መዝሙረ ዳዊት Psalm

እግዚኣብሄር ንህዝቡ ብሂግዎም እዩ እሞ፣ ንትሑታት ብምድሓን ይስልሞም። ቅዱሳን ብኽብሪ ይተሐጐሱ፣ ኣብ መደቀሲኦም እልል ይበሉ።

ወንጌል Gospel

24. እቶም ልኡኻት ዮሓንስ ምስ ከዱ፥ ኢየሱስ ነቶም ሕዝቢ ብዛዕባ ዮሓንስ ከምዚ ኺብሎም ጀመረ፦ “እንታይ ክትርእዩ ናብ ምድረ በዳ ወፃእኩም፧ ብንፋስ ሰሰው ዚብል ሻምብቆዶ፧ 25. እንታይ ክትርእዩ ደኣ ወፃእኩም፧ ቅጭን ክዳውንቲ ዝተኸድነ ሰብኣይዶ፧ እንሆ ብቕጭን ክዳውንቲ ዘጌጹን ዝሓንቀቑንሲ ኣብ ኣደራሽ ነገሥታት ኣለዉ። 26. እንታይ ክትርእዩ ደኣ ወፃእኩም፧ ነቢይዶ፧ እወ፥ ካብ ነቢይ እኳ ደኣ ዚዓቢ፥ እብለኩም ኣሎኹ። 27. ንሱ እቲ ብዛዕባኡ ‘እንሆ፥ መገድኻ ዚጸርግ ልኡኸይ ቀቅድሜኻ እልእኽ ኣሎኹ’ ተባሂሉ ዝተጻሕፈሉ እዩ። 28. ካብ ኣንስቲ ካብ ዝተወልዱ ኻብ ዮሓንስ መጥመቕ ዚዓቢ ነቢይ ሓደ እኳ የልቦን፥ እብለኩም ኣሎኹ፤ ኣብ መንግሥቲ ኣምላኽ ግና እቲ ዝነኣሰ ይዓብዮ እዩ።” ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

1. ኣቱም ውሉድ፥ ቅኑዕ እዩ እሞ፥ ንወለድኹም ብጐይታ ተኣዘዝዎም። 2. - 3. ከመይ “ምእንቲ ኪቐንዓካ፥ ኣብ ምድሪ ኸኣ ነዊኅ ዕድመ ምእንቲ ኪህልወካ” ዚብል ተስፋ ዝኃዘ ቀዳማይ ትእዛዝ “ኣቦኻን ኣዴኻን ኣኽብር” ዚብል እዩ። 4. ኣቱም ኣቦታትውን፥ ብናይ ጐይታ ሥነ ሥርዓትን ምኽርን ደኣ ኣዕብይዎም እምበር፥ ንደቅኹም ኣይተዀርይዎም። 5. ኣቱም ግዙኣት፥ ነቶም ብሥጋ ጐይቶትኩም፥ ብፍርሃትን ብረዓድን ብቕኑዕ ልብን ከም ንክርስቶስ ጌርኩም ተኣዘዝዎም። 6. ከም ኣገልገልቲ ክርስቶስ ንፍቓድ ኣምላኽ ብልቢ እናፈጸምኩም እምበር፥ ንሰብ ከተሓጒሱ ኢልኩም ንገጽ ርአ ኣይትግበርዎ። 7. ንሰብ ዘይኮነስ ከም ንጐይታ ጌርኩም ብፍታው ተገዝኡ። 8. ምኽንያቱ ግዙእ ኮነ ጐይታ ነፍስ ወከፍ ሠናይ ዝገበረ ካብ ጐይታ ኢየሱስ ዓስቡ ከም ዚቕበል ፍለጡ። 9. ንስኻትኩም ውን ኣቱም ጐይቶት፥ ልክዕ ከምኡ ግበሩሎም። እቲ ናታቶምን ናታትኩምን ጐይታ ኣብ ሰማይ ከም ዘሎ፥ ኣብኡ ኸኣ ኣድልዎ ከም ዘየልቦ ፈሊጥኩም፥ ኣይተፈራርህዎም።

ዘካልእ መልእክት Universal Epistle

16. ንሕናውን ነታ ኣምላኽ ኣባና ዘላቶ ፍቕሪ ፈሊጥናያን ኣሚንናያን ኣሎና። ኣምላኽ ፍቕሪ እዩ፥ እቲ ኣብ ፍቕሪ ዚነብር ከኣ ኣብ ኣምላኽ ይነብር፥ ኣምላኽውን ኣብኡ ይነብር። 17. ብመዓልቲ ፍርዲ ትብዓት ምእንቲ ኺህልወና እታ ፍቕሪ ኣባና ምልኣት ረኸበት። ምኽንያቱ ኣብዛ ዓለም እዚኣ ከምቲ ኢየሱስ ዝነበሮ ኢና እንነብር ዘሎና። 18. እታ ፍጽምቲ ፍቕሪ ንፍርሃት ኣውፂኣ ትድርብያ ደኣ እምበር ኣብታ ፍቕርስ ፍርሃት የልቦን። ፍርሃት ምስ መቕጻዕቲ ዝተተኃኃዘት ስለ ዝኾነት ከኣ እቲ ዚፈርህ ብፍቕሪ ፍጹም ኣይኮነን። 19. ኣምላኽ ቅድም ስለ ዘፍቀረና ንሕናውን ነፍቅር ኢና። 20. ነቲ ዝረኣዮ ኃዉ ዘየፍቀሮስ፥ ነቲ ዘይረኣዮ ኣምላኽ ኬፍቅሮ ኣይከኣሎን እዩ እሞ፥ ንኃዉ እናጸልኦስ “ንኣምላኽ አፍቅሮ እየ” ዚብል እንተሎ ንሱ ሓሳዊ እዩ። 21. እቲ ኻብኡ ዝተቐበልናዮ ትእዛዝ “እቲ ንኣምላኽ ዜፍቅሮ፥ ንኃዉ ድማ የፍቅሮ” ዚብል እዩ።

ግብረ ሃዋርያት Acts

1. ፊስጦስ ናብታ ግዝኣቱ ምስ መጸ፥ ድኅሪ ሠለስተ መዓልቲ ካብ ቂሳርያ ናብ ኢየሩሳሌም ከደ 2. ሊቃነ ካህናትን መኳንንቲ ኣይሁድን ድማ ብዛዕባ ጳውሎስ ነገርዎ። 3. ኣብ መገዲ ኣድብዮም ኪቐትልዎ መዲቦም ስለ ዝነበሩ ኸኣ “ንጳውሎስ ናብ ኢየሩሳሌም ኣምጽኣልና” ኢሎም ለመንዎ። 4. ፊስጦስ ድማ፥ “ጳውሎስ ኣብ ቂሳርያ እዩ ዚሕሎ ዘሎ፥ ኣነ ኸኣ ቐልጢፈ ናብኡ ኽምለስ ሓሲበ ኣሎኹ” ኢሉ መለሰሎም። 5. “እምበኣር ካባኻትኩም ወዳእቲ ነገር ምሳይ ይምጽኡ እሞ፤ ኣብቲ ሰብኣይ እቲ ገለ በደል እንተሎ ይኽሰስዎ” በሎም። 6. ፊስጦስ ምስኣቶም ገለ ሸሞንተ ወይ ዓሠርተ መዓልቲ ምስ ቀነየ፥ ናብ ቂሳርያ ወረደ፤ ንጽባሒቱ ድማ ኣብ መንበር ፍርዲ ተቐሚጡ ንጳውሎስ ኬምጽእዎ ኣዘዘ። 7. ጳውሎስ ምስ መጸ ኸኣ እቶም ካብ ኢየሩሳሌም ዝወረዱ ኣይሁድ ከቢቦምዎ ደው በሉ። መርትዖ ኪረኽቡሉ ዘይክእሉ ብዙኅን ከቢድን ክሲ ድማ ኸሰስዎ። 8. ጳውሎስ ድማ “ኣነ ኣብ ልዕሊ ሕጊ ኣይሁድ ኮነ፥ ኣብ ልዕሊ ቤት መቕደስ፥ ወይ ኣብ ልዕሊ ቄሣር ኣይበደልኩን” ኢሉ ተመጻረየ።

ስንክሳር Synaxarium

ሚናስ ሐራ ሰማያዊ
ወገብረ ክርስቶስ ዲያቆን

መዝሙር Psalm

ህዝበይ ግና ንድምጸይ ኣይሰምዖን፣ እስራኤል ድማ እሺ ኣይበለንን። ብምኽሪ ርእሶም ኪመላለሱስ፣ አብ ጽንዓት ልቦም ሐደግክዎም።

ወንጌል Gospel

45. ኣነ ሓቂ ስለ ዝዛረብ ግና ኣይትኣምኑንን። 46. ካባኻትኩም ብኃጢኣት ኪረትዓኒ ዚኽእልከ መን ኣሎ፧ ሓቂ ዝዛረብ ካብ ኮንኩኸ ስለምንታይ ዘይትኣምኑኒ፧ 47. እቲ ካብ ኣምላኽ ዝኾነ ንሱ ንቓል ኣምላኽ ይሰምዕ እዩ። ንስኻትኩም ግና ካብ ኣምላኽ ኣይኮንኩምን፥ ስለዚ ኢኹም ዘይትሰምዑ” እናበለ መለሰሎም። 48. ኣይሁድ ከኣ “ሳምራዊ ኢኻ፥ ጋኔንውን ኣሎካ ምባልናስ ሓቂዶ ኣይኮነን፧” ኢሎም መለሱሉ። 49. ሽዑ ኢየሱስ “ኣነስ ነቦይ ደኣ አኽብሮ ኣሎኹ እምበር ጋኔንሲ የብለይን። ንስኻትኩም ግና ተሕስሩኒ ኣሎኹም። 50. ኣነ ኽብሪ ርእሰይ ኣይደልን እየ፥ እቲ ዚደልን ዚፈርድን ግና ኣሎ። ብወልድ ዝአምን ናይ ዘልኣለም ሕይወት ኣለዎ።

ቅዳሴ Liturgy :

