኩም ነይረ፥ ኣእዳውኩም እኳ ወስ ኣየበልኩምለይ፤ እዚ ግና ጊዜኹምን ሥልጣን ጸልማትን እዩ” በሎም።

ቅዳሴ Liturgy :

መዝሙረ ዳዊት Psalm

ለትኩን ሀገሮሙ በድወ ፤
ወአልቦ ዘይነብር ውስተ አብያቲሆሙ ፤
እስመ ዘአንተ ቀሠፍከ እሙንቱ ተለዉ።

ወንጌል Gospel

እነሆ ኸኣ በብበዓል ንሳቶም ዝለመንዎ ሓደ ኻብቶም እሱራት ይፍታሓሎም ነበር። ምስቶም ህውከት ዝገብሩን፥ ኣብቲ ህውከትውን ነፍሲ ዝቐትሉን፥ በርባን ዚበሃል ሰብኣይ ተኣሲሩ ነበረ። እቶም ሕዝቢ ድማ ደይቦም ከምታ ልማዶም ኪገብረሎም ኪልምንዎ ጀመሩ። ጲላጦስ ከኣ፥ እቶም ሊቃነ ካህናት ብቕንኣቶም ኣኅሊፎም ከም ዝሃብዎ ፈሊጡ ነበረ እሞ፥ “ነቲ ንጉሥ ኣይሁድ ክፈትሓልኩምዶ ትደልዩ ኢኹም፧” ኢሉ ሓተቶም። እቶም ሊቃነ ካህናት ግና፥ ንበርባን ምእንቲ ኪፍትሓሎም ኪልምኑ፥ ነቶም ሕዝቢ ኣለዓዓልዎም። ስለዚ ጲላጦስ ከም ብሓድሽ “ነዚ ንጉሥ ኣይሁድ እትብልዎ እንታይ ክገብሮ ትደልዩ፧” ኢሉ ሓተቶም። ንሳቶም ከኣ “ስቐሎ” ኢሎም ከም ብሓድሽ ጨደሩ። “እንታይ ክፉእ ስለ ዝገበር፧” በሎም። ንሳቶም ግና ኣመና ዓው ኢሎም “ስቐሎ!” በሉ። ጲላጦስ ከኣ ነቶም ሕዝቢ ኼሓጒሶም ስለ ዝመደበ፥ ንበርባን ፈትሓሎም፥ ንኢየሱስ ከኣ ኺሰቕልዎ ገርፉ ሃቦም።

መዝሙረ ዳዊት Psalm

ሰይፎሙ መልሑ ኃጥአን፤
ወወሰቁ ቀስቶሙ፤
ከመ ይቅትልዎ ለነዳይ ወለምስኪን።

ወንጌል Gospel

እንሆ ኻብቶም ምስ ኢየሱስ ዝነበሩ ሓደ ሰይፉ መልሐ እሞ ነቲ ጊልያ ሊቀ ካህናት ወቕዖ፥ እዝኑውን ቈረጾ። ሽዑ ኢየሱስ “ሰይፊ ዜልዕሉ ዅሎም ብሰይፊ እዮም ዚጠፍኡ እሞ ሰይፍኻ ናብ ሠገባኡ ምለሶ። ኣነ ነቦይ ክልምኖ ዘይከኣለኒ፥ ንሱ ኸኣ ኻብ ዓሠርተው ክልተ ሠራዊት ዚበዝኁ መላእኽቲ ብቕጽበት ኪሰደለይ ዘይክእልዶ ይመስለካ፧ እቶም ‘ከምዚ ኺኸውን ኣለዎ’ ዚብሉ መጻሕፍቲ ደኣ ኸመይ ኢሎም ኪፍጸሙ እዮም፧” በሎ። በታ ሰዓት እቲኣ ኢየሱስ ነቶም ሕዝቢ “ከም ንጒሒላዶ በስያፍን በባትርን ክትኅዙኒ መጺእኩም፧ ዕለት ዕለት ኣብ ቤት መቕደስ ተቐሚጠዶ እምህር ኣይነበርኩን፧ ኣይኃዝኩምንን። እዚ ዅሉ ዝኾነ ግና መጻሕፍቲ ነቢያት ምእንቲ ኪፍጸሙ እዩ” በሎም። ሽዑ ደቀ መዛሙርቱ ዅሎም ኃዲጎምዎ ሃደሙ።

