መዝሙረ ዳዊት Psalm

እግዚኣብሄርሲ ሓይሎም እዩ፣ ንቕቡኡውን ዕርዲ ምድሓን እዩ። ንህዝብኻ ኣድሕኖ፣ ንርስትኻ ድማ ባርኮ፣ ጓስዮም፣ ንሓዋሩ ኸኣ ጹሮም።

እግዚአብሔር ኃይሎሙ ውእቱ ለሕዝቡ፤
ወምእመነ መድኃነተ መሢሁ ውእቱ፤
አድኅን ሕዝበከ ወባርክ ርስተከ።

ወንጌል Gospel

7. እቲ ዝሃብካኒ ዘበለ ዅሉ ኻባኻ ምዃኑ ሕጂ ፈለጡ። 8. እቲ ዝሃብካኒ ቓል ሃብክዎም፥ ንሳቶምውን ተቐበልዎ። ኣነ ኻባኻ ከም ዝወፃእኩ ድማ ብሓቂ ፈለጡ፤ ንስኻ ኸም ዝለኣኽካኒውን ኣመኑ። 9. ኣነ ምእንትኦም እልምን ኣሎኹ። ናትካ እዮም እሞ ምእንቲ እዞም ዝሃብካኒ እምበር ምእንቲ ዓለምሲ ኣይልምንን እየ። 10. ኵሉ ናተይ ናትካ እዩ፥ እቲ ናትካውን ናተይ እዩ፥ ኣነውን ኣብኣቶም ከበርኩ። 11. ደጊም ኣነ ኣብ ዓለም ኣይነብርን እየ። ንሳቶም ግና ኣብ ዓለም ኣለዉ፥ ኣነውን ናባኻ እመጽእ ኣሎኹ። ኦ ቕዱስ ኣቦ! ነቶም ዝሃብካኒ ኸማና ሓደ ምእንቲ ኪኾኑ ብስምካ ሓልዎም። 12. ኣነ ምስኣቶም ከሎኹ በቲ ዝሃብካኒ ስምካ ሓሎኽዎም፥ ከምኡውን ተኸናኸንክዎም፥ እቲ ቕዱስ ጽሑፍ ምእንቲ ኺፍጸም ብዘይካ እቲ ወዲ ጥፍኣት ካብኣቶም ሓደ እኳ ዝጠፍእ የልቦን። ብወልድ ዝአምን ናይ ዘልኣለም ሕይወት ኣለዎ።

መልእክተ ጳውሎስ Pauline Epistle

16. ለበዋ እንተሎ ሞት ናይቲ ዝተላበወ ሰብ ምርግጋጽ የድሊ እዩ። 17. ምኽንያቱ ለበዋ ድኅሪ ሞት እዩ ዚጸንዕ። እቲ ዝተላበወ ብሕይወቱ ኽሳዕ ዘሎ ግና ዚጠቕሞ የብሉን። 18. ስለዚውን እታ ቐዳመይቲ ኪዳን እኳ ክትሥራዕ ከላ፥ ብዘይ ደም ኣይተመረቐትን። 19. - 20. ሙሴ ድማ ነቲ ትእዛዝ ብምሉኡ ንዅሎም እቶም ሕዝቢ ነገሮም። ደም ምራኹትን ድቤላታትን ምስ ማይ ወሲዱ፥ ቐይሕ ፀጉሪ ኣብ ጨንገር ስምዕዛ ኣሲሩ፥ “ኣምላኽ ክትሕልውዎ ዝኣዘዘኩም ብደም ዝተሠርዐ ኪዳን እዚ እዩ” እናበለ ኸኣ ነቲ መጽሓፍን ነቶም ሕዝብን ነጸገሎም። 21. ከምኡ ድማ ነቲ ድንኳንን ንዅሉ እቲ ናይ ምግልጋል ኣቕሑን ደም ነጸገሉ። 22. ከመይ ከምቲ ሕጊ ዝሠርዖ ዳርጋ ዅሉ ብደም እዩ ዝነጽሕ። ብዘይ ምፍሳስ ደምውን ኅድገት ኃጢኣት የልቦን። 23. እምበኣር ናይቲ ኣብ ሰማይ ዘሎ ነገራት ምስሊ ዝኾነ፥ ብመሥዋዕቲ ኺነጽሕ ግዲ ኻብ ኮነ፥ እቲ ሰማያዊ ነገር ንገዛእ ርእሱ ብዝኀሸ መሥዋዕቲ ኺነጽሕ ግዲ እዩ።

ዘካልእ መልእክት Universal Epistle

26. ብዛዕባ እቶም ዜስሕቱኹም እየ እዚ ዝጸሓፍኩልኩም። 27. ንስኻትኩም ግና እቲ ካብ ክርስቶስ ዝተቐበልኩምዎ መንፈስ ቅዱስ ኣባኹም ይነብር ኣሎ። መንፈስ ቅዱስ ብዛዕባ ዅሉ ስለ ዚምህረኩም፥ ሓደ እኳ ኺምህረኩም ኣየድልን እዩ። ትምህርቱ ኸኣ ሓቂ እዩ፥ ሓሶት ኣይኮነን። እምበኣር ከምቲ ዝመሃረኩም ኣብ ክርስቶስ ጸኒዕኩም ንበሩ። 28. ሕጂ ድማ፥ ደቀየ፥ ንሱ ኺግለጽ ከሎ ትብዓት ምእንቲ ክንረክብ፥ በታ ዝመጸላ መዓልቲውን ኣብ ቅድሚኡ ከይንኃፍርስ ኣብ ክርስቶስ ንበሩ። 29. ንሱ ጻድቕ ምዃኑ ትፈልጡ እንተ ዄንኩምሲ ጽድቂ ዚገብር ዘበለ ዅሉ ካብ እግዚኣብሔር ከም ዝተወልደውን ፍለጡ።

ግብረ ሃዋርያት Acts

4. ካብኣቶም ገሊኦም ኣሚኖም ምስ ጳውሎስን ሲላስን ኃበሩ፥ ኣዝዮም ብዙኃት ካብቶም ንኣምላኽ ዚፈርሁ ግሪኻውያንን ሓያሎ ምርኡያት ኣንስትን ከኣ ኸምኡ ገበሩ። 5. እቶም ኣይሁድ ከኣ ቐኒኦም፥ ካብቲ ዕዳጋ እኩያት ሰባት ወሰዱ፥ ሕዝቢ ኣኪቦም ድማ ነታ ኸተማ ኣነዓብዋ፤ ንጳውሎስን ንሲላስን ኣውፂኦም ናብቶም ሕዝቢ ምእንቲ ኬቕርብዎም ድማ ንቤት ኢያሶን ከበብዋ። 6. ምስ ሰኣንዎም ግና ንኢያሶንን ቊሩባት ካብ ኣኅዋትን ናብቶም መኳንንቲ እታ ኸተማ ኣቕረብዎም፤ “እዞም ንዅሉ ዓለም ዜናዕቡስ ኣብዚ ኸኣ መጺኦም። 7. ኢያሶን ከኣ ኣብ ገዝኡ ተቐቢልዎም ኣሎ፤ ንሳቶም ድማ ‘ኢየሱስ ዚብሃል ካልእ ንጉሥ ኣሎ’ እናበሉ ምስ ኣዋጅ ንጉሥ ሮማ ዚጻረር ነገር ይገብሩ ኣለዉ” እናበሉ ከሰስዎም። 8. እቶም ሕዝብን መኳንንቲ እታ ኸተማን፥ ነዚ ምስ ሰምዑ ተጨነቑ። 9. ንኢያሶንን ነቶም ካልኦት ብጾቱን ዋሕስ ኣትኪሎም ከኣ ኃደግዎም። 10. እቶም ኣኅዋት ግና ንጳውሎስን ሲላስን ብኡብኡ ብለይቲ ናብ ቤርያ ከም ዝኸዱ ገበርዎም፤ ኣብኣ ምስ በጽሑ ኸኣ ናብ ቤት ጸሎት ኣይሁድ ኣተዉ። 11. እቶም ሰብ ቤርያ፥ ካብቶም ኣብ ተሰሎንቄ ዚነብሩ ዝነበሩ ኣይሁድ ዝለበሙ ነበሩ፤ ነቲ ቓል ብምሉእ ልቦም ተቐበልዎ። እዚ ነገር እዚ ኸምኡ እንተ ኾይኑ ንኺፈልጡ ኸኣ ቅዱሳት መጻሕፍቲ ኣብ ጸጽባሕ ይምርምሩ ነበሩ። 12. ስለዚ ብዙኃት ካብኣቶም ኣመኑ፥ ካብቶም ግሪኻውያን ድማ ብዙኃት ክቡራት ኣንስትን ብዙኃት ግሪኻውያን ሰብኡትን ኣመኑ።

ስንክሳር Synaxarium

ኢያሶን እም ፸ወ፪ አርድእት
ወአባ ብሶይ ዘእምሰብአ በጌልት
አውሳብዮስ ቀሲስ
ወቅዱስ ሴም ሰማዕት

መዝሙር Psalm

ቅድም ዘመርቲ፣ ደሓር ቃነይቲ በገና ሰዐቡ፣ ከበሮ ዚወቕዓ ደናግል ኣብ ማእከል ነበራ። ኣቱም ካብ ዓይኒ ማይ እስራኤል ዝዀንኩም፣ ንእግዚኣብሄር ኣምላኽ ኣብ ማሕበራት ኣመስግንዎ።

በጽሑ መላእክት ወቦሙ መዘምራን፤
ማእከለ ደናግል ዘባጥያተ ከበሮ፤
በማኅበር ባርክዎ ለእግዚአብሔር።

ወንጌል Gospel

12. ከምቲ ኣነ ዘፍቀርኩኹም ንስኻትኩምውን ነሓድሕድኩም ክትፋቐሩ ትእዛዘይ እዚ እዩ። 13. ሰብ ካብቲ ኣብ ክንዲ ኣዕሩኹ ንሕይወቱ በጃ ኣኅሊፉ ዚህቦ ዚዓቢ ፍቕሪ ይብሉን። 14. ንስኻትኩም እዚ ዝኣዘዝኩኹም ዘበለ እንተ ፈጸምኩም ኣዕሩኸይ ኢኹም። 15. ደጊም ጊላዎት ኣይብለኩምን እየ፥ ጊልያስ ጐይትኡ ዚገብሮ ኣይፈልጥን እዩ፤ ኣነ ግና እቲ ኻብ ኣቦይ ዝሰማዕክዎ ዘበለ ንኣኻትኩም ስለ ዘፍለጥኩኹም ኣዕሩኸይ ኢኹም እብለኩም ኣሎኹ። 16. ኣነ እየ ዝኃሬኹኹም እምበር ንስኻትኩም ኣይኃሬኹምንን። ኬድኩም ፍረ ምእንቲ ኽትፈርዩ፥ ፍሬኹምውን ምእንቲ ነባሪ ኪኸውን ሸምኩኹም ። ስለዚውን እቲ ነቦ ብስመይ ዝለመንኩምዎ ዘበለ ኪህበኩም እዩ። 17. ንሓድሕድኩም ክትፋቐሩ እዚ እእዝዘኩም ኣሎኹ። 18. “ዓለም እንተ ጸልኣትኩም ቅድሜኹም ንኣይ ከም ዝጸልኣትኒ ፍለጡ። 19. ንስኻትኩም ካብ ዓለም እንተ ትኾኑስ ዓለም ከም ናታ ምፈተወትኩም ነይራ። ኣነ ካብ ዓለም ኃሬኹኹም፥ ንስኻትኩም ናይ ዓለም ኣይኮንኩምን። ስለዚ ኸኣ እያ ዓለም እትጸልኣኩም ዘላ። 20. ነቲ 'ጊልያ ካብ ጐይትኡ ኣይዓብን እዩ' ኢለ ዝነገርኩኹም ቃል ዘክርዎ። ንኣይ ንኣይ ኣሳዲዶሙኒ እንተ ኾይኖም ንኣኻትኩምውን ኬሳድዱኹም እዮም ። ቃለይ ሓልዮም እንተ ኾይኖም ከኣ ቓልኩምውን ኪሕልው እዮም። 21. እንተኾነ ነቲ ዝለኣኸኒ ስለ ዘይፈልጥዎ ብምኽንያት ስመይ እዚ ዅሉ ኺገብሩኹም እዮም። 22. ኣነ መጺአ እንተ ዘይነግሮም ኃጢኣት ኣይምኾኖምን ነይሩ፥ ሕጂ ግና ንኃጢኣቶም ምኽንያት የብሎምን። 23. እቲ ንኣይ ዚጸልእ ነቦይ ይጸልእ። 24. ኣብ ማእከሎም ካልእ ሰብ ዘይገበሮ ግብሪ እንተ ዘይገብረሎም ኃጢኣት ኣይምኾኖምን ነይሩ፤ ሕጂ ግና ርእዮም ከለዉ ንኣይን ነቦይን ጸልኡና። 25. እዚ ግና እቲ ኣብ ሕጎም 'ብዘይ ምኽንያት ጸልኡኒ' ዚብል ተጻሒፉ ዘሎ ቓል ምእንቲ ኺፍጸም ኮነ። ብወልድ ዝአምን ናይ ዘልኣለም ሕይወት ኣለዎ።

