መዝሙረ ዳዊት Psalm

ተአኪቦም የድብዩለይ፣ ነፍሰይ ይደልዩ እዮም እሞ፣ ስጉምተይ ይስልዩ ኣለዉ።

ወንጌል Gospel

1. ፋሲካ ዚብሃል በዓል ቅጫ ድማ ቐረበ። 2. ሊቃነ ካህናትን መምህራን ሕግን ንኢየሱስ ኪቐትልዎ ይባልሓቱ ነበሩ። እንተኾነ ነቶም ሕዝቢ ይፈርሁ ነበሩ። 3. ሽዑ ሰይጣን ናብቲ ኣስቆሮታዊ ዚብሃል ይሁዳ ኣተወ። ንሱ ሓደ ኻብቶም ዓሠርተው ክልተ ነበረ። 4. ከይዱ ኸኣ፥ ከመይ ገይሩ ኸም ዜትኅዞ፥ ምስቶም ሊቃነ ካህናትን ኣሕሉቕ ሓለውቲ ቤት መቕደስን ተዘራረበ። 5. ንሳቶም ተሓጐሱ፥ ገንዘብ ኺህብዎ ኸኣ ተወዓዓልዎ። 6. ይሁዳ ድማ ተሰማምዖም፥ ሕዝቢ ኣብ ዘይብሉ ኼትኅዞ ኸኣ፥ ምሹእ ጊዜ ይደሊ ነበረ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

1. ኣብ ኣሕዛብ እኳ ተገይሩ ዘይፈልጥ ነውራም ምንዝርና ኣብ ማእከልኩም ከም ዘሎ፥ ማለት ሓደ ኻባኻትኩም ሰበይቲ ኣቦኡ ከም ዘእተወ፥ ይውረየኩም ኣሎ። 2. ክትጒህዩ ዚግብኣኩም ከሎኹም ገና ብትዕቢት ተነፊሕኩም ኣሎኹም። ነቲ ኸምዚ ዚኣመሰለ ርኹስ ግብሪ ዝገበረ ግዳ ካብ ማእከልኩም ዘይተርሕቕዎ፧ 3. - 4. ሽሕ እኳ ብሥጋይ ርሑቕ እንተ ኾንኩ፥ ብመንፈሰይ ምሳኻትኩም ኣሎኹ። ምሳኻትኩም ከም ዘሎኹ ኾይነ ኸኣ፥ ነቲ ኸምዚ ዝኣመሰለ ርኽሰት ዝፈጸመ ሰብ ብስም ጐይታ ኢየሱስ ድሮ ፈሪደዮ ኣሎኹ። ንስኻትኩም፥ ኣነ ኸኣ ብመንፈስ፥ ኃይሊ ጐይታ ኢየሱስ ኣብ ዘለዎ ምስ ተኣከብኩም፥ 5. ብመዓልቲ ጐይታ መንፈሱ ምእንቲ ኪድኅን፥ ብሥግኡ ኪቕጻዕ፥ ነዚ ከምዚ ዘኣመሰለ ሰብ ንሰይጣን ኣኅሊፍኩም ሃብዎ። 6. ጃህራኹም ጽቡቕ ኣይኮነን። ቊሩብ መባዂዕቲ ንብዘሎ እቲ ብሑቕ ከም ዜብኲዖዶ ኣይትፈልጡን ኢኹም፧ 7. ከምቲ ሕጂ ዘሎኹምዎ ዘይበዂዐ ሓድሽ ብሑቕ ምእንቲ ኽትኮኑ፥ ነቲ ኣረጊት መባዂዕቲ ኣጽሪኹም ደርብይዎ። ከመይ ገንሸል ፋሲካና ክርስቶስ ተሠዊዑ አዩ። 8. ስለዚ በቲ ኣረጊት መባዂዕቲ ወይ ብመባዂዕቲ እከይን ሕሰምን ዘይኮነ፥ ብዘይበዂዐ እንጌራ፥ ማለት ብቕንዕናን ብሓቅን በዓልና ነኽብር።

ዘካልእ መልእክት Universal Epistle

7. ደቀየ! ሓደ እኳ ኣየስሕትኩም። ከምቲ ክርስቶስ ጻድቕ ዝኾነ፥ እቲ ጽድቂ ዚገብር ከኣ ጻድቕ እዩ። 8. ካብ መጀመርታ ኂዙ ዚኃጥእ ዘሎ ዲያብሎስ እዩ እሞ፥ ኃጢኣት ዚገብር ካብ ዲያብሎስ እዩ። ወዲ ኣምላኽ ከኣ ግብሪ ዲያብሎስ ምእንቲ ኼፍርስ ኢሉ እዩ ዝተገልጸ። 9. ካብ ኣምላኽ ዝተወልደ ዘበለ፥ ባህርይ ኣምላኽ ኣብኡ ስለ ዘሎ፥ ኃጢኣት ኣይገብርን እዩ። ካብ ኣምላኽ ስለ ዝተወልደውን ኃጢኣት ኪገብር ኣይክእልን እዩ። 10. ጽድቂ ዘይገብርን፥ ንኃዉ ዘየፍቅርን ካብ ኣምላኽ ኣይኮነን። ደቂ ኣምላኽን ደቂ ዲያብሎስን በዚ እዮም ዚፍለጡ። 11. እታ ካብ መጀመርታ ዝሰማዕኩምዋ፥ “ንሓድሕድና ንፋቐር” እትብል መልእኽቲ እያ። 12. ከምቲ ኻብ እኩይ ዝነበረ ንኃዉ ኸኣ ዝቐተለ ቃየል ኣይንኹን። ስለ ምንታይከ እዩ ዝቐተሎ፧ ግብሩ እኩይ፥ ግብሪ ኃዉ ግና ሠናይ ስለ ዝነበረ እዩ።

ግብረ ሃዋርያት Acts

16. ጳውሎስ ድማ ኣብ ኣቴና ኪጽበዮም ከሎ፥ እታ ኸተማ ጣዖታት መሊኣ ምስ ረኣያ ብቚጥዓ ነደደ። 17. ስለዚ ኣብ ቤት ጸሎት ምስ ኣይሁድን ምስቶም ንኣምላኽ ዚፈርሁን ኵሉ መዓልቲ ኣብ ዕዳጋ ምስ ዝረኸቦምን ይዘራረብ ነበረ። 18. ገሊኦም ካብ ኤፊቆሮስን እስጦኢኮን ዝኾኑ ፈላስፋታት ከኣ ምስኡ ይካትዑ ነበሩ፤ ገሊኦም ድማ “እዚ ዓጃው እንታይ ኮን ኪብል ደልዩ እዩ፧” በሉ። ገሊኦም ድማ፥ ጳውሎስ ብናይ ኢየሱስን ትንሣኤ ሙታንን ስለ ዝሰበኸሎም፥ “ብዛዕባ ሓደስቲ ኣማልኽቲ ዚምህር ዘሎ እባ ደኣ ይመስል” በሉ። 19. ስለዚ ንጳውሎስ ናብቲ ኣርዮስፋጎስ ዝተባህለ መጋባእያ ወሲዶም ከምዚ በልዎ፡ - “እዚ ንስኻ እትዛረቦ ዘሎኻ ሓድሽ ትምህርትስ እንታይ ምዃኑ ክንፈልጦዶ ንኽእል ኢና፧ 20. ሓድሽ ነገር ኣብ እዝንና ተስምዓና ኣሎኻ እሞ እዚ ነገር እዚ እንታይ ምዃኑ ክንፈልጥ ንደሊ ኣሎና።” 21. ኵሎም ሰብ ኣቴናን ኣብኣ ዚነብሩ ጓኖትን ድማ ንሓድሽ ነገር ምዝራብን ምስማዕን እንተ ዘይኮይኑ ንኻልእሲ ጊዜ ኣይነበሮምን። 22. ሽዑ ጳውሎስ ኣብቲ ማእከል ኣርዮስፋጎስ ደው ኢሉ ከምዚ በለ፡ - “ኣቱም ሰብ ኣቴና፥ ብዅሉ ነገርኩም ብሃይማኖት ከም እትግደሱ እርኢ ኣሎኹ። 23. እናዞርኩ እቲ እተምልኽዎ ጣዖታትኩም ክርኢ ኸሎኹ፥ ‘ንዘይተፈልጠ ኣምላኽ’ ዚብል ዝተጻሕፎ መሠውዒ ረኸብኩ፤ እምበኣርሲ ብዛዕባ እዚ ከይፈለጥኩም እተምልኽዎ ዘሎኹም ኣምላኽ ኣበሥረኩም ኣሎኹ።

ስንክሳር Synaxarium

ቅዱስ ዮሐንስ ወልደ ፀራቢ
ወቅዱሳን ሰቢብጥራስ ወአባ ሰርቦ ወድራይስ ወስይላ

መዝሙር Psalm

ግናኸ ኣነ ዅሉ ጊዜ ምሳኻ እየ፣ ንስኻ ብየማነይቲ ኢደይ ሒዝካኒ፣ ብምኽርኻ ኽትመርሓኒ፣ ድሓርውን ናብ ክብሪ ኽትቅበለኒ ኢኻ።

ወንጌል Gospel

5. ኢየሱስ ከኣ ኸምዚ ኺብሎም ጀመረ፡ - “ሓደ እኳ ከየስሕተኩም ተጠንቀቑ። 6. ብዙኃት ‘ኣነ ክርስቶስ እየ’ እናበሉ ብስመይ ኪመጹ እዮም፥ ንቡዙኃት ከኣ ኼስሕቱ እዮም። 7. ውግእን ወረ ውግእን ምስ ሰማዕኩም ኣይትሸበሩ፤ እዚ ኪኸውን ብግዲ እዩ፤ እንተኾነ መወዳእታ ገና እዩ። 8. ሕዝቢ ኣብ ልዕሊ ሕዝቢ፥ መንግሥቲውን ኣብ ልዕሊ መንግሥቲ፥ ኪለዓል እዩ፤ በብቦታኡ ምንቅጥቃጥ ምድርን ጥሜትን ኪኸውን እዩ፤ እዚ ነገራት እዚ መጀመርታ ቕልውላው እዩ። 9. “ንኣኣቶም ምስክር ምእንቲ ኪኸውን ብኣይ ምኽንያት ንፍርዲ ኣኅሊፎም ኪህቡኹም፥ ኣብ ኣብያተ ጸሎቶምውን ኪገርፉኹም፥ ኣብ ቅድሚ መኳንንትን ነገሥታትን ከኣ ደው ኬብሉኹም እዮም እሞ ንርእስኹም ተጠንቀቑ። 10. ቕድም ግና ንዅሎም ኣሕዛብ ወንጌል ኪስበኽ ግድን እዩ። 11. መንፈስ ቅዱስ እዩ እምበር ንስኻትኩም ኣይኮንኩምን እትዛረቡ፤ ስለዚ ኣኅሊፎም ኪህብኹም ምስ ወሰደኹም፥ እቲ በታ ሰዓት እቲኣ ዚወሃበኩም ደኣ ተዛረቡ እምበር፥ እንታይ ኢልኩም ከም እትዛረቡ ኣቐዲምኩም ኣይትጨነቑ። 12. ኃው ንኃው፥ ወላዲ ንውሉዱ፥ ኣኅሊፉ ንሞት ኪህብ እዩ፥ ውሉድውን ኣብ ልዕሊ ወለዶም ተንሢኦም ኪቐትልዎም እዮም። 13. ምእንቲ ስመይ ከኣ ኵሉ ኪጸልኣኩም እዩ፤ እቲ ኽሳዕ መወድእታ ዚዕገስ ግና ንሱ ኺድኅን እዩ። እትሰምዕ እዝኒ ዘላቶ ይስማዕ!