መዝሙረ ዳዊት Psalm

ኣምላኸየ፣ ፍቓድካ ንምግባር ባህጊ ኣሎኒ፣ ሕግኻውን ኣብ ውሽጢ ልበይ እዩ፣ በልኩ። ጽድቅኻ ኣብታ ዓባይ ማሕበር ኣበሰርኩ።

ወንጌል Gospel

32. ኢየሱስ ከኣ “ነቲ ናይ ሓቂ እንጌራ ኻብ ሰማይ ኣቦይ እዩ ዝሃበኩም እምበር ነቲ እንጌራ እቲ ኻብ ሰማይ ዝሃበኩምሲ ሙሴ ኸም ዘይኮነ ብሓቂ፥ ብሓቂ እብለኩም ኣሎኹ። 33. ምኽንያቱ እቲ ኻብ ሰማይ ዚወርድ ንዓለምውን ሕይወት ዚህብ ናይ ኣምላኽ እንጌራ እዩ” በሎም። 34. ሽዑ ንሳቶም “ጐይታይ፥ ነቲ እንጌራ እቲ እንዶ ዅሉ ሳዕ ሃበና፧” በልዎ። 35. ኢየሱስ ከኣ ከምዚ በሎም፦ “ናይ ሕይወት እንጌራ ኣነ እየ፥ እቲ ናባይ ዚመጽእ ኣይኪጠምን፥ እቲ ብኣይ ዚኣምን ድማ ከቶ ኣይኪጸምእን እዩ። 36. ግናኸ ኸምቲ ዝበልኩኹም እዩ፥ ርኢኹምኒ ግና ኣይኣመንኩምንን። 37. እቲ ኣቦይ ዚህበኒ ዘበለ ናባይ ኪመጽእ እዩ፥ ነቲ ናባይ ዚመጽእ ከኣ ንወፃኢ ኸቶ ኣይክድርብዮን እየ። 38. ምኽንያቱ ኣነ ፍቓድ እቲ ዝለኣኸኒ እምበር ፍቓደይ ምእንቲ ኽገብር ኣይኮንኩን ካብ ሰማይ ወሪደ ዘሎኹ። 39. ካብቶም ንሱ ዝሃበኒ ዘበሉ በታ ዳኅረይቲ መዓልቲ ኸተንሥኦም እየ እምበር ሓደ እኳ ኣይኪጠፍእን እዩ፤ እዚ ፍቓድ እቲ ዝለኣኸኒ እዩ። 40. ከመይ ንወልድ ርእዩ ብእኡ ዚኣምን ዘበለ ናይ ዘለዓለም ሕይወት ኪረክብ፥ ኣነውን በታ ዳኅረይቲ መዓልቲ ኸተንሥኦ ፍቓድ ኣቦይ እዩ።” ብወልድ ዝአምን ናይ ዘልኣለም ሕይወት ኣለዎ።

መዝሙረ ዳዊት Psalm

ፈተውተይን ኣዕሩኸይን ካብ ስቓየይ ይርሕቁ፣ ኣዝማደይ ከኣ ኣብ ርሑቕ ደው ይብሉ ኣለዉ። ንነፍሰይ ዚደልዩ ኸአ መጻወድያ የጻውዱለይ፣ ጕድኣተይ ዚደልዩ ድማ ክፉእ ነገር ይዛረቡ፣ ምሉእ መዓልቲውን ጥልመት ይሐስቡለይ ኣለዉ።

ወንጌል Gospel

20. ኢየሱስ ናብ ቤት ምስ ኣተወ ኸኣ ንሱን ደቀ መዛሙርቱን እንጌራ ምብላዕ ክሳዕ ዚስእኑ ከም ብሓድሽ ብዙኅ ሕዝቢ ተኣከበ። 21. እቶም ኣዝማዱ ኸኣ “ዓቢዱ እዩ” ኺብልዎ ሰሚዖም ኪኅዝዎ መጹ። 22. ካብ ኢየሩሳሌም ዝወረዱ መምህራን ሕጊ ድማ “ብኤል ዜቡል ኂዝዎ ኣሎ፥ ነጋንንቲ ብሓለቓ ኣጋንንቲ እዩ ዜውፅኦም ዘሎ” በሉ። 23. ኢየሱስ ድማ ጸውዖም፥ ብምስላታት ከኣ ኸምዚ በሎም፡ - “ሰይጣን ንሰይጣን ከመይ ገይሩ ኼውፅኦ ይኽእል፧ 24. ሓንቲ መንግሥቲ ንሓድሕዳ እንተ ተፈላለየት፥ እታ መንግሥቲ እቲኣ ኽትቀውም ኣይትኽእልን እያ። 25. ሓንቲ ስድራ ኸኣ ንሓድሕዳ እንተ ተፈላለየት፥ እታ ስድራ እቲኣ ኽትቀውም ኣይትኽእልን እያ። 26. ሰይጣን ከኣ ኣብ ነንሓድሕዱ ተጻሊኡ እንተ ተፈላለየ ይጠፍእ ደኣ እምበር ኣይቀውምን። 27. ነቲ ኃያል ቅድም ከይኣሰረ ኣብ ቤት ኃያል ኣትዩ ገንዘቡ ኺዘምት ዚኽእል ሓደ እኳ የልቦን። ምስ ኣሰሮ እዩ ነቲ ቤቱ ዚዘምት። እትሰምዕ እዝኒ ዘላቶ ይስማዕ!

መልእክተ ጳውሎስ Pauline Epistle

1. ንሕና እቶም ብእምነት ብርቱዓት ዝኾንና፥ ነቶም ዝደኸሙ ኣኅዋትና ኽንድግፎም ደኣ እምበር፥ ንገዛእ ርእስና ጥራይ ባህ ከነብል ኣይግብኣናን እዩ። 2. ነፍስ ወከፍና ንብጻይና ምእንቲ ክንሓንጾ ሠናይ ንግበረሉ፥ ባህውን ነብሎ። 3. ከመይ ክርስቶውን ከምቲ ጽሑፍ “ጸርፊ እቶም ዚጸርፉኻ ኣባይ ወደቐ” ዚብሎ፥ ንርእሱ ባህ ኣየበለን። 4. በቲ ካብ ቅዱሳት መጻሕፍቲ ዚርከብ ትዕግሥትን ምጽንናዕን ተስፋ ምእንቲ ኽንረክብ፥ እቲ ቐደም ዝተጻሕፈ ዘበለ ዅሉ ንትምህርትና እዩ ዝተጻሕፈ። 5. - 6. ኃቢርኩም ብሓደ ኣፍ ኴንኩም፥ ንኣምላኽ፥ ኣቦ ጐይታና ኢየሱስ ክርስቶስ ምእንቲ ኸተኽብሩ፥ እቲ ናይ ትዕግሥትን ምጽንናዕን ኣምላኽ፥ ኣብ ንሓድሕድኩም፥ ከምቲ ናይ ክርስቶስ ኢየሱስ ጌርኩም ሓደ ሓሳብ ክትሓስቡ ይሃብኩም። 7. ስለዚ ኸምቲ ክርስቶስ ንኽብሪ ኣምላኽ ዝተቐበለኩም፥ ንሓድሕድኩም ተቐባበሉ።

ዘካልእ መልእክት Universal Epistle

14. ምእንቲ ስም ክርስቶስ እንተ ተጸረፍኩም፥ እቲ ኽቡር መንፈስ ኣምላኽ ኣባኻትኩም ስለ ዚኃድር ተሓጐሱ። 15. ሓደ እኳ ኻባኻትኩም ቀታሊ፥ ወይ ሰራቒ፥ ወይ ገባር ክፋእ፥ ወይ ኣብ ነገር ካልኦት ኢዱ ዜእቱ ብምዃኑ ስቓይ ዚቕበል ኣይሃሉኹም። 16. ክርስቲያን ብምዃን እንተ ተሳቐየ ግና፥ ስለ እዚ ስም እዚ ንኣምላኽ የመስግን እምበር ኣይኅፈር። 17. ጊዜ ፍርዲ ቐሪቡ እዩ፥ ዚጅምሮ ኸኣ በቶም ኣብ ቤት ኣምላኽ ዘለዉ እዩ። ብኣና ዚጅምር ካብ ኮነኸ፥ መወዳእታ እቶም ንወንጌል ኣምላኽ ዘይእዘዙ ደኣ እንታይ ኪኽውን እዩ፧ 18. “እቲ ጻድቕ ብኃይሊ ገደል ዚድኅን ካብ ኮነኸ፥ እቲ ዓማጽን ኃጥእን ደኣ እንታይ ኪኸውን እዩ፧” 19. እምበኣር እቶም ከም ፍቓድ ኣምላኽ ዚሳቐዩ፥ ሠናይ እናገበሩ ንገዛእ ርእሶም ኣብቲ እሙን ፈጣሪ የማኅጽኑ።

ግብረ ሃዋርያት Acts

17. ‘በተን መወዳእታ መዓልትታት ኪኸውን እዩ፥ ይብል ኣምላኽ፥ ኣብ ልዕሊ ዅሉ ሰብ ካብ መንፈሰይ ከፍስስ እየ፥ ኣወዳትኩምን ኣዋልድኩምን ኪንበዩ፥ ኣጕባዝኩም ከኣ ራእይ ኪርእዩ፥ ኣረገውትኹምውን ሕልሚ ኺሓልሙ እዮም። 18. እወ፥ በተን መዓልትታት እቲአን፥ ኣብ ሰብኡትን ኣንስትን ኣገልገልተይ ካብ መንፈሰይ ከፍስስ እየ፥ ንሳቶም ከኣ ኺንበዩ እዮም። 19. ኣነ ድማ ኣብ ላዕሊ ኣብ ሰማይ ተኣምራት፥ ኣብ ታሕቲ ኣብ ምድሪ ኸኣ፥ ትእምርቲ ደምን ኃውን ጣቓን ክገብር እየ። 20. እታ ዓባይን ግህድትን መዓልቲ ጐይታ ኸይመጸት፥ ፀሓይ ናብ ጸልማት፥ ወርኂ ኸኣ ናብ ደም ክትልወጥ እያ። 21. ስም እግዚኣብሔር ዚጽውዕ ዘበለ ዅሉ ኸኣ ኪድኅን እዩ።’