ቅዳሴ Liturgy :

መዝሙረ ዳዊት Psalm

ነቶም ብጸገመይ ዚሕጐሱ ዅሎም ኣሕቢርካ ኣሕፍሮምን ኣነውሮምን፣ እቶም ዚዕበዩለይ ውርደትን ነውርን ይልበሱ። እቶም ንጽድቀይ ዚፈትዉ እልል ይበሉን ይተሐጐሱን።

ወይልበሱ ኀፍረተ ወኃሣረ እለ ያዐብዩ አፉሆሙ ላዕሌየ፤
ለይትፈሥሑ ወይትኀሠዩ እለ ይፈቅድዋ ለጽድቅ፤
ወይበሉ በኵሉ ጊዜ ዓቢይ እግዚአብሔር።

ወንጌል Gospel

24. ሽዑ ሰቐልዎ፥ በብጽሒቶም ምእንቲ ኺፈልጡ ኸኣ፥ ነቲ ኽዳውንቱ ዕጫ ኣውዲቖም ተኻፈልዎ። 25. ኪሰቕልዎ ኸለዉ ኸኣ ሣልሳይ ሰዓት ናይ መዓልቲ ነበረ። 26. “ንጉሥ ኣይሁድ” ዚብል ጽሕፈት ክሱውን ኣብቲ ልዕሊ ርእሱ ነበረ። 27. ምስኡ ኸኣ ኽልተ ኸተርቲ፥ ሓደ ብየማኑ ሓደ ኸኣ ብጸጋሙ፥ ሰቐሉ። 28. እቲ “ምስ ዓመጽቲ ተቘጽረ” ዚብል ጽሑፍውን ተፈጸመ። 29. - 30. እቶም ብእኡ ዚኃልፉ ድማ ርእሶም እናነቕነቑ፥ “ኣየ፥ ኣታ ንቤት መቕደስ እተፍርሶ፥ ብሠለስተ መዓልቲውን እትሓንጾ፥ እስከ ርእስኻ ኣድኅን፥ ካብ መስቀልውን ውረድ” እናበሉ ይጸርፍዎ ነበሩ። 31. ከምኡ ኸኣ፥ ሊቃነ ካህናት ምስ መምህራን ሕጊ ኾይኖም “ንኻልኦት ኣድኃነ፥ ንርእሱ ግና ኬድኅን ኣይክእልን። 32. ንሱ መሲሕ፥ ንጉሥ እስራኤል፥ እንተ ኾይኑ ርኢና ኽንኣምንሲ፥ እስከ ሕጂ ካብ መስቀሉ ይውረድ” እናበሉ የላግጽሉ ነበሩ፥ እቶም ምስኡ ዝተሰቕሉውን ይጸርፍዎ ነበሩ። እትሰምዕ እዝኒ ዘላቶ ይስማዕ!

መዝሙረ ዳዊት Psalm

ድምጺ እግዚኣብሄር ንእራባት የውልደን፣ ንዱር የርግፎ፣ ኣብ መቕደሱውን ኵሉ፣ ክብሪ፣ ይብል ኣሎ።

ቃለ እግዚአብሔር ያፀንዖሙ ለኃየላት፤
ወይከሥት አዕዋመ፤
ወበጽርሑሰ ኵሉ ይብል ስብሐት።

ወንጌል Gospel

38. ሽዑ “ብጓሂ ክሳዕ ሞት በጺሐ ኣሎኹ እሞ ኣብዚ ጽንሑ፥ ምሳይውን ንቕሑ” በሎም። 39. ቊሩብ ርሕቕ ኢሉ ብገጹ ተደፊኡ ጸለየ፥ “ኦ ኣቦይ! እዚ ዚከኣል እንተ ኾይኑስ፥ እዛ ናይ መከራ ጽዋዕ እዚኣ ኻባይ ትኅለፍ። እንተኾነ ከም ፍቓድካ ደኣ ይኹን እምበር ከም ፍቓደይ ኣይኹን” እውን በለ። 40. ናብ ደቀ መዛሙርቱ ምስ ተመልሰ ኸኣ ደቂሶም ረኸቦም እሞ ንጴጥሮስ “ክሳዕ ክንድዚዶ ሓንቲ ሰዓት እኳ ምሳይ ምንቃሕ ኣይከኣልኩምን፧ 41. እምበኣር ናብ ፈተና ኸይትኣትዉስ ንቕሑን ጸልዩን፥ መንፈስ ድልዊ እዩ፥ ሥጋ ግና ድኹም እዩ” በሎ። 42. ካልኣይ ጊዜ ኸይዱ ኸኣ “ኦ ኣቦይ! እዛ ጽዋዕ እዚኣ ኸይሰቴኽዋ ኽትኃልፍ ዘይከኣል እንተ ኾይኑስ ፍቓድካ ይኹን” እናበለ ከም ብሓድሽ ጸለየ። 43. ከም እንደገና ተመሊሱ ኸኣ ኣዕይንቶም ባዕዚዘን ስለ ዝነበራ ደቂሶም ረኸቦም። 44. ኃዲግዎም ከም ብሓድሽ ከይዱውን ከምቲ ቕድም ኢልዎ ዝነበረ ቓል ሣልሳይ ጊዜ ጸለየ። 45. ሽዑ ናብቶም ደቀ መዛሙርቱ ተመሊሱ “ሕጂውን ገና ደቂስኩምን ኣዕሪፍኩምን ኣሎኹም፧ እምበኣር እቲ ንወዲ ሰብ ናብ ኢድ ኃጥኣን ኣኅሊፎም ዚህቡሉ እዋን በጺሑ እዩ። 46. ተንሥኡ፥ ንኺድ፥ እቲ ኣኅሊፉ ዚህበኒ እንሆ ቐሪቡ ኣሎ” በሎም። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

1. ካብ ጳውሎስ፥ ብፍቓድ ኣምላኽ ናይ ክርስቶስ ኢየሱስ ሓዋርያ ዝኾነ፥ ናብቶም ኣብ ኤፌሶን ዘለዉ ኣመንትን ብክርስቶስ ኢየሱስ ኸኣ እሙናትን፥ 2. ካብ እግዚኣብሔር ኣቦናን ካብ ጐይታና ኢየሱስ ክርስቶስን ጸጋን ሰላምን ምሳኻትኩም ይኹን። 3. እቲ ብመንፈሳዊ በረኸት ዘበለ ብክርስቶስ ገይሩ ኣብ ሰማያት ዝባረኸና ኣምላኽ፥ ኣቦ ጐይታና ኢየሱስ ክርስቶስ ይመስገን። 4. ኣብ ቅድሚኡ ቕዱሳንን መንቅብ ዘይብሎምን ምእንቲ ኽንከውን ቅድሚ ምፍጣር ዓለም ኃረየና። ስለ ዘፍቀረናን። 5. ጽቡቕ ፍቓዱን መደቡን ስለ ዝነበረን ከኣ ንርእሱ ውሉድ ክንኮኖ ብኢየሱስ ክርስቶስ ቀደም መደበና። 6. እዚ ኸኣ እቲ በቲ ዜፍቅሮ ወዱ ገይሩ ዝሃበና ክቡር ጸጋ ምእንቲ ኺምስገን ኢሉ እዩ። 7. ብእኡ፥ ማለት ብደሙ ድኅነት፥ ከምቲ ሃብቲ ጸጋኡ ኸኣ ኅድገት ኃጢኣት ኣሎና። 8. ንሱ ነዚ ጸጋ እዚ ብዅሉ ጥበብን ፍልጠትን ኣብ ልዕሌና ኣፍሰሶ። 9. ጽቡቕ ፍቓዱ ኾይኑ ኸኣ ነቲ ብክርስቶስ ገይሩ ኣቐዲሙ ዝመደቦ ናይ ፍቓዱ ምሥጢር ኣፍለጠና። 10. እዚ ኸኣ፥ እቲ ጊዜ ምስ ኣኸለ፥ ኣብ ሰማይ ኮነ ኣብ ምድሪ ዘሎ ዅሉ ኣብ ትሕቲ ሥልጣን ክርስቶስ ምእንቲ ኪጥቕለል እዩ። 11. - 12. እቶም ኣቐዲምና ብክርስቶስ ተስፋ ዝገበርና፥ ንውዳሴ ኽብሩ ምእንቲ ኽንከውን፥ እቲ ብፍቓዱ ንዅሉ ነገራት ከም መደቡ ዚገብር ኣምላኽ ወረስቲ ኽንከውን ብወዱ ኃረየና። 13. ንስኻትኩምውን ነቲ ናይ ምድኃንኩም ወንጌል ዝኾነ ቓል ሓቂ ምስ ሰማዕኩም፥ ብእኡውን ምስ ኣመንኩም፥ በቲ ዘተስፈዎ መንፈስ ቅዱስ ኃቲሙ ናቱ ገበረኩም። 14. መንፈስ ቅዱስ፥ እቶም ጥሪት ኣምላኽ ዝኾንና ክሳዕ እንድኅን፥ ንውዳሴ ኽብሩ ዕርቡን ርስትና እዩ።