ቅዳሴ Liturgy :

መዝሙረ ዳዊት Psalm

ዎ ኣምላኽ፣ ንጸሎተይ ጽን በል፣ ካብ ምህለላይውን ኣይትተሐባእ። ኣድህበለይን ምለሰለይን።

ወንጌል Gospel

26. ኪበልዑ ኸለዉ ኢየሱስ እንጌራ ኣልዓለ፥ ኣመስጊኑ፥ ቘሪሱ፥ ነቶም ደቀ መዛሙርቱ “እዚ ስጋይ እዩ፥ እንኩ ብልዑ” እናበለ ሃቦም። 27. - 28. ጽዋእ ኣልዒሉ ድማ ኣመስጊኑ፥ “እዚ ምእንቲ ብዙኃት ንኅድገት ኃጢኣት ዚፈስስ ዘሎ ናይ ሓድሽ ኪዳን ደመይ እዩ እሞ ኻብዚ ዅልኹም ስተዩ” እናበለ ሃቦም። 29. “ድሕሪ ሕጂ ክሳዕ እታ መዓልቲ እቲኣ ኣብታ መንግሥቲ ኣቦይ ምሳኻትኩም ኣሓዲሰ ክሳዕ ዝሰትዮ ኻብዚ ፍረ ወይኒ እዚ ከቶ ከም ዘይሰቲ እብለኩም ኣሎኹ” ድማ በሎም። 30. መዝሙር ምስጋና ምስ ዘመሩ ኸኣ ናብ ደብረ ዘይቲ ደየቡ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መዝሙረ ዳዊት Psalm

ካብ ጸልማትን ድነ ሞትን ኣውጽኦም፣ መቐውሖም ከኣ ሰባበረ። መዓጹ ኣስራዚ ሰቢሩ፣ መሸጐር ሓጺን ሰባቢሩ እዩ እሞ፣ ንእግዚኣብሄር ስለ ሳህሉን፣ ስለቲ ንደቂ ሰብ ዝገበሮ ተኣምራቱን የመስግንዎ።

ወንጌል Gospel

33. በታ ሰዓት እቲኣ ተላዒሎም ናብ ኢየሩሳሌም ተመልሱ፤ ነቶም ዓሠርተው ሓደን ነቶም ምስኣቶም ዝነበሩን ድማ ተኣኪቦም ረኸብዎም። 34. “ጐይታ ብሓቂ ተንሢኡ እዩ፥ ንስምዖን እኳ ተራእይዎ” ኪብሉ ኸኣ ጸንሕዎም። 35. እቶም ክልተ ድማ እቲ ኣብ መገዲ ዝኾነን፥ እንጌራ ምስ ቈረሰ ኸኣ ከመይ ኢሎም ከም ዘለለይዎን ነገርዎም። 36. እዚ ኪዘራረቡ ኸለዉ ኸኣ ኢየሱስ ባዕሉ ኣብ ማእከሎም ደው ኢሉ “ሰላም ንኣኻትኩም ይኹን” በሎም። 37. ንሳቶም ድማ መንፈስ ዝረኣዩ መሲልዎም ሰምበዱ። 38. ኢየሱስ ከኣ ኸምዚ በሎም፦ “እንታይ ኴንኩም ኢኹም እትስምብዱ፧ ከምዚ ዝበለ ሓሳብከ ስለምንታይ ኣብ ልብኹም ይለዓል፧ 39. ኣነ ባዕለይ ምዃነይ ኣእዳወይን ኣእጋረይን ርኣዩ፤ ኸምዚ ኣባይ እትርእይዎ ዘሎኹም መንፈስሲ ሥጋን ዓጽምን የብሉን እሞ፥ ኣረምሲስኩም ርኣዩኒ” በሎም። 40. እዚ ኢሉ ኣእዳዉን ኣእጋሩን ኣርኣዮም። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

12. ነቲ ግደ ርስቲ ቕዱሳን ዝኾነ መንግሥቲ ብርሃን ዘብቅዓና ኣቦ ብሓጐስ ከተመስግኑ ንጽሊ ኣሎና። 13. ንሱ ካብ ሥልጣን ጸልማት ኣውፅኣና፥ ናብታ መንግሥቲ ፍቁር ወዱውን ኣእተወና። 14. ኣብኡ ድኅነት፥ ማለት ኅድገት ኃጢኣት፥ ኣሎና። 15. ክርስቶስ ናይቲ ዘይርአ ኣምላኽ ምስልን፥ ልዕሊ ዅሉ ፍጥረት ዝኾነ በዂሪ ወዱ ንእግዚኣብሔርን እዩ። 16. ከመይ ኣብ ሰማያትን ኣብ ምድርን ዘሎ ዅሉ፥ ዚርአን ዘይርአን፥ መናብርት ይኹኑ ጒይትነት፥ ሊቃናት ይኹኑ ሥልጣናት ኵሎም ብእኡ ዝተፈጥሩ እዮም። ኵሉ ብእኡን ንእኡን እዩ ዝተፈጥረ። 17. ንሱ ኸኣ ቅድሚ ዅሉ ፍጥረት ዝነበረ እዩ፥ ዅሉውን ብእኡ ቖይሙ ኣሎ። 18. ንሱ ናይታ ሰብነቱ ዝኾነት ቤተ ክርስቲያን ርእሲ እዩ፥ ብዅሉ ነገር ቀዳማይ ምእንቲ ኪኸውንሲ ንሱ መጀመርታ እዩ፥ ካብ ምውታት ብምትንሣእውን በዂሪ እዩ። 19. ኣምላኽ ብመለኮቱ ብምልኣት ኣብኡ ኪኃድር ፈተወ፥ 20. ኣምላኽ በቲ ወዱ ኣብ መስቀሉ ዘፍሰሶ ደም ገይሩ ሰላም ገበረ፥ ነቲ ኣብ ምድሪ ዘሎን ኣብ ሰማያት ዘሎን ዘበለ ዅሉ ኸኣ ምስ ገዛእ ርእሱ ዓረቖ። 21. ንስኻትኩም ቀደም ካብ ኣምላኽ ዝረሓቕኩም፥ ብሓሳብኩምን ብኽፋእ ግብርኹምን ጸላእቱ ነበርኩም። 22. ንሱ ግና ኣበርን ነቐፋን ዘይብሎም ቅዱሳን ገይሩ ኣብ ቅድሚኡ ምእንቲ ኬቑመኩም ብሞት ሥጋዊ ሰብነት ወዱ ገይሩ ዓረቐኩም። 23. እዚ ግና ተሠሪትኩምን ደልዲልኩምን፥ ካብቲ ብወንጌል ዝረኸብኩምዎ ተስፋ ከይተነቓነቕኩም ኣብ እምነትኩም እንተ ጸናዕኩም እዩ። እዚ ኸኣ እቲ ንስኻትኩም ዝሰማዕኩምዎ፥ ኣነ ጳውሎስ ዘገልጋሊኡ ኣብ ትሕቲ ሰማይ ንዘሎ ፍጡር ዅሉ ዝተሰብከ ወንጌል እዩ።

ዘካልእ መልእክት Universal Epistle

15. ንክርስቶስ ብልብኹም ከም ጐይታ ቐድስዎ። ብዛዕባ እታ ኣባኻትኩም ዘላ ተስፋ ንዚሓትኩም ዘበለ ምላሽ ምሃብ ምእንቲ ኽትክእሉ ዅሉ ሳዕ ድልዋት ኩኑ። ግናኸ ብለውሃትን ብኽብርን ግበርዎ። 16. እቶም ነቲ ብክርስቶስ ዘሎኩም ሠናይ ኣካይዳኹም ዚጸርፋ፥ በቲ ዚጸርፍዎ ምእንቲ ኪኃፍሩ፥ ንጹሕ ሕሊና ይሃሉኹም። 17. ከመይ፥ ኣምላኽ እንተ ደኣ ፈቒድዎስ፥ ካብ ክፉእ እናገበርካስ ሠናይ እናገበርካ ሓሳረ መከራ ኽትጸግብ ይኃይሽ። 18. ክርስቶስ ሓንሳእ ንሓዋሩ ምእንቲ ኃጢኣት ሞተ። ናብ ኣምላኽ ምእንቲ ኼቕርበና ጻድቕ ከሎ ምእንቲ እቶም ኃጥኣን ሞተ። ብሥጋ ሞተ፥ ብመንፈስ ግና ሕያው ኮነ። 19. በዚ መንፈስ እዚውን ከይዱ ነቶም ኣብ ቤት ማእሰርቲ ዝነበሩ ነፍሳት ድኅነት ሰበኸሎም። 20. እዚኣቶም እቶም ቀደም ብዘመን ኖኅ እታ መርከብ ክትሥራሕ ከላ፥ እግዚኣብሔር ብትዕግሥቲ እናተጸበዮም ከሎ፥ ምእዛዝ ዝኣበይዎ እዮም። ኣብታ መርከብ ሒደት፥ ማለት ሸሞንተ ነፍሲ፥ ብማይ ደኃና። 21. ማይ ናይቲ ሕጂ ዜድኅነኩም ጥምቀት ምልክት እዩ፥ ጥምቀት ኸኣ እቲ ብትንሣኤ ኢየሱስ ክርስቶስ ብንጹሕ ሕሊና ናብ ኣምላኽ ዚቐርብ ጸሎት እዩ እምበር፥ ናይ ሰብነት ርስሓት ዚሓጽብ ኣይኮነን። 22. ንሱ ናብ ሰማይ ዓሪጉ ኣብ የማን ኣምላኽ ኣሎ፥ መላእኽትን ሥልጣናትን ኃይልታትን ይግዝእዎ ኣለዉ።

ግብረ ሃዋርያት Acts

26. ሽዑ እቲ ሓለቓ ሓለውቲ ቤት መቕደስ ምስቶም ገላዉ ኸይዱ ኣምጽኦም። እቲ ሕዝቢ ብዳርባ እምኒ ኸይቀትሎም ስለ ዝፈርሁ ግና ኣየጋፍዕዎምን። 27. ምስ ኣምጽእዎም፥ ኣብቲ መጋባእያ ደው ኣበልዎም እቲ ሊቀ ካህናት ከኣ፥ 28. “ብስም እዚ ሰብ እዚ ከይትምህሩዶ ኣጽኒዕና ኣይከልከልናኩምን፧ እንሆ ኸኣ ንኢየሩሳሌም ብትምህርትኹም መላእኩምዋ። ነዚ ሰብኣይ እዚ ንሕና ከም ዝቐተልናዮ ጌርኩም ከተርእዩ ዲኹም ትደልዩ ዘሎኹም፧” ኢሉ ሓተቶም። 29. ጴጥሮስን ሓዋርያትን ግና ከምዚ ኢሎም መለሱሎም፡ - “ካብ ንሰብሲ ንኣምላኽ ምእዛዝ እዩ ዚግባእ። 30. ነቲ ንስኻትኩም ኣብ ዕንጨይቲ ሰቒልኩም ዝቐተልኩምዎ ኢየሱስ፥ ኣምላኽ ኣቦታትና ኣተንሥኦ። 31. ንእስራኤል ንስሓን ኅድገት ኃጢኣትን ምእንቲ ኺህቦምሲ ኣምላኽ ንእኡ መራሕን መድኃንን ገይሩ ናብ የማኑ ልዕል ኣበሎ። 32. ንሕና ናይዚ ነገር እዚ ምስክር ኢና፥ እቲ ኣምላኽ ነቶም ዚእዘዝዎ ዝሃቦም መንፈስ ቅዱስውን ምስክር እዩ።”