ስንክሳር Synaxarium

አቡናፍር ገዳማዊ
ወአስተርአዮ መልአክ ለዮሴፍ በሕልም

መዝሙር Psalm

ኣነ ግና ንሓይልኻ እዝምር፣ ንስኻ እምባ፣ ብመዓልቲ ጸበባውን መዕቈቢ ዄንካ ኢኻ እሞ፣ ንሳህልኻ ኣንጊሄ እልል እብል ኣሎኹ።

ወንጌል Gospel

24. ሽዑ ነቲ ዕዉር ዝነበረ ሰብኣይ ካልኣይ ጊዜ ጸዊዖም “ሓቂ ብምዝራብ ንኣምላኽ ክብሪ ሃብ ፤ ንሕና እዚ ሰብኣይ እዚ ኃጥእ ከም ዝኾነ ንፈልጥ ኢና” በልዎ። 25. ንሱ ድማ መሊሱ “ኣነስ ኃጥእ ከም ዝኾነ ኣይፈልጥን ፤ ዕዉር ከም ዝነበርኩን ሕጂ እርኢ ከም ዘሎኹን እዛ ሓንቲ ነገር እዚኣ እየ ዝፈልጥ” በሎም። 26. ንሳቶም ከኣ “እንታይከ ገበረልካ፧ ከመይ ገይሩስ ኣዕይንትኻ ኸፈተልካ፧” በልዎ። 27. ንሱ ኸኣ “ቅድሚ ሕጂ ነጊረኩም ኣይሰማዕኩምን ፤ ንምንታይ ከም ብሓድሽ ክትሰምዑ ትደልዩ ኣሎኹም፧ ንስኻትኩምውንዶ ደቀ መዛሙርቱ ኽትኮኑ ትደልዩ ኢኹም፧” ኢሉ ሓተቶም። 28. ንሳቶም ድማ “ወደ መዝሙሩ ንስኻ ኢኻ ፤ ንሕና ግና ደቀ መዛሙርቲ ሙሴ ኢና። 29. ንሕናስ ኣምላኽ ንሙሴ ከም ዝተዛረቦ ንፈልጥ ኢና ፤ እዚ ግና ካበይ ከም ዝኾነ ኣይንፈልጥን ኢና” እናበሉ ጸረፍዎ። ብወልድ ዝአምን ናይ ዘልኣለም ሕይወት ኣለዎ።

ቅዳሴ Liturgy :

መዝሙረ ዳዊት Psalm

ካብ ኣፍንጫኡ ትኪ ፈለል በለ፣ ካብ ኣፉ ኸኣ ሞዅ ዜብል ሓዊ ወጸ፣ ጓህሪ ኻብኡ መጸ። ኣብ ትሕቲ ኣእጋሩ ብርቱዕ ጣቓ ነበረ እሞ፣ ንሰማያት ለጠቕ ኣቢሉ ወረደ።

ወንጌል Gospel

6. ንሱ ከኣ “ነቲ መርበብ ናብ የማን ጃልባ ኣቢልኩም እሞ ደርብይዎ ክትረኽቡ ኢኹም” በሎም። ሽዑ ደርበይዎ እሞ፥ ካብ ብዝኂ እቲ ዓሣ ዝተላዕለ ምስሓቡ ሰኣኑ። 7. እቲ ኢየሱስ ዜፍቅሮ ወደ መዝሙር ከኣ ንጴጥሮስ “ጐይታ እምበር እዩ” በሎ። ስምዖን ጴጥሮስ ድማ ጐይታ ምዃኑ ምስ ሰምዐ ጥራዩ ስለ ዝነበረ፥ ክዳኑ ተዓጢቑ ናብ ባሕሪ ዘለለ። 8. እቶም ካልኦት ደቀ መዛሙርቲ ድማ ኻብ ምድሪ ሚእቲ ሜትር ዚኣክል ጥራይ ርሒቖም ስለ ዝነበሩ፥ ነቲ ዓሣ ዝመልአ መርበብ ብጃልባ እናሰሓብዎ መጹ። 9. ናብ ምድሪ ምስ ወረዱ ኸኣ ኣብ ልዕሊኡ ዓሣ ዘለዎ ጓህርን እንጌራን ረኣዩ። 10. ኢየሱስ ከኣ ኻብዚ ሕጂ ዝገፈፍኩምዎ ዓሣ ኣምጽኡልና በሎም። 11. ስምዖን ጴጥሮስ ናብታ ጃልባ ደይቡ ነቲ ሚእትን ኃምሳን ሠለስተን ገዘፍቲ ዓሣ ዝመልአ መርበብ ናብ ምድሪ ጓተቶ። ክሳብ ክንድዚ ብዙኃት ከለዉ እቲ መርበብ ኣይተቐደን። 12. ኢየሱስ ድማ “ንዑ ቚረሱ” በሎም። እቶም ደቀ መዛሙርቱ ኸኣ ጐይታ ምዃኑ ስለ ዝፈለጡ ኻብኣቶም ሓደ እኳ “ንስኻ መን ኢኻ” ኢሉ ኺሓቶ ዝደፈረ ኣይነበረን። 13. ኢየሱስ መጺኡ ነቲ እንጌራ ኣልዒሉ ሃቦም፥ ከምኡውን ነቲ ዓሣ። 14. ኢየሱስ ድኅሪ ካብ ምውታት ምትንሣኡ ንደቀ መዛሙርቱ ዝተገልጸሎም እዚ ሣልሳይ ጊዜ እዩ። ብወልድ ዝአምን ናይ ዘልኣለም ሕይወት ኣለዎ።

መዝሙረ ዳዊት Psalm

ሓይለይን መዝሙረይን እግዚኣብሄር እዩ፣ ንሱውን ምድሓነይ ኰነ። ኣብ ድንኳናት ጻድቃን ድምጺ እልልታን ምድሓንን ኣሎ።

ወንጌል Gospel

21. እቶም ኣዝማዱ ኸኣ “ዓቢዱ እዩ” ኺብልዎ ሰሚዖም ኪኅዝዎ መጹ። 22. ካብ ኢየሩሳሌም ዝወረዱ መምህራን ሕጊ ድማ “ብኤል ዜቡል ኂዝዎ ኣሎ፥ ነጋንንቲ ብሓለቓ ኣጋንንቲ እዩ ዜውፅኦም ዘሎ” በሉ። 23. ኢየሱስ ድማ ጸውዖም፥ ብምስላታት ከኣ ኸምዚ በሎም፡ - “ሰይጣን ንሰይጣን ከመይ ገይሩ ኼውፅኦ ይኽእል፧ 24. ሓንቲ መንግሥቲ ንሓድሕዳ እንተ ተፈላለየት፥ እታ መንግሥቲ እቲኣ ኽትቀውም ኣይትኽእልን እያ። 25. ሓንቲ ስድራ ኸኣ ንሓድሕዳ እንተ ተፈላለየት፥ እታ ስድራ እቲኣ ኽትቀውም ኣይትኽእልን እያ። 26. ሰይጣን ከኣ ኣብ ነንሓድሕዱ ተጻሊኡ እንተ ተፈላለየ ይጠፍእ ደኣ እምበር ኣይቀውምን። 27. ነቲ ኃያል ቅድም ከይኣሰረ ኣብ ቤት ኃያል ኣትዩ ገንዘቡ ኺዘምት ዚኽእል ሓደ እኳ የልቦን። ምስ ኣሰሮ እዩ ነቲ ቤቱ ዚዘምት። 28. ብሓቂ እብለኩም ኣሎኹ፥ ንደቂ ሰብ ኵሉ ኃጢኣትን ዝጸረፍዎ ዘበለ ጸርፍን ኪኅደገሎም እዩ። 29. እቲ ንመንፈስ ቅዱስ ዝጸረፈ ግና፥ ንዘለዓለም ኵነኔ ደኣ ይኾኖ እምበር ፈጺሙ ኣይኅደገሉን እዩ።” 30. ከምዚ ዝበሎም ከኣ “ርኹስ መንፈስ ኣለዎ” ስለ ዝበልዎ እዩ። እትሰምዕ እዝኒ ዘላቶ ይስማዕ!

መልእክተ ጳውሎስ Pauline Epistle

7. እንታዋይ ወተሃደር እዩ ብገዛእ ገንዘቡ እናተመገበ ዜገልግል፧ ወይኒ ተኺሉ ፍሪኡ ዘይበልዕከ መን እዩ፧ ወይስ እናጓሰየ ካብተን ዚጓስየን መጓሰ ጸባ ዘይሰቲ መን እዩ፧ 8. ከም ኣተሓሳስባ ሰብ ጥራይ ድየ ዝዛረብ ዘሎኹ፧ ሕጊ ሙሴ እውንዶ ኸምኡ ኣይብልን እዩ፧ 9. ከመይ ኣብ ሕጊ ሙሴ “ኣፍ ዜኽይድ ብዕራይ ኣይትእሰር” ዚብል ኣሎ፥ ኣምላኽ ብዛዕባ ኣብዑር ድዩ ዚግደስ ዘሎ፧ 10. ብሱሩ ምእንታናዶ ኣይኮነን ዚዛረብ ዘሎ፧ እቲ ዚሓርስ ብተስፋ ኺሓርስ፥ እቲ ዜኽይድ ብተስፋ ኼኽይድ፥ ገግዲኦም ኪረኽቡ ዚግብኦም ስለ ዝኾነ ምእንታና እዩ ዝተጻሕፈ። 11. ንሕና ነቲ መንፈሳዊ ነገር ካብ ዘራእናልኩምከ፥ ነቲ ናይ ሥጋኹም በረኸት እንተ ዓጸድናስ በዚኁና ድዩ፧ 12. እቶም ካልኦት ምሳኻትኩም ኪማቐሉ መሰል ካብ ዚህልዎም፥ ንሕና ግዳ ክንደይ ካብኡ ዝዓበየ መሰል ዘይህልወና፧ ንሕና ግና ንወንጌል ክርስቶስ ምእንቲ ከይንዓግት ንዅሉ ንጸውር ኣሎና እምበር ነዚ መሰልዚ ኣይተጠቐምናሉን።