ዘካልእ መልእክት Universal Epistle

1. ኣነ ከምኣቶም መራሕ ቤተ ክርስቲያን፥ ናይቲ ክርስቶስ ዝተቐበሎ ስቓይ መስካሪ፥ ኣብቲ ደኃር ኪመጽእ ዘለዎ ኽብሪውን ተማቓሊ ዝኾንኩ፥ ነቶም ኣብ ማእከልኩም ዘለዉ መራሕቲ ቤተ ክርስቲያን እምዕዶም ኣሎኹ። 2. ነቲ ኣምላኽ ዝሃበኩም መጓሰ ጓስይዎ፥ እንተኾነ ከም ፍቓድ ኣምላኽ ብፍታው እምበር ብግዲ ኣይኹን። ብጽቡቕ ድላይ እምበር ንኸንቱ ረብሓ ኣይኹን። 3. ነቲ መጓሰ ኣርኣያ ደኣ ኹንዎ እምበር፥ ኣብ ልዕሊ እቶም ዝተዋህቡኹም ጐይቶት ኣይትኹኑ። 4. እቲ ሓለቓ ጓሶት ምስ ተገልጸ ድማ ዘይጽምሉ ኣኽሊል ክብሪ ኽትቅበሉ ኢኹም። 5. ከምኡ ኸኣ፥ ኣቱም መንእሰይ፥ ነቶም ዚዓብዩኹም ተገዝእዎም። “ኣምላኽ ንዕቡያት ይመዓቶም፥ ንትሑታት ግና ጸጋ ይህቦም” ከም ዚብል ድማ ትሕትና ለቢስኩም ንሓድሕድኩም ኣገልግሉ። 6. ደጊም ብጊዜኡ ንሱ ልዕል ምእንቲ ኼብለኩም ኣብ ትሕቲ እታ ጽንዕቲ ኢድ ኣምላኽ ትሕት በሉ። 7. ንሱ ይሓልየልኩም እዩ እሞ ንዅሉ ኃልዮትኩም ኣብኡ ኣውድቕዎ።

ግብረ ሃዋርያት Acts

20. እቶም ደቀ መዛሙርቱ ኣብ ዙርያኡ ደው ምስ በሉ ኸኣ፥ ብድድ ኢሉ ናብ ከተማ ኣተወ፥ ንጽባሒቱ ድማ ምስ በርናባስ ናብ ደርቤን ከደ። 21. ጳውሎስን በርናባስን ኣብ ደርቤን እናሰበኹ ብዙኃት ደቀ መዛሙርቲ ገበሩ፥ ናብ ልስጥራንን ናብ ኢቆንዮንን ናብ ኣንጾኪያ ናብ ጲስድያን ከኣ ተመልሱ። 22. “ናብ መንግሥቲ ኣምላኽ ክንኣቱ ዚግብኣና ብብዙኅ ጸበባ እዩ” እናበሉ ኸኣ ነቶም ደቀ መዛሙርቲ ኣጸናንዕዎም፥ ኣብ እምነቶም ጸኒዖም ኪነብሩ ኸኣ ኣተባብዕዎም። 23. ኣብ ነፍስ ወከፍ ቤተ ክርስቲያን መራሕቲ ምስ ሸሙሎም ድማ ብጾምን ጸሎትን ናብቲ ዝኣመንዎ ጐይታ ኣማዕቈብዎም። 24. ብጲስድያ ኃሊፎም ናብ ጵምፍልያ ኸዱ። 25. ኣብ ጴርጌ ነቲ ቓል ምስ ነገሩ ናብ ኣጣልያ ወረዱ። 26. ካብኣ ኸኣ ናብ ኣንጾኪያ ናይ ሶርያ ብመርከብ ተሳገሩ፤ ኣንጾኪያ ነቲ ዝፈጸምዎ ዕዮ ንጸጋ ኣምላኽ ሓደራ ዝተወፈዩላ ዓዲ እያ። 27. ናብኣ ምስ በጽሑ ምእመናን ቤተ ክርስቲያን ኣኪቦም እቲ ዅሉ ኣምላኽ ዝገበረሎምን ነሕዛብ ከኣ ኣፍ ደገ እምነት ከም ዝኸፈተሎምን፥ ኣዘንተውሎም። 28. ምስቶም ደቀ መዛሙርቲ ድማ ሓያሎ መዓልቲ ጸንሑ።

ስንክሳር Synaxarium

አባ ዮሐንስ ሊቀ ጳጳሳት ዘእስክንድርያ
ሶሲማ
ወአባ ኖዳ

መዝሙር Psalm

ጻድቕ ይውቅዓኒ፣ ለውሃት እዩ፣ ይዝለፈኒ፣ ዘይቲ ርእሲ እዩ፣ ርእሰይ ኣይእበዮ፣ ጸሎተይ ገና ብእከዮም እዩ።

ገሥፀኒ በጽድቅ ወተዛለፈኒ በምሕረት፤
ወቅብአ ኃጥአንሰ ኢይትቀባእ ርእስየ፤
እስመ ዓዲ ጸሎትየኒ ከመ ኢተሣሀሎሙ።

ወንጌል Gospel

3. ኢየሱስ ኣብ ቢታንያ ኣብ እንዳ ስምዖን እቲ ለምጻም ኣብ መኣዲ ተቐሚጡ ኸሎ፥ ሓንቲ ሰበይቲ፥ ብዙኅ ዝዋግኡ ብጹሩይ ናርዶስ ዝተዳለወ ሽቱ ዝመልአ፥ ብኣልባስጥሮስ ዝተሠርሐ ብልቃጥ ኂዛ መጸት፥ ነቲ ብልቃጥ ሰቢራ ኸኣ ኣብ ርእሱ ኣፍሰሰቶ። 4. ገሊኦም ከኣ ሓሪቖም ብልቦም “እዚ ዅሉ ጥፍኣት ቅዱይ ሽቱ፥ ኣብ ምንትምንታይ እዩ፧ 5. እዚ ሽቱ እዚ ካብ ሠለስተ ሚእቲ ዲናር ዚበዝኅ ተሸይጡ ንድኻታትዶ ግዳ ኣይብተዋህበን ነይሩ!” በሉ። ንእኣውን ኮረዩላ። 6. ኢየሱስ ከኣ “ነዛ ሰበይቲ ስለምንታይ ትድህልዋ ኣሎኹም፧ ኅደግዋ፥ ሠናይ ግብሪ እያ ዝገበረትለይ። 7. ድኻታትሲ ዅሉ ሳዕ ምሳኻትኩም ኣለዉ፥ ሠናይ ግብሪ ኽትገብርሎም እንተ ደሌኹም ከኣ ይኸኣለኩም እዩ። ንኣይ ግና ኹሉ ሳዕ ኣይክትረኽቡንን ኢኹም። 8. ንሳ እቲ ዓቕማ እያ ዝገበረት፥ ኣቐዲማውን ንቐብረይ ሰብነተይ ቀብአት። 9. እዚ ወንጌል እዚ ኣብ ዝተሰብኮ ዘበለ ኣብ ኵሉ ዓለም እዚ ንሳ ዝገበረቶ ንመዘከሪኣ ከም ዚንገር ብሓቂ እብለኩም ኣሎኹ” በሎም። እትሰምዕ እዝኒ ዘላቶ ይስማዕ!

ቅዳሴ Liturgy :

መዝሙረ ዳዊት Psalm

ዎ እግዚኣብሄር ኣምላኸይ፣ ጠምት እሞ ምለሰለይ። ኣነ ድቃስ ሞት ከይድቅስ፣ ጸላእየይ፣ ስዒረዮ፣ ከይብል፣ እንተ ተናወጽኩ፣ ተጻረርተይ ከይፍስሁስ፣ ነዒንተይ ኣብርሃየን።

ነፅረኒ ወስምዐኒ እግዚኦ አምላኪየ፤
አብርሆን ለአዕይንትየ ከመ ኢይኑማ ለመዊት፤
ወከመ ኢይበሉነ ጸላእትየ ሞዕናሁ።

ወንጌል Gospel

35. ቊሩብ ንቕድሚት ፍንትት ኢሉ ድማ፥ ዚከኣል እንተ ኾይኑስ እታ ሰዓት ካብኡ ኽትኃልፍ፥ ኣብ ምድሪ ተደፊኡ ጸለየ። 36. “ኣባ! ኣቦይ! ኵሉ ይከኣለካ እዩ። ነዛ ናይ መከራ ጽዋዕ እዚኣ ኻባይ ኣኅልፋ፥ እንተኾነ ፍቓድካ ደኣ እምበር ፍቓደይ ኣይኹን” በለ። 37. ተመሊሱ ኸኣ ደቂሶም ረኸቦም፥ ንጴጥሮስ ድማ “ስምዖን！ ደቂስካዶ፧ ሓንቲ ሰዓት እኳ ኽትነቅሕ ኣይኸኣለካን፧ 38. ናብ ፈተና ኸይትኣትዉ ንቕሑ፥ ጸልዩውን፥ መንፈስ ድልዊ እዩ፥ ሥጋ ግን ድኹም እዩ” በሎ። 39. ከይዱ ድማ ኸምቲ ቕድም ኢሉዎ ዝነበረ ቓል ደጊሙ ጸለየ። 40. ካልኣይ ምስ ተመልሰ ኸኣ ኣዕይንቶም ባዕዚዘን ነበራ እሞ ደቂሶም ረኸቦም፥ እንታይ ከም ዚምልስሉ ድማ ኣይፈልጡን ነበሩ። 41. ሣልሣይ ጊዜ መጺኡ ኸኣ፥ “ገናዶ ሕጂ ድማ ደቂስኩምን ኣዕሪፍኩምን ኣሎኹም፧ ደጊም ይኣክል፥ እታ ሰዓት በጺሓ እያ፥ እንሆ ንወዲ ሰብ ኣብ ኢድ ኃጥኣን ኣኅሊፎም ኪህብዎ እዮም። 42. ተንሥኡ ንኺድ፥ እቲ ዜትሕዘኒ፥ እነሆ ቐሪቡ እዩ” በሎም። እትሰምዕ እዝኒ ዘላቶ ይስማዕ!

መዝሙረ ዳዊት Psalm

ኣምላኽካ ንሓይልኻ ኣዘዞ፣ ዎ ኣምላኽ፣ ነቲ ዝገበርካልና ኣጽንዓዮ። ስለ ቤት መቕደስካ ኣብ የሩሳሌም ነገስታት ውህበት ኬምጽኡልካ እዮም።

አዝዝ እግዚኦ በኃይልከ፤
ወአጽንዖ እግዚኦ ለዝንቱ ዘሠራዕከ ለነ፤
ውስተ ጽርሕከ ዘኢየሩሳሌም።

ወንጌል Gospel

3. - 4. ሽዑ እቲ ዘትኃዞ ይሁዳ ንኢየሱስ ተፈሪድዎ ምስ ረኣየ፥ ተጣዒሱ “ንጹሕ ሰብ ንሞት ኣኅሊፈ ብምሃበይ በዲለ” እናበለ ነቲ ሠላሳ ቕርሺ ብሩር ናብ ሊቃነ ካህናትን ሽማግለታት ሕዝብን መለሶ። ንሳቶም ግና “ንሕና እሞ እንታይ ገዲሱና፥ ባዕልኻ ትፈልጥ” በልዎ። 5. ንሱ ኸኣ ነቲ ሠላሳ ቕርሺ ብሩር ናብ ቤት መቕደስ ደርብይዎ ወፀ፥ ከይዱውን ተሓንቀ። 6. እቶም ሊቃነ ካህናት ግና ነቲ ገንዘብ ወሲዶም “ዋጋ ደም ስለ ዝኾነ ኣብ መቐበል ምጽዋት ከነእትዎ ኣይግባእን እዩ” በሉ። 7. ተማኺሮም ከኣ ብእኡ ንመቓብር ኣጋይሽ ዚኸውን ግራት ሠራሕ መሬት ዓደጉሉ። 8. ስለዚ እታ ግራት እቲኣ ኽሳዕ ሎሚ ግራት ደም ትብሃል ኣላ። 9. እቲ ብነቢይ ኤርምያስ “ነቲ ደቂ እስራኤል ዋጋኡ ዝገምገሙሉ፥ ዋጋ እቲ ኽቡር፥ ሠላሳ ቅርሺ ብሩር ወሰዱ። 10. ከምቲ እግዚኣብሔር ዝኣዘዘኒውን ንግራት ሠራሕ መሬት ሃብዎ” ኢሉ ዝተነግረ ቃል ተፈጸመ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