ስንክሳር Synaxarium

ፊቅጦር ወልደ ህርማኖስ
ወእሙ ማርታ
ሲኖዳ ወእስጢፋኖስ
ወተዝካረ ስቅለቱ ለእግዚእነ

መዝሙር Psalm

ስለ ምግፋዕ ጥቑዓትን ስለ ልቕሶ መሳኪንን ሕጂ ኽትንስእ፣ ነቲ ዚናፍቖውን ምድሓን ከምጽአሉ እየ፣ ይብል እግዚኣብሄር። ቃላት እግዚኣብሄር ጽሩይ ቃላት እዩ።

ወይ

መዝ 111 ፡ 8 - 9

ንህዝቡ በጃ ሰደደሎም፣ ኪዳኑ ንዘለአለም አዘዘ፣ ስሙ ቅዱስን ዜፍርህን እዩ።

ወንጌል Gospel

1. ድኅርዚ ኢየሱስ ንደቀ መዛሙርቱ ኣብ ጥቓ ባሕሪ ጥብርያዶስ ከም ብሓድሽ ተገልጸሎም። በዚ ከምዚውን ተራእዮም። 2. ስምዖን ጴጥሮስን ማንታ ዚብልዎ ቶማስን ናትናኤል በዓል ቃና ናይ ገሊላን ደቂ ዘብዴዎስን ክልተ ኻልኦት ከኣ ካብ ደቀ መዛሙርቱን ብሓንሳእ ነበሩ። 3. ስምዖን ጴጥሮስ ድማ “ኣነስ ዓሣ ኽገፍፍ ክኽይድ እየ” በሎም። ንሳቶም ከኣ “ንሕናውን ምሳኻ ንኸይድ” በልዎ። ወፂኦም ድማ ናብ ጃልባ ኣተዉ፥ በታ ለይቲ እቲኣ ሓደ እኳ ኣይኃዙን። 4. ምድሪ ምስ ወግሐ ኢየሱስ ኣብ ገምገም ባሕሪ ደው በለ። እቶም ደቀ መዛሙርቱ ግን ኢየሱስ ከም ዝኾነ ኣይፈለጡን። 5. ኢየሱስ “ደቀይ ገለ ዚብላዕዶ ኣሎኩም፧” በሎም። ንሳቶም ድማ “የብልናን” ኢሎም መለሱሉ። 6. ንሱ ከኣ “ነቲ መርበብ ናብ የማን ጃልባ ኣቢልኩም እሞ ደርብይዎ ክትረኽቡ ኢኹም” በሎም። ሽዑ ደርበይዎ እሞ፥ ካብ ብዝኂ እቲ ዓሣ ዝተላዕለ ምስሓቡ ሰኣኑ። 7. እቲ ኢየሱስ ዜፍቅሮ ወደ መዝሙር ከኣ ንጴጥሮስ “ጐይታ እምበር እዩ” በሎ። ስምዖን ጴጥሮስ ድማ ጐይታ ምዃኑ ምስ ሰምዐ ጥራዩ ስለ ዝነበረ፥ ክዳኑ ተዓጢቑ ናብ ባሕሪ ዘለለ። 8. እቶም ካልኦት ደቀ መዛሙርቲ ድማ ኻብ ምድሪ ሚእቲ ሜትር ዚኣክል ጥራይ ርሒቖም ስለ ዝነበሩ፥ ነቲ ዓሣ ዝመልአ መርበብ ብጃልባ እናሰሓብዎ መጹ። 9. ናብ ምድሪ ምስ ወረዱ ኸኣ ኣብ ልዕሊኡ ዓሣ ዘለዎ ጓህርን እንጌራን ረኣዩ። 10. ኢየሱስ ከኣ ኻብዚ ሕጂ ዝገፈፍኩምዎ ዓሣ ኣምጽኡልና በሎም። 11. ስምዖን ጴጥሮስ ናብታ ጃልባ ደይቡ ነቲ ሚእትን ኃምሳን ሠለስተን ገዘፍቲ ዓሣ ዝመልአ መርበብ ናብ ምድሪ ጓተቶ። ክሳብ ክንድዚ ብዙኃት ከለዉ እቲ መርበብ ኣይተቐደን። 12. ኢየሱስ ድማ “ንዑ ቚረሱ” በሎም። እቶም ደቀ መዛሙርቱ ኸኣ ጐይታ ምዃኑ ስለ ዝፈለጡ ኻብኣቶም ሓደ እኳ “ንስኻ መን ኢኻ” ኢሉ ኺሓቶ ዝደፈረ ኣይነበረን። 13. ኢየሱስ መጺኡ ነቲ እንጌራ ኣልዒሉ ሃቦም፥ ከምኡውን ነቲ ዓሣ። 14. ኢየሱስ ድኅሪ ካብ ምውታት ምትንሣኡ ንደቀ መዛሙርቱ ዝተገልጸሎም እዚ ሣልሳይ ጊዜ እዩ። ብወልድ ዝአምን ናይ ዘልኣለም ሕይወት ኣለዎ።

ቅዳሴ Liturgy :

መዝሙረ ዳዊት Psalm

ነፍሰይ ብእግዚኣብሄር ክትሕበን እያ፣ ትሑታት እዚ ሰሚዖም ኪሕጐሱ እዮም። ንእግዚኣብሄር ምሳይ ኣዕብይዎ፣ ንስሙ ሐቢርና ልዕል ነብሎ።

ወንጌል Gospel

23. ኢየሱስ ድማ መሊሱ ከምዚ በሎም፦ “ወዲ ሰብ ዚኸብረላ ሰዓት በጺሓ እያ። 24. ፍረ ስርናይ ኣብ ምድሪ ወዲቓ እንተ ዘይሞተት በይና እያ እትነብር። እንተ ሞተት ግና ብዙኅ ፍረ ኸም እትፈሪ፥ ብሓቂ ብሓቂ እብለኩም ኣሎኹ። 25. እቲ ንሕይወቱ ዚፈትዋ ኬጥፍኣ እዩ፥ እቲ ንሕይወቱ ኣብዛ ዓለም እዚኣ ዚጸልኣ ግና ንዘለዓለም ሕይወት ኪሕልዋ ኢዩ። 26. እቲ ዜገልግለኒ ዘበለ ይስዓበኒ፤ ኣብቲ ኣነ ዘሎኽዎ እቲ ዜገልግለኒ ኸኣ ኣብኡ ኪህሉ እዩ። ነቲ ዜገልግለኒ ዘበለ ኸኣ ኣቦይ ኬኽብሮ እዩ። 27. “ሕጅስ ነፍሰይ ተጨኒቓ ኣላ፥ እንታይ እሞ ኽብል እየ፧ 'ኦ ኣቦ፥ ካብዛ ሰዓት እዚኣ ኣድኅነኒ'፧ ግና፥ ምእንትዚ እንድየ ናብዛ ሰዓት እዚኣ ዝበጻሕኩ። 28. ኣቦ ንስምካ ኣኽብሮ።” ሽዑ ካብ ሰማይ “ኣነ ኣኽቢረዮ ኣሎኹ፥ ከም ብሓድሽውን ከኽብሮ እየ” ዚብል ድምፂ መጸ። ብወልድ ዝአምን ናይ ዘልኣለም ሕይወት ኣለዎ።

መዝሙረ ዳዊት Psalm

ንሓዋሩ ኺነብር ጥፍኣትውን ከይርኢ፣ ሓደ እኳ ንሓዉ ዚብጀዎ፣ ጋር ነፍሲ ንአምላኽ ዚህበሉ የልቦን፣ ጋር ነፍሶም ክቡር፣ ንዘለአለም ከኣ ተሪፉ እዩ። ጠቢባን ከም ዚሞቱ፣ ዓሻን ደንቈሮን ሐቢሮም ከም ዚጠፍኡ፣ ገንዘቦም ድማ ንኻልኦት ከም ዚሐድጕሎምሲ ኺርኢ ደአ እዩ።

ወንጌል Gospel

7. እታ ገንሸል ፋሲካ ኺሓርዱላ ዚግባእ መዓልቲ በዓል ቅጫ ኸኣ መጸት። 8. ኢየሱስ ድማ ንጴጥሮስን ዮሓንስን “ገንሸል ፋሲካ ኽንበልዕሲ ኼድኩም ኣዳልዉልና” ኢሉ ለኣኾም። 9. ንሳቶም ከኣ “ኣበይ ከነዳሉ ትፈቱ፧” በልዎ። 10. ንሱ ድማ “እንሆ ኣብ ከተማ ምስ ኣቶኹም፥ ዕትሮ ማይ ዝፆረ ሰብኣይ ኪጓነፈኩም እዩ እሞ፥ ናብታ ዚኣትዋ ቤት ስዓብዎ። 11. ነቲ ብዓል ቤት ከኣ ‘እታ ምስ ደቀ መዛሙርተይ ገንሸል ፋሲካ ዝበልዓላ፥ መቐበል ኣጋይሽሲ ኣበይ እያ፧ ይብለካ ኣሎ መምህር’ በልዎ። 12. ንሱ ኸኣ ዝተነጽፈ ኣደራሽ ኣብ ደርቢ ኼርእየኩም እዩ፥ ኣብኡውን ኣዳልዉ” በሎም። 13. ከይዶም ከምታ ዝበሎም ረኸቡ፥ ገንሸል ፋሲካውን ኣዳለዉ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

13. እታ ንኣብርሃም ምስ ዘርኡ ንዓለም ከም ዚወርሳ ዝተዋህበቶ ተስፋ፥ በቲ ብእምነት ዚርከብ ጽድቂ እያ እምበር፥ ሕጊ ብምፍጻምሲ ኣይኮነትን። 14. እቶም ፈጸምቲ ሕጊ ዚወርሱ እንተ ዚኾኑ ግና እምነት ከንቱ ምኾነት፥ ተስፋ ኸኣ ዋጋ ኣይምነበራን። 15. ከመይ ሕግስ ቍጥዓ እዩ ዜምጽእ፥ ኣብቲ ሕጊ ዘይብሉ ግና ኣብኡ ምፍራስ ሕጊ የልቦን። 16. እታ ተስፋ ኻብ እምነት እያ፥ ስለዚ ዘርኢ ኣብርሃም ኵሎም ነዛ ተስፋ እዚኣ ብጸጋ ኺወርስዋ እዮም። እዚ ኸኣ ፈጸምቲ ሕጊ ጥራይ ዘይኮኑስ እቶም ከም ኣብርሃም ብእምነት ዚጸድቁውን እዮም። ከመይ ኣብርሃም ብእምነት ኣቦ ዅልና እዩ። 17. እዚ ድማ “ኣቦ ብዙኃት ኣሕዛብ ገይረካ እየ” ዚብል ተጻሒፉ ስለ ዘሎ እዩ። ኣብርሃም ኣብ ቅድሚ እቲ ዝኣመኖ ኣምላኽ ኣቦና እዩ። እዚ ኣምላኽ እዚ ንዝሞቱ ሕይወት ዚህብ፥ ንዘየለዉውን ናብ ህላዌ ዚጽውዕ እዩ። 18. ከምቲ “ዘርእኻ ኸምኡ ኺኸውን እዩ” ዚብል ዝተነግሮ፥ ኣብርሃም ኣብቲ ተስፋ ዘይብሉ፥ ተስፋ ብምግባር፥ ኣቦ ብዙኃት ከም ዚኸውን ኣመነ። 19. ኣብርሃም ወዲ ሚእቲ ዓመት ኣቢሉ ስለ ዝነበረ፥ ኪወልድ ከም ዘይክእልን ሳራውን ማኅፀና ከም ዝሞተ እናረኣየ እኳ እምነቱ ኣይደኸመን። 20. ግና ብእምነቱ እናበርትዐ ደኣ ንኣምላኽ ክብሪ ሃበ እምበር፥ በቲ ኣምላኽ ዝሃቦ ተስፋስ ኣይተጠራጠረን። 21. ኣምላኽ ነቲ ዝሃቦ ተስፋ ኺፍጽሞ ከም ዚኽእል ኣጸቢቑ ተረዲኡ ነበረ። 22. ስለዚ ድማ “እምነቱ ንጽድቂ ተቘጽረሉ።” 23. ግና “እቲ ንጽድቂ ተቘጽረሉ” ዚብል፥ ንኣብርሃም ጥራይ ኣይተጻሕፈን። 24. ንኣናውን እዩ። ንኣና በቲ ንኢየሱስ ጐይታና ካብ ምውታት ዘተንሥኦ ንእንኣምን ኸኣ ኺቚጸረልና እዩ። 25. ንሱ ምእንቲ ኃጢኣትና በጃ ዝኾነ፥ ንኣና ንኼጽድቕውን ካብ ሞት ዝተንሥአ እዩ።