ዘካልእ መልእክት Universal Epistle

21. ንስኻትኩም እምነትኩምን ተስፋኹምን ኣብ ኣምላኽ ምእንቲ ኺኸውን፥ በቲ ካብ ምዉታት ዘተንሥኦ ኽብሪውን ዝሃቦ ኣምላኽ ኣመንኩም። 22. ንሓቂ እናተኣዘዝኩምዋ፥ ግብዝና ንዘይብላ ፍቕሪ ኣኅዋት ነፍስኹም ስለ ዘጽሬኹም ብንጹሕ ልቢ ንሓድሕድኩም ተፋቐሩ። 23. ብሕያውን ንዘለዓለም ብዚነብርን ቃል ኣምላኽ ካብ ዘይጠፍእ ዘርኢ እምበር ካብ ጠፋኢ ዘርኢ ኣይኮንኩምን ከም ብሓዱሽ ዝተወለድኩም። 24. ከመይ “ዅሉ ሰብ ከም ሣዕሪ፥ ዅሉ ኽብሪውን ከም ዕንባባ መሮር እዩ። እቲ ሣዕሪ ይነቅጽ፥ እቲ ዕንባባውን ይረግፍ፥ 25. ቃል እግዚኣብሔር ግና ንዘለዓለም ይነብር።” እቲ ንኣኻትኩም ዝተበሠረ ቃል ኸኣ እዚ እዩ።

ግብረ ሃዋርያት Acts

8. ከመይ ኢልና ደኣ ዅላትና በበቲ ዝተወለድናሉ ቛንቋ ኺዛረቡ ንሰምዖም ኣሎና፧ 9. ፡ንሕና ሰብ ጰርቴን ሰብ ሜድን ሰብ ኢላምን፥ እቶም ኣብ መሶጶታምያን ኣብ ይሁዳን ኣብ ቀጰዶቅያን ኣብ ጶንጦስን ኣብ እስያ ዚነብሩን፥ 10. ኣብ ፍርግያን ኣብ ጵንፍልያን ኣብ ግብጽን ኣብ ከባቢ ቀሬኔ ዘለዋ ዓድታት ሊብያን ካብ ሮማ ዝመጻእና ኣይሁድን፥ ናብ ሃይማኖት ኣይሁድ ዝኣቶና ወገን ኣሕዛብን፥ 11. ሰብ ቀርጤስን ዓረብን ኢና! እንተኾነ እንሆ በብቛንቋና ብዛዕባ እቲ ዓቢይ ግብሪ ኣምላኽ ኪዛረቡ ንሰምዖም ኣሎና።” 12. ኵላቶም ሰምቢዶም ዚብልዎ ጠፊእዎም ከኣ ንሓድሕዶም “እዚ ነገር እዝስ እንታይ ኮን ይኸውን፧” ተበሃሃሉ። 13. ገሊኣቶም ግና እናኣላገጹሎም “እዚኣቶም ጕዑሽ ወይኒ ሰትዮም ሰኺሮም እዮም” በሉ።

ስንክሳር Synaxarium

አባ ለትፁን
ወጰላሞን
ወአባ ገሪማ ዘመደራ
ወአኮራን
ወበርተሎሜዎስ
ወእለ እስክንድርያ
ወእለ እስክንድሮስ ሰማዕታት
ወዮሴፍ
ወአርሲማ ጻድቅት

መዝሙር Psalm

ኣብ ቅድሚ እግዚኣብሄር ሞት ቅዱሳኑ ኽቡር እዩ። ዎ እግዚኣብሄር፣ ኣነ ባርያኻ እየ፣ ባርያኻ፣ ወዲ እታ ባርያኻ እየ፣ መኣስረይ ፈታሕካ።

ወንጌል Gospel

5. ሓዋርያት ድማ ንጐይታ “እምነት ወስኸና” በልዎ። 6. ጐይታ ኸኣ ኸምዚ በሎም፦ “ክንዲ ፍረ ኣድሪ እትኣክል እምነት እንተ ትህልወኩምሲ ነዚ ሳግላ ‘ተመንቍስካ ኣብ ባሕሪ ተተኸል’ ምበልኩምዎ እሞ፥ ንሱ ኸኣ ምተኣዘዘኩም ነይሩ።” 7. “ካባኻትኩምከ ዚሓርስ ወይ ዚጓሲ ጊልያ ዘለዎ እሞ፥ ካብ ወፍሪ ምስ ኣተወ፥ ‘ቐልጢፍካ ኅለፍ፥ ክትድረር ከኣ ተቐመጥ’ ዚብሎ መን አሎ፧ 8. ‘ክድረር ኣዳልወለይ፥ ክሳዕ ዝበልዕን ዝሰትን ከኣ ተዓጢቕካ ኣገልግለኒ፥ ድኅሪኡ ንስኻውን ብላዕን ስተን’ ደይኮነን ዚብሎ፧ 9. ወይስ ነቲ ጊልያ እቲ ዝተኣዘዞ ስለ ዝገበረስ የመስግኖዶ ይመስለኩም፧* 10. ከምኡ ድማ ንስኻትኩም ዝተኣዘዝኩምዎ ዅሉ ምስ ገበርኩም፥ ‘ንሕና ዘይንጠቅም ባሮት ኢና፥ እቲ ኽንገብሮ ዚግብኣና ኢና ዝገበርና’ በሉ።” ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ሓደ እኳ ንሓዉ ዚብጀዎ፣ ጋር ነፍሲ ንአምላኽ ዚህበሉ የልቦን፣ ጋር ነፍሶም ክቡር፣ ንዘለአለም ከኣ ተሪፉ እዩ።

ወንጌል Gospel

31. በታ መዓልቲ እቲኣ ኣብ ደርቢ ዘሎ፥ ነቲ ኣብ ኣብ ቤት ዘሎ ኣቕሑኡ ኺወስድ ኢሉ ኣይውረድ። እቲ ኣብ ግራት ዘሎውን ንድኅሪት ኣይመለስ። 32. ንሰበይቲ ሎጥ ዘክርዋ። 33. እቲ ንሕይወቱ ኼድኅና ዚደሊ ኼጥፍኣ እዩ፥ እቲ ዜጥፍኣ ግና ኼድኅና እዩ። 34. በታ ለይቲ እቲኣ፥ ኽልተ ኣብ ሓንቲ ዓራት ኪድቅሱ እዮም፤ እቲ ሓደ ኺውሰድ እቲ ሓደ ኸኣ ኺኅደግ እዩ። 35. ክልተ ኣንስቲ ብሓንሳእ ኪጥሕና እየን፤ እታ ሓንቲ ኽትውሰድ፥ እታ ኻልኣይቲ ግና ኽትኅደግ እያ። 36. [ክልተ ሰብ ኣብ ግራት ኪጸንሑ እዮም፥ እቲ ሓደ ኪውሰድ፥ እቲ ኻልኣይ ኪኅደግ እዩ] እብለኩም ኣሎኹ።” 37. መሊሶም ከኣ፥ “ጐይታይ፥ ኣበይከ እዩ፧” በልዎ። ንሱ ኸኣ “ኣብቲ ገምቢ ዘለዎ፥ ኣሞራታት ናብኡ ኺእከቡ እዮም” በሎም። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መዝሙረ ዳዊት Psalm

ልበይ ምስ መረረ፣ ኣብ ኰላሊተይ ምስ ተወጋእኩ፣ ዐሾኹ፣ ደንቈሮውን ነበርኩ፣ ኣብ ቅድሜኻ ኸም እንስሳ ዀንኩ። ግናኸ ኣነ ዅሉ ጊዜ ምሳኻ እየ፣

ወንጌል Gospel

10. ስለዚውን ኣይሁድ ነቲ ዝሓወየ ሰብኣይ “ሎሚ ሰንበት ስለ ዝኾነ ዓራትካ ኽትፀውር ኣይፍቀደልካን እዩ” በልዎ። 11. ንሱ ግና “እቲ ዘሕወየኒ እዩ ‘ዓራትካ ኣልዒልካ ኺድ’ ዝበለኒ” ኢሉ መለሰሎም። 12. ንሳቶም ከኣ “እቲ ‘ዓራትካ ኣልዒልካ ኺድ’ ዝበለካ ሰብኣይ መን እዩ፧” ኢሎም ሓተትዎ። 13. ኣብቲ ቦታ ብዙኅ ሕዝቢ ነበረ፥ ኢየሱስ ከኣ ድኅር ኢሉ ስለ ዝነበረ፥ እቲ ዝሓወየ ሰብኣይ መን ምዃኑ ኣይፈለጠን። 14. ብድኅርዚ ኢየሱስ ኣብ ቤት መቕደስ ረኸቦ እሞ “እንሆ ሓዊኻ ኣሎኻ፥ ካብዚ ዚገድድ ከይረኽበካ፥ መሊስካ ኃጢኣት ኣይትግበር” በሎ። 15. እቲ ሰብኣይ ከኣ ኸይዱ፥ እቲ ዘሕወዮ ኢየሱስ ከም ዝኾነ ንኣይሁድ ነገሮም። ብወልድ ዝአምን ናይ ዘልኣለም ሕይወት ኣለዎ።

መልእክተ ጳውሎስ Pauline Epistle

8. ሕጂ ግና ንስኻትኩም ካብ ቊጥዓ፥ ካብ ሕርቃን፥ ካብ ክፍኣት፥ ስም ሰብ ካብ ምጽላም፥ ካብ ዜጸይፍ ዘረባ ዘበለ ዅሉ ርሓቑ። 9. - 10. ከምኡውን ነቲ ኣረጊት ሰብነት ምስ ኵሉ ግብሩ ቐንጢጥኩም፥ ነቲ ንእኡ ምእንቲ ኺፈልጥ እቲ ፈጣሪኡ በርኣያኡ ዚሕድሶ ዘሎ ሰብነት ዝለበስኩም ስለ ዝኾንኩም ንሓድሕድኩም ኣይትተሓሳሰዉ። 11. ክርስቶስ ኵሉን ኣብ ኵሉን እዩ እምበር ኣብኡስ ግሪኻውን ኣይሁዳውን፥ ግዙርን ዘይግዙርን፥ ዝሠልጠነ ኣረማውን ዘይሠልጠነ ኣረማውን፥ ባርያን ጭዋን የልቦን። 12. እምበኣር ኣምላኽ ከም ዝኃረዮም ቅዱሳንን ፍቁራትን ሕዝቢ ዄንኩም ምሕረት፥ ለውሃት፥ ትሕትና፥ ሕያውነት፥ ትዕግሥቲ ልበሱ። 13. ንሓድሕድኩም ተጸዋወሩ፥ ኣብ መንጎኹም ቅር ዜብል ነገር እንተሎ ይቕረ ተበሃሃሉ። ከምቲ ጐይታ ይቕረ ዝበለልኩም ይቕረ ተበሃሃሉ።