32. ንሳቶም ብእምነት መንግሥትታት ሰዓሩ፥ ብቕንዕና መርሑ፥ ነቲ እግዚኣብሔር ኣተስፍይዎም ዝነበረ ረኸቡ፥ ኣፍ ኣናብስ ዓጸዉ፥ 33. ዚባላዕ ሓዊ ኣጥፍኡ፥ ካብ ስሕለት ሰይፊ ደኃኑ፥ ኣብ ድኻም በርትዑ፥ ኣብ ውግእ ኃየሉ፥ ሠራዊት ጸላእቲ ሰዓሩ፥ 34. ኣንስቲ፥ ምዉታተን ካብ ሞት ተንሢኦም፥ ከም ብሓድሽ ተቐበላኦም፥ ካልኦት ግና ዝበለጸ ትንሣኤ ምእንቲ ኺረኽቡ ምሕረት ኣይንደልን ኢሎም ተሳቕዮም ሞቱ። 35. ገሊኣቶም ድማ ብላግጽን ብመግረፍትን፥ ኣብ ልዕሊ እዚውን ብመቑሕን ብማእሰርትን ተሳቐዩ። 36. ብዳርባ እምኒ ተቐትሉ፥ ብመጋዝ ተቘርጹ፥ ተሰይፎም ሞቱ፥ ኣጐዛ ኣባጊዕን ዲኖ ኣጣልን ተኸዲኖም ዞሩ፥ ሰኣኑ፥ ጸበቦም፥ ሓሳረ መከራ ጸገቡ። 37. ዓለም ንኣኣቶም ዘይትበቕዕ ስለ ዝኾነት፥ ኣብ ምድረበዳን ኣብ እምባታትን ኣብ በዓትታትን ኣብ ጐዳጒድ ምድርን ኰለል በሉ። 38. - 39. ኣምላኽ ብዛዕባና ዚኃይሽ ስለ ዝሓለየ፥ ብዘይካና ናብ ፍጻሜ ምእንቲ ኸይበጽሑስ፥ እዚኣቶም ኵላቶም ብእምነት እኳ ተመስኪርሎም እንተኾነ፥ ነታ ተስፋ ኣይረኸብዋን።

ዘካልእ መልእክት Universal Epistle

18. ንሳቶም ነቶም ኣብ ስሕተት ካብ ምንባር ብቐረባ እዋን ዝመለቑ፥ በቲ ኸንቱን ትዕቢት ዝመልኦን ዘረባኦም ገይሮም ብኽፉእ ትምኒት ሥጋን ብርኽሰትን ይሓባብልዎም ኣለዉ።19. ዝተሰዓረ ሰብ ባርያ ናይቲ ዝሰዓሮ እዩ ዚኸውን፥ ንሳቶም ግና ገዛእ ርእሶም ናይ ክፋእ ኣመል ባሮት ኸለዉ “ሓራ ኽትወፁ ኢኹም” እናበሉ የተስፍውዎም።20. ከመይ ሰባት ንጐይታናን መድኃኒናን ኢየሱስ ክርስቶስ ብምፍላጥ ካብ ርኽሰት ዓለም መሊቖም፥ ከም ብሓዱሽ ብእኣ ተጠሊፎም እንተ ደኣ ተሳዕሩ፥ ካብ ቀዳማዮም ዳኅራዮም እዩ ዚገድድ።21. ንሳቶም እናፈለጥዋ ኻብቲ ዝተዋህቦም ቅዱስ ትእዛዝ ንድኅሪት ካብ ዚምለሱስ፥ ነታ መገዲ ጽድቂ እንተ ዘይፈልጥዋ ምኃሾም ነይሩ።22. እዚ ኸኣ እቲ “ከልቢ ናብ ትፍኡ ተመልሰ” ከምኡ ኸኣ “ሓሰማ ተሓጺባ ኣብ ጸምሪ ኣንገርገረት” ዚብል ምስላ ሓቂ ከም ዝኾነ የረድእ።

ግብረ ሃዋርያት Acts

48. - 49. ከምቲ ነቢይ ‘ሰማይ ዝፋነይ እዩ፥ ምድሪ ኸኣ መርገጽ እግረይ እዩ፥ ከመይ ዝበለ ቤት ደኣ ኢኹም እትሓንጹለይ፧ ይብል እግዚኣብሔር፥ ከመይ ዝበለ ሥፍራኸ እዩ እቲ ኣነ ዝዓርፈሉ፧ ነዚ ዅሉ ነገራትስ ኢደይዶ ኣይኮነን ዝገበሮ፧’ ዝበሎ፥ እቲ ልዑል ኣምላኽ ብኢድ ሰብ ኣብ ዝተሓንጸ ቤት ኣይነብርን እዩ። 50. ኣቱም ተረርቲ ኽሳድ፥ ልብኹምን ኣእዛንኩምን ዘይተገዝረ፥ ንስኻትኩምውን ከምቲ ናይ ኣቦታትኩም ንመንፈስ ቅዱስ ኵሉ ጊዜ ትጻረርዎ ኣሎኹም። 51. ካብ ነቢያትከ ኣቦታትኩም ዘይሰጐጒዎ መን እዩ፧ ንሳቶም ነቶም ብዛዕባ ምምጻእ እቲ ጻድቅ ኣቐዲሞም ዘበሠሩ ቐተልዎም፤ ሕጂውን ንስኻትኩም ኣኅሊፍኩም ወሃብቱን ቀተልቱን ኢኹም። 52. ንስኻትኩም ነቲ ሕጊ ብኢድ መላእኽቲ ተቐቢልኩምዎ ኔርኩም፥ እንተኾነ ኣይሓሎኹምዎን።” 53. እቶም ሰብ ከኣ ነዚ ምስ ሰምዑ፥ ልቦም ነደደ፥ ኣስናኖም ከኣ ሓርቀሙሉ። 54. ንእስጢፋኖስ ግና መንፈስ ቅዱስ መልኦ፥ ናብ ሰማይ ኣንቃዕሪሩ ኸኣ ኽብሪ ኣምላኽን ኢየሱስ ድማ ኣብ የማን ኣምላኽ ደው ኢሉን ረኣየ።

ስንክሳር Synaxarium

ኤርምያስ ነቢይ

መዝሙር Psalm

ካብ ማሕጸን ወላዲት ኣባኻ ወደቕኩ፣ ካብ ከርሲ እኖይ ጀሚርካ ንስኻ ኣምላኸይ ኢኻ። ጭንቂ ቐሪቡ ኣሎ፣ ዚሕግዘኒውን የልቦን እሞ፣ ካባይ ኣይትርሐቕ።

ላዕሌከ ተገደፍኩ እማኅፀን፤
እምከርሠ እምየ አንተ አምላኪየ፤
ኢትርሐቅ እምኔየ እስመ አልጸቁ እትመንደብ።

ወንጌል Gospel

33. “ካልእ ምስላዉን ስምዑ፡ - ኣታኽልቲ ወይኒ ዝተኸለ ብዓል ቤት ነበረ፥ ቀጽሪ ገበረሉ፥ መሓምተሊ ድማ ዀዓተሉ፥ መሓለዊ ደርቢ ሠርሓሉ፥ ንሓረስቶስ ብመገስ ሂብዎም ከኣ ናብ ካልእ ሃገር ገሸ። 34. ጊዜ ፍርያት ምስ በጽሐ ፍሬኡ ኼምጽኡሉ ኣገልገልቱ ናብቶም ሓረስቶት ለኣኸ። 35. እቶም ሓረስቶት ከኣ ነቶም ኣገልገልቱ ኂዞም፥ ንገሊኦም ወቕዕዎም፥ ንገሊኦም ቀተልዎም፥ ንገሊኦምውን ብእምኒ ቐጥቀጥዎም። 36. ከም ብሓድሽ ካብቶም ቀዳሞት ዚበዝኁ ኻልኦት ኣገልገልቱ ለኣኸ፥ ንኣኣቶም ድማ ኸምኡ ገበርዎም። 37. ኣብ መወዳእታ ኸኣ ‘ንወደይሲ ይኃፍርዎ ግዲ ይኾኑ’ ኢሉ ወዱ ናብኣቶም ለኣኸ። 38. እቶም ሓረስቶት ግና ነቲ ወዱ ምስ ረኣይዎ፥ ንሓድሕዶም ‘እንሆ እቲ ወራሲኡ እዚ እዩ፥ ርስቱ ንኣና ኪኾነና ንዑ ንቕተሎ’ ተባሃሃሉ። 39. ኂዞም ካብቲ ኣታኽልቲ ወይኒ ንወፃኢ ኣውፂኦም ቀተልዎ። 40. እቲ ጐይታ ኣታኽልቲ ወይኒ ምስ መጸ ነቶም ሓረስቶት እቲኦም እንታይ ኮን ኪገብሮም እዩ፧” 41. ንሳቶም ከኣ “ነቶም ክፉኣት ብሕሱም የጥፍኦም፥ ነቲ ኣታኽልቲ ወይኒ ኸኣ ፍሪኡ በብጊዜኡ ንዚህቡዎ ኻልኦት ሓረስቶት ብብላዕ ይህቦም” በልዎ። 42. ኢየሱስ ከኣ በሎም፦ “‘እቲ ነደቕቲ ዝነዓቕዎ እምኒ፥ ንሱ ርእሲ መኣዝን ኮነ፥ እዚ ካብ እግዚኣብሔር ኮነ፥ ንኣዕይንትናውን ዜደንቕ እዩ’ ዚብልዶ ኣብ መጻሕፍቲ ከቶ ኣየንበብኩምን፧ 43. “ስለዚ ድማ እታ መንግሥቲ ኣምላኽ ካባኻትኩም ከም እትውሰድ ፍሪኣ ንዜፍሪ ሕዝቢውን ከም እትወሃብ እብለኩም ኣሎኹ። 44. ኣብቲ እምኒ እቲ ዝወደቐ ይሕምሸሽ፥ እቲ እምኒ እቲ ዝወደቖ ድማ ይጭፍለቕ።” 45. ሊቃውንቲ ካህናትን ፈሪሳውያንን ምስላታቱ ምስ ሰምዑ ብዛዕባኦም ከም ዝተዛረበ ኣስተውዓሉ። 46. ኪኅዝዎ ድማ ደለዩ፥ ግናኸ ኣብቶም ሕዝቢ ከም ነቢይ ነበረ እሞ ንኣኣቶም ፈርህዎም። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ኣምላኽ ይተንስእ፣ ጸላእቱ ፋሕ ይበሉ፣ እቶም ዚጸልእዎ ኻብ ገጹ ይህደሙ። ትኪ ኸም ዚብተን፣ ከምኡ ትብትኖም።