ዘካልእ መልእክት Universal Epistle

19. ንሰኻስ ኣምላኽ ሓደ በይኑ ከም ዝኾነ ትኣምን ኣሎኻ። ጽቡቕ! ኣጋንንቲውን ይኣምኑን ይርዕዱን እዮም። 20. ግናኸ ኣታ ዓሻ ሰብ፥ እምነት ብዘይ ግብሪ ፍረ ዘይብላ ምዃና ክትፈልጥዶ ትደሊ ኢኻ፧ 21. ኣብርሃም ኣቦና ንይስሓቕ ወዱ ኣብ መሠውዒ ምስ ኣቕረቦ ብግብሩዶ ኣይጸደቐን፧ 22. እምነት ምስ ግብሪ ኾይና ከም ዝዓየየት፥ ከምኡውን ብግብሪ ገይራ ምልኣት ከም ዝረኸበት ትርኢ ኣሎኻ። 23. እቲ “ኣብርሃም ንኣምላኽ ኣመኖ፥ ጽድቂ ኾይኑውን ተቘጽረሉ” ዚብል ቃል ቅዱስ መጽሓፍ ተፈጸመ። በዚውን ዓርኪ ኣምላኽ ተባህለ። 24. ሰብ ብእምነት ጥራይ ዘይኮነስ ብግብሪ ኸም ዚጸድቕ ትርእዮ ኣሎኹም። 25. ከምኡ ኸኣ ረኣብ፥ እታ ኣመንዝራ፥ ነቶም ልኡኻት ምስ ተቐበለቶም፥ ብኻልእ መገዲውን ምስ ኣውፅኣቶም፥ ብግብራዶ ኣጸደቐትን፧ 26. እምበኣርከ ሥጋ ብዘይ መንፈስ ምውቲ ከም ዝኾነት እምነትውን ብዘይ ግብሪ ምውቲ እያ።

ግብረ ሃዋርያት Acts

12. ጴጥሮስ ነዚ ምስ ረአየ፥ ነቶም ሕዝቢ ኸምዚ ዚስዕብ እናበለ ተዛረቦም፡ - “ኣቱም ሰብ እስራኤል፥ ንምንታይ በዚ ትግረሙ፧ ብገዛእ ኃይልና ወይስ ብጽድቅና ነዚ ኪኸይድ ከም ዝገበርናዮስ ንምንታይ ንኣና ትጥምቱ ኣሎኹም፧ 13. ኣምላኽ ኣቦታትና፥ ኣምላኽ ኣብርሃምን ይስሓቅን ያእቆብን፥ ንወዱ ኢየሱስ ኣኽበሮ፥ ንስኻትኩም ግና ነቲ ጲላጦስ ‘ይፈታሕ’ ኢሉ ዝፈረደሉ ኣኅሊፍኩም ሃብኩምዎ፥ ኣብ ቅድሚ ጲላጦስ ከኣ ኸሓድኩምዎ። 14. እወ! ንስኻትኩም ነቲ ቕዱስን ጻድቕን ክሒድኩምሲ ነቲ ሰብ ዝቐተለ ሰብኣይ ኪፍትሓልኩም ለመንኩም። 15. ነቲ ወሃብ ሕይወት ቀተልኩምዎ፥ ንእኡ ኣምላኽ ካብ ምውታት ኣተንሥኦ፥ ንሕና ኸኣ ነዚ ምስክሩ ኢና። 16. ስሙ፥ ማለት ብስሙ ምእማን፥ ነዚ እትርእይዎን እትፈልጥዎን ሰብኣይ ኣጽንዖ፥ እታ ብኢየሱስ ምእማን ድማ ነዚ ኣብ ቅድሚ ዅላትኩም ምሉእ ጥዕና ሃበቶ። 17. “ሕጂ ድማ ኣኅዋተይ፥ ከምቶም መራሕትኹም ነዚ ብዘይ ፍላጥ ከም ዝገበርኩምዎ እፈልጥ ኣሎኹ። 18. ኣምላኽ ግና እቲ መሲሑ መከራ ኪቕበል ከም ዘለዎ፥ ኣቐዲሙ ብኣፍ ኵሎም ነብያት ከም ዝተዛረቦ፥ ከምኡ ፈጸሞ።

ስንክሳር Synaxarium

ቅዱስ ሜልዮስ ሰማዕት
ወብስጣውሮስ
ወሊጥሊስ
ወብዙሐን ሰማዕት
ወአብርሃም ወይስሐቅ ወያዕቆብ አበዊነ

መዝሙር Psalm

ካብቲ ዜጻውዱለይ መጻወድያን ካብ መፈንጠራ ገበርቲ እከይን ሐልወኒ። ኣነ ኽሐልፍ ከሎኹስ፣ ረሲኣን ኣብ መጻወድያኦም ይውደቑ።

ወንጌል Gospel

8. “ኣብ ቅድሚ ሰብ ንዚእመነኒ ዅሉ፥ ወዲ ሰብ ድማ ኣብ ቅድሚ መላእኽቲ ኣምላኽ ኪእመኖ እዩ። 9. እቲ ኣብ ቅድሚ ሰብ ዚኽሕደኒ ግና ኣብ ቅድሚ መላእኽቲ ኣምላኽ ኪከሓድ እዩ እብለኩም ኣሎኹ። 10. እቲ ኣንጻር ወዲ ሰብ ገለ ቓል ዜውፅእ ኪኅደገሉ እዩ፥ እቲ ንመንፈስ ቅዱስ ዚጸርፍ ግና ኣይኪኅደገሉን እዩ። 11. ናብ ቤት ጸሎት ኣይሁድን ገዛእትን ሰበ ሥልጣንን እንተ ወሰዱኹም ከመይ ወይስ እንታይ ከም እትምልሱ ወይ እንታይ ከም እትብሉ ኣይትጨነቑ። 12. “ምኽንያቱ በታ ሰዓት እቲኣ፥ እንታይ ክትብሉ ኸም ዚግብኣኩም መንፈስ ቅዱስ ኪምህረኩም እዩ።” 13. ሓደ ኻብቶም ሕዝቢ ድማ “መምህር! ንኃወይ ርስቲ ኺመቕለኒ ተዛረበለይ” በሎ። 14. ኢየሱስ ከኣ “ኣታ ሰብኣይ፥ ኣባኻትኩምከ ዳኛን መማቐልን ገይሩ መን ሸመኒ፧” በሎ። 15. ኣስዒቡ ኸኣ “ሕይወት ሰብ ብብዝኂ ገንዘብ ኣይኮነትን እሞ ተጠንቀቑ፥ ካብ ኵሉ ስስዐ ድማ ተሓለዉ” በሎም። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ኣብ ማእከል እቶም ኣስናኖም ኵናትን ፍላጻን፣ መላሕሶም ከኣ ስሑል ሰይፊ ዝዀነ ሰባት እድቅስ ኣሎኹ።

ወንጌል Gospel

37. ንጴጥሮስን ንኽልቲኦም ደቂ ዘብዴዎስን ምስኡ ተማሊኡ ኸኣ ኪጕህን ኪትክዝን ጀመረ። 38. ሽዑ “ብጓሂ ክሳዕ ሞት በጺሐ ኣሎኹ እሞ ኣብዚ ጽንሑ፥ ምሳይውን ንቕሑ” በሎም። 39. ቊሩብ ርሕቕ ኢሉ ብገጹ ተደፊኡ ጸለየ፥ “ኦ ኣቦይ! እዚ ዚከኣል እንተ ኾይኑስ፥ እዛ ናይ መከራ ጽዋዕ እዚኣ ኻባይ ትኅለፍ። እንተኾነ ከም ፍቓድካ ደኣ ይኹን እምበር ከም ፍቓደይ ኣይኹን” እውን በለ። 40. ናብ ደቀ መዛሙርቱ ምስ ተመልሰ ኸኣ ደቂሶም ረኸቦም እሞ ንጴጥሮስ “ክሳዕ ክንድዚዶ ሓንቲ ሰዓት እኳ ምሳይ ምንቃሕ ኣይከኣልኩምን፧ 41. እምበኣር ናብ ፈተና ኸይትኣትዉስ ንቕሑን ጸልዩን፥ መንፈስ ድልዊ እዩ፥ ሥጋ ግና ድኹም እዩ” በሎ። 42. ካልኣይ ጊዜ ኸይዱ ኸኣ “ኦ ኣቦይ! እዛ ጽዋዕ እዚኣ ኸይሰቴኽዋ ኽትኃልፍ ዘይከኣል እንተ ኾይኑስ ፍቓድካ ይኹን” እናበለ ከም ብሓድሽ ጸለየ። 43. ከም እንደገና ተመሊሱ ኸኣ ኣዕይንቶም ባዕዚዘን ስለ ዝነበራ ደቂሶም ረኸቦም። 44. ኃዲግዎም ከም ብሓድሽ ከይዱውን ከምቲ ቕድም ኢልዎ ዝነበረ ቓል ሣልሳይ ጊዜ ጸለየ። 45. ሽዑ ናብቶም ደቀ መዛሙርቱ ተመሊሱ “ሕጂውን ገና ደቂስኩምን ኣዕሪፍኩምን ኣሎኹም፧ እምበኣር እቲ ንወዲ ሰብ ናብ ኢድ ኃጥኣን ኣኅሊፎም ዚህቡሉ እዋን በጺሑ እዩ። 46. ተንሥኡ፥ ንኺድ፥ እቲ ኣኅሊፉ ዚህበኒ እንሆ ቐሪቡ ኣሎ” በሎም። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መዝሙረ ዳዊት Psalm

በታ ሰራዊትካ እተኽትተላ መዓልቲ ህዝብኻ ፈትዩ ይመጽእ፣ ከምቲ ኻብ ከርሲ ወጋሕታ ዚመጽእ ኣውሊ ከምኡ መንእሰይካ ብልብሲ ቕድስና ይመጹኻ።

ወይ

መዝ 83 ፡ 1 - 2

ዎ ኣምላኽ፣ ስቕ ኣይትበል፣ ኣታ ኣምላኽ፣ ዓባስ ኣይትኹን፣ ዝግ አይትበል። እንሆ፣ ጸላእትኻ የውክዑ፣ ዚጸልኡኻውን ርእሶም የልዕሉ አለዉ።