ዘካልእ መልእክት Universal Epistle

9. ጐይታ ኸኣ ነቶም ፍርሃት እግዚኣብሔር ዘለዎም ካብ ፈተና ኸመይ ገይሩ ከም ዜድኅኖም፥ ንገበርቲ ዓመጻ ድማ እናቐጽዐ ኸመይ ገይሩ ክሳዕ መዓልቲ ፍርዲ ከም ዜጽንሖም ይፈልጥ እዩ።10. ኣውራ ግና ነቶም ደድኅሪ እቲ ርኹስ ዝኾነ ትምኒት ሥጋ ዝኸዱ፥ ንሥልጣን እግዚኣብሔር ዝንዕቁ ሰባት እዩ። እቶም ሓሰውቲ መምህራን ደፋራትን ደረቐኛታትን ስለ ዝኾኑ፥ ነቶም ናይ ሰማይ ሥልጣናት ኪጸርፉ ኣይፈርሁን።11. መላእኽቲ እኳ፥ ብኃይልን ብሥልጣንን ካብኣቶም ዚበልጹ ኸለዉ፥ ኣብ ቅድሚ ጐይታ ነቶም ናይ ሰማይ ሥልጣናት ዚጻረር ክሲ ኣየምጽኡን እዮም።12. እዚኣቶም ከምታ ተኣሲራ እትሕረድ በሃም እንስሳ እዮም ዝመስሉ። ነቲ ዘይፈልጥዎ እናጸረፉ ከምታ እንስሳ ኺጠፍኡ እዮም።13. ዓስቢ ዓመጻኦም ኪቕበሉ እዮም። ንኣኣቶም ሓጐስ፥ ብቐትሩ ምዕባድ ማለት እዩ። ነውርን ርስሓትን እዮም። ንኺጥብሩኹም ኢሎም ኣብ መኣድኹም ይሳተፉ፥ በዚውን ይሕጐሱ።14. ዝሙት ዝመልኣ ኻብ ኃጢኣት ኸኣ ዘየቋርጻ ኣዕይንቲ ኣለዋኦም፥ እተን ብእምነት ዘይጸንዓ ነፍሳት ይሓብልወን፥ ስስዐ ዝለመደ ልቢ ኣለዎም፥ ደቂ መርገም እዮም።

ግብረ ሃዋርያት Acts

5. እቶም ኣይሁድ ከኣ ቐኒኦም፥ ካብቲ ዕዳጋ እኩያት ሰባት ወሰዱ፥ ሕዝቢ ኣኪቦም ድማ ነታ ኸተማ ኣነዓብዋ፤ ንጳውሎስን ንሲላስን ኣውፂኦም ናብቶም ሕዝቢ ምእንቲ ኬቕርብዎም ድማ ንቤት ኢያሶን ከበብዋ። 6. ምስ ሰኣንዎም ግና ንኢያሶንን ቊሩባት ካብ ኣኅዋትን ናብቶም መኳንንቲ እታ ኸተማ ኣቕረብዎም፤ “እዞም ንዅሉ ዓለም ዜናዕቡስ ኣብዚ ኸኣ መጺኦም። 7. ኢያሶን ከኣ ኣብ ገዝኡ ተቐቢልዎም ኣሎ፤ ንሳቶም ድማ ‘ኢየሱስ ዚብሃል ካልእ ንጉሥ ኣሎ’ እናበሉ ምስ ኣዋጅ ንጉሥ ሮማ ዚጻረር ነገር ይገብሩ ኣለዉ” እናበሉ ከሰስዎም። 8. እቶም ሕዝብን መኳንንቲ እታ ኸተማን፥ ነዚ ምስ ሰምዑ ተጨነቑ። 9. ንኢያሶንን ነቶም ካልኦት ብጾቱን ዋሕስ ኣትኪሎም ከኣ ኃደግዎም። 10. እቶም ኣኅዋት ግና ንጳውሎስን ሲላስን ብኡብኡ ብለይቲ ናብ ቤርያ ከም ዝኸዱ ገበርዎም፤ ኣብኣ ምስ በጽሑ ኸኣ ናብ ቤት ጸሎት ኣይሁድ ኣተዉ። 11. እቶም ሰብ ቤርያ፥ ካብቶም ኣብ ተሰሎንቄ ዚነብሩ ዝነበሩ ኣይሁድ ዝለበሙ ነበሩ፤ ነቲ ቓል ብምሉእ ልቦም ተቐበልዎ። እዚ ነገር እዚ ኸምኡ እንተ ኾይኑ ንኺፈልጡ ኸኣ ቅዱሳት መጻሕፍቲ ኣብ ጸጽባሕ ይምርምሩ ነበሩ። 12. ስለዚ ብዙኃት ካብኣቶም ኣመኑ፥ ካብቶም ግሪኻውያን ድማ ብዙኃት ክቡራት ኣንስትን ብዙኃት ግሪኻውያን ሰብኡትን ኣመኑ።

ስንክሳር Synaxarium

ዲምያኖስ ሊቀ ጳጳሳት
ወኤስድሮስ ሰማዕት

መዝሙር Psalm

ኣነ ግና ናብ ኣምላኽ እምህለል ኣሎኹ፣ ጐይታውን የድሕነኒ እዩ። ምሸትን ብጊሓትን ቀትርን እቚዝም እህህውን እብል ኣሎኹ፣ ንሱ ኸኣ ድምጸይ ይሰምዕ እዩ።

ወንጌል Gospel

15. “ኃውኻ እንተ በደለካ ኬድካ ንስኻን ንሱን ኣብ በይንኹም ኴንኩም ግንሓዮ፥ እንተ ሰምዓካ ንኃውኻ ረባሕካዮ። 16. እንተ ዘይሰምዓካ ግና ዅሉ ነገር ብኣፍ ክልተ ወይ ሠለስተ መሰኻኽር እዩ ዚቐዉም እሞ [ኣብ ካልኣይ ግዜ] ሓደ ወይ ክልተ ምሳኻ ውሰድ። 17. ንኣኣቶም እንተ ዘይሰምዖም ድማ ንቤተ ክርስቲያን ንገራ፥ ንቤተ ክርስቲያን እንተ ዘይሰምዓ ግና ከም ኣረሚንን ዘይንሳሕ ኃጢኣተኛን ቁጸሮ።” 18. “ብሓቂ እብለኩም ኣሎኹ፥ ኣብ ምድሪ ዝኣሰርኩምዎ ዘበለ ኣብ ኣብ ሰማይ እሱር ኪኸውን እዩ፥ ኣብ ምድሪ ዝፈታሕኩምዎ ዘበለ ድማ ኣብ ሰማይ ፍቱሕ ኪኸውን እዩ። 19. - 20. ክልተ ወይ ሠለስተ ኾይኖም ብስመይ ኣብ ዝተኣከቡሉ፥ ኣነ ኸኣ ኣብኡ ኣብ ማእከሎም ኣሎኹ እሞ፥ ክልተ ኻባኻትኩም ኣብ ምድሪ ብዚልምንዎ ነገር ኵሉ እንተ ተሳማምዑ፥ ካብቲ ኣብ ሰማያት ዘሎ ኣቦይ ኪወሃቦም እዩ፥ ኢለ ኸም ብሓድሽ [ብሓቂ] እብለኩም ኣሎኹ።” 21. ሽዑ ጴጥሮስ ቅርብ ኢሉ “ጐይታይ! ሓወይ እንተ በደለንስ ክንደይ ሳዕ ይቕረ ኽብለሉ፧ ክሳዕ ሾብዓተዶ፧” በሎ። 22. ኢየሱስ ድማ “ሾብዓተ ሳዕ ሰብዓ ድኣ እምበር ክሳዕ ሾብዓተ ኣይብለካን” በሎ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

እቲ ብቕንዕና ዚመላለስን ጽድቂ ዚገብርን ብልቡ ሓቂ ዚዛረብን፣ ብልሳኑ ዘይሐሚ፣ ንመሓዛኡ ገለ ኽፉእ ዘይገብሮ፣ ንብጻዩ ዘይጸርፎ፣

ወንጌል Gospel

49. ዮሓንስ ከኣ “መምህር! ሓደ ሰብኣይ ብስምካ ኣጋንንቲ ኼውጽእ ከሎ ርኢናዮስ፥ ምሳና ስለ ዘይሰዓበ ከልኪልናዮ” በሎ። 50. ኢየሱስ ከኣ “ዘይከራኸረኩም ዘበለ ንሱ ምሳኻትኩም እዩ እሞ ኣይትኸልክልዎ” በሎ። 51. ኢየሱስ ናብ ሰማይ ዚዓርገለን መዓልትታት ምስ ቀረባ መገዱ ናብ ኢየሩሳሌም ኣቢሉ ኣቕነዐ። 52. ቀቅድሚኡ ልኡኻት ሰደደ፥ ንሳቶም ከኣ ምእንቲ ኼዳልዉሉ ኸይዶም ናብ ሓንቲ ዓዲ ናይ ሰማርያ ኣተዉ። 53. ሳምራውያን ግና መገዱ ናብ ኢየሩሳሌም ንምኻድ ኣቕኒዑ ስለ ዝነበረ ኣይተቐበልዎን። 54. ደቀ መዛሙርቱ ያዕቆብን ዮሓንስን ከኣ ነዚ ምስ ረኣዩ “ጐይታይ! ሓዊ ካብ ሰማይ ወሪዱ ኼጥፍኦም ክንእዝዝዶ ትፈቕደልና ኢኻ፧” በልዎ ። 55. ኢየሱስ ምልስ ኢሉ ኸምዚ ዚስዕብ እናበለ ገሠጾም፦ [“ናየናይ መንፈስ ምዃንኩም ኣይትፈልጡን ኢኹም። ከመይ ወዲ ሰብ ሕይወት ሰብ ኬድኅን እምበር ኬጥፍእ ኣይመጸን”።] 56. ናብ ካልእ ዓዲ ኸኣ ኸዱ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መዝሙረ ዳዊት Psalm