ይትነሣእ እግዚአብሔር ወይዘረዉ ፀሩ፤
ወይጕየዩ ጸላእቱ እምቅድመ ገጹ፤
ከመ የኀልቅ ጢስ ከማሁ የኃልቁ።

ወንጌል Gospel

28. ናብታ ዚኸድዋ ዝነበሩ ዓዲ ምስ ቀረቡ ኸኣ፥ ከም ዚኃልፍ መሰለ። 29. ንሳቶም ግና “መስዩ እዩ ፀሓይውን ዓሪባ እያ እሞ፥ ምሳና ኅደር” ኢሎም ለመንዎ፤ ንሱ ኸኣ ምስኣቶም ኪኃድር ኣተወ። 30. ኣብ መኣዲ ምስኣቶም ምስ ተቐመጠ ድማ እንጌራ ኣልዒሉ፥ ባሪኹ፥ ቘሪሱ ሃቦም። 31. ሽዑ ዓይነ ልቦናኦም ተኸፍተ እሞ ኣለለይዎ፥ ንሱ ግና ኻብኣቶም ተሠወረ። 32. ንሓድሕዶም ከኣ “እቲ ኣብ መገዲ ኺዛረበናን ነተን ጽሑፋት ኪትርጕመልናን ከሎዶ ግዳ ልብና ይነደና ኣይነበረን፧” ተበሃሃሉ። 33. በታ ሰዓት እቲኣ ተላዒሎም ናብ ኢየሩሳሌም ተመልሱ፤ ነቶም ዓሠርተው ሓደን ነቶም ምስኣቶም ዝነበሩን ድማ ተኣኪቦም ረኸብዎም። 34. “ጐይታ ብሓቂ ተንሢኡ እዩ፥ ንስምዖን እኳ ተራእይዎ” ኪብሉ ኸኣ ጸንሕዎም። 35. እቶም ክልተ ድማ እቲ ኣብ መገዲ ዝኾነን፥ እንጌራ ምስ ቈረሰ ኸኣ ከመይ ኢሎም ከም ዘለለይዎን ነገርዎም። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መዝሙረ ዳዊት Psalm

ምሉእ መዓልቲ ተሰቅየ፣ ንግሆ ንግሆውን ተቐጺዔ እየ እሞ፣ እምበአርሲ ንልበይ ብኸንቱ ኣንጺሄ፣ ኣእዳወይውን ብንጽህና ሐጺበ። ከምኦም ክዛረብ እየ፣ ኢለ እንተ ዝኸውንሲ፣ ንወለዶ ውሉድካ ምጠለምኩ ነይረ።

ወዘለፋየኒ በጽባሕ፤
ሶበ እቤሁ ነበብኩ ከመዝ፤
ናሁ ሠራዕኩ ለትውልደ ደቂቅከ።

ወንጌል Gospel

19. ሽዑ እቲ ሊቀ ካህናት ንኢየሱስ ብዛዕባ ደቀ መዛሙርቱን ትምህርቱን ሓተቶ። 20. ኢየሱስ ከኣ ኸምዚ ኢሉ መለሰ፦ “ኣነ ንዓለም ብግህዶ እየ ዝተዛረብክዋ፥ ኵሉ ሳዕውን ኣብቲ ኣይሁድ ዚእከቡሉ ዘበለ፥ ኣብ ቤት ጸሎት ኣይሁድን ቤት መቕደስን እምህር ነበርኩ፥ ብኅቡእ ዝተዛረብክዎ ሓንቲ እኳ የብለይን። 21. ንምንታይከ ንኣይ ትሓተኒ ኣሎኻ፧ ነቶም ዘረባይ ዝሰምዑ ዝነበሩ ሕተቶም። እንሆ ንሳቶም ነቲ ኣነ ዝተዛረብክዎ ይፈልጥዎ እዮም።” 22. እዚ ምስ በለ ሓደ ኻብቶም ገላዉ ኣብኡ ቖይሙ ዝነበረ “ንሊቀ ካህናትሲ ከምዚ ኢልካ ኽትምልሰሉ፧” ኢሉ ንኢየሱስ ገጹ ጸፍዖ። 23. ኢየሱስ ከኣ “ክፉእ ተዛሪበ እንተ ኾይነ ክፉእ ምዃኑ መስክር፥ ጽቡቕ ተዛሪበ እንተ ኾይነ ግና ስለምንታይ ትወቕዓኒ ኣሎኻ፧” በሎ። 24. ሃና ኸኣ ናብ ቀያፋ ሊቀ ካህናት ብእሱሩ ሰደዶ። ብወልድ ዝአምን ናይ ዘልኣለም ሕይወት ኣለዎ።

መልእክተ ጳውሎስ Pauline Epistle

12. እምበኣር ንፍትወት ሥጋ ምእንቲ ኸይትግዝኡ፥ ኣብዚ መዋቲ ሥጋኹም ኃጢኣት ኣይንገሥ። 13. ሞይቶም ከም ዝተንሥኡ ገዛእ ርእስኹም ንኣምላኽ ወፍዩ እምበር፥ ኣካላትኩም መሣርሒ ኽፍኣት ኪኸውን ንኃጢኣት ኣይትሃብዎ፥ ኣካላትኩምሲ መሣርሒ ጽድቂ ኪኸውን ንኣምላኽ ደኣ ወፍይዎ። 14. ከመይ ትሕቲ ጸጋ እምበር ትሕቲ ሕጊ ስለ ዘይኮንኩም፥ ኃጢኣት ኣይኪመልከኩምን እዩ። 15. እሞኸ ደኣ! ትሕቲ ጸጋ እምበር፥ ትሕቲ ሕጊ ኻብ ዘይኮንና፥ ኃጢኣትዶ ንግበር፧ ያእ ኣይፋልናን። 16. ከም እዙዛት ባሮት ኴንኩም ገዛእ ርእስኹም ንሓደ ሰብ እንተ ኣግዛእኩም፥ ባሮት ናይቲ እትእዘዝዎ ሰብ ከም ዝኾንኩምዶ ኣይትፈልጡን ኢኹም፧ ከምኡ ኸኣ ንኃጢኣት እንተ ተኣዘዝኩም ናብ ሞት ኪመርሓኩም እዩ፥ ንእግዚኣብሔር እንተ ተኣዘዝኩም ግና ናብ ጽድቂ ኺመርሓኩም እዩ። 17. - 18. ቀደም ባሮት ኃጢኣት እኳ እንተ ነበርኩም፥ ነቲ ብኅድሪ ዝተዋሃበኩም ትምህርቲ ካብ ልቢ ስለ ዝተኣዘዝኩምዎ። ካብ ኃጢኣት ሓራ ወፂእኩም ኸኣ ንጽድቂ ስለ ዝተገዛእኩም፥ ንኣምላኽ ምስጋና ይኹኖ።

ዘካልእ መልእክት Universal Epistle

8. እምበኣር ብስምምዕ ንበሩ። ተደናገጽቲ፥ ፍቕሪ ኣኅዋት ዘለዎም፥ ለዋሃትን ትሑታትን ኩኑ። 9. ኽፋእ ኣብ ክንዲ ኽፋእ፥ ጸርፊ ኣብ ክንዲ ጸርፊ ኣይትመለሱ፥ እኳ ደኣ መርቑ። ከመይ እግዚኣብሔር ምርቓ ኽትወርሱ እዩ ጸዊዑኩም። 10. ከምቲ ቕዱስ መጽሓፍ ዚብሎ “እቲ ሕይወት ዚፈቱ፥ ጽቡቓት መዓልትታት ኸኣ ኺርኢ ዚደሊ፥ ልሳኑ ኻብ ክፋእ፥ ከናፍሩውን ተንኰል ከይዛረባ ይኸልክል። 11. ካብ እከይ ይርሓቕ፥ ሠናይ ኸኣ ይግበር። ንሰላም ይድለያን ይስዓባን። 12. ኣዕይንቲ እግዚኣብሔር ናብ ጻድቃን እየን ዚርእያ። ኣእዛኑውን ናብ ጸሎቶም እየን። እግዚኣብሔር ግና ነቶም ገበርቲ እከይ ይፃረሮም እዩ።” 13. ንሠናይ ነገር ትጽዕቱ እንተ ዄንኩምከ መን እዩ ኺጐድኣኩም ዝኽእል፧ 14. ምእንቲ ጽድቂ ሓሳረ መከራ እንተ ጸገብኩም ግና ብፁዓን ኢኹም። ካብ ሰብ ኣይትፍርሁ፥ ብሓደ እኳ ኣይትሸበሩ።

ግብረ ሃዋርያት Acts

35. ምድሪ ምስ ወግሐ እቶም ሮማውያን ሰበ ሥልጣን “ነቶም ሰባት ፈቲሕካ ስደዶም” እናበሉ ገላዉ ለኣኹሉ። 36. እቲ ሓላው ቤት ማእሰርቲ ድማ፥ “እቶም ሰበ ሥልጣን ‘ፍትሕዎም’ ኢሎም ልኢኾም ኣለዉ እሞ፥ ሕጂ እምበኣር ወፂእኩም ብሰላም ኪዱ” ኢሉ ንጳውሎስ ነገሮ። 37. ጳውሎስ ግና፥ “ንሕና ሮማውያን ከሎና፥ ብዘይ ፍርዲ ብግህዶ ገሪፎም፥ ኣብ ቤት ማእሰርቲ ኣእትዮምናስ፥ ሕጂ ብኅቡእዶ ኪሰዱና፧ ባዕላቶም ደኣ መጺኦም የውፅኡና እምበር፥ እዝስ ከቶ ኣይከውንን እዩ” በሎም። 38. እቶም ገላዉ ኸኣ ነቶም ሰበ ሥልጣን ነዚ ነገር እዚ ነገርዎም። ንሳቶም ድማ ሮማውያን ምዃኖም ምስ ሰምዑ ፈርሁ። 39. መጺኦም ከኣ “ይቕረ በሉልና” ኢሎም ኣውፅእዎም። ካብታ ኸተማ ኬልግሱውን ለመንዎም። 40. ሽዑ ካብ ቤት ማእሰርቲ ወፂኦም ናብ ቤት ልድያ ኣተዉ፤ ነቶም ኣኅዋት ምስ ረኸብዎም ከኣ መዓድዎም፥ ካብኡውን ኃለፉ።

ስንክሳር Synaxarium

አባ ይስሐቅ
ወአባ መቃርስ

መዝሙር Psalm

ዎ እግዚኣብሄር፣ ጐደናታትካ ኣፍልጠኒ፣ መገድታትካ ምሀረኒ። ንስኻ ኣምላኽ ምድሓነይ ኢኻ እሞ፣ ብሓቅኻ ምርሓንን ኣስተምህረንን።

ፍኖተከ እግዚኦ አምረኒ፤
ወአሰረ ዚአከ ምህረኒ፤
ወምርሐኒ በጽድቅከ።

ወንጌል Gospel

32. “ኣቱም ንኡስ መጓሰ፥ ኣቦኹም መንግሥቲ ኺበኩም ፈትዩ ኣሎ እሞ ኣይትፍርሁ። 33. ጥሪትኩም ሸጥኩም ምጽዋት ሃቡ። ሠራቒ ኣብ ዘይረኽቦ፥ ነቐዝ ኣብ ዘየባላሽዎ፥ ዘይበሊ ማኅፉዳን ዘይጐድል ሃብትን ኣብ ሰማይ ዕቘሩ። 34. ምኽንያቱ ሃብትኹም ኣብ ዘለዎ ኣብኡ ድማ ልብኹም ኣሎ 35. “ሓቛቝኹም ዕጡቕ፥ መባርህትኹም ብሩህ ይኹን። 36. ንስኻትኩም ከምቶም ጐይትኦም ካብ መርዓ ክሳዕ ዚምለስ ዚጽበይዎ እሞ፥ መጺኡ ኳሕኳሕ ምስ ኣበለ፥ ብኡብኡ ዚኸፍቱሉ ሰባት ኩኑ። 37. እቶም ጐይትኦም ኪምለስ ከሎ ነቒሖም ዚረኽቦም ገላዉ ብፅዓን እዮም። ተዓጢቑ ኣብ መኣዲ ከም ዜቐምጦም፥ ቀሪቡውን ከም ዜገልግሎም፥ ብሓቂ እብለኩም ኣሎኹ። 38. ኣብ ካልኣይቲ ወይስ ሣልሰይቲ ክፍለ ጊዜ ናይ ለይቲ መጺኡ ኸምዚ ኢሎም እንተ ረኸቦም፥ እቶም ገላዉ እቲኦም ብፁዓን እዮም። 39. ግናኸ እዚ ፍለጡ፥ ብዓል ቤት ነታ ሰራቒ ዚመጸላ ጊዜ እንተ ዚፈልጣስ [ምነቕሐ]፥ ቤቱ ኽትኰዓት ከላውን ስቕ ኣይምበለን ነይሩ። 40. ንስኻትኩም ድማ ወዲ ሰብ ብዘይሓሰብኩምዋ ጊዜ ኪመጽእ እዪ እሞ፥ ዝተዳሎኹም ኩኑ።” ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ሕግኻ ኣፍሪሶም እዮም እሞ፣ እግዚኣብሄር ግብሩ ዚገብረሉ ጊዜ እዩ። ስለዚ ንትእዛዛትካ ኻብ ወርቂ፣ ካብ ጽሩይ ወርቂ ኣብሊጸ እፈትዎ ኣሎኹ።