ወንጌል Gospel

66. - 67. ምድሪ ምስ ወግሐ፥ ዓበይቲ ሕዝብን ሊቃነ ካህናትን መምህራን ሕግን ተኣኪቦም፥ “ንስኻ እቲ ክርስቶስ እንተ ዄንካስ እስከ ንገረና፧” እናበሉ ናብ መጋባእያኦም ወሰድዎ። ንሱ ኸኣ “እንተ ነገርኩኹም ኣይትኣምኑን፥ 68. እንተ ሓተትኩኹም ድማ ኣይትምልሱን ኣይትፈትሑንንውን ኢኹም። 69. ወዲ ሰብ ግና ካብ ሕጂ ኣብ የማን ኃይሊ ኣምላኽ ኪቕመጥ እዩ” በሎም። 70. ኵሎም ከኣ “እምበኣርከ ንስኻስ ወዲ ኣምላኽ ኢኻ፧” በልዎ። ንሱ ኸኣ፥ “ኣነ ኸምኡ ከም ዝኾንኩስ ንስኻትኩም እኳ ትብሉ ኣሎኹም” በሎም። 71. ንሳቶም ከኣ “ባዕላትና ኻብ ኣፉ ካብ ሰማዕናኸ፥ ደጊም እንታይ ምስክር የድልየና፧” በሉ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

7. ኢየሱስ ኣብዛ ምድሪ እዚኣ ኸሎ፥ ናብቲ ኻብ ሞት ኬድኅኖ ዚኽእል፥ ብብርቱዕ ገዓርን ንብዓትን፥ ጸሎትን መህልላን ኣቕረበ። ንኣምላኽ ዚእዘዝ ስለ ዝነበረ ኸኣ ተሰምዐ። 8. ወዲ ኣምላኽ እኳ እንተ ኾነ፥ በቲ ዝተቐበሎ ስቓይ እዙዝ ምዃን ተማህረ። 9. ዕዮኡ ምስ ፈጸመ ድማ ነቶም ዚእዘዝዎ ዘበሉ ዅላቶም ናይ ዘለዓለም ድኅነት ምኽንያት ኮኖም። 10. ኣምላኽ ከኣ ከም መዓርግ መልከጼዴቅ ሊቀ ካህናት ገበሮ። 11. ብዛዕባዚ ነገር እዚ ዝበሃል ብዙኅ ነይሩና፥ ዘይትሰምዑ ድንዙዛት ስለ ዝኾንኩም ግና ኽንገልጸልኩም ብርቱዕ እዩ። 12. ሕጅስ ድሮ መማህራን ክትኮኑ እኳ ምተገበኣኩም ነይሩ። እንተኾነ፥ ብዛዕባ ቓል ኣምላኽ መባእታ ትምህርቲ ከም ብሓድሽ ዝምህረኩም የድልየኩም ኣሎ። ጸባ ደኣ እምበር ዕጹም ብልዒ ኣየድልየኩምን እዩ። 13. ጸባ ዚቕለብ ዘበለ ዅሉ፥ ቈልዓ ስለ ዝኾነ፥ ብዛዕባ ነገር ጽድቂ ተመክሮ የብሉን። 14. ዕጹም ብልዒ ግና ነቶም ጽቡቕን ክፉእን ንምፍላይ ብተመክሮ ገዛእ ርእሶም ዜላምዱ ብጹሓት እዩ።

ዘካልእ መልእክት Universal Epistle

8. ኣምላኽ ፍቕሪ እዩ እሞ፥ እቲ ዘየፍቅር ንኣምላኽ ኣይፈልጦን እዩ። 9. ኣምላኽ ንፍቕሩ፥ ብወዱ ብሕይወት ምእንቲ ክንነብር፥ ነቲ ሓደ ወዱ ናብ ዓለም ብምልኣኹ ገለጸልና። 10. ፍቕሪ ማለት ከኣ ኸምዚ እዩ፥ ኣምላኽ ባዕሉ ስለ ዘፍቀረና ንኃጢኣትና ኼርሕቕ ኢሉ ንወዱ ስለ ዝሰደደልና እዩ እምበር ንሕና ስለ ዘፍቀርናዮ ኣይኮነን። 11. ኣቱም ኣኅዋተይ፥ ኣምላኽ ከምዚ ገይሩ ኻብ ኣፍቀረና፥ ንሕናውን ንሓድሕድና ኽንፋቐር ይግብኣና እዩ። 12. ንኣምላኽ ዝረአዮ ሓደ እኳ የልቦን። ንሓድሕድና እንተ ተፋቐርና ኣምላኽ ኣባና ይነብር፥ ፍቕሩውን ኣባና ትፍጸም። 13. ካብ መንፈሱ ስለ ዝሃበና፥ ንሕና ኣብኡ ንሱውን ኣባና ኸም ዚነብር ንፈልጥ ኢና። 14. ኣቦ ንወዱ መድኃን ዓለም ኪኸውን ከም ዝለኣኾ ረአና፥ ንምስክርውን ኣሎና። 15. ኢየሱስ ወዲ ኣምላኽ ምዃኑ ዚእመን ኣምላኽ ኣብኡ ይነብር፥ ንሱውን ኣብ ኣምላኽ ይነብር። 16. ንሕናውን ነታ ኣምላኽ ኣባና ዘላቶ ፍቕሪ ፈሊጥናያን ኣሚንናያን ኣሎና። ኣምላኽ ፍቕሪ እዩ፥ እቲ ኣብ ፍቕሪ ዚነብር ከኣ ኣብ ኣምላኽ ይነብር፥ ኣምላኽውን ኣብኡ ይነብር። 17. ብመዓልቲ ፍርዲ ትብዓት ምእንቲ ኺህልወና እታ ፍቕሪ ኣባና ምልኣት ረኸበት። ምኽንያቱ ኣብዛ ዓለም እዚኣ ከምቲ ኢየሱስ ዝነበሮ ኢና እንነብር ዘሎና።

ግብረ ሃዋርያት Acts

32. “ንሕና ኸኣ ነቲ ኣምላኽ ነቦታትና ኣተስፍይዎም ዝነበረ ነበሥረኩም ኣሎና። 33. ምኽንያቱ ኣብ ካልኣይ መዝሙር ዳዊት፡ - ‘ንስኻ ወደይ ኢኻ፥ ኣነ ኸኣ ሎሚ ወለድኩኻ’ ዚብል ጽሑፍ ከም ዘሎ፥ ኣምላኽ ንኢየሱስ ካብ ሞት ከም ዚትንሥእ ብምግባር ናባና ናብ ደቆም ነዚ ተስፋ እዚ ፈጸሞ። 34. ከምቲ፡ - ‘ነቲ ቅዱስን እሙንን በረኸት ዳዊት ክህበኩም እየ’ ኢሉ ዝተዛረቦ፥ ከም ብሓድሽ ምብስባስ ከይርኢ ካብ ምውታት ኣተንሥኦ። 35. ከምኡ ኸኣ ኣብ ካልእ መዝሙር፡ - ‘ንቕዱስካ ምብስባስ ኪርኢ ኣይትገድፎን ኢኻ’ ይብል። 36. ዳዊት ግና ብዘመኑ ከም ፍቓድ እግዚኣብሔር ኣገልግሎቱ ምስ ፈጸመ ዓረፈ፥ ተቐቢሩ ኸኣ ምብስባስ ረኣየ። 37. እቲ ኣምላኽ ዘተንሥኦ ግና ምብስባስ ኣይረኣየን። 38. - 39. እምብኣርሲ ኣቱም ኣኅዋትና፥ እዚ ዚንገረኩም ዘሎ መልእኽቲ ‘ኅድገት ኃጢኣት ብኢየሱስ እዩ’ ዚብል ከም ዝኾነ ፍለጡ። እቲ ብሕጊ ሙሴ ኺጸድቕ ዘይተኻእሎ፥ ነፍስ ወከፍ ብኢየሱስ ዚኣምን ዘበለ ይጸድቕ።

ስንክሳር Synaxarium

ተዝካረ ልደቱ ለእግዚእነ
ወአርስጠቦሉ ሐዋርያ ፩ ዘእም ፸ወ፪ አርድእት
ወአባ አካክስዩስ
ወአባ ገሞስ
ወብዙሐን ሰማዕታት

መዝሙር Psalm

ስለ ምግፋዕ ጥቑዓትን ስለ ልቕሶ መሳኪንን ሕጂ ኽትንስእ፣ ነቲ ዚናፍቖውን ምድሓን ከምጽአሉ እየ፣ ይብል እግዚኣብሄር። ቃላት እግዚኣብሄር ጽሩይ ቃላት እዩ።

ወንጌል Gospel

60. እንተኾነ ብዙኃት ሓሰውቲ መሰኻኽር እኳ እንተ ቐረቡ፥ ሓንቲ ኣይረኸቡን። 61. ድኃር ግና ኽልተ ቐሪቦም “እዚ ሰብ እዚ ‘ንቤት መቕደስ ኣምላኽ ኣፍሪሰ ብሠለስተ መዓልቲ ኽሓንጾ እኽእል እየ’ ኢሉ ተዛሪቡ” በሉ። 62. እቲ ሊቀ ካህናት ከኣ ተንሢኡ “ነዚ እዚኣቶም ኣብ ልዕሌኻ ዚምስክርዎ ዘለዉስ እኳዶ ገለ ኣይትመልሰሉን ኢኻ፧” በሎ። 63. ኢየሱስ ግና ኣይመለሰሉን። እቲ ሊቀ ካህናት ከኣ “ንስኻ እቲ ክርስቶስ ወዲ ኣምላኽ እንተ ዄንካስ ክትነግረና በቲ ሕያው ኣምላኽ አምሕለካ ኣሎኹ” በሎ። 64. ኢየሱስ ከኣ “ንስኻ እኳ ትብል ኣሎኻ፥ ድኅሪ ሕጂ ግና ወዲ ሰብ ኣብ የማን ኃይሊ እግዚኣብሔር ተቐሚጡ ብደመና ሰማይ ኪመጽእ ከሎ ክትርእይዎ ኢኹም እብለኩም ኣሎኹ” በሎ። 65. - 66. ድኅርዚ እቲ ሊቀ ካህናት ክዳኑ እናቐደደ “እንሆ ይጸርፍ ኣሎ፥ ጸርፉውን ትሰምዑ ኣሎኹም፥ ደጊም ደኣ እንታይ ምስክር የድልየና፧ እንታይከ ይመስለኩም፧” በለ። ንሳቶም ከኣ “ሞት ይግብኦ” ኢሎም መለሱሉ። 67. ሽዑ ኣብ ገጹ ጡፍ በሉሉ፥ ገሊኦም ድማ ወቕዕዎ። 68. “ኦ መሲሕ፥ መን እዩ ዝወቕዓካ፧ እስከ ተነበየልና፧” እናበሉ ኸኣ ይጸፍዕዎ ነበሩ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ዚርእዩኒ ዘበሉ የባጭዉለይ፣ ኣብ እግዚኣብሄር ይተዐቘብ፣ እስኪ የናግፎ፣ ብሂግዎ እዩ እሞ፣ ንሱ የድሕኖ፣ ኢሎም ርእሶም እናነቕነቑ ኸናፍሮም ይርምጥጡለይ ኣለዉ።