ዎ እግዚኣብሄር፣ ካብ እዛ ዓለም እዚኣ፣ ግዲኦም ኣብዛ ህይወት እዚኣ ዝዀነ፣ ከብዶም ብመዝገብካ እትመልእ፣ ውሉዶም ዝበዝሑሎም፣ ተረፎም ከኣ ንሕጻውንቶም ዚሐድጉ ሰባት፣ ብኢድካ ኣድሕነኒ። ኣነ ግና ንገጽካ ብጽድቂ ኽርእዮ፣ ምስ ነቓሕኩ ብትርኢትካ ኽጸግብ እየ።

ወንጌል Gospel

15. ኢየሱስ ድማ “ተጠንቀቑ፥ ካብ ማይ ብሑቕ ፈሪሳውያንን ሄሮድሳውያንን ተሓለዉ” ኢሉ ኣዘዞም። 16. ንሳቶም ከኣ ንሓድሕዶም “እንጌራ ስለ ዘይተማለእና እዩ፥” ተባሃሃሉ። 17. ኢየሱስ ድማ ፈሊጡ ኸምዚ በሎም፡ - “ስለምንታይ እንጌራ ብዘይ ምምላእኩም ንሓድሕድኩም ትካትዑ፧ ገናዶ ኣይተረድኣኩምን እዩ፧ ወይ ኣይተስተውዕሉንዶ ኢኹም፧ ልብኹምከ ተደፊኑ ድዩ፧ 18. ኣዕይንቲ ኸለዋኹምሲ ኣይትርእዩንዶ፧ ኣእዛን ከለዋኹምከ ኣይትሰምዑንዶ፥ ኣይትዝክሩንዶኸ ኢኹም፧ 19. እቲ ኃሙሽተ እንጌራ ንኃሙሽተ ሽሕ ምስ ቈረስኩ፥ ቍርስራስ ዝመልአ ኽንደይ መሶብ ኣልዓልኹም፧” ንሳቶም ከኣ “ዓሠርተው ክልተ” በልዎ። 20. “እቲ ሾብዓተ እንጌራ ነኣርባዕተ ሽሕ ምስ ቈረስኩኸ፥ ቊርስራስ ዝመልአ ኽንደይ መሶብ ኣልዓልኩም፧” ንሳቶም ድማ “ሾብዓተ” በልዎ። 21. ንሱ ድማ “ስለምንታይ ደኣ ዘይተስተውዕሉ፧” በሎም። እትሰምዕ እዝኒ ዘላቶ ይስማዕ!

መልእክተ ጳውሎስ Pauline Epistle

1. ካብ ጳውሎስን ስልዋኖስን ጢሞቴዋስን ናብታ ኣብ እግዚኣብሔር ኣቦናን ኣብ ጐይታና ኢየሱስ ክርስቶስን ዘላ ቤተ ክርስቲያን ተሰሎንቄ፥ ጸጋን ሰላምን ይውረደልኩም። 2. ኣብ ጸሎትና ዅሉ ጊዜ እናዘከርናኩም፥ ንኣምላኽ ምእንቲ ኵልኹም ኵሉ ጊዜ ነመስግኖ ኣሎና። 3. ነቲ ብእምነት ዝተፈጸመ ዕዮኹም፥ ነቲ ኣብ ፍቕሪ ዝተመሥረተ ጻዕርኹም፥ ነቲ ኣብቲ ኣብ ጐይታና ኢየሱስ ክርስቶስ ዘሎ ተስፋ ዝተመሥረተ ጽንዓትኩም፥ ኣብ ቅድሚ ኣምላኽናን ኣቦናን ከየብኰርና ንዝክር ኣሎና። 4. ኣቱም ብኣምላኽ ፍቁራት ኣኅዋትና፥ ኣምላኽ ከም ዝኃረየኩም ንፈልጥ ኢና። 5. ምኽንያቱ እቲ ንሕና እንሰብኮ ወንጌል፥ ብኃይልን ብመንፈስ ቅዱስን ብምሉእ ምርዳእን እምበር ብቓል ጥራይ ኣይመጻኩምን። ንሕናውን ምእንታኹም ክንብል ኣብ ማእከልኩም ከመይ ኢልና ከም ዝነበርና ትፈልጡ ኢኹም። 6. ሽሕ እኳ ብብዙኅ ጭንቂ እንተ ተሳቔኹም፥ ነቲ ቓል በቲ ኻብ መንፈስ ቅዱስ ዝተረኽበ ሓጐስ ብምቕባልኩም ሰዓብትናን ሰዓብቲ ጐይታናን ኮንኩም። 7. ሰለዚ ነቶም ኣብ መቄዶንያን ኣካይያን ዘለው ዂላቶም ኣመንቲ ኣርኣያ ኾንኩምዎም። 8. እዚ ካባኻትኩም ዝወፀ ቓል ኣምላኽ ኣብ መቄዶንያን ኣካይያን ጥራይ ኣይኮነን ዝተሰምዐ፥ እቲ ኣብ ኣምላኽ ዘሎኩም እምነትሲ ኣብ ኵሉ ሥፍራ ተሰሚዑ እዩ። ስለዚ ንሕና ኽንዛረበሉ ኣየድልን እዩ። 9. - 10. ነቲ ሕያው ዝኾነ ናይ ሓቂ ኣምላኽ ከተገልግሉ፥ ነቲ ካብ ምውታት ዘተንሥኦ፥ ነቲ ካብቲ ዚመጽእ ቊጥዓ ዜድኅነና ወዱ ኢየሱስ፥ ካብ ሰማያት ክትጽበዩ ኽትብሉ ከመይ ጌርኩም ንጣዖታት ኃዲግኩም ናብ ኣምላኽ ከም ዝተመለስኩም፥ ክንበጽሓኩም ምስ መጻእናውን ከመይ ጌርኩም ከም ዝተቐበልኩምና፥ እዞም ሕዝቢ እዚኣቶም ባዕላቶም ይምስክሩ እዮም።

ዘካልእ መልእክት Universal Epistle

14. ኣቱም ኣቦታት፥ ነቲ ኻብ መጀመርታ ዝነበረ ፈሊጥኩምዎ ኢኹም እሞ ጽሒፈልኩም ኣሎኹ። ኣቱም ኣጒባዝ፥ ብርቱዓት ስለ ዝኾንኩምን፥ ቃል ኣምላኽ ኣባኻትኩም ይነብር ስለ ዘሎን፥ ነቲ እኩይውን ስለ ዝሰዓርኩምዋን፥ ጽሒፈልኩም ኣሎኹ። 15. ንዓለም ወይስ ነቲ ኣብ ዓለም ዘሎ ኣይትፍተዉ። ሓደ እኳ ንዓለም እንተ ፈተዋ ፍቕሪ ኣቦ ኣብኡ የብሉን። 16. ከመይ ኵሉ እቲ ኣብ ዓለም ዘሎ፥ ፍትወት ሥጋን ክፉእ ትምኒት ዓይንን ብሃብትኻ ዕቡይ ምዃንን፥ ካብ ዓለም እዩ እምበር ካብ ኣቦ ኣይኮነን። 17. ዓለምን እቲ ዅሉ ፍትወታን ኃላፋይ እዩ፥ እቲ ፍቓድ ኣምላኽ ዚገብር ግና ንዘለዓለም ይነብር። 18. ደቀይ! እዚኣ እታ መወዳእታ ሰዓት እያ። ፀረ ክርስቶስ ከም ዚመጽእ ሰሚዕኩም ኣሎኹም፥ ድሮውን ብዙኃት ፀረ ክርስቶስ ተንሢኦም ኣለዉ። እዚኣ እታ መወዳእታ ሰዓት ምዃና ኸኣ በዚ ኢና እንፈልጥ። 19. ንሳቶም ካባና እዮም ወፂኦም፥ ግናኸ ካባና ኣይነበሩን። ካባና ነይሮም እንተ ዚኾኑ ምሳና ምነበሩ ነይሮም። ግናኸ ካባና ኸም ዘይኮኑ ምእንቲ ኪገሃድ ወፁ።

ግብረ ሃዋርያት Acts

11. ኣምላኽ ከኣ ብኢድ ጳውሎስ ብዙኅ እፁብ ተኣምራት ገበረ። 12. እንሆ ድማ መኣረምያኡ ወይ ክዳኑ ካብ ዝባኑ ወሲዶም፥ ኣብቶም ሕሙማት የንብሩ እሞ፥ ሕማሞም ይኃድጎም፥ ርኹሳት መናፍስቲውን ካብኣቶም ይወፁ ነበሩ። 13. ካብቶም ኣጋንንቲ ካብ ሰብ እናውፅኡ ዚዞሩ ዝነበሩ ኣይሁድ፥ ገሊኦም ነቶም ርኹሳት መናፍስቲ ዝኃደርዎም “በቲ ጳውሎስ ዚሰብኮ ኢየሱስ ክትወፁ እእዝዘኩም ኣሎኹ” እናበሉ ስም ጐይታና ኢየሱስ ኪሰምዩሎም ፈተኑ። 14. እቶም እዚ ዝገበሩ ኸኣ ሾብዓተ ደቂ ሓደ ኣስቄዋ ዚብሃል ኣይሁዳዊ ሊቀ ካህናት ነበሩ። 15. እቲ ርኹስ መንፈስ ድማ “ንኢየሱስ እፈልጦ፥ ንጳውሎስ እፈልጦ እየ፥ ንስኻትኩም ደኣ እንታዎት ኢኹም፧” እናበለ መለሰሎም። 16. እቲ ርኹስ መንፈስ ዝኃደሮ ሰብኣይ ከኣ፥ ዘሊሉ ሓነቖም እሞ ሰዓሮም፥ ክዳኖም ቀዲዱ፥ ዕርቃን ዝባኖም ኣውፂኡ፥ ኣቚሲሉ፥ ካብታ ቤት ሃዲሞም ክሳዕ ዚወፁ ድማ ንዅሎም ኣሕመቖም። 17. እዚ ነገር እዚ ኣብቶም ኣብ ኤፌሶን ዚነብሩ ኣይሁድን ግሪኻውያንን ኵሎም ተፈልጠ፤ ንዅሎምውን ፍርሃት ኃዞም፥ ስም ጐይታና ኢየሱስ ከኣ ኸበረ።