ጊዜ ገቢር ለእግዚአብሔር፤
ወዓለዉ ሕገከ፤
በእንተዝ አፍቀርኩ ትእዛዘከ።

ወንጌል Gospel

35. ቊሩብ ንቕድሚት ፍንትት ኢሉ ድማ፥ ዚከኣል እንተ ኾይኑስ እታ ሰዓት ካብኡ ኽትኃልፍ፥ ኣብ ምድሪ ተደፊኡ ጸለየ። 36. “ኣባ! ኣቦይ! ኵሉ ይከኣለካ እዩ። ነዛ ናይ መከራ ጽዋዕ እዚኣ ኻባይ ኣኅልፋ፥ እንተኾነ ፍቓድካ ደኣ እምበር ፍቓደይ ኣይኹን” በለ። 37. ተመሊሱ ኸኣ ደቂሶም ረኸቦም፥ ንጴጥሮስ ድማ “ስምዖን！ ደቂስካዶ፧ ሓንቲ ሰዓት እኳ ኽትነቅሕ ኣይኸኣለካን፧ 38. ናብ ፈተና ኸይትኣትዉ ንቕሑ፥ ጸልዩውን፥ መንፈስ ድልዊ እዩ፥ ሥጋ ግን ድኹም እዩ” በሎ። 39. ከይዱ ድማ ኸምቲ ቕድም ኢሉዎ ዝነበረ ቓል ደጊሙ ጸለየ። 40. ካልኣይ ምስ ተመልሰ ኸኣ ኣዕይንቶም ባዕዚዘን ነበራ እሞ ደቂሶም ረኸቦም፥ እንታይ ከም ዚምልስሉ ድማ ኣይፈልጡን ነበሩ። 41. ሣልሣይ ጊዜ መጺኡ ኸኣ፥ “ገናዶ ሕጂ ድማ ደቂስኩምን ኣዕሪፍኩምን ኣሎኹም፧ ደጊም ይኣክል፥ እታ ሰዓት በጺሓ እያ፥ እንሆ ንወዲ ሰብ ኣብ ኢድ ኃጥኣን ኣኅሊፎም ኪህብዎ እዮም። 42. ተንሥኡ ንኺድ፥ እቲ ዜትሕዘኒ፥ እነሆ ቐሪቡ እዩ” በሎም። እትሰምዕ እዝኒ ዘላቶ ይስማዕ!

መዝሙረ ዳዊት Psalm

ጐደናኻ ኣብ ባሕሪ፣ መገድታትካ ኣብ ዓበይቲ ማያት እዩ፣ ኣሰርካውን ኣይተፈልጠን።

ውስተ ባሕር ፍኖትከ፤
ወአሠርከኒ ውስተ ማይ ብዙኅ፤
ወኢይትዓወቅ አሠርከ።

ወንጌል Gospel

4. ምድሪ ምስ ወግሐ ኢየሱስ ኣብ ገምገም ባሕሪ ደው በለ። እቶም ደቀ መዛሙርቱ ግን ኢየሱስ ከም ዝኾነ ኣይፈለጡን። 5. ኢየሱስ “ደቀይ ገለ ዚብላዕዶ ኣሎኩም፧” በሎም። ንሳቶም ድማ “የብልናን” ኢሎም መለሱሉ። 6. ንሱ ከኣ “ነቲ መርበብ ናብ የማን ጃልባ ኣቢልኩም እሞ ደርብይዎ ክትረኽቡ ኢኹም” በሎም። ሽዑ ደርበይዎ እሞ፥ ካብ ብዝኂ እቲ ዓሣ ዝተላዕለ ምስሓቡ ሰኣኑ። 7. እቲ ኢየሱስ ዜፍቅሮ ወደ መዝሙር ከኣ ንጴጥሮስ “ጐይታ እምበር እዩ” በሎ። ስምዖን ጴጥሮስ ድማ ጐይታ ምዃኑ ምስ ሰምዐ ጥራዩ ስለ ዝነበረ፥ ክዳኑ ተዓጢቑ ናብ ባሕሪ ዘለለ። 8. እቶም ካልኦት ደቀ መዛሙርቲ ድማ ኻብ ምድሪ ሚእቲ ሜትር ዚኣክል ጥራይ ርሒቖም ስለ ዝነበሩ፥ ነቲ ዓሣ ዝመልአ መርበብ ብጃልባ እናሰሓብዎ መጹ። 9. ናብ ምድሪ ምስ ወረዱ ኸኣ ኣብ ልዕሊኡ ዓሣ ዘለዎ ጓህርን እንጌራን ረኣዩ። 10. ኢየሱስ ከኣ ኻብዚ ሕጂ ዝገፈፍኩምዎ ዓሣ ኣምጽኡልና በሎም። 11. ስምዖን ጴጥሮስ ናብታ ጃልባ ደይቡ ነቲ ሚእትን ኃምሳን ሠለስተን ገዘፍቲ ዓሣ ዝመልአ መርበብ ናብ ምድሪ ጓተቶ። ክሳብ ክንድዚ ብዙኃት ከለዉ እቲ መርበብ ኣይተቐደን። ብወልድ ዝአምን ናይ ዘልኣለም ሕይወት ኣለዎ።

መልእክተ ጳውሎስ Pauline Epistle

1. እቲ “ኤጲስቆጶስ ኪኸውን ዚምነ ሠናይ ነገር ይምነ” ዚብል ቃል ሓቂ እዩ። 2. ኤጲስቆጶስ እምብኣር መንቅብ ዜይብሉ፥ ሰብኣይ ሓንቲ ሰበይቲ፥ ብዓቐን ዚነብር፥ ገዛእ ርእሱ ገቲኡ ዚኽእል፥ ኅፉር፥ ተቐባል ጋሻ፥ ብቑዕ መምህር፥ ኪኸውን ይግባእ። 3. ዘይሰክር፥ ዘይዋቓዕ፥ ሕያዋይ፥ ዘይበኣስ፥ ፈታው ገንዘብ ዘይኰነ፤ 4. ቤቱ ጽቡቕ ገይሩ ዜመኃድርን፥ ብዅሉ ርዝነት እዙዛት ውሉድ ዘለውዎን ይኹን። 5. ሓደ ነታ ቤቱ ኼመኃድራ ካብ ዘይከኣለ ግና ነታ ቤተክርስትያን ኣምላኽ ደኣ ኸመይ ገይሩ ኺኣልያ ይዀነሉ፧ 6. ብትዕቢት ተነፊሑ ኸምቲ ናይ ድያብሎስ ኣብ ፍርዲ ምእንቲ ኸይወድቕ፥ ሓድሽ ክርስትያን ኣይኹን። 7. ኣብ ውርደትን ኣብ መፈንጠራ ድያብሎስን ምእንቲ ኸይወድቕ፥ በቶም ዘይኣመንቲ ጽቡቕ ምስክርነት ዘለዎ ይኹን። 8. ዲያቆናትውን ከምኡ ኅፉራት፥ ዘይሕስዉ፥ መስተ ዘየብዝኁ፥ ህርፋን ገንዘብ ዘይብሎም፥ 9. ነቲ ምሥጢር እምነት ኣብ ንጹሕ ሕሊና ኺኅዙ ዚኽእሉ ይኹኑ። 10. ንሳቶም ቅድም ይመርመሩ፥ መንቅብ ዘይብሎም ኮይኖም እንተ ተረኽቡ ከኣ ብዲቁና የገልግሉ።

ዘካልእ መልእክት Universal Epistle

5. ንስኻትኩምውን ቅዱሳን ካህናት ኴንኩም ነቲ ሳላ ክርስቶስ ኣብ ኣምላኽ ቅቡል ዝኾነ መንፈሳዊ መሥዋዕቲ ምእንቲ ኸተቕርቡ፥ ከም ሕያዋን ኣእማን ኴንኩም፥ ኣብ መንፈሳዊ ቤት ተሓነጹ። 6. ከመይ ቅዱስ መጽሓፍ “እንሆ ኣብ ጽዮን ኅሩይን ክቡርን እምኒ መኣዝን አንብር ኣሎኹ፥ እቲ ብእኡ ዚኣምን ኸኣ ኣይኪኃፍርን እዩ” ይብል እዩ። 7. እምበኣር ንኣኻትኩም ነዞም እትኣምኑ ኽቡር እዩ። ነቶም ዘይኣምኑ ግና “እቲ ነደቕቲ ዝነዓቕዎ እምኒ ንሱ ርእሲ መኣዝን ኮነ”። 8. ከምኡውን “እምኒ መዓንቀፍን ኣንደልሂጹ ዜውድቕ ከውሒን እዩ።” ነቲ ቃል ብዘይምእዛዞም ወደቑ፥ ነዚ ኸኣ ምዱባት ነበሩ። 9. ንስኻትኩም ግና ዕቤት ናይቲ ካብ ጸልማት ናብቲ ዜገርም ብርሃኑ ዝጸውዓኩም ምእንቲ ኽትነግሩ ኅሩይ ወለዶ፥ ናይ ንጉሥ ካህናት፥ ቅዱስ ሕዝቢ፥ ጥሪት ኣምላኽ ዝኾነ ሕዝቢ ኢኹም። 10. ንስኻትኩም ቀደም ሕዝቢ ኣይነበርኩምን፥ ሕጂ ግና ሕዝቢ ኣምላኽ ኢኹም። ቕድም ምሕረት ኣይረኸብኩምን ነበርኩም፥ ሕጂ ግና ተማሒርኩም ኢኹም።

ግብረ ሃዋርያት Acts

24. ኣነ ግና ኣገልግሎተይ ክሳዕ ዝፍጽምን እቲ ጐይታ ኢየሱስ ዝሃበኒ ዕዮ ክሳዕ ዝውድእን፥ ንሕይወተይ ኣየናሕስየላን እየ፥ ከም ክብርቲ ገይረውን ኣይርእያን እየ። ኣገልግሎተይ ድማ ወንጌል ጸጋ ኣምላኽ ምስባኽ እዩ። 25. “ሕጂ ድማ፥ እንሆ ንስኻትኩም ኵላትኩም እዞም መንግሥቲ ኣምላኽ እናዞርኩ ዝሰበኽኩልኩም ደጊም ገጸይ ከም ዘይትርእዩ እፈልጥ እየ። 26. ስለዚ ኻብ ደም ኵልኻትኩም ንጹሕ ምዃነይ ሎሚ መዓልቲ እምስክረልኩም ኣሎኹ። 27. ምኽንያቱ ዅሉ ፍቓድ ኣምላኽ ደኣ ነገርኩኹም እምበር ዘትረፍኩልኩም የብለይን። 28. ስለዚ ንርእስኹምን ነታ ብገዛእ ደሙ ዘጥረያ ቤተ ክርስቲያን ኣምላኽን ክትጓስዩ መንፈስ ቅዱስ ኤጲስ ቆጶሳት ገይሩ ኣብኣ ዝሸመኩም ኵሉ መጓሰ ሓልዉ። 29. ኣነ ምስ ኣልገስኩ ነቲ መጓሰ ዘየናሕስዩሉ፥ ከም ተዃሉ እኩያት ዝኾኑ ሰባት ከም ዚመጹኹም እፈልጥ እየ። 30. ካባኻትኩምውን ከይተረፈ ንደቀ መዛሙርቲ ሰዓብቶም ምእንቲ ኪገብርዎም፥ ቄናን ትምህርቲ ዚምህሩ ኪትንሥኡ እዮም። 31. ስለዚ ሠለስተ ዓመት ምሉእ ለይትን መዓልትን ብንብዓት ንነፍስ ወከፍኩም ካብ ምምዓድ ከም ዘየብኰርኩ፥ እናዘከርኩም ንቕሑ። 32. ሕጂ ድማ ንኣምላኽን ነቲ ኺሓንጸኩምን ምስ ኵላቶም ቅዱሳን ኬረስትየኩምን ዚኽእል ቃል ጸጋኡን ኣማኅጽነኩም ኣሎኹ።