መልእክተ ጳውሎስ Pauline Epistle

ደጊም ካብ ሕጂ ንደኃር፥ ብሥጋዊ ኣረኣእያ ንሓደ እኳ ኣይንፈልጥን ኢና። ሽሕ እኳ ንክርስቶስ ብሥጋዊ ኣረኣእያ ፈሊጥናዮ እንተነበርና፥ ሕጂ ከምኡ ጌርና ኣይንፈልጦን ኢና። ስለዚ ሓደ እኳ ብክርስቶስ እንተ ኣልዩ፥ ንሱ ሓድሽ ፍጥረት እዩ፥ እቲ ብሉይ ኃሊፉ፥ እንሆ ዅሉ ሓድሽ ኮይኑ እዩ። እዚ ዅሉውን ካብቲ ባዕሉ ብክርስቶስ ገይሩ ዝተዓርቀና፥ ንኻልኦትውን ምስኡ ከነተዓርቕ መዚ ዝሃበና፥ ኣምላኽ እዩ። እወ፥ ኣምላኽ ንዓለም ምስ ርእሱ ኺዓርቃ ኸሎ፥ ብክርስቶስ ገይሩ እዩ፤ በደሎም ኣይኃዘሎምን፥ ንኣና ኸኣ መልእኽቲ ዕርቂ ሃበና። ስለዚ ንሕና ናይ ክርስቶስ ኣምባሳደራት ኢና፥ ኣምላኽ ኸኣ ብኣና ገይሩ ይዕድም ኣሎ። ኣብ ክንዲ ክርስቶስ ኴንና ድማ “ምስ ኣምላኽ ተዓረቑ” እናበልና ንልምነኩም ኣሎና። ንሕና ብክርስቶስ ተኻፈልቲ ጽድቂ ኣምላኽ ምእንቲ ኽንከውን፥ ኣምላኽ ነቲ ኃጢኣት ዘይፈለጠ ኣብ ክንዳና ኃጢኣተኛ ገበሮ።

ዘካልእ መልእክት Universal Epistle

ፍቁራት ኣኅዋተይ! ነዚ ዅሉ ትፈልጥዎ ኢኹም። ግና ነፍስ ወከፍ ሰብ ንምስማዕ ቅልጡፍ፥ ንምዝራብ ደንጓዪ፥ ከምኡውን ንዅራ ደንጓዪ ይኹን። ከመይ ኵራ ሰብ ናብቲ ኣምላኽ ዚደልዮ ቅኑዕ ሕይወት ኣየብጽሕን እዩ። ስለዚ ንርኽሰት ዘበለን ነቲ ደንፊዑ ዘሎ ኽፍኣትን ካባኹም ኣርሕቑ፥ ነቲ ኼድኅነኩም ዚኽእል ኣብ ልብኹም ተተኺሉ ዘሎ ቓል ድማ ብገርህነት ተቐበልዎ። ገበርቲ ቓል ኩኑ፥ ርእስኹም እናጠበርኩም ሰማዕቲ ጥራይ ኣይትኹኑ። ሓደ እኳ ሰማዕ ቃል ኮይኑ ገባሪ እንተ ዘይኮነ፥ ንሱ ነቲ ገጹ ብመስትያት ዚርኢ ሰብኣይ እዩ ዚመሰል። ንሱ መልክዑ ይርኢ፥ ክይድ ኢሉ ኸኣ ብኡብኡ እንታይ ከም ዚመስል ይርስዕ። እቲ ናብቲ ሓርነት ዚህብ ፍጹም ሕጊ ኣተኵሩ ዚጥምት፥ ኣብ ምጥማቱ ድማ ዚጸንዕ፥ ነቲ ዝሰምዖ ኸይረስዐ ኸኣ ኣብ ግብሪ ዜውዕል ሰብ ግና፥ ኣብ ኵሉ ግብሩ ብፁዕ እዩ። ሓደ ሰብ ንእግዚኣብሔር አምልኽ እየ እንተ በለ፥ ንልሳኑ ግና ገቲኡ ዘይክእል እንተ ኾነ፥ ንገዛእ ርእሱ ደኣ ይጥብር ኣሎ እምበር ኣምልኾኡ ኸንቱ እዩ። እቲ ኣብ ቅድሚ እግዚኣብሔር ኣቦ ንጹሕን ርኽሰት ዘይብሉን ኣምልኾ፥ ገዛእ ርእስኻ ካብ ርኽሰት ዓለም እናሓሎኻ፥ ንዘኽታማትን መበለታትን ኣብ ጊዜ ጸበባኦም ምርዳእ እዩ።