ስንክሳር Synaxarium

ጊዮርጊስ ሰማዕት
ወብሶይ
ወአርሶፎኒስ
ወአስኪርዮን

መዝሙር Psalm

ንነፍሰይ ካብ ሞት፣ ነዒንተይ ካብ ንብዓት፣ ነእጋረይ ካብ ምውዳቕ ኣድሒንካየን ኢኻ እሞ፣ ኣብ ቅድሚ እግዚኣብሄር ኣብ ሃገር ህያዋን ክመላለስ እየ።

ወንጌል Gospel

35. ኢየሱስ ገና እዚ ኺዛረብ ከሎ፥ ካብቲ ገዛ መራሕ ቤት ጸሎት ኣይሁድ ገለ ሰባት መጺኦም፥ “ጓልካ ሞይታ እያ፥ ደጊምከ ስለምንታይ ንመምህር ተድክሞ፧” በልዎ። 36. ኢየስሱ ከኣ ነቲ ዝተዛረብዎ ሰሚዑ ነቲ መራሕ ቤት ጸሎት ኣይሁድ “ኣይትፍራህ፥ እመን ደኣ” በሎ። 37. ብዘይካ ጴጥሮስን ያዕቆብን ኃው ያዕቆብ ዮሓንስን ሓደ እኳ ኺስዕቦ ኣይፈቐደን። 38. ናብ ገዛ እቲ መራሕ ቤት ጸሎት ኣይሁድ ምስ ኣተዉ ኸኣ ብዙኅ ጫውጫው ዚብሉን ዚበኽዩን ዋይዋይ ዚብሉን ረኣየ። 39. ንሱ ኸኣ ኣትዩ “ስለምንታይ ትበኽዩን ጫውጫው ትብሉን፧ እዛ ቘልዓ ደቂሳ እያ ዘላ እምበር ኣይሞተትን” በሎም። 40. ንሳቶም ከኣ ሰሓቕዎ፥ ንሱ ግና ንዅሎም ኣውፂኡ ነቦ እታ ቘልዓን ነዲኣን ነቶም ምስኡ ዝነበሩን ኂዙ ናብቲ እታ ቘልዓ ዝነበረቶ ኣተወ። 41. ኢድ እታ ቘልዓ ኂዙ ኸኣ “ታሊታ ቁሚ” በላ። ትርጓሜኡ “ኣቲ ጓል፥ ተንሥኢ እብለኪ ኣሎኹ” ማለት እዩ። 42. እታ ጓል ድማ ብቕጽበት ተንሢኣ ተዛወረት፤ ዕድሚኣ ድማ ዓሠርተው ክልተ ዓመት ነበረ። ሽዑ ኣዝዮም ተገረሙ። 43. ንሱ ኸኣ፥ ነዚ ሓደ እኳ ከይፈልጦ ብጽኑዕ ኣዘዞም፤ ዚብላዕ ኪህብዋ ድማ ነገሮም። እትሰምዕ እዝኒ ዘላቶ ይስማዕ!

ቅዳሴ Liturgy :

መዝሙረ ዳዊት Psalm

ዎ ኣምላኽ፣ ምሐረኒ፣ ነፍሰይ ኣባኻ ተዕቊብ ኣላ እሞ፣ ምሐረኒ፣ እቲ መዓት ክሳዕ ዚሐልፍ፣ ኣብ ጽላል ኣኽናፍካ ተጸጊዔ እኔኹ።

ወንጌል Gospel

18. ትንሣኤ ሙታን የልቦን ዚብሉ ሰዱቃውያን ከኣ ናብኡ መጹ፥ 19. “መምህር፥ ሙሴ ‘ሓደ ሰብ ውሉድ ከይወለደ ሰበይቱ ኃዲጉ እንተ ሞተ፥ ነታ ሰበይቱ እቲ ኃዉ ይውረሳ እሞ ንኃዉ ዘርኢ የቑመሉ’ ኢሉ ጽሒፉልና ኣሎ። 20. ሾብዓተ ኣኅዋት ነበሩ። እቲ ቐዳማይ ሰበይቲ ኣእተወ፥ ውሉድ ከይኃደገ ኸኣ ሞተ። 21. እቲ ኻልኣይ ድማ ወረሳ፥ ኃድጊ ኸይኃደገውን ሞተ፥ እቲ ሣልሳይ ከኣ ኸምኡ። 22. ሾብዓቲኦም ከኣ ኃድጊ ኣይኃደጉን፥ ድኅሪ ዅሎም ድማ እታ ሰበይቲ ሞተት። 23. ሾብዓቲኦም ኣእትዮምዋ ነይሮም እዮም እሞ፥ ብትንሣኤ፥ ምዉታት ምስ ተንሥኡ፥ ሰበይቲ መኖም ክትከውን እያ፧” እናበሉውን ሓተትዎ። 24. ኢየሱሰ ከኣ “መጽሓፍቲ ኾነ ኃይሊ ኣምላኽ ሰኣን ምፍላጥኩምዶ ኣይኮነን ትጋገዩ ዘሎኹም፧ 25. ካብ ምዉታት ምስ ተንሥኡስ ከምቶም ኣብ ሰማያት ዘለዉ መላእኽቲ ኣምላኽ እዮም እምበር፥ ኣይምርዓውን ኣየመረዓዕውን እዮም። 26. ምውታት ከም ዚትንሥኡኸ ኣብቲ ብዝዕባ ቘጥቋጥ ዚዛረብ መጽሓፍ ሙሴ፥ “ኣነ ኣምላኽ ኣብርሃምን ኣምላኽ ይስሃቕን ኣምላኽ ያዕቆብን እየ” ኢሉ ኸም ዝተዛረቦዶ ኣየንበብኩምን ኢኹም፧ 27. እምበኣር ንሱ ኣምላኽ ሕያዋን እዩ እምበር ኣምላኽ ምዉታት ኣይኮነን፥ ንስኻትኩም ግና ኣዚኹም ትጋገዩ ኣሎኹም” ኢሉ መለሰሎም። እትሰምዕ እዝኒ ዘላቶ ይስማዕ!

መዝሙረ ዳዊት Psalm

ዎ እግዚኣብሄር፣ ካብ ዓሚቚ ናባኻ ኣእዌኹ። ጐይታየ፣ ድምጸይ ስማዕ፣ ኣእዛንካ ናብ ድምጺ ምህለላይ የቕልባ።
 

ወንጌል Gospel

12. እምበኣር ሕግን ነብያትን እዚ እዩ እሞ ከምቲ ሰባት ኪገብሩልኩም እትደልይዎ ዅሉ ንስኻትኩምውን ከምኡ ግበሩሎም። 13. “በታ ጸባብ ኣፍ ደገ እተው፥ እታ ናብ ጥፍኣት እትወስድ ኣፍ ደገ ርሕብቲ፥ መገዳውን ገፊሕ እዩ፥ እቶም ብእኣ ዚኣትዉ ድማ ብዙኃት እዮም። 14. እታ ናብ ሕይወት እትወስድ ኣፍ ደገ ግና ጸባብ እያ፥ መገዳውን ቀጢን እዩ፥ እቶም ዚረኽብዋ ኸኣ ውሑዳት እዮም።” 15. “ብዉሽጦም ዚምንጥሉ ተዃሉ እዮም እሞ፥ ኣባጊዕ ተመሲሎም ካብ ዚመጹኹም ሓሰውቲ ነብያት ተጠንቀቑ። 16. ብፍሪኦም ክትፈልጥዎም ኢኹም፥ ካብ እሾዅዶ ፍረ ወይኒ ወይስ ካብ ተዀርባ በለስ ይቕንጠብ እዩ፧ 17. ከምኡ ድማ እቲ ጽቡቕ ኦም ጽቡቕ ፍረ ይፈሪ፥ እቲ ሕማቕ ኦም ከኣ ሕማቕ ፍረ ይፈሪ። 18. ጽቡቕ ኦም ሕማቕ ፍረ ኺፈሪ፥ ሕማቕ ኦም ድማ ጽቡቕ ፍረ ኺፈሪ ኣይክእልን እዩ። 19. ጽቡቕ ፍረ ዘይፈሪ ዅሉ ኦም ይቚረጽ፥ ናብ ሓዊ ድማ ይድርበ። 20. እምበርከስ ብፍሪኦም ኽትፈልጥዎም ኢኹም። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

26. እምኸ ደኣ ኣኅዋተየ፥ እንታይ ይኃይሽ፧ ክትእከቡ ኸሎኹም፥ ሓደ ውህበት መዝሙር ኣለዎ፥ ሓደ ናይ ምምሃር ውህበት ኣለዎ፥ ሓደ ራእይ ኣለዎ፥ ሓደ ብቛንቋታት ናይ ምዝራብ ውህበት ኣለዎ፥ ሓደ ናይ ምትርጓም ውህበት ኣለዎ፥ ኵሉ ንምሕናጽ ይገበር። 27. ብቛንቋታት ዚዛረቡ እንተለው፥ ክልተ እንተ በዝኁ ኸኣ ሠለስተ ይዛረቡ እሞ በብተራ ይዛረቡ፥ ሓደ ድማ ይተርጒሞ። 28. ተርጓሚ እንተ ዘየልቦ ግና እቲ ብቛንቋታት ዚዛረብ ኣብታ ቤተ ክርስቲያን ስቕ ይበል፥ ንርእሱን ንኣምላኽን ግና ይዛረብ ደኣ። 29. ነብያት ክልተ ወይስ ሠለስተ ኾይኖም ይዛረቡ፥ እቶም ካልኦት ድማ ይመርምሩ። 30. ካብቶም ተቐሚጦም ዘለዉ ንሓደ ራእይ እንተ ተገልጸሉ ግና እቲ ቐዳማይ ስቕ ይበል። 31. ኲላቶም ምእንቲ ኺምሃሩ፥ ኲላቶምውን ምእንቲ ኺተባብዑስ፥ ኲላትኩም በብሓደ ኽትንበዩ ትኽእሉ ኢኹም። 32. እቶም መናፍስቲ ነብያት ነቶም ነብያት ይግዝእዎም እዮም። 33. ከመይ ኣምላኽ ናይ ሰላም እምበር፥ ናይ ዝርግርግ ኣምላኽ ኣይኮነን። ከምቲ ኣብ ኲለን ኣብያተ ክርስቲያን ኣመንቲ ዚግበር ዘሎ፥