ስንክሳር Synaxarium

አትናቴዎስ ሐዋርያዊ

መዝሙር Psalm

ሓይሎም ብኣኻ ዝዀነ፣ ብልቦም ንመገድኻ ዚሐስቡ ሰባት ብጹኣን እዮም። ብለሰ ብኽያት ኪሐልፉ ኸለዉ፣ ዓይኒ ማያት ይገብርዎ፣ ዝናም አዝመራውን ብበረኸት ይኸድኖ። ካብ ሓይሊ ናብ ሓይሊ ይኸዱ፣ አብ ጽዮን አብ ቅድሚ ኣምላኽ ይቘሙ።

እስመ መምህረ ሕግ ይሁብ በረከተ፤
ወይሐውር እምኃይል ውስተ ኃይል፤
ወያስተርኢ አምላከ አማልክት በጽዮን።

ወንጌል Gospel

1. በታ ሰዓት እቲኣ እቶም ደቀ መዛሙርቱ “ኣብ መንግሥተ ሰማያት መን ይዓቢ፧” እናበሉ ናብ ኢየሱስ ቀረቡ። 2. ኢየሱስ ድማ ሓደ ሕፃን ናብኡ ጸዊዑ ኣብ ማእከሎም ኣቖሞ እሞ ከምዚ በለ፦ 3. “እንተ ዘይተመለስኩም፥ ከም ሕፃናትውን እንተ ዘይኰንኩም ናብ መንግሥተ ሰማያት ከቶ ኸም ዘይትኣትዉ ብሓቂ እብለኩም ኣሎኹ። 4. እቲ ኸምዚ ሕፃን እዚ ርእሱ ዜትሕት ንሱ እዩ ኣብ መንግሥተ ሰማያት ካብ ኵሉ ዚዓቢ። 5. እቲ ንኸምዚ ዝበለ ሕፃን ብስመይ ዚቕበል ንኣይ ይቕበል። 6. እቲ ንሓደ ኻብዞም ብኣይ ዚኣምኑ ናእሽቱ ዜስሕት ድማ ኣድጊ ዝጥሕነሉ መጥሓን ኣብ ክሳዱ ኣሲሮም ኣብ መዓሙቚ ባሕሪ ኬጥሕልዎ ይኅሾ።” 7. “ዕንቅፋት ብግዲ ኺመጽእ እዩ እሞ፥ ብዛዕባ ዕንቅፋት ንዓለም ወይለኣ፥ ምናዳ ነቲ ዕንቅፋት ብሰሩ ዚመጽእ ሰብ ወይለኡ። 8. ኢድካ ወይ እግርኻ እንተ ኣስሓተትካ ኻባኻ ቘሪጽካ ደርብያ፥ ምስ ክልተ ኢድካን ክልተ እግርኻን ኣብ ናይ ዘለዓለም ሓዊ ኻብ እትድርበስ ብጐናይካ፥ ወይ ብሓንካስካ ናብ ህይወት ክትኣቱ ይኅሸካ። 9. ዓይንኻ እንተ ኣስሓተትካ ድማ ኻባኻ ጐጥጕጥካ ደርብያ፥ ምስ ክልተ ዓይንኻ ናብ ገሃነም እሳት ካብ እትድርበስ ነቛር ኴንካ ናብ ሕይወት ምእታው ይኅሸካ።” 10. “መላእኽቶም ኣብ ሰማያት ኵሉ ሳዕ ገጽ እቲ ኣብ ሰማያት ዘሎ ኣቦይ ይርእዩ ኣለዉ እሞ፥ ካብዞም ናእሽቱ ንሓደ እኳ ክይትንዕቁ ተጠንቀቑ። 11. ወዲ ሰብ ንዝጠፍአ ኬድሕን መጺኡ ኣሎ እሞ፥ ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

መአዝ ክትመጸኒ ኢኻ፣ አብ ውሽጢ ቤተይ ብፍጹም ልበይ እመላለስ ኣሎኹ። አብ ቅድሚ ዓይነይ ገለ ነውሪ ኣየንብርን።

ማእዜ ትመጽእ ኀቤየ፤
ወአሐውር በየዋሃተ ልብየ ማእከለ ቤትየ፤
ወኢረሰይኩ ቅድመ አዕይንትየ ግብረ እኩየ።

ወንጌል Gospel

1. ድኅርዚ ኢየሱስ ንደቀ መዛሙርቱ ኣብ ጥቓ ባሕሪ ጥብርያዶስ ከም ብሓድሽ ተገልጸሎም። በዚ ከምዚውን ተራእዮም። 2. ስምዖን ጴጥሮስን ማንታ ዚብልዎ ቶማስን ናትናኤል በዓል ቃና ናይ ገሊላን ደቂ ዘብዴዎስን ክልተ ኻልኦት ከኣ ካብ ደቀ መዛሙርቱን ብሓንሳእ ነበሩ። 3. ስምዖን ጴጥሮስ ድማ “ኣነስ ዓሣ ኽገፍፍ ክኽይድ እየ” በሎም። ንሳቶም ከኣ “ንሕናውን ምሳኻ ንኸይድ” በልዎ። ወፂኦም ድማ ናብ ጃልባ ኣተዉ፥ በታ ለይቲ እቲኣ ሓደ እኳ ኣይኃዙን። 4. ምድሪ ምስ ወግሐ ኢየሱስ ኣብ ገምገም ባሕሪ ደው በለ። እቶም ደቀ መዛሙርቱ ግን ኢየሱስ ከም ዝኾነ ኣይፈለጡን። 5. ኢየሱስ “ደቀይ ገለ ዚብላዕዶ ኣሎኩም፧” በሎም። ንሳቶም ድማ “የብልናን” ኢሎም መለሱሉ። 6. ንሱ ከኣ “ነቲ መርበብ ናብ የማን ጃልባ ኣቢልኩም እሞ ደርብይዎ ክትረኽቡ ኢኹም” በሎም። ሽዑ ደርበይዎ እሞ፥ ካብ ብዝኂ እቲ ዓሣ ዝተላዕለ ምስሓቡ ሰኣኑ። 7. እቲ ኢየሱስ ዜፍቅሮ ወደ መዝሙር ከኣ ንጴጥሮስ “ጐይታ እምበር እዩ” በሎ። ስምዖን ጴጥሮስ ድማ ጐይታ ምዃኑ ምስ ሰምዐ ጥራዩ ስለ ዝነበረ፥ ክዳኑ ተዓጢቑ ናብ ባሕሪ ዘለለ። 8. እቶም ካልኦት ደቀ መዛሙርቲ ድማ ኻብ ምድሪ ሚእቲ ሜትር ዚኣክል ጥራይ ርሒቖም ስለ ዝነበሩ፥ ነቲ ዓሣ ዝመልአ መርበብ ብጃልባ እናሰሓብዎ መጹ። ብወልድ ዝአምን ናይ ዘልኣለም ሕይወት ኣለዎ።

መዝሙረ ዳዊት Psalm

ኣምላኽ ብእልልታ፣ እግዚኣብሄር ብደሃይ መለኸት ደየበ። ምስጋና ኣምላኽ ዘምሩ፣ ዘምሩ።

ዐርገ እግዚአብሔር በይባቤ፤
ወእግዚእነ በቃለ ቀርን፤
ዘምሩ ለአምላክነ ዘምሩ።

ወንጌል Gospel

41. ንሳቶም ከኣ ካብ ሓጐስ ዝተላዕለ ገና ምእማን ስኢኖም ኪግረሙ ኸለዉ፥ ንሱ “ገለ ዚብላዕዶ ኣብዚ ኣሎኩም፧” በሎም። 42. ንሳቶም ከኣ ምቃል ጥቡስ ዓሣን ጎጎ መዓርን ሃብዎ። 43. ተቐቢሉ ኸኣ ኣብ ቅድሚኦም በልዐ። 44. ንሱ ድማ “እዚ እቲ ምሳኻትኩም ከሎኹ ኣብ ሕጊ ሙሴን ነቢያትን መዝሙራትን ብዛዕባይ ዝተጻሕፈ ዅሉ ኪፍጸም ግዲ እዩ ኢለ ነጊረኩም ዝነበርኩ ቃለይ እዩ” በሎም። 45. ሽዑ ነተን ጽሑፋት ኬስተውዕልወን ኣእምሮኦም ከፈተሎም። 46. ከምዚ ኸኣ በሎም፦ “ክርስቶስ ሓሳረ መከራ ኺቕበል፥ ብሣልሰይቲ መዓልቲውን ካብ ምዉታት ኪትንስእ እዩ። 47. ብስሙ ኸኣ ንስሓን ኅድገት ኃጢኣትን ካብ ኢየሩሳሌም ጀሚሩ ኣብ ኵሎም ኣሕዛብ ኪስበኽ ጽሑፍ እዩ። 48. ናይዚ ነገራት እዚ መሰኻኽር ንስኻትኩም ኢኹም። 49. “እንሆ ኣነ ተስፋ ኣቦይ ክሰደልኩም እየ፤ ንስኻትኩም ግና ካብ ላዕሊ ኃይሊ ክሳዕ እትለብሱ ኣብ ከተማ ኢየሩሳሌም ጽንሑ” በሎም። 50. ሽዑ ኢየሱስ ንወፃኢ ኽሳብ ቢታንያ ወሰዶም፥ ኢዱ ኣልዒሉውን ባረኾም። 51. ኪባርኾም ከሎ ኸኣ ኻብኣቶም ተፈልየ፥ ናብ ሰማይውን ዓረገ። 52. ንሳቶም ከኣ ሰገዱሉ፥ ብብዙኅ ሓጐስውን ናብ ኢየሩሳሌም ተመልሱ። 53. ንኣምላኽ ኵሉ ሳዕ ኣብ ቤት መቕደስ ኮይኖም የመስግኑ ነበሩ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