ወንጌል Gospel

36. ኣብኡ ተቐሚጦም ከኣ ይሕልውዎ ነበሩ። 37. ኣብ ልዕሊ ርእሱ ድማ “እዚ ኢየሱስ ንጉሥ ኣይሁድ እዩ” ዚብል ናይ ክሱ ጽሑፍ ኣንበሩሉ። 38. ሽዑ ምስኡ ኽልተ ጐሓሉት፥ ሓደ ብየማኑ ሓደ ድማ ብጸጋሙ፥ ተሰቕሉ። 39. እቶም ብጥቕኡ ዚኃልፉ ዝነበሩ ድማ ርእሶም እናነቕነቑ፥ 40. “ኣታ ንቤት መቕደስ ኣፍሪስካ ብሠለስተ መዓልቲ እትሓንጽ፥ እስከ ንርእስኻ ኣድኅን፧ ወዲ ኣምላኽ እንተ ደኣ ዄንካስ እስከ ኻብ መስቀል ውረድ!” እናበሉ ይጸርፍዎ ነበሩ። 41. ከምኡ ድማ እቶም ሊቃነ ካህናት ምስ መምህራን ሕግን ሽማግለታትን ኮይኖም፡ - 42. “ንኻልኦት ኣድኃነ ንርእሱ ግና ኬድኅን ኣይከኣለን፥ ንሱ ንጉሥ እስራኤል እንተ ድኣ ኾይኑስ እስከ ሕጂ ኻብ መስቀል ይውረድ፥ ንሕና ኸኣ ብእኡ ክንኣምን፥ 43. ንሱ ብኣምላኽ ተኣሚኑ እዩ፥ ‘ኣነ ወዲ ኣምላኽ እየ’ እውን ኢሉ እዩ እሞ፥ ዜፍቅሮ እንተ ደኣ ኾይኑስ እስከ ሕጂ የድኅኖ” እናበሉ የላግጹሉ ነበሩ። 44. ከምኡ ኸኣ እቶም ምስኡ ዝተሰቕሉ ጐሓሉት የላግጹሉ ነበሩ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መዝሙረ ዳዊት Psalm

ሓይሎም ብኣኻ ዝዀነ፣ ብልቦም ንመገድኻ ዚሐስቡ ሰባት ብጹኣን እዮም። ብለሰ ብኽያት ኪሐልፉ ኸለዉ፣ ዓይኒ ማያት ይገብርዎ፣ ዝናም አዝመራውን ብበረኸት ይኸድኖ።

ወንጌል Gospel

1. ኣስዒቡ ኸኣ ኢየሱስ ከምዚ በለ፦ “እቲ ናብ ደምበ ኣባጊዕ ብኣፍ ደገ ዘይኣቱ፥ ብኻልእ ወገን ዚሓኵር፥ ንሱ ሰራቕን ጒሒላን ከም ዝኾነ ብሓቂ፥ ብሓቂ እብለኩም ኣሎኹ። 2. እቲ ብኣፍ ደገ ዚኣቱ ግና ንሱ ጓሳ ኣባጊዕ እዩ። 3. ንእኡ እቲ ሓላው ኣፍ ደገ ይኸፍተሉ፥ እተን ኣባጊዕውን ድምፁ ይሰምዓ፥ ነተን ኣባጊዑ ኸኣ በብስመን ጸዊዑ የውፍረን። 4. ንዅለን ነተን ኣባጊዑ ምስ ኣውፈረን ድማ ቀቅድሚአን ይኸይድ፥ እተን ኣባጊዑውን ድምፁ ስለ ዘለልያ ይስዕባኦ። 5. ንጓና ግና ድምፁ ስለ ዘየለልያ፥ ኻብኡ ይገልባ እምበር ኣይስዕባኦን እየን።” 6. ኢየሱስ ነዚ ምስላ እዚ መሰለሎም፥ ንሳቶም ግና ነቲ ዝተዛረቦም ኣየስተውዓልዎን። 7. ስለዚውን ኢየሱስ ከም ብሓድሽ ከምዚ በሎም፦ “ብሓቂ፥ ብሓቂ እብለኩም ኣሎኹ፥ እቲ ኣፍ ደገ ኣባጊዕ ኣነ እየ። 8. እቶም ቅድመይ ዝመጹ ዅላቶም ሰረቕትን ጐሓሉትን እዮም፥ እተን ኣባጊዕ ግና ኣይሰምዓኦምን እየን። 9. እቲ ኣፍ ደገ ኣነ እየ፤ ብኣይ ዚኣቱ ኪድኅን እዩ፤ ኪኣቱን ኪወፍርን እዩ፤ መጓሰዪውን ኪረክብ እዩ። 10. ሰራቒ ኪሰርቕን ኪሓርድን ኬጥፍእን እንተ ዘይኮይኑ ኣይመጽእን እዩ፤ ኣነ ግና ሕይወት ምእንቲ ኺረኽባ፥ ብምልኣትውን ምእንቲ ኺረኽባ እየ ዝመጻእኩ። 11. “ሕያዋይ ጓሳ ኣነ እየ፥ እቲ ሕያዋይ ጓሳ ሕይወቱ በጃ ኣባጊዑ ኣኅሊፉ ይህብ። 12. እቲ ጓሳ ዘይኮነ ብዓል ዓስቢ ግና፥ እተን ኣባጊዕ ዘይጥሪቱ ስለ ዝኾና ተዅላ ኪመጽእ እንተ ረኣየ፥ ነተን ኣባጊዕ ኃዲግወን ይሃድም፥ እቲ ተዅላ ድማ ነተን ኣባጊዕ ይዝርፈን ፋሕውን የብለን። 13. ብዓል ዓስቢ ስለ ዝኾነ ይሃድም፥ ግዲ እተን ኣባጊዕውን የብሉን። 14. - 15. ሕያዋይ ጓሳ ኣነ እየ፤ ኣቦ ነኣይ ከም ዚፈልጠኒ ኣነውን ንኣቦ ከም ዝፈልጦ፥ ነባጊዐይ እፈልጠን እየ፤ እተን ኣባጊዐይውን ይፈልጣኒ እየን፤ ንሕይወተይ ከኣ በጃ እተን ኣባጊዕ አኅልፋ። 16. ካብዚ መጓሰ እዚ ዘይኮና ኻልኦት ኣባጊዕውን ኣለዋኒ፥ ንኣኣተን ድማ ኸምጽአን እየ፥ ቃለይውን ኪሰምዓ እየን፥ ሓደ መጓሰን ሓደ ጓሳን ከኣ ኪኾና እየን። 17. ኣነ ንሕይወተይ በጃ ኣኅሊፈ ዝህባ መሊሰውን ዝወስዳ ስለ ዝኾንኩ ኣቦ የፍቅረኒ እዩ። 18. ባዕለይ እየ በጃ ኣኅሊፈ ዝህባ እምበር ካባይ ዚወስዳስ ሓደ እኳ የልቦን፤ በጃ ኸኅልፋ፥ መሊሰውን ክወስዳ ሥልጣን ኣሎኒ፤ ነዚ ትእዛዝ እዚ ካብ ኣቦይ እየ ዝተቐበልክዎ።” ብወልድ ዝአምን ናይ ዘልኣለም ሕይወት ኣለዎ።

መልእክተ ጳውሎስ Pauline Epistle

5. ንስኻ ግና ንገዛእ ርእስኻ ተጠንቀቕ፥ ብጊዜ መከራ ጽናዕ፥ ግብሪ ወንጌላዊ ግበር፥ ኣገልግሎትካ ፈጽም። 6. ኣነስ ድሮ ኽሥዋዕ ቀሪበ ኣሎኹ። መዓልቲ ሞተይውን በጺሓ እያ። 7. ሠናይ ገድሊ ተጋዲለ እየ፥ ጕያይ ወዲአ እየ፥ ነታ እምነት እውን ሓልየያ እየ። 8. ደጊም እቲ ቅኑዕ ፈራዲ ዝኾነ ጐይታ በታ መዓልቲ እቲኣ ዝህበኒ ኣኽሊል ጽድቂ ተነቢሩለይ ኣሎ። እዚ ግና ነቶም ንምግላጹ ሃረር ዝብሉ ዅላቶም ድማ እዩ እምበር ንኣይ ጥራይ ኣይኮነን። 9. ቀልጢፍካ ናባይ ከም እትመጽእ ግበር። 10. ከመይ ዴማስ ነዛ ዓለም እዚኣ ስለ ዝፈተዋ ኃዲጉኒ ናብ ተሰሎንቄ ኸይዱ እዩ። ቄርቂስን ንገላትያ፥ ቲቶውን ንድልማጥያ ከይዶም እዮም። 11. ሉቃስ ጥራይ እዩ ምሳይ ዘሎ። ማርቆስ ንዕዮ ስለ ዚጠቕመኒ ኽትመጽእ ከሎኻ ምሳኻ ተማልኣዮ። 12. ንቲኪቆስ ግና ናብ ኤፌሶን ሰዲደዮ ኣሎኹ። 13. ክትመጽእ ከሎኻ፥ እቲ ኣብ ጢሮኣዳ ምስ ቀርጳ ዝኃደግክዎ ባርኖስን እቲ መጻሕፍትን፥ ምናዳ እቲ ብራናታት፥ ተማልኣለይ። 14. እስክንድሮስ፥ እቲ ኣንጠረኛ፥ ብዙኅ ክፉእ ገይሩኒ እዩ። እግዚኣብሔር ከምታ ግብሩ ኺፈድዮ እዩ። 15. ንሱ ነቲ መልእኽትና ብዙኅ ይፃረሮ እዩ እሞ ንስኻ ድማ ካብኡ ተጠንቀቕ። 16. መጀመርታ ጊዜ ክማጐት ከሎኹ፥ እግዚኣብሔር ኣይኃዘሎም፥ ዅላቶም ጠለሙኒ እምበር ሓደ እኳ ምሳይ ኣይነበረን። 17. እቲ ወንጌል ብምልኣት ብኣይ ምእንቲ ኪስበኽ፥ ኵሎም ኣሕዛብውን ምእንቲ ኪሰምዕዎ ግና ጐይታ ምሳይ ኮይኑ ኣበርትዓኒ፥ ካብ ኣፍ ኣንበሳውን ኣናገፈኒ። 18. እግዚኣብሔር ካብ ዅሉ እኩይ ግብሪ ከናግፈኒ፥ ብደኃን ሓልዩ ኸኣ ናብታ ሰማያዊት መንግሥቱ ኼእትወኒ እዩ። ንእኡ ካብ ዘለዓለም ንዘለዓለም ክብሪ ይኹኖ። ኣሜን።

ዘካልእ መልእክት Universal Epistle

6. ደጊም ብጊዜኡ ንሱ ልዕል ምእንቲ ኼብለኩም ኣብ ትሕቲ እታ ጽንዕቲ ኢድ ኣምላኽ ትሕት በሉ። 7. ንሱ ይሓልየልኩም እዩ እሞ ንዅሉ ኃልዮትኩም ኣብኡ ኣውድቕዎ። 8. ዲያብሎስ፥ እቲ መጻርርትኹም፥ ዚውሕጦ ደልዩ ከም ዚጓዝም ኣንበሳ ይዘውር ኣሎ እሞ ተጠንቀቑ፥ ንቕሑ። 9. ኣብ እምነት ጸኒዕኩም ተቓወምዎ፥ ምኽንያቱ ነቶም ኣብ ምሉእ ዓለም ዘለዉ ኣኅዋትኩምውን እዚ መከራ እዚ ይበጽሖም ከም ዘሎ ትፈልጡ ኢኹም። 10. እቲ ብክርስቶስ ኢየሱስ ናብ ናይ ዘለዓለም ክብሩ ዝጸወዓኩም፥ ኣምላኽ ዅሉ ጸጋ፥ ቊሩብ ጊዜ ሓሰረ መከራ ምስ ጸገብኩም፥ ንሱ ፍጹማት ኪገብረኩም፥ ኬጽንዓኩም፥ ኬበርትዓኩም፥ ኪሥርተኩምውን እዩ። 11. ንዘለዓለም ዓለም ንእኡ ኽብርን ሥልጣንን ይኹን። ኣሜን። 12. በቲ እሙን ምዃን ኣነ ዝፈልጦ ስልዋኖስ ኃውና ገይረ ነዛ ሓጻር መልእኽቲ እጽሕፈልኩም ኣሎኹ። እዚ ኸኣ ከተባብዓኩምን እዚ ናይ ሓቂ ጸጋ ኣምላኽ ምዃኑ ኽምስክርን ኢለ እየ። ኣብዚ ጸጋ እዚ ጸኒዕኩም ደው በሉ። 13. እታ መተኃርይትኹም ዝኾነት ኣብ ባቢሎን እትርከብ ቤተ ክርስቲያን ሰላም ትብለኩም ኣላ። ማርቆስ ወደይውን ሰላም ይብለኩም ኣሎ። 14. ብክርስቲያናዊ ፍቕሪ እናተሰዓዓምኩም ንሓድሕድኩም ሰላም ተበሃሃሉ። ብክርስቶስ ዘሎኹም ኵላትኩም ሰላም ይሃልኹም። ኣሜን።