ግብረ ሃዋርያት Acts

ጐይታ ኸኣ ንጳውሎስ ሓደ ለይቲ ብራእይ ከምዚ በሎ፤ “ኣይትፍራህ! ተዛረብ ደኣ እምበር ስቕ ኣይትበል። ምኽንያቱ ኣብዛ ኸተማ እዚኣ ብዙኅ ሕዝቢ ኣሎኒ፥ ኣነ ምሳኻ ስለ ዝኾንኩ ድማ ኪጐድኣካን ኪጻብኣካን ዚኽእል ሓደ እኳ የልቦን።” ጳውሎስ ኣብ ማእከሎም ቃል ኣምላኽ እናመሃረ፥ ዓመትን መንፈቕን ኣብ ቆሮንቶስ ተቐመጠ። ጋልዩስ ኣብ ኣካይያ ምስለኔ ተሸይሙ ኸሎ፥ ኣይሁድ ኃቢሮም ኣንጻር ጳውሎስ ተንሢኦም ናብ መጋባእያ ኣቕረብዎ። “ብዘይ ሕጊ ንኣምላኽ ኬምልኽዎ ንሰብ ይሓባብል ኣሎ” እናበሉ ድማ ኸሰስዎ። ጳውሎስ መልሲ ኪህብ ምስ ተዳለወ ድማ፥ ጋልዩስ ንኣይሁድ ከምዚ በሎም፤ “ኣቱም ኣይሁድ፥ ብዛዕባ ገለ ዓመጽ ወይ ገለ ኽፉእ ግብሪ እንተ ዚኸውንሲ፥ ሃዲአ ኽሰምዓኩም ግቡእ ነይሩ፤ ሕጂ ግና ክትዕኩም ብዛዕባ ቓልን ስምን ናይ ገዛእ ርእስኹም ሕግን ስለ ዝኾነ፥ ባዕላትኩም ፍለጡ፤ ኣነ ናይዚ ነገር እዚ ፈራዲ ክኸውን ድላይ የብለይን” በሎም። ካብቲ መጋባእያውን ሰጐጎም።

ስንክሳር Synaxarium

ታዖድራ እመ ምኔት
ወዮሐንስ ኤጲስ ቆጶስ ዘጋዛ
ወአባ በኪሞስ
ወስምዖን
ወታዖድራ መኰንን

መዝሙር Psalm

እግዚአብሔር የአምር ሕሊናሆሙ ለጠቢባን ከመ ከንቱ ውእቱ ፤
ብፁዕ ብእሲ ዘአንተ ገሠጽኮ እግዚኦ ፤
ወዘመሀርኮ ሕገከ።

ወንጌል Gospel

ናብቲ ሕዝቢ ምስ በጽሑ፥ ሓደ ሰብኣይ ናብኡ ቐሪቡ፥ ኸምዚ እናበለ ሰገደሉ፦ “ጐይታይ፥ ንወደይ መሓረለይ፥ በብወርኂ ዜውድቕ ሕማም ይለዓሎ፥ ኣዝዩ ይሳቐ፥ ብዙኅ ጊዜ ኣብ ሓዊ፥ ብዙኅ ጊዜውን ኣብ ማይ ይወድቕ እዩ እሞ፥ ናብ ደቀ መዛሙርትኻ ኣምጺአዮስ ምሕዋዩ ሰኣኑ።” ኢየሱስ ግና መሊሱ “ኣታ ዘይኣማኒ ቄናን ወለዶ፥ ክሳዕ መኣዝ እሞ ምሳኻትኩም ክነብር እየ፧ ክሳዕ መኣዝከ ክዕገሠኩም እየ፧ ናብዚ ናባይ ኣምጽእዎ” በሎም። ሽዑ ኢየሱስ ገንሖ እቲ ጋኔን ከኣ ኻብኡ ወፀ፥ እቲ ቈልዓ ድማ በታ ሰዓት እቲኣ ሓወየ። ድኅርዚ ደቀ መዛሙርቱ ብሕት ኢሎም ናብ ኢየሱስ ቀሪቦም “ስለምንታይ ደኣ ንሕና ምውፅኡ ዝሰኣንና፧” በልዎ። ኢየሱስ ከኣ “ብጒድለት እምነትኩም እዩ። ብሓቂ እብለኩም ኣሎኹ፥ ክንዲ ፍረ ኣድሪ እትኣክል እምነት እንተ ኣልያትኩም ነዚ እምባ እዚ ‘ካብዚ ናብቲ ግዓዝ’ እንተ በልኩምዎ ይግዕዝ፥ ዘይከኣለኩም ነገር የልቦን። “እዚ ኸምዚ ዝኣመስለ ዓይነት ግና ብጸሎትን ብጾምን እንተ ዘይኮይኑ ኣይወፅእን እዩ” በሎም። ደቀ መዛምርቱ ኣብ ገሊላ ተኣኪቦም ከለው ኢየሱስ “ንወዲ ሰብ ኣብ ኢድ ሰብ ኣኅሊፎም ክህብዎ እዮም። ንሳቶም ኪቐትልዎ ብሣልሰይቲ መዓልቲ ድማ ኪትንሥእ እዩ” በሎም። ንሳቶም ከኣ ኣዝዮም ጐሃዩ።

ቅዳሴ Liturgy :

መዝሙረ ዳዊት Psalm

ሰብሕዎ ለእግዚአብሔር በቅዱሳኑ ፤
ሰብሕዎ በፅንዐ ኃይሉ ፤
ሰብሕዎ በክሂሎቱ።

ወንጌል Gospel

ኢየሱስ ወፂኡ ኸምቲ ልማዱ ናብ ደብረ ዘይቲ ኸደ፤ እቶም ደቀ መዛሙርቱውን ሰዓብዎ። ኣብታ ስፍራ ምስ በጽሐ ኸኣ፥ “ናብ ፈተና ኸይትኣትዉ ጸልዩ” በሎም። ንሱ ኸኣ ኻብኣቶም ዳርባ እምኒ ዚኣክል ረሓቐ፥ ተንበርኪኹ ኸኣ “ኦ ኣቦይ! ፍቓድካ እንተ ኾይኑስ ነዛ ጽዋዕ እዚኣ ኻባይ ኣኅልፋ፥ ግናኸ ፍቓድካ ደኣ እምበር ፍቓደይሲ ኣይኹን” እናበለ ጸለየ። ዜበራትዖ መልኣኽ ካብ ሰማይ ተራእዮ። ኣዝዩ ተጨኒቑ ኣበርቲዑ ይጽሊ ነበረ። ረሃጹ ኸኣ ኸም ነጥቢ ደም ናብ ምድሪ ይወርድ ነበረ። ካብ ጸሎቱ ተንሢኡ ናብቶም ደቀ መዛሙርቱ ምስ ተመልሰ፥ ካብ ጓሂ ዝተላዕለ ረዚዞም፥ ደቂሶም ረኸቦም። ንሱ ኸኣ “ስለምንታይ እትድቅሱ፧ ናብ ፈተና ኸይትኣትዉስ ተንስኡ፥ ጸልዩ” በሎም።

መዝሙረ ዳዊት Psalm

ይትዐየን መልአከ እግዚአብሔር ዐውዶሙ ፤
ለእለ ይፈርህዎ ወያድኅኖሙ ፤
ጠዓሙ ወታእምሩ ከመ ኄር እግዚአብሔር።
 

ወንጌል Gospel

“ድኅሪ ናይተን መዓልትታት እቲአን መከራ ኸኣ ብኡብኡ ፀሓይ ክትጽልምት እያ፥ ወርኂውን ብርሃና ኣይክትህብን እያ፥ ከዋኽብቲ ኻብ ሰማይ ኪወድቁ እዮም፥ ኃይልታት ሰማያት ድማ ኺናወጹ እዮም። ሽዑ ኸኣ ምልክት ወዲ ሰብ ኣብ ሰማይ ኪርአ እዩ፥ እንሆ ድማ ዅሎም ኣብ ዓለም ዘለዉ ወገናት፥ ወዲ ሰብ ብኃይልን ብዓቢይ ኽብርን፥ ብደመና ሰማይ ኪመጽእ ምስ ረኣይዎ፥ ኺበኽዩ እዮም። ንሱ ንመላእኽቱ ብብርቱዕ ድምፂ መለኸት ኪልእኮም እዩ፥ ንሳቶም ድማ ንኅሩያቱ፥ ካብ ሓደ ወሰን ሰማይ ክሳብ እቲ ሓደ ወሰን፥ ካብ ኣርባዕተ መኣዝን ኪእክብዎም እዮም። ምስላኡ ኻብ ኦም በለስ ተምሃሩ። ጨንፈራ ምስ ለምለመ፥ ቘጽላውን ምስ ጠጥዐ ሓጋይ ከም ዝቐረበ ትፈልጡ ኢኹም። ከምኡ ኸኣ ንስኻትኩም ነዚ ዅሉ ነገራት እዚ ምስ ረአኹም ኣብ ኣፍ ደገ ከም ዝቐረበ ፍለጡ። እዚ ነገራት እዚ ዅሉ ኽሳዕ ዚፍጸም፥ እዚ ወለዶ እዚ ከም ዘይኃልፍ ብሓቂ እብለኩም ኣሎኹ። ሰማይን ምድርን ኪኃልፍ እዩ፥ ቃለይ ግና ኣይኪኃልፍን እዩ።

መልእክተ ጳውሎስ Pauline Epistle

ኣነውን እቲ ኣብ ኢየሱስ ክርስቶስ ዘሎኩም እምነትን፥ ንዅሎም ሕዝቢ ኣምላኽ ዘሎኩም ፍቕርን ካብ ዝሰምዕ ጀሚረ፥ ኣብ ጸሎተይ እናዘከርኩኹም፥ ምእንታኻትኩም ካብ ምምስጋን ኣብኵረ ኣይፈልጥን። ነቲ ናይ ጐይታና ኢየሱስ ክርስቶስ ኣምላኽ፥ ኣቦ መንፈስ ጥበብን መንፈስ ምግላጽን ምእንቲ ኺህበኩም፥ ኣዕይንቲ ልብኹም በሪሁ ናይቲ ዝጸውዓኩም ተስፋ እንታይ ከም ዝኾነ ምእንቲ ኽትፈልጡ፥ እቲ ንኣመንቲ ዘተስፈዎም ናይቲ ኽቡር ርስቲ ሃብቲ እንታይ ከም ዝኾነ ምእንቲ ክትግንዘቡ፥ እጽሊ ኣሎኹ። ኣባና ኣብቶም እንኣምን ኸኣ፥ እቲ ኺግመት ዘይኸኣል ዕቤት ኃይሉ እንታይ ከም ዝኾነ ምእንቲ ኽትፈልጡ እጽሊ ኣሎኹ። እዚ ኣባና ዚሠርሕ ዘሎ ኃይሉ ኸኣ፥ እቲ ንክርስቶስ ካብ ምውታት ዘተንሥኣሉን ኣብ ሰማያት ኣብ የማኑ ዘቐመጠሉን ኃይሉ እዩ። ኣብዛ ዓለም እዚኣ ጥራይ ዘይኮነስ ኣብታ እትመጽእውን ኣብ ልዕሊ ግዝኣትን ሥልጣንን ኃይልን ምልክን ሸይሙ ኣብ ልዕሊ ዅሉ ዚስመ ስም ሃቦ። ንብዘሎ ኸኣ ኣብ ትሕቲ ኣእጋሩ ኣግዝኦ። ርእሲ ቤተ ክርስቲያን ገይሩ ኸኣ ኣብ ልዕሊ ዅሉ ሸሞ። ንሳ ኣካሉ እያ፥ ናይቲ ንዅሉ ብዅሉ መገዲ ዚመልእ ምልኣት ኸኣ እያ።

ዘካልእ መልእክት Universal Epistle

ምእንቲ እግዚኣብሔር ኢልኩም ንሰብ ሥልጣን ዘበሉ ዅሎም ተገዝእዎም፥ ነቲ ዝለዓለ ሥልጣን ዘለዎ ንጉሥ ኮነ፥ ነቶም ንገበርቲ እከይ ኪቐጽዑ፥ ንገበርቲ ሠናይ ኪንእዱ፥ ካብኡ ዝተላእኩ መኳንንቲ ተገዝእዎም። ከመይ ሠናይ እናገበርኩም፥ ዕሽነት እቶም ደናቑር ሰባት ክትዓብሱ ፍቓድ ኣምላኽ እዩ። ከም ኣገልገልቲ ኣምላኽ ብሓርነት ንበሩ እምበር፥ ከምቶም ነቲ ሓርነትሲ መጐልበቢ ኽፍኣት ዚገብርዎ ኣይትኹኑ። ንዅሉ ሰብ ኣኽብሩ፥ ፍቕሪ ኣኅዋት ይሃሉኹም፥ ንኣምላኽ ፍርህዎ፥ ንንጉሥ ኣኽብርዎ።

ግብረ ሃዋርያት Acts

ሽዑ ጳውሎስ ተንሢኡ ነቶም ሕዝቢ ብኢዱ እናኣመልከተ ኸምዚ በለ፤ “ኣቱም ሰብ እስራኤልን ንኣምላኽ እትፈርሁን ስምዑ። ናይ ሕዝቢ እስራኤል ኣምላኽ ነቦታትና ኃረዮም፤ ነዚ ሕዝቢ እዚ ኸኣ ኣብ ምድሪ ግብጺ ተሰዲዱ ኣብ ዝነበረሉ ጊዜ ልዕል ኣበሎ፤ በቲ ዓቢይ ኃይሉ ድማ ካብኣ ኣውፅኦም። ነርብዓ ዓመት ዚኣክል ከኣ ኣብ በረኻ ፆሮም። ካብ ምድሪ ኸነኣን ሾብዓተ መንግሥትታት ኣጥፊኡ ኸኣ ነቲ ምድሮም ኣውረሶም። እዚ ዅሉ ኣርባዕተ ሚእትን ኃምሳን ዓመት ኣቢሉ ወሰደ። ክሳዕ ዘመን ነቢይ ሳሙኤል ድማ መሳፍንቲ ሸመሎም። ብድኅርዚ ንጉሥ ኬንግሠሎም ለመኑ፤ ኣምላኽ ከኣ ሓደ ሰብኣይ ካብ ነገድ ብንያም፥ ሳኦል ወዲ ቂስ፥ ንኣርብዓ ዓመት ኣንገሠሎም።

ስንክሳር Synaxarium

እስክንድር
ወተፈነወ ሚካኤል ሃበ ኤርምያስ
ወእንጦንዮስ
ወጋግዮስ
ወኤስድሮስ

መዝሙር Psalm

እስመ እምኀበ እግዚአብሔር ሣህል ፤
ወብዙኅ አድኀኖ በኀቤሁ ፤
ወውእቱ ያድኅኖ ለእስራኤል እምኵሉ ኃጢአቱ።

ወንጌል Gospel

እንሆ፥ ኸኣ በታ መዓልቲ እቲኣ ኽልተ ካብቶም ደቀ መዛሙርቲ ካብ ኢየሩሳሌም ዓሠርተ ሓደ ኪሎ ሜትር ዝምርሓቓ ኤማሁስ ናብ እትብሃል ዓዲ ይኸዱ ነበሩ። ንሳቶም ከኣ በቲ ዝኾነ ነገር ኵሉ ንሓድሕዶም ይዘራረቡ ነበሩ። ንሳቶም ኪዘራረቡን ኪመራመሩን ከለዉ ኸኣ ኢየሱስ ባዕሉ ሕውስ ኢሉ፥ ምስኣቶም ኪኸይድ ጀመረ። ከየለልይዎ ግና ኣዕይንቶም ተሠዊረን ነበራ። ንሱ ድማ “እዚ እናኸድኩም ንሓድሕድኩም እትዛረብዎ ዘሎኹም ነገር እንታይ እዩ፧” ኢሉ ሓተቶም፤ ንሳቶም ከኣ ጉህዮም ደው በሉ። ሓደ ኻብኦም፥ ቀለዮጳ ዝስሙ፥ ድማ “በዘን መዓልትታት እዚኣተን ነዚ ኣብ ኢየሩሳሌም ዝኾነ ነገር ዘይትፈልጥሲ፥ ንስኻ በይንኻዶ ጋሻ ኢኻ፧” ኢሉ መለሰሉ። ንሱ ኸኣ “እንታይ እዩ፧” በሎም፤ ንሳቶም ከኣ ከምዚ ኢሎም መለሱሉ፦ “እዚ ናይ ኢየሱስ ናዝራዊ ነገር፥ ኣብ ቅድሚ ኣምላኽን ኣብ ቅድሚ ዅሉ ሕዝብን፥ ብግብርን ብቓልን፥ ብርቱዕ ነቢይ ዝነበረ ሰብኣይ፥ ሊቃነ ካህናትናን ሹማምንትናን፥ ናብ ናይ ሞት ፍርዲ ኣኅሊፎም ከም ዝሃብዎን ከም ዝሰቐልዎን፥ ንሕና ግና እቲ ንእስራኤል ኬድኅን ዘለዎ ንሱ እዩ ኢልና ተስፋ ንገብር ኔርና፤ ምስ እዚ ዅሉ ኸኣ እዚ ካብ ዚኸውን ሎሚ ሣልሰይቲ መዓልቲ እያ። ግናኸ ኻባታትና ናብ መቓብር ኣንጊሀን ዝነበራ ገሊአን ኣንስቲ ዜገርም ነገር ኣዘንተዋልና። ሥጋኡ ምስ ሰኣና ኸኣ፥ ሕያው ምዃኑ ዝነገርወን ራእይ መላእኽቲ ከም ዝረኣያ መጺአን ነገራና።

ቅዳሴ Liturgy :

መዝሙረ ዳዊት Psalm

ኵሉ ፍኖቱ ለእግዚአብሔር ሣህል ወጽድቅ ፤
ለእለ የኃሡ ሕጎ ወስምዖ ፤
በእንተ ስምከ እግዚኦ።
 

ወንጌል Gospel

ንሱ ድማ፥ “ኣቱም፥ ነቢያት ብዝተዛረብዎ ዅሉ ንምእማን ልቦም ዝደንጐየ ዓያሱ፤ ክርስቶስ ነዚ ሓሳረ መከራ እዚ ኪቕበል እሞ ናብ ክብሩ ኺኣቱ ናይ ግዲ ደይኮነን፧” በሎም። ነቲ ብዛዕባኡ ኣብ ኵሎም ጽሑፋት ዘሎ፥ ካብ ሙሴን ኵሎም ነቢያትን ኂዙ ኸኣ ኪትርጕመሎም ጀመረ። ናብታ ዚኸድዋ ዝነበሩ ዓዲ ምስ ቀረቡ ኸኣ፥ ከም ዚኃልፍ መሰለ። ንሳቶም ግና “መስዩ እዩ ፀሓይውን ዓሪባ እያ እሞ፥ ምሳና ኅደር” ኢሎም ለመንዎ፤ ንሱ ኸኣ ምስኣቶም ኪኃድር ኣተወ። ኣብ መኣዲ ምስኣቶም ምስ ተቐመጠ ድማ እንጌራ ኣልዒሉ፥ ባሪኹ፥ ቘሪሱ ሃቦም። ሽዑ ዓይነ ልቦናኦም ተኸፍተ እሞ ኣለለይዎ፥ ንሱ ግና ኻብኣቶም ተሠወረ። ንሓድሕዶም ከኣ “እቲ ኣብ መገዲ ኺዛረበናን ነተን ጽሑፋት ኪትርጕመልናን ከሎዶ ግዳ ልብና ይነደና ኣይነበረን፧” ተበሃሃሉ። በታ ሰዓት እቲኣ ተላዒሎም ናብ ኢየሩሳሌም ተመልሱ፤ ነቶም ዓሠርተው ሓደን ነቶም ምስኣቶም ዝነበሩን ድማ ተኣኪቦም ረኸብዎም። “ጐይታ ብሓቂ ተንሢኡ እዩ፥ ንስምዖን እኳ ተራእይዎ” ኪብሉ ኸኣ ጸንሕዎም። እቶም ክልተ ድማ እቲ ኣብ መገዲ ዝኾነን፥ እንጌራ ምስ ቈረሰ ኸኣ ከመይ ኢሎም ከም ዘለለይዎን ነገርዎም።