ዘካልእ መልእክት Universal Epistle

1. - 2. ኣቱም ፍቁራተይ! እዛ ሕጂ ዝጽሕፈልኩም ዘሎኹ ኻልኣይቲ መልእኽተይ እያ። ብኽልቲአን፥ እቲ ቐደም ብቕዱሳን ነቢያት ዝተነገረ ቃልን፥ ብሓዋርያትኩም ዝረኸብኩምዎ ናይ ጐይታናን መድኃኒናን ትእዛዝን እናኣዘኻኸርኩ፥ ቅኑዕ ሓሳባት ኪህልወኩም እየ ዝጽዕር ዘሎኹ።3. ኣብተን ዳኅሮት መዓልትታት ብኽፉእ ፍትወት ሥጋኦም ዚመላለሱን ዜላግጹ መላገጽትን ከም ዚመጹ፥ ቕድሚ ዅሉ እዚ ፍለጡ።4. ንሳቶም “ተስፋ ምጽኣቱ ደኣ ኣበይ ኣሎ፧ ካብታ ኣቦታትና ዝሞትላ መዓልቲ ካብ መጀመርታ ፍጥረት ኂዙ ዅሉ ከምቲ ዝነበሮ እዩ ዘሎ” ኪብሉ እዮም።5. ሰማያት ካብ ጥንቲ ብቃል ኣምላኽ ከም ዝነበረ፥ ምድሪውን ካብ ማይን ብማይን ከም ዝተፈጥረት፥ ኮነ ኢሎም ይርስዕዎ።6. እታ ሽዑ ዝነበረት ዓለምውን ብማይ ተደፊና ጠፍአት።7. እቲ ሕጂ ዘሎ ሰማይትን ምድርን ግና ብቓሉ ንሓዊ ተዓቚሩ፥ እቶም ንእግዚኣብሔር ዘይፈርሁ ሰባት ተፈሪዶም ክሳዕ ዚጠፍኡ ይሕሎ ኣሎ።

ግብረ ሃዋርያት Acts

38. - 39. እምብኣርሲ ኣቱም ኣኅዋትና፥ እዚ ዚንገረኩም ዘሎ መልእኽቲ ‘ኅድገት ኃጢኣት ብኢየሱስ እዩ’ ዚብል ከም ዝኾነ ፍለጡ። እቲ ብሕጊ ሙሴ ኺጸድቕ ዘይተኻእሎ፥ ነፍስ ወከፍ ብኢየሱስ ዚኣምን ዘበለ ይጸድቕ። 40. - 41. ስለዚ እቲ ብነቢያት ‘ኣቱም መላገጽቲ ርኣዩ፥ ሓደ እኳ እንተ ነገረኩም ከቶ ዘይትኣምንዎ ግብሪ ብዘመንኩም ክገብር እየ እሞ ተገረሙን ጥፍኡን’ ዚብል ኣባኻትኩም ከይፍጸም ተጠንቀቑ።” 42. ጳውሎስን በርናባስን ካብቲ ቤት ጸሎት ኣይሁድ ኪወፁ ኸለው ኸኣ፥ በታ እትመጽእ ሰንበትውን ከም ብሓድሽ ነዚ ቓል እዚ ኪነግርዎም ለመንዎም። 43. እቲ ኣኼባ ምስ ተበተነ ኸኣ ካብ ኣይሁድን ካብቶም ንኣምላኽ ዚፈርሁ ናብ እምነት ኣይሁድ ዝኣተዉ ወገን ኣሕዛብን፥ ብዙኃት ንጳውሎስን ንበርናባስን ሰዓብዎም። ንሳቶም ከኣ ተዛረብዎም፤ ኣብ ጸጋ ኣምላኽ ጸኒዖም ኪነብሩ ድማ ኣተባብዕዎም።

ስንክሳር Synaxarium

ኤልሳዕ ነቢይ
ወአርጣል ሰማዕት
ወሚናስ ዘንስር

መዝሙር Psalm

ንዑ፣ ኣምላኽ ዝገበሮ ኸኣ ርአዩ፣ ግብርታቱ ንደቂ ሰብ ዜፍርህ እዩ። ንባሕሪ ንቑጽ ምድሪ ገይሩ ለወጦ፣ ንወሓዚ በእጋሮም ሰገርዎ።

ወንጌል Gospel

23. ኢየሱስ ድማ “‘ኣታ ሓኪም፥ ቅድም ንርእስኻ ፈውስ’ ዚብል ምስላ ኸም እትምስሉለይ ‘ከምቲ ኣብ ቅፍርናሆም ጌርካዮ ኺብሉ ዝሰማዕናዮ ኵሉ ኣብዚ ኣብ ገዛእ ዓድኻ ግበር’ ትብሉኒ ከም ዘሎኹም ርግጸኛ እየ” በሎም። 24. ኣስዒቡ ኸኣ “ነቢይ ኣብ ዓዱ ኸቶ ኸም ዘይከብር ብሓቂ እብለኩም ኣሎኹ። 25. ብዘመን ኤልያስ እቲ ሰማይ ሠለስተ ዓመትን ሽዱሽተ ወርኅን ዝተዓጽወሉ፥ ኣብ ኵላ እታ ምድሪ ኸኣ ብርቱዕ ጥሜት ዝኾነሉ ወርኃት፥ ኣብ እስራኤል ብዙኃት መበለታት ከም ዝነበራ ብሓቂ እብለኩም ኣለኹ። 26. እንተኾነ ኤልያስ ናብታ ሓንቲ መበለት ሰበይቲ ኣብ ሰራጵታ ናይ ሲዶና እትርከብ ደኣ እምበር ካብኣተን ናብ ሓንቲ እኳ ኣይተላእከን። 27. ብዘመን ነቢይ ኤልሳዕውን ኣብ እስራኤል ብዙኃት ለምጻማት ነይሮም፥ እንተኾነ ብዘይካ ንእማን ሶርያዊ ኻብኣቶምሲ ሓደ እኳ ኣይነጽሐን” በሎም። 28. እቶም ኣብታ ቤት ጸሎት ኣይሁድ ዝነበሩ ዅሎም ነዚ ምስ ሰምዑ ኣዝዮም ተቖጥዑ። 29. ሽዑ ተንሢኦም ካብ ዓዲ ናብ ወፃኢ ኣውፅእዎ። ኬጽድፍዎ ኸኣ ናብ ገምገም እታ ዓዶም ተሠሪሓትሉ ዝነበረት ኩርባ ወሰድዎ። 30. ንሱ ግና ብማእከሎም ኃሊፉ ኸደ። 31. ድኅርዚ ናብ ቅፍርናሆም ከተማ ገሊላ ወረደ፥ ብሰንበትውን ይምህሮም ነበረ። 32. ቃሉ ብሥልጣን ስለ ዝነበረ ድማ ብትምህርቱ ተገረሙ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ነታ ዘፍቀራ ኸረን ጽዮን ግና ሐረያ። ንቤት መቕደሱ ኸም ኵርባታት፣ ከምታ ንዘለአለም ዝሰረታ ምድሪ ገይሩ፣ ሀነጻ።
 

ወንጌል Gospel

1. ኢየሱስ ኵሉ ዘረባኡ ነቶም ሕዝቢ ኣስሚዑ ምስ ወድአ ናብ ቅፍርናሆም ኣተወ። 2. ኣብኡ ኸኣ ሓሚሙ ንሞት ዝቐረበ ዚፈትዎ ጊልያ ዝነበሮ ሓደ ሓለቓ ሚእቲ ነበረ። 3. ብዛዕባ ኢየሱስ ምስ ሰምዐ፥ መጺኡ ንጊልያኡ ኬሕውየሉ ሽማግለታት ኣይሁድ ናብኡ ልኢኹ ለመኖ። 4. - 5. ንሳቶም ድማ ናብ ኢየሱስ መጺኦም “ንሱ ንሕዝብና ይፈቱ፥ ቤት ጸሎትና ዝሠርሓልና ኸኣ ንሱ እዩ እሞ እዚ ኽትገብረሉ ይግብኦ እዩ” ኢሎም ኣጽኒዖም ለመንዎ። 6. ኢየሱስ ከኣ ምስኣቶም ከደ፥ ናብ ቤቱ ምስ ቀረበ ድማ እቲ ሓለቓ ሚእቲ ኣዕሩኹ ልኢኹ ከምዚ በሎ፦ “ጐይታይ፥ ናብ ቤተይ ክትኣቱ ኣይብቑዕን እየ እሞ ኣይትድከም። 7. ስለዚ ድማ እየ ናባኻ ንምምጻእ ንርእሰይ ብቑዕ ገይረ ዘይቈጸርኩ። ግናኸ ሓንቲ ቓል ተዛረብ ጊልያይ ከኣ ኺሐዊ እዩ። 8. ኣነ ኣብ ትሕቲ ሰበ ሥልጣን ዘገልግል፥ ኣብ ትሕተይውን ጭፍራ ዘለውኒ ሰብ እየ። ነዚ ‘ኪድ’ እብሎ፥ ንሱ ኸኣ ይኸይድ፥ ነቲ ድማ ‘ንዓ’ እብሎ፥ ንሱ ኸኣ ይመጽእ፥ ንጊልያይውን ‘እዚ ግበር’ እብሎ፥ ንሱ ኸኣ ይገብር።” 9. ኢየሱስ ነዚ ምስ ሰምዐ ተገረመ፥ ናብቶም ዚስዕብዎ ዝነበሩ ግልጽ ኢሉ ኸኣ “ከምዚ ዝበለ እምነት ኣብ እስራኤል እኳ ኣይረኸብኩን፥ እብለኩም ኣሎኹ” በሎም። 10. እቶም ልኡኻት ናብ ቤት ምስ ተመልሱ ድማ ነቲ ጊልያ ሓውዩ ረኸብዎ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።