ግብረ ሃዋርያት Acts

36. ድኅሪ ቚሩብ መዓልትታት ጳውሎስ ንበርናባስ “ንዓ ናብተን ቃል ጐይታ ዝመሃርናለን ኵለን ከተማታት ንመለስ፤ ነቶም ኣኅዋት ንብጽሓዮም፥ ከመይ ኢሎም ከም ዘለዉ ድማ ንርኣዮም” በሎ። 37. በርናባስ ከኣ ነቲ ማርቆስ ዚብሃል ዮሓንስ ምስኣቶም ኪማልኦ ደለየ። 38. ጳውሎስ ግና ማርቆስ ኣብ ጵምፍልያ ካብኣቶም ስለ ዝተፈልየን፥ ናብቲ ኣገልግሎት ከኣ ምስኣቶም ስለ ዘይመጸን ኪማልእዎ ኣይፈተወን። 39. ብዛዕባ እዚ ነገር እዚ ድማ ኣብ መንጎኦም ዘይምስምማዕ ስለ ዝተረኽበ ተፈላለዩ፤ በርናባስ ንማርቆስ ኂዙ ናብ ቆጵሮስ ብመርከብ ከደ። 40. ጳውሎስ ግና ንሲላስ ኃረየ፥ እቶም ኣኅዋት ኣብ ጸጋ እግዚኣብሔር ምስ ኣማኅፀንዎ ድማ ኻብኡ ተበገሰ። 41. ነተን ኣብያተ ክርስቲያን እናኣጸናንዐውን ብሶርያን ብቂልቅያን ዞረ።

ስንክሳር Synaxarium

ማርቆስ ወንጌላዊ በኲረ ፸ወ፪ አርድእት፤ ወሊቀ ጳጳሳት ዘሀገረ እስክንድርያ

መዝሙር Psalm

ኣብ ቅድሚ እግዚኣብሄር ሞት ቅዱሳኑ ኽቡር እዩ። ዎ እግዚኣብሄር፣ ኣነ ባርያኻ እየ፣ ባርያኻ፣ ወዲ እታ ባርያኻ እየ፣ መኣስረይ ፈታሕካ።

ወንጌል Gospel

1. ድኅርዚ ጐይታ ኻልኦት ሰብዓን [ክልተን] ሸመ። በብኽልተ ገይሩ ኸኣ ናብቲ ንሱ ዚኸዶ ዘበለ ኸተማን ስፍራን ቀቅድሚኡ ለኣኾም። 2. ከምዚ ኸኣ በሎም፦ “እኽሊ ብዝኅ እዩ፥ ዓየይቲ ግና ውሑዳት እዮም። ስለዚ ነቲ ጐይታ እኽሊ፥ ንእኽሉ ዓየይቲ ኪልእኽ ለምንዎ። 3. ደጊም ኪዱ፥ እንሆ፥ ኣነ ኸም ኣባጊዕ ናብ ማእከል ተዃሉ እሰደኩም ኣሎኹ። 4. ሳንጣ ወይ ለቖታ ወይ ኣሣእን ኣይትማልኡ፥ ኣብ መገዲ ኸኣ ንሓደ እኳ ሰላም ኣይትበሉ። 5. ኣብ እትኣትውዋ ቤት ቅድም ‘ነዛ ቤት እዚኣ ሰላም ይኹን’ በሉ። 6. ኣብኡ ፈታው ሰላም እንተሎ፥ ሰላምኩም ኣብኡ ኪኃድር እዩ። እንተ ዘየልቦ ግና ሰላምኩም ኪምለሰኩም እዩ። 7. ኣብታ ቤት ከኣ ተቐመጡ፥ ንዓያዪ ዓስቡ ይግብኦ እዩ እሞ፥ ዝቐረቡልኩም ብልዑን ስተዩን። ካብ ቤት ናብ ቤት ኣይትግዓዙ። 8. ኣብ እትኣትውዎ ኸተማውን እንተ ተቐበሉኹም ዝቐረቡልኩም ብልዑ። 9. ኣብኡ ንዘለዉ ሕሙማት ኣሕውዩ፥ ‘መንግሥቲ ኣምላኽ ናባኻትኩም ቀሪባ ኣላ’ ኸኣ በልዎም። 10. ኣብታ እትኣትውዋ ኸተማ እንተ ዘይተቐበሉኹም ግና፥ ናብ ኣደባባያ ወፂእኩም፥ 11. ‘እቲ ኻብ ከተማኹም ኣብ ኣእጋርና ዝለገበ ደሮና እኳ ንነግፈልኩም ኣሎና። እንተኾነ መንግሥቲ ኣምላኽ ናባኻትኩም ከም ዝቐረበት ፍለጡ’ በልዎም። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

እግዚኣብሄር ንዜፍቅርዎ ዅሎም ይሕልዎም፣ ንዅሎም ረሲኣን ግና የጥፍኦም። ኣፈይ ምስጋና እግዚኣብሄር ይዛረብ።

ወንጌል Gospel

12. ኣነ ምስኣቶም ከሎኹ በቲ ዝሃብካኒ ስምካ ሓሎኽዎም፥ ከምኡውን ተኸናኸንክዎም፥ እቲ ቕዱስ ጽሑፍ ምእንቲ ኺፍጸም ብዘይካ እቲ ወዲ ጥፍኣት ካብኣቶም ሓደ እኳ ዝጠፍእ የልቦን። 13. ሕጂ ግና ናባኻ እመጽእ ኣሎኹ፥ ሓጐሰይ ኣብኣቶም ምእንቲ ኪፍጸም ድማ እዚ ኣብ ዓለም እዛረብ ኣሎኹ። 14. ኣነ ቓልካ ሃብክዎም፥ ከምቲ ኣነ ናይ ዓለም ዘይኮንኩ ንሳቶምውን ናይ ዓለም ኣይኮኑን እሞ፥ ዓለም ጸልኣቶም። 15. ካብቲ ኽፉእ ክትሕልዎም እምበር ካብ ዓለም ክትወስዶም ኣይኮንኩን ዝልምን ዘሎኹ። 16. ከምቲ ኣነ ናይ ዓለም ዘይኮንኩ ንሳቶምውን ናይ ዓለም ኣይኮኑን። ብወልድ ዝአምን ናይ ዘልኣለም ሕይወት ኣለዎ።

መዝሙረ ዳዊት Psalm

መሠረታ ኣብ እቶም ቅዱሳን ኣኽራን ኢያ፤ እግዚኣብሄር ካብ ኵሉ ማሕደራት ያእቆብሲ ንደጌታት ጽዮን የፍቅር እዩ።
 

ወንጌል Gospel

1. መጽሓፍ ወለዶ ኢየሱስ ክርስቶስ ወዲ ዳዊት፥ ወዲ ኣብርሃም እዚ ዚስዕብ እዩ፦ 2. ኣብርሃም ንይስሓቕ ወለደ፥ ይስሓቕ ንያዕቆብ ወለደ፥ ያዕቆብ ንይሁዳን ነኅዋቱን ወለደ፥ 3. ይሁዳ ኸኣ ኻብ ትእማር ንፋሬስን ንዛራን ወለደ፥ ፋሬስ ንኤስሮም ወለደ፥ ኤስሮም ንኣራም ወለደ፥ 4. ኣራም ንኣሚናዳብ ወለደ፥ ኣሚናዳብ ንነኣሶን ወለደ፥ ነኣሶን ንሰልሞን ወለደ፥ 5. ሰልሞን ካብ ረኣብ ንቦኤዝ ወለደ፥ ቦኤዝ ካብ ሩት ንእዮቤድ ወለደ፥ እዮቤድ ንእሴይ ወለደ፥ 6. እሴይ ንንጉሥ ዳዊት ወለደ። ንጉሥ ዳዊት ካብ ሰበይቲ ኦርዮ ንሰሎሞን ወለደ፥ 7. ሰሎሞን ንሮብዓም ወለደ፥ ሮብዓም ንኣብያ ወለደ፥ ኣብያ ንኣሳፍ ወለደ፥ 8. ኣሳፍ ንእዮሳፋጥ ወለደ፥ እዮሳፋጥ ንኢዮራም ወለደ፥ ኢዮራም ንዖዝያ ወለደ፥ 9. ዖዝያ ንእዮኣታም ወለደ፥ ኢዮኣታም ንኣካዝ ወለደ፥ ኣካዝ ንሕዝቅያስ ወለደ፥ 10. ሕዝቅያስ ንምናሴ ወለደ፥ ምናሴ ንኣሞጽ ወለደ፥ ኣሞጽ ንእዮስያስ ወለደ፥ 11. ኢዮስያስ ከኣ ብጊዜ ምርኮ ባቢሎን ንኢኮንያንን ነኅዋቱን ወለደ። 12. ድኅሪ ምርኮ ባቢሎን ድማ ኢኮንያን ንሰላትኤል ወለደ፥ ሰላትኤል ንዘሩባቤል ወለደ፥ 13. ዘሩባቤል ንኣብዩድ ወለደ፥ ኣብዩድ ንኤልያቄም ወለደ፥ ኤልያቄም ንኣዛር ወለደ፥ 14. ኣዛር ንሳዶቅ ወለደ፥ ሳዶቅ ንኣኪም ወለደ፥ ኣኪም ንኤልዩድ ወለደ፥ 15. ኤልዩድ ንኣልኣዛር ወለደ፥ ኣልኣዛር ንማታን ወለደ፥ ማታን ንያዕቆብ ወለደ፥ 16. ያዕቆብ ንዮሴፍ ሕጹይ ማርያም ወለደ፥ ካብኣ ድማ እቲ ክርስቶስ ዝተባህለ ኢየሱስ ተወልደ። 17. እምበኣር ኵሉ ወለዶ፥ ካብ ኣብርሃም ክሳዕ ዳዊት ዓሠርተው ኣርባዕተ ወለዶ፥ ካብ ዳዊት ክሳዕ ምርኮ ባቢሎን ዓሠርተው ኣርባዕተ ወለዶ፥ ካብ ምርኮ ባቢሎን ክሳዕ ክርስቶስ ድማ ዓሠርተው ኣርባዕተ ወለዶ እዩ፦ ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

1. እታ ቐዳመይቲ ኪዳንውን ናይ ኣገልግሎት ሥነ ሥርዓትን ምድራዊ መቕደስን ነበራ። 2. ድንኳን ተተኺሉ ነበረ፥ እታ “ቕድስቲ” ተባሂላ እትጽዋዕ ቕድም እትርከብ ክፍሊ ድማ ቀዋሚ ቐንዴልን ሰደቓን ኅብስተ ቍርባንን ነበራ። 3. ብኽንየው እቲ ኻልኣይ መገረጃ ዘላ ኽፍሊ ድማ ቅድስተ ቅዱሳን ትበሃል ነበረት። 4. ኣብኣ ብወርቂ ዝተሠርሐ መዕጠንን ብዅሉ ወገኑ ብወርቂ ዝተለበጠ ታቦት ኪዳንን ነበረ። እዛ ታቦት እዚኣ መና ዝኃዘት ፍዮ ወርቅን ዝጠጥዐት በትሪ ኣሮንን ጽላት ኪዳንን ዝኃዘት ነበረት። 5. ኣብ ልዕሊ እቲ ታቦት ኸኣ ነቲ ኅድገት ኃጢኣት ዚርከበሉ ቦታ ዜጽልሉሉ ናይ ክብሪ ኪሩቤል ነበሩ። እንተኾነ ሕጂ ብዛዕባ እዚ ነገር እዚ ኣስፊሕና ኽንዛረብ ኣይንኽእልን ኢና። 6. ኸምዚ ኾይኑ ምስተዳለወ፥ እቶም ካህናት ዅሉ ሳዕ ኣብቲ ቐዳማይ ክፍሊ ናይቲ ድንኳን ኣገልግሎቶም ኪፍጽሙ ይኣትዉ። 7. ኣብቲ ኻልኣይ ክፍሊ ግና እቲ ሊቀ ኻህናት ጥራይ ሓንሳእ ኣብ ዓመት ይኣቱ፥ ግና እቲ ምእንቲ ርእሱን ምእንቲ እቶም ሕዝቢ ብዘይ ፍልጠት ዝገበርዎ ኃጢኣትን ዜቕርቦ ደም ከይኃዘ ኣይኣቱን እዩ። 8. እታ ቐዳመይቲ ክፍሊ ድንኳን ገና ቖይማ ክሳዕ ዘላ፥ እቲ ናብታ ቅድስተ ቅዱሳን ዜእቱ መገዲ ገና ከም ዘይተቐልዐ መንፈስ ቅዱስ የርኢ ኣሎ። 9. እዚ ምሳሌ ናይዚ ዘመን እዚ እዩ። እቲ ዚቐርብ ዚነበረ መባእን መሥዋዕትን ኸኣ ናይቲ ዜቕርብ ሰብ ሕሊና ኼንጽህ ከም ዘይክእል የመልክት። 10. እዚ እቲ ዘመን ምሕዳስ ክሳዕ ዚመጽእ ዚግበር ናይ ብልዕን መስተን ናይ በብዓይነቱ ዝኾነ ናይ ምንጻህ ግዳማዊ ሥርዓት ጥራይ እዩ።

ዘካልእ መልእክት Universal Epistle

8. - 9. ከይርአኹምዎ ተፍቅርዎ፥ ሕጂውን ከይርአኹምዎ ብእኡ ትኣምኑ ኣሎኹም፥ ነቲ ናይ እምነትኩም መደምደምታ ዝኾነ ድኅነት ነፍስኹም ምስ ተቐበልኩም ኸኣ ብኺንገር ዘይኸኣል ክቡር ሓጐስ ትሕጐሱ ኣሎኹም። 10. እቶም ብዛዕባ እቲ ንኣኻትኩም ዝተመደበ ጸጋ ዝተነበዩ ነቢያት፥ ብዛዕባዚ ምድኃን እዚ ብዓቢይ ጥንቃቐ መርመሩ። 11. እቲ ኣብኣቶም ኃዲሩ ብዛዕባ ስቓይ ክርስቶስን ብዛዕባ እቲ ዚስዕብ ክብሩን ዚንበ ዝነበረ መንፈስ ክርስቶስ፥ ብዛዕባ ኣየናይ ሰብን ኣየናይ ጊዜን የመልክት ከም ዝነበረ ይምርምሩ ነበሩ። 12. ኣምላኽ ኸኣ እቲ ኣገልግሎቶም ንኣኹም እምበር ንገዛእ ርእሶም ከም ዘይኮነ ገለጸሎም። እዚ ነገራት እዚ በቶም ካብ ሰማይ ዝተለእከ መንፈስ ቅዱስ ገይሮም ወንጌል ዝሰበኹልኩም ልኡኻት ሕጂ ተነጊሩኩም ኣሎ። ነዚ ነገር እዚ መላእኽቲውን ኪርእይዎ ይብህጉ እዮም።

ግብረ ሃዋርያት Acts

32. “ንሕና ኸኣ ነቲ ኣምላኽ ነቦታትና ኣተስፍይዎም ዝነበረ ነበሥረኩም ኣሎና። 33. ምኽንያቱ ኣብ ካልኣይ መዝሙር ዳዊት፡ - ‘ንስኻ ወደይ ኢኻ፥ ኣነ ኸኣ ሎሚ ወለድኩኻ’ ዚብል ጽሑፍ ከም ዘሎ፥ ኣምላኽ ንኢየሱስ ካብ ሞት ከም ዚትንሥእ ብምግባር ናባና ናብ ደቆም ነዚ ተስፋ እዚ ፈጸሞ። 34. ከምቲ፡ - ‘ነቲ ቅዱስን እሙንን በረኸት ዳዊት ክህበኩም እየ’ ኢሉ ዝተዛረቦ፥ ከም ብሓድሽ ምብስባስ ከይርኢ ካብ ምውታት ኣተንሥኦ። 35. ከምኡ ኸኣ ኣብ ካልእ መዝሙር፡ - ‘ንቕዱስካ ምብስባስ ኪርኢ ኣይትገድፎን ኢኻ’ ይብል። 36. ዳዊት ግና ብዘመኑ ከም ፍቓድ እግዚኣብሔር ኣገልግሎቱ ምስ ፈጸመ ዓረፈ፥ ተቐቢሩ ኸኣ ምብስባስ ረኣየ። 37. እቲ ኣምላኽ ዘተንሥኦ ግና ምብስባስ ኣይረኣየን። 38. - 39. እምብኣርሲ ኣቱም ኣኅዋትና፥ እዚ ዚንገረኩም ዘሎ መልእኽቲ ‘ኅድገት ኃጢኣት ብኢየሱስ እዩ’ ዚብል ከም ዝኾነ ፍለጡ። እቲ ብሕጊ ሙሴ ኺጸድቕ ዘይተኻእሎ፥ ነፍስ ወከፍ ብኢየሱስ ዚኣምን ዘበለ ይጸድቕ።

ስንክሳር Synaxarium

ልደታ ለእግዝእትነ ማርያም

መዝሙር Psalm

ጓል ጢሮስን ናይ ህዝቢ ሃብታማትን፣ ገጸ በረኸት ሒዞም፣ ሞገስካ ኺደልዩ እዮም። ጓል ንጉስ ኣብ ውሽጢ ዅለንትናኣ ኽብርቲ እያ፣ ክዳውንታ ወርቀዘቦ እዩ።

ወንጌል Gospel

25. ኣብ ጥቓ መስቀል ኢየሱስ ከኣ ኣዲኡን ኃብቲ እኖኡን፥ ማርያም ሰበይቲ ቀለዮጳን ማርያም መግደላዊትን፥ ደው ኢለን ነበራ። 26. ኢየሱስ ነዲኡ፥ ነቲ ዜፍቅሮ ወደ መዝሙርውን ኣብ ጥቓኣ ደው ኢሉ ምስ ረኣየ ነዲኡ፥ “ኣቲ ሰበይቲ! እንሆ ወድኺ” በላ። 27. ነቲ ወደ መዝሙር ከኣ “እንሃ ኣዴኻ” በሎ። እቲ ወደ መዝሙርውን ካብ ሽዑ ጀሚሩ ናብ ቤቱ ወሰዳ። 28. ድኅርዚ ኢየሱስ ኵሉ ኸም ዝተፈጸመ ፈሊጡ፥ እቲ ጽሑፍ ምእንቲ ኪፍጸም “ጸማእኩ” በለ። 29. ኣብኡ መጺጽ ዝመልኦ ኣቕሓ ነበረ። ሽዑ መጺጽ ዝመልኦ ሰፍነግ ኣብ ዘንጊ ስምዕዛ ገይሮም ናብ ኣፉ ኣቕረቡሉ። 30. ኢየሱስ ከኣ ነቲ መጺጽ ምስ ጠዓመ፥ “ተፈጸመ” በለ። ርእሱ ኣድነነ ነፍሱውን ወፀት። 31. ስለዚ ፥ ድሮ ሰንበት ስለ ዝነበረ፥ እታ ሰንበት እቲኣ ድማ ኽብርቲ በዓል ዓመት ስለ ዝነበረት፥ እቲ ሬሳታት ኣብ መስቀል ምእንቲ ኸይኃድር መሓዅልቶም ሰሰቢሮም ኬውርድዎ መራሕቲ ኣይሁድ ንጲላጦስ ለመንዎ። 32. ሽዑ እቶም ወተሃደራት መጺኦም መሓዅልቲ እቲ ቐዳማይን ናይቲ ምስኡ ዝተሰቕለ ኻልኣይን ሰበሩ። 33. ናብ ኢየሱስ ምስ መጹ ግና ድሮ ከም ዝሞተ ርእዮም መሓዅልቱ ኣይሰበርዎን። 34. ሓደ ኻብቶም ወተሃደራት ግና ጐድኑ ብዅናት ወግኦ፥ ብኡብኡ ኸኣ ደምን ማይን ወፀ። 35. እቲ ነዚ ዝረኣየ መስከረ፥ እቲ ምስክሩ ኸኣ ሓቂ እዩ፤ ንስኻትኩም ምእንቲ ኽትኣምኑ ድማ ንሱ ሓቂ ኸም ዝመስከረ ይፈልጥ እዩ። 36. እዚ ዝኾነ ኸኣ እቲ “ካብኡ ሓደ ዓጽሚ እኳ ኣይኪሰብሩን እዮም” ዚብል ጽሑፍ ምእንቲ ኺፍጸም እዩ። 37. ካልእ ጽሑፍውን “እቶም ዝወግእዎ ኪርእይዎ እዮም” ዚብል ኣሎ። ብወልድ ዝአምን ናይ ዘልኣለም ሕይወት ኣለዎ።

ቅዳሴ Liturgy :

መዝሙረ ዳዊት Psalm

ብመልሓሰይ ከይስሕት፣ ንመገድታተይ ክጥንቀቐለን፣ ረሲእ ኣብ ቅድመይ ከሎ፣ ንአፈይ ብልጓም ክገትእ እየ፣ በልኩ።
 

ወንጌል Gospel

7. ንሱስ ተንሢኡ እዩ፥ ኣብዚ የሎን። ነቲ ኣብ ገሊላ ኸሎ ‘ወዲ ሰብ ኣብ ኢድ ኃጥኣን ኪውሃብን ኪስቀልን፥ ብሣልሰይቲ መዓልቲውን ኪትንስእን ግዲ እዩ’ ኢሉ ዝነገረክን ዘክራኦ።” 8. ነቲ ቓሉ ድማ ዘክራኦ። 9. ካብቲ መቓብር ተመሊሰን ድማ እዚ ዅሉ ነቶም ዓሠርተው ሓደን ነቶም ካልኦት ኵሎምን ነገራኦም። 10. እተን እዚ ንሓዋርያት ዝነገራ ድማ ማርያም መግደላዊትን ዮሃናን ማርያም ኣደ ያዕቆብን እየን። ምስኣተንውን ካልኦት ኣንስቲ ነበራ። 11. እዚ ዘረባዚ ኣብ ቅድሚኦም ከም ዕሽነት መሲሉ ስለ ዝተራእዮም ኣይኣመንወንን። 12. ጴጥሮስ ግና ተንሢኡ ናብቲ መቓብር ጐየየ፤ ድንን ኢሉ እንተ ጠመተ ኸኣ፥ እቲ መግነዝ በይኑ ተነቢሩ ረኣየ። በቲ ዝኾነ ኸኣ እናተገረመ ናብ ቤቱ ተመልሰ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።