8. ዲያቆናትውን ከምኡ ኅፉራት፥ ዘይሕስዉ፥ መስተ ዘየብዝኁ፥ ህርፋን ገንዘብ ዘይብሎም፥ 9. ነቲ ምሥጢር እምነት ኣብ ንጹሕ ሕሊና ኺኅዙ ዚኽእሉ ይኹኑ። 10. ንሳቶም ቅድም ይመርመሩ፥ መንቅብ ዘይብሎም ኮይኖም እንተ ተረኽቡ ከኣ ብዲቁና የገልግሉ። 11. ኣንስቲውን ከምኡ ኅፉራት፥ ዘይሓምያ፥ ብዓቐን ዚነብራ፥ ብዅሉውን እሙናት ኪዀና ይግባእ። 12. ዲያቆናት፥ ሰብ ሓንቲ ሰበይቲ፥ ደቆምን ስድራኦምን ብጽቡቕ ዜማኃድሩ ይኹኑ። 13. ኣጸቢቖም ምስ ኣገልገሉ ኸኣ ዓቢይ መዓርግ ይረኽቡ፥ ብዛዕባ እምነት ክርስቶስ ኢየሱስ ድማ ብትብዓት ኪዛረቡ ይኽእሉ እዮም። 14. ናባኻ ቐልጢፈ ኸም ዝመጽእ ተስፋ እናገበርኩ ነዚ መልእኽቲ እዚ እጽሕፈልካ ኣሎኹ። 15. እንተ ደንጐኹ ግና፥ ኣብታ ቤት ኣምላኽ፥ ማለት ኣብታ ናይ ሓቂ ዓንድን መሠረትን ዝኾነት ቤተክርስትያን ሕያው ኣምላኽ፥ ከመይ ጌርና ኽንነብር ከም ዚግብኣና ኽትፈልጥ ጽሒፈልካ ኣሎኹ። 16. እወ እቲ “ብሥጋ ሰብ ተገልጸ፥ ብመንፈስ ጸደቐ፥ ብመላእኽቲ ተራእየ፥ ኣብ መንጎ ኣሕዛብ ተሰብከ፥ ኣብ ዓለም ተኣምነ፥ ብኽብሪ ዓረገ” ዚብል ናይ እምነትና ምሥጢር ብርግጽ ዓብይ እዩ።

ዘካልእ መልእክት Universal Epistle

18. ክርስቶስ ሓንሳእ ንሓዋሩ ምእንቲ ኃጢኣት ሞተ። ናብ ኣምላኽ ምእንቲ ኼቕርበና ጻድቕ ከሎ ምእንቲ እቶም ኃጥኣን ሞተ። ብሥጋ ሞተ፥ ብመንፈስ ግና ሕያው ኮነ። 19. በዚ መንፈስ እዚውን ከይዱ ነቶም ኣብ ቤት ማእሰርቲ ዝነበሩ ነፍሳት ድኅነት ሰበኸሎም። 20. እዚኣቶም እቶም ቀደም ብዘመን ኖኅ እታ መርከብ ክትሥራሕ ከላ፥ እግዚኣብሔር ብትዕግሥቲ እናተጸበዮም ከሎ፥ ምእዛዝ ዝኣበይዎ እዮም። ኣብታ መርከብ ሒደት፥ ማለት ሸሞንተ ነፍሲ፥ ብማይ ደኃና። 21. ማይ ናይቲ ሕጂ ዜድኅነኩም ጥምቀት ምልክት እዩ፥ ጥምቀት ኸኣ እቲ ብትንሣኤ ኢየሱስ ክርስቶስ ብንጹሕ ሕሊና ናብ ኣምላኽ ዚቐርብ ጸሎት እዩ እምበር፥ ናይ ሰብነት ርስሓት ዚሓጽብ ኣይኮነን። 22. ንሱ ናብ ሰማይ ዓሪጉ ኣብ የማን ኣምላኽ ኣሎ፥ መላእኽትን ሥልጣናትን ኃይልታትን ይግዝእዎ ኣለዉ።

ግብረ ሃዋርያት Acts

1. - 2. ኦ ቴዎፍሎስ! ኣብቲ ቐዳማይ ጽሑፈይ፥ ብዛዕባቲ ኢየሱስ ካብ መጀመርታ ኂዙ ክሳዕ እታ ንሰማይ ዝዓረገላ መዓልቲ ዝገበሮን ዝመሃሮን ኣዘንትየልካ ነይረ። ንሰማይ ቅድሚ ምዕራጉ ነቶም ዝኃረዮም ሓዋርያት ብኃይሊ መንፈስ ቅዱስ ኣዘዞም። 3. ብድኅሪ ሕማማቱ ነርብዓ መዓልቲ ዚኣክል እናተራእዮም፥ ብዛዕባ መንግሥቲ ኣምላኽ ከኣ እናነገሮም፥ ብብዙኅ ዘየጋጊ መረዳእታ ሕያው ከም ዝኾነ ገዛእ ርእሱ ኣርኣዮም። 4. ምስኦም ብሓደ ተቐሚጡ ኸሎ ኸኣ ኸምዚ ዚስዕብ እናበለ ኣዘዞም፡ - “ነቲ ካባይ ዝሰማዕኩምዎ ተስፋ ኣቦ ተጸበዩ እምበር ካብ ኢየሩሳሌም ኣይትውፅኡ። 5. ከመይ ዮሓንስ ብማይ እዩ ዘጥመቐ፥ ንስኻትኩም ግና ድኅሪ ቝሩብ መዓልትታት ብመንፈስ ቅዱስ ክትጥመቑ ኢኹም።” 6. ኣብ ሓደ ምስ ተኣከቡ ኸኣ “ጐይታይ! ኣብዚ ጊዜዚ ዲኻ ንእስራኤል መሊስካ መንግሥቲ እተቑመላ” እናበሉ ሓተትዎ። 7. ኢየሱስ ከኣ “ነቲ ኣቦ ብሥልጣኑ ዝመደቦ ዘመንን እዋንን ክትፈልጡ ኣይተዋህበኩምን። 8. መንፈስ ቅዱስ ናባኻትኩም ምስ ዚወርድ ግና ኃይሊ ኽትቅበሉ ኢኹም። ኣብ ኢየሩሳሌምን ኣብ ኵላ ይሁዳን ኣብ ሰማርያን ክሳብ ወሰን ምድሪ ኸኣ መሰኻኽረይ ክትኮኑ ኢኹም” በሎም። 9. እዚ ምስ በለ ድማ እናረኣይዎ ንሰማይ ዓረገ፥ ካብ ኣዕይንቶም ከኣ ደመና ሠወረቶ። 10. ንሱ ኺዓርግ ከሎ፥ ንሳቶም ከኣ ናብ ሰማይ ኣንቃዕሪሮም ኪጥምቱ ኸለዉ፥ እንሆ ፃዕዳ ኽዳውንቲ ዝተኸድኑ ኽልተ ሰብኣይ ኣብ ጥቓኦም ደው ኢሎም፥ 11. “ኣቱም ሰብ ገሊላ፥ ስለምንታይ ኢኹም ናብ ሰማይ ኣማዕዲኹም እናጠመትኩም ደው ኢልኩም ዘሎኹም፧ እዚ ኻባኻትኩም ናብ ሰማይ ዝዓረገ ኢየሱስ፥ ከምቲ ናብ ሰማይ ኪዓርግ ከሎ ዝረአኹምዎ፥ ከምኡ ገይሩ ኸኣ ኺመጽእ እዩ” በልዎም።

ስንክሳር Synaxarium

ጥንተ ዕርገቱ ለእግዚእነ
ወአባ ዮሐንስ ዘሃገረ ሰንሑት
ወአባ ዳንኤል ወብዙኀን ሰማዕታት

መዝሙር Psalm

ንኣምላኽ ቃንዩሉ፣ ንስሙ ኣመስግኑ፣ ነቲ ብበረኻ ዚሐልፍ መገዲ ጽረጉሉ፣ ስሙ እግዚኣብሄር እዩ። ኣብ ቅድሚኡ ደስ በሉ።

ሰብሕዎ ለእግዚአብሔር ወዘምሩ ለስሙ፤
ፍኖተ ግበሩ ለዘዐርገ እንተ ዓረብ እግዚአብሔር ስሙ፤
ወተፈሥሑ በቅድሜሁ።

ወንጌል Gospel

59. ኢየሱስ ነዚ ዅሉ ዝተዛረቦ ኣብ ቅፍርናሆም ኣብ ቤት ጸሎት ኣይሁድ ኪምህር ከሎ እዩ። 60. ብዙኃት ካብ ደቀ መዛሙርቱ ነዚ ሰሚዖም “እዚ ዘረባ እዝስ፥ ዕጹብ እዩ፥ መን ኪሰምዖ ይኽእል፧” በሉ። 61. ኢየሱስ ድማ ደቀ መዛሙርቱ ብዛዕባዚ ከም ዘጒረምረሙ ብልቡ ፈሊጡ “በዚ ዲኹም ተዓንቂፍኩም፧ 62. ወዲ ሰብ ናብቲ ቐደም ዝነበሮ ኺዓርግ ከሎ እንተ ትርእይዎኸ ደኣ እንታይ ምበልኩም፧ 63. ሕያው ዚገብር መንፈስ እዩ፤ ሥጋስ ገለ እኳ ኣይጠቅምን እዩ። እዘን ኣነ ዝነገርኩኹም ቃላት ከኣ መንፈስ እየን፥ ሕይወትውን እየን። 64. ካብ ማእከልኩም ገሊኣቶም ዘይኣምኑ ኣለዉ” በሎም። ኢየሱስ እቶም ዘይኣምኑ ኣየኖት ምዃኖም፥ እቲ ዜትኅዞውን መን ምዃኑ ካብ መጀመርታ ፈሊጡ ነበረ። 65. ኣስዒቡ ኸኣ “ስለዚ ድማ እየ እቲ ኻብ ኣቦይ ዝተዋህቦ እንተ ዘይኮይኑስ ናባይ ኪመጽእ ዚኽእል ሓደ እኳ የልቦን ዝበልኩኹም” በሎም። 66. ካብ ሽዑ ጀሚሮም ብዙኃት ካብ ደቀ መዛሙርቱ ንድኅሪት ተመልሱ፥ ምስኡውን ምኻድ ገደፍዎ። ብወልድ ዝአምን ናይ ዘልኣለም ሕይወት ኣለዎ።

ቅዳሴ Liturgy :

መዝሙረ ዳዊት Psalm

ጐይታ ንጐይታይ፣ ንጸላእትኻ መርገጽ እግርኻ ኽሳዕ ዝገብሮም፣ አብ የማነይ ተቐመጥ፣ በሎ። እግዚኣብሄር ካብ ጽዮን በትሪ ስልጣንካ ኺልእኽ እዩ፣ ኣብ ማእከል ጸላእትኻ ግዛእ።

ይቤሎ እግዚእ ለእግዚእየ ንበር በየማንየ፤
እስከ አገብኦሙ ለጸላእትከ ታሕተ መከየደ እገሪከ፤
በትረ ኃይል ይፌኑ ለከ እግዚአብሔር እምጽዮን።

ወንጌል Gospel

41. ፈሪሳውያን ተኣኪቦም ከለዉ ኢየሱስ 42. “ብዛዕባ መሲሕ እንታይ ይመስለኩም፧ ወዲ መንከ እዩ፧” እናበለ ሓተቶም። ንሳቶም ከኣ “ወዲ ዳዊት” በልዎ። 43. - 44. ኢየሱስ ድማ “ዳዊት ደኣ ባዕሉ ‘ጐይታ ንጐይታይ፥ ንጸላእትኻ መርገጽ እግርኻ ኽሳዕ ዝገብሮም ኣብ የማነይ ተቐመጥ፥ በሎ’ እናበለ ብመንፈስ ከመይ ኢሉ ጐይታይ ይብሎ፧ 45. እምበኣር ባዕሉ ዳዊት ‘ጐይታይ’ ዝበሎ ደኣ ኸመይ ኢሉ ወዱ ይኸውን፧” በሎም። 46. እንተኾነ ሓደ እኳ ቓል ኪመልሰሉ ዝኸኣለ የልቦን። ካብታ መዓልቲ እቲኣ ኸኣ ሓደ እኳ ኪሓቶ ዝደፈረ የልቦን